જામનગરના કાનવીરડીની જીલ મકવાણાએ નેશનલ કરાટે ચેમ્પિયનશીપમાં મેળવ્યો ગોલ્ડ મેડલ

સેલ્ફ ડિફેન્સ કી રીત હૈ, ઈસલિએ યે બડી જીત હૈ

મનથી મજબૂત માણસ ગમે તેવા ઝંઝાવાતોનો સામનો કરી શકે છે. સંકલ્પ અને સંઘર્ષના ગુણને પ્રબળ બનાવવા પ્રાચીન ભારતમાં મલ્લ યુદ્ધ કે કુશ્તી જેવી રમતો હતી. આ જ શ્રેણીમાં માર્શલ આર્ટ એટલે કે કરાટે વિકસિત થયું. કરાટેને ભલે શારીરિક સૌષ્ઠવની રમત માનવામાં આવે, પરંતુ તેનાથી માનસિક પ્રગતિ પણ થાય છે. કરાટેમાં ચપળતા એ અગત્યનો ગુણ છે. તમે કેટલી ઝડપથી બચાવ અને પ્રતિકાર કરી શકો છો એજ કરાટેમાં અગત્યનું છે. જિંદગીમાં પણ આ જ સૂત્ર લાગુ પડે ને...? વર્તમાનમાં બેટી બચાવો - બેટી પઢાઓનું સૂત્ર ગુંજે છે, ત્યારે દીકરીઓ કરાટેમાં નામ ઉજ્જવળ કરે અને ઘટના આવકાર્ય અને પ્રેરક કહી શકાય, જામનગરના લાલપુર તાલુકાના નાનકડા કાનવીરડી ગામની વતની તથા હાલ નાઘેડીમાં વસવાટ કરતી પ્રણામી ગ્લોબલ સ્કૂલની ધો. ૯ ની વિદ્યાર્થીની જીલ નિતેશભાઈ મકવાણાએ જયપુરમાં યોજાયેલા ૧૦મી આઈમાસ નેશનલ કરાટે ચેમ્પિયનશીપમાં ગોલ્ડ મેડલ મેળવી જામનગરને ગૌરવ અપાવ્યું છે. 'નોબત' સાથે વાર્તાલાપમાં જીલે પોતાની કારકીર્દિ વિશે વાત કરી હતી.

જીલના પિતા નિતેશભાઈ કરાટેમાં બ્લેક બેલ્ટ ધરાવતા પ્રતિષ્ઠિત કરાટે કોચ છે. તેઓ જામનગરમાં વિવિધ સ્કૂલોમાં કરાટેની તાલીમ આપવાનું કાર્ય કરે છે. જીલને પિતાના રૃપમાં જ ગુરૃ મળવાથી પાંચ વર્ષની ઉંમરે જ તેણીએ કરાટે શીખવાનું આરંભ કરી દીધું હતું. ધીમે-ધીમે પિતાના માર્ગદર્શન અને નિયમિત અભ્યાસના બળે જીલે કરાટેમાં પારંગતતા મેળવી છે.

જીલ આ પૂર્વે પણ કરાટેની સ્ટેટથી લઈ નેશનલ લેવલ સુધીની નાની-મોટી સ્પર્ધાઓમાં વિવિધ ઈનામો મેળવી ચૂકી છે. નેશનલ લેવલ ચેમ્પિયનશીપમાં વિજેતા થયા પછી જીલનું લક્ષ્ય ઈન્ટરનેશનલ ચેમ્પિયનશીપમાં ગોલ્ડ મેડલ મેળવવાનું છે. જીલ દરેક ટીનએજ ગર્લ તથા યુવતીઓને કરાટે શીખવા અનુરોધ કરે છે. કારણ કે, કરાટેના કારણે 'સેલ્ફ ડિફેન્સ' ની કળા પણ આવડી જાય છે. સ્વ સુરક્ષા તથા આત્મવિશ્વાસ પ્રદાન કરતું કરાટે દરેક ક્ષેત્રમાં પ્રગતિ માટે પીઠબળ સાબિત થાય છે.

 

જો આપને પોસ્ટ ગમી હોય તો શેર કરો...

Follow us: પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

અમારા ફેસબુક પેજને લાઇક કરો અને મેળવો તમામ અપડેટસ.

https://www.facebook.com/nobatdaily/

 

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

જામનગરના કુન્નડની હિમાલી નકુમનો 'ગોલ્ડન જમ્પ'ઃ આંતરરાષ્ટ્રીય રમતોત્સવમાં લાંબી કૂદમાં 'ગોલ્ડ મેડલ'

છૂં લેતી હું અંબર એક 'છલાંગ' લગાકર

જેનો પરિશ્રમ લાંબો હોય તેની સામે બધા અવરોધો 'ટૂંકા' પડે છે.

જામનગર જિલ્લાના જોડિયા તાલુકાના કુન્નડ ગામની હિમાલી નકુમએ તાજેતરમાં નેપાળમાં યોજાયેલી 'ધ એસોસિએશન ફોર ટ્રેડીશ્નલ યુથ ગેમ્સ એન્ડ સ્પોર્ટસ' (ટેફ્ટી ગેમ્સ) ના આંતરરાષ્ટ્રીય રમતોત્સવમાં લોંગ જમ્પ એટલે કે લાંબી કૂદ સ્પર્ધામાં ગોલ્ડ મેડલ મેળવી જોડિયા પંથક સહિત જામનગર અને સમગ્ર દેશને રમતગમત ક્ષેત્રે ગૌરવ અપાવ્યું છે. હિમાલીએ 'નોબત' સાથેના સંવાદમાં પોતાની સફળતા તથા એ પૂર્વેના સંઘર્ષ વિશે વાત કરી હતી.

કોલેજ સુધીનો અભ્યાસ કરનાર હિમાલીએ પિતાની છત્રછાંયા ગુમાવ્યા પછી માતા અને ૬ બહેનો સાથે પડકારરૃપ સંજોગોનો સામનો કર્યો છે. વિકટ સંજોગોમાં પણ હિમાલીએ પોતાની રમત છોડી નહીં. કુન્નડ ગામના પ્રસિદ્ધ શ્રી કુંડલિયા હનુમાન મંદિર પાસે આવેલા મેદાનમાં હિમાલી નિયમિત લાંબી કૂદની પ્રેક્ટીસ કરતી રહી. કોઈપણ પ્રોફેશનલ તાલીમ વગર રાષ્ટ્રીય તથા આંતરરાષ્ટ્રીય રમતોત્સવમાં ઝળકીને તેણે પોતાની પ્રતિભા સાબિત કરી છે. સંવાદ દરમિયાન હિમાલી જણાવે છે કે, એન.સી.સી.માં સામેલ થવાને કારણે તેણીએ લાંબી કૂદ રમતમાં આગળ વધવાનો નિર્ધાર કર્યો અને એ રમતમાં પોતાને પરિશ્રમના બળે પારંગત બનાવી.

હિમાલીએ આમ તો કોઈ પ્રકારની વિધિવત્ તાલીમ મેળવી નથી, પરંતુ અનેક રમતોત્સવમાં ઝળહળતા પ્રદર્શનને કારણે તે અનેક કોચની નજરમાં આવી હતી. આ જ રીતે તેને કિશનભાઈ દલસાણિયા, વિરલબેન દલસાણિયા, કૌશિકભાઈ ડાંગર વગેરેનું સચોટ અને નિર્ણાયક માર્ગદર્શન મળતા 'સૂવર્ણ' છલાંગ લગાવવામાં તે સફળ થઈ છે.

ઈતિહાસમાં ઘણાં એવા ઉદાહરણ છે. જેમાં એવું બન્યું હોય કે સફળ લોકોના સંઘર્ષના દિવસોમાં એવા સંજોગો હોય કે તે પોતાનું સપનું પડતું મૂકી દેવા તૈયાર થઈ ગયા હોય ત્યારે કોઈની હૂંફ અને પ્રોત્સાહનથી તેઓ ફરી પ્રયાસ કરે અને ઈતિહાસ રચી દે. હિમાલીના જીવનમાં પણ આ જ ઘટનાક્રમ જોવા મળે છે. આંતરરાષ્ટ્રીય રમતોત્સવ માટે નેપાળ જવાનો ખર્ચ હિમાલીના પરિવારને પરવડે એમ ન હતો જેને કારણે હિમાલીએ રમતોત્સવમાં ભાગ લેવાનું માંડી વાળ્યું હતું, પરંતુ ગ્રામજનો અને સતવારા સમાજના આગેવાનોના પ્રોત્સાહન અને સહયોગથી તે નેપાળ ગઈ અને રમતોત્સવમાં ગોલ્ડ મેડલ મેળવી સૌએ તેનામાં મૂકેલા વિશ્વાસને સાર્થક કરી બતાવ્યો. સફળતામાં સતવારા સોશ્યલ ગ્રુપના પ્રમુખ જીવણભાઈ નકુમ, નિરામય ચેરીટેબલ ટ્રસ્ટના પ્રમુખ શ્યામભાઈ કણઝારિયા તથા રામ ગ્રાફિક્સવાળા રમેશભાઈ રાઠોડ સહિતના જ્ઞાતિ અગ્રણીઓની મહત્ત્વની મદદરૃપ ભૂમિકા રહી છે. હિમાલી જેનો ઋણસ્વીકાર પણ કરે છે. હિમાલીનું ગામલોકોએ ભવ્ય સ્વાગત-સન્માન કર્યું હતું. તેમજ ગામલોકોએ પુરસ્કારરૃપે હિમાલીને રપ હજાર જેટલી રોકડ આપી પ્રોત્સાહિત કરી છે.

જામનગર જિલ્લાના છેવાડાના ગામમાં સંસાધનોના અભાવ વચ્ચે આર્થિક સંકટમાં પણ રમતગમતમાં આંતરરાષ્ટ્રીય ક્ષેત્રે સફળતા મેળવનાર હિમાલી દરેક યુવતી માટે પ્રેરણારૃપ છે. હિમાલી દરેક યુવતીને પોતાના ઉપર વિશ્વાસ રાખવાનો સંદેશ આપી દીકરીઓને પોતાની પ્રતિભા સાબિત કરવાની તક આપવા વડીલોને પણ વિનંતી કરે છે.

ત્રણ આંતરરાષ્ટ્રીય રમતોત્સવમાં ગોલ્ડ મેડલ મેળવી લેનાર ખેલાડીને ઓલમ્પિકમાં ભારતનું પ્રતિનિધિત્વ કરવાની તક મળે છે. હિમાલી પાસે આંતરરાષ્ટ્રીય રમતોત્સવનું એક ગોલ્ડ મેડલ આવી ગયું છે હવે તે હજુ બે આંતરરાષ્ટ્રીય રમતોત્સવમાં સફળતાનું પૂનરાવર્તન કરી ઓલમ્પિકમાં ભાગ લેવાનું અને મેડલ જીતવાનું સપનું ધરાવે છે. હિમાલીનું આ સપનું પૂર્ણ થાય તેવી શુભેચ્છા....

 

જો આપને પોસ્ટ ગમી હોય તો શેર કરો...

Follow us: પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

અમારા ફેસબુક પેજને લાઇક કરો અને મેળવો તમામ અપડેટસ.

https://www.facebook.com/nobatdaily/

 

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

close
Ank Bandh
close
PPE Kit