Author: નોબત સમાચાર
લાલપુરના કાનાલુસના આસામીને ચેક પરતના કેસમાં એક વર્ષની કેદ
ચેકની રકમ મુજબનો દંડ ભરવા આદેશઃ
જામનગર તા. ૨૧ઃ જામનગરના એક આસામીએ લાલપુરના કાનાલુસના શખ્સ સામે રૃા.૬ લાખ ૧૪ હજારના ચેક પરતની ફરિયાદ નોંધાવી હતી. તે કેસમાં અદાલતે આરોપીને એક વર્ષની કેદ અને ચેકની રકમનો દંડ ફટકાર્યાે છે.
જામનગરના ઈબ્રાહીમભાઈ હાજીભાઈ લાખા પાસેથી તેમના મિત્ર લાલપુર તાલુકાના કાનાલુસ ગામના ધર્મેન્દ્ર એ. ચૌહાણે ધંધાના વિકાસ માટે રૃા.૬ લાખ ૧૪ હજાર ઉછીના મેળવ્યા હતા. તે રકમ પરત આપવા માટે ધર્મેન્દ્ર ચૌહાણે ચેક આપ્યો હતો. તે ચેક બેંકમાંથી અપૂરતા નાણા ભંડોળના શેરા સાથે પરત ફરતા ઈબ્રાહીમભાઈએ કોર્ટમાં ફરિયાદ કરી હતી.
તે કેસ ચાલી જતાં અદાલતે ફરિયાદ પક્ષ દ્વારા રજૂ કરાયેલી દલીલો ગ્રાહ્ય રાખી આરોપી ધર્મેન્દ્ર ચૌહાણને તક્સીરવાન ઠરાવ્યા પછી એક વર્ષની કેદની સજા તથા ચેકની રકમ મુજબનો દંડ ફટકાર્યાે છે. દંડની રકમ ભરવામાં ન આવે તો વધુ ત્રણ મહિનાની કેદની સજા આપવામાં આવી છે. આરોપી સજાના હુકમ સમયે હાજર ન હોય તેની સામે વોરંટ ઈસ્યુ કરાયું છે. ફરિયાદી તરફથી વકીલ અબરારઅલી એ. ઘોરી રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
