ગઈકાલે રવિવારે રજા હોવા છતાં ફરી એક વખત સુપ્રિમ કોર્ટ બેઠી અને ૧૦ મી ઓક્ટોબરે દિલ્હીમાં થયેલી પોલીસ કાર્યવાહી અંગે વિશેષ સુનાવણી થઈ. આવી રીતે આપણાં દેશની સુપ્રિમ કોર્ટ જ્યારે જ્યારે જાહેર રજાના દિવસો કે મોડી રાત્રે અથવા વહેલી સવારે વિશેષ સુનાવણી કરતી હોય છે, ત્યારે સુનાવણીનો મુદ્દો અને વિષય અસાધારણ, તાકીદનો અને અત્યંત મહત્ત્વપૂર્ણ હોય છે.

કોઈના જીવન-મરણનો પ્રશ્ન ઊભો થયો હોય, ફાંસીની સજા અટકાવવા જેવો મુદ્દો ઉપસ્થિત થયો હોય, બંધારણીય કટોકટી સર્જાઈ હોય કે દેશના લોકતંત્ર, સાર્વભૌમત્વ કે અસ્મિતા પર ખતરો ઊભો થયો હોય તેવા સંજોગોમાં જુજ કિસ્સાઓમાં જ સુપ્રિમ કોર્ટ આ રીતે સુનાવણી કરતી હોય છે, અને ગેરબંધારણીય, ગેરકાનૂની કે માનવતા-દેશની એક્તા, અખંડિતતા વિરોધી બાબતોના સંદર્ભે કાનૂની અને બંધારણીય અર્થઘટનો કરીને તથા જરૃર પડ્યે હસ્તક્ષેપ કરીને બંધારણીય અને ન્યાયસંગત નિર્ણયો લેવાતા હોય છે, અને આદેશો કે નિર્દેશો અપાતા હોય છે.

ગઈકાલે સુપ્રિમ કોર્ટમાં ૧૦ મી ઓક્ટોબરના પોલીસ એક્સનના સંદર્ભે કલાકો સુધી સુનાવણી ચાલી અને વકીલોને પૂરેપૂરી તકો અપાઈ. ઘણી દલીલો થઈ, જે વિવિધ માધ્યમોથી ગઈકાલથી જ લોકો સુધી પહોંચ્યું છે, અને સુપ્રિમ કોર્ટે કડક વલણ અપનાવીને દિલ્હીમાંથી બેરીકેડ્સ હટાવી લેવા, ઈન્ટરનેટ ચાલુ રાખવા અને લોકોને અસુવિધા ઊભી થાય, તેવા કદમ નહીં ઊઠાવવા તેમજ શાંતિપૂર્ણ વિરોધ નિયમાનુસાર કરતા હોય, તેની ધરપકડો નહીં કરવા અંગે જે કડક ટિપ્પણીઓ થઈ અને મંગળવાર સુધીમાં સરકારનો જવાબ મંગાયો, તથા કેન્દ્રના ગૃહમંત્રાલયને નોટીસ ફટકારાઈ તે જોતા આ મુદ્દે સુપ્રિમ કોર્ટે અત્યંત કડક વલણ અપનાવ્યું છે અને મંગળવારે સરકાર અને દિલ્હી પોલીસનો જવાબ આવી ગયા પછી કોઈ એવા દિશા-નિર્દેશો આપશે, જેથી ભારતના લોકતાંત્રિક ઈતિહાસમાં દર્ઘકાલિન અસરો થશે, તેવું લાગે છે. અદાલત મંગળવારે કદાચ દિલ્હીની મેટ્રો, ઈન્ટરનેટ વગેરે બંધ કરવા કે મોટી સંખ્યામાં શિડ્યુલ્ડ ટ્રેનો અટકાવવાની સરકાર અને પોલીસતંત્રની સત્તાઓનો દુરૃપયોગ અટકાવવાના હેતુથી કોઈ મહત્ત્વપૂર્ણ આદેશો કે ગાઈડલાઈન્સ તૈયાર કરવાના નિર્દેશો પણ આપી શકે છે. તે ઉપરાંત પ્રદર્શનકારીઓને પણ નિયમ-કાયદાનું પાલન કરવા તથા મંજુરી લઈને થતા વિરોધ-પ્રદર્શનો હિંસક કે જાહેર હિતો-માલ, મિલકતોને નુક્સાન કરે નહીં, તેના સંદર્ભે કોઈ દિશા-નિર્દેશો કે ગાઈડલાઈન્સ પણ સૂચવી શકે છે.

હજુ તો ગઈકાલે સવારે જ કોર્ટે છોડી મૂકતા પોલીસ કસ્ટડીમાંથી બહાર આવેલા સીજેપીના મુખ્ય ચાર નેતાઓમાંથી દીપકે તો તેના દાદીનુ નિધન થયું હોવાથી તેના ગામ તરફ રવાના થયા, પરંતુ અન્ય ત્રણ નેતાઓએ ગઈકાલે બપોરે પ્રેસ કોન્ફરન્સ યોજીને વડાપ્રધાન નરેન્દ્ર મોદી તથા ગૃહમંત્રી અમિતભાઈ શાહના ઈશારે સીજેપીના કાર્યકરો સાથે બર્બરતા કરાઈ હોવાનો આક્ષેપ કર્યો તથા જ્ઞાનેશકુમાર ભાજપ તરફ બાયેસ્ટ હોવાનો આક્ષેપ કર્યો. તેઓએ ૧૦ મી ઓક્ટબરની કાર્યવાહી ઈન્દિરા ગાંધીની ઈમરજન્સી કરતા યે બદતર હતી, તેવો ગંભીર આક્ષેપ કરીને સીજેપી હવે રાજકીય સંઘર્ષના માર્ગે આગળ વધી રહી હોવાના સંકેતો પણ આપ્યા હતાં.

બીજી તરફ અભિજિત દીપકેએ સોશ્યલ મીડિયાના માધ્યમથી કહ્યું કે તેઓ ડરવાના નથી, પીછેહઠ કરવાના નથી અને જ્ઞાનેશકુમારના રાજીનામા સુધી થંભવાના નથી. પત્રકાર પરિષદમાં પણ આવું જ કહેવાયું અને સીજેપીના સોશ્યલ મીડિયા એકાઉન્ટ દ્વારા પણ કહેવામાં આવ્યું કે, 'કોકરેચ ક્યારેય મરતા નથી'... તેથી કહી શકાય કે આ આંદોલન હજુ પણ ઘણું તીવ્ર બની શકે છે. દીપકેએ તો ત્યાં સુધી કહી દીધુ છે કે હવે તાનાશાહીના અંતની શરૃઆત થઈ ગઈ છે.

૧૦ મી ઓક્ટોબરે માત્ર સીજેપી નહીં, વિપક્ષના ઘણાં નેતાઓની પણ અટકાયત થઈ હતી. અટકાયતમાંથી છૂટ્યા પછી કેજરીવાલે 'મોદીજીને હટાવવા'ના મનસુબા જાહેર કર્યા, તો મમતા બેનર્જીએ અનોખા કાવ્યાત્મક અંદાજમાં મીડિયા સમક્ષ કહ્યું કે, 'જોની, જોની... યસ પાપા, એસ.આઈ.આર... નો પાપા, બીજેપી... નો પાપા...'

વિપક્ષી નેતાઓનો અંદાજ સીજેપીનો રણટંકાર અને સુપ્રિમ કોર્ટના કડક વલણના કારણે એક તરફ તો એવું લાગે છે કે હવે એનડીએ સરકાર, ભાજપ અને તેની કેડર માટે કપરા ચઢાણ છે, અને વિરોધપક્ષ જ નહીં, એન્ટીઈન્કમ્બન્સી પણ બળવત્તર બની રહી છે, તો બીજી તરફ આ બધાની કોઈ જ અસર કેન્દ્ર સરકાર કે ભાજપની રોજીંદી કામગીરી કે આયોજનો પર પડી હોય તેવું જણાયું નથી. વડાપ્રધાન દક્ષિણ ભારતમાં હતાં અને તમિલનાડુમાં ૧૩ હજાર કરોડથી વધુ રકમના વિકાસ પ્રોજેક્ટ્સના લોકાર્પણો અને ખાતમુહૂર્તો કર્યા હતાં. વડાપ્રધાને ચેન્નઈ અને મદુરાઈમાં વિવિધ કાર્યક્રમો સાથે દેવદર્શન પણ કર્યા. વડાપ્રધાને ત્યાં રેલવેને સંબંધિત ચેન્નાઈ મેટ્રો ફેઈઝ-ર ના રૃટનું લોકાર્પાણ કર્યું. તેના સંદર્ભે એવો કટાક્ષ પણ થયો કે દક્ષિણ ભારતમાં રેલવેના વિકાસકાર્યોના આગલા દિવસે જ દિલ્હીની ઘણી ટ્રેનો તથ મેટ્રો અટકાવી દીધી હતી, તેથી આને કહેવાય બેમૂખિ વિકાસ...!

આ બધા ઘટનાક્રમો પછી પ્રશ્ન એ ઊઠે છે કે દેશવાસીઓના મનમાં શું છે? આ બધા ઘટનાક્રમો મોદીકાળને નબળો બનાવવા કે ફરીથી એક વખત મજબૂતી આપશે? વોટચોરીનો મુદ્દો એટલો પ્રભાવી બન્યો છે કે જ્ઞાનેશકુમાર રાજીનામું આપે કે નહીં આપે, તો પણ સરકાર માટે એક તરફ ખાઈ છે તો બીજી તરફ કૂવો...!

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

તાજેતરમાં જ સુપ્રિમ કોર્ટે દુષ્કર્મના એક કિસ્સાની સુઓમોટો સુનાવણી દરમિયાન ઘણી જ કડક ટિપ્પણી કરી હતી. પાંચમી ઓક્ટોબર-ર૦ર૬ ના દિવસે દિલ્હી એનસીઆરમાં બનેલા દુષ્કર્મના કિસ્સાઓના સંદર્ભે કહ્યું હતું કે બદમાશો અને અસામાજિક તત્ત્વોના મનમાં પોલીસનો ખોફ (ડર) ઊભો કરવો જરૂરી છે. સમાજમાં આવી ઘટનાઓ વધી રહી છે, તેની સામે અંગ્ુલી નિર્દેશ કરતા અદાલતે કહ્યું છે કે, અપરાધ થયા પછી કાર્યવાહી કરતા યે વધુ જરૂરી એ છે કે અપરાધ થતો જ અટકાવવામાં આવે.આ પ્રકારની સુપ્રિમ કોર્ટની ટિપ્પણી તે જ દિવસથી દેશભરની અદાલતો તથા સંબંધિત તંત્રોમાં પડઘાઈ હતી, અને જ્યાં જ્યાં આ પ્રકારના કેસો આવતા હતાં, ત્યાં ત્યાં આ મુદ્દે હવે અદાલતો કડક અભિગમ દાખવશે, તેવો આશાવાદ સામાન્ય જનતામાં ઊભો થયો હતો.

આ પ્રકારની જ વિચારસરણી સાથે જામનગરના તંત્ર અને ન્યાયમંદિરે એક દૃષ્ટાંત બેસાડ્યું છે. ગઈકાલે જ પોસ્કો કોર્ટે જામનગર જિલ્લાના સિક્કાના એક અપરાધીને આઠ વર્ષની માસુમ બાળકી સાથે દરિંદગી, અત્યાચાર કરીને પછી તેની હત્યા કરી નાખવાના કેસમાં ફાંસીની સજા સંભળાવી હતી, જેના પડઘા દેશભરમાં પડ્યા છે. આ અંગે સરકારી લેડી વકીલે પણ મીડિયાને વિગતવાર માહિતી આપી હતી. તેણીએ પોલીસ તંત્રની ઝડપી તપાસ અને કાર્યવાહીનો ઉલ્લેખ કરીને કહ્યું કે ર૩ સાક્ષીઓ અને ૯પ દસ્તાવેજી પુરાવા રજૂ કરીને ઝડપભેર કેસ ચલાવાયો, તેથી જામનગરની પોક્સો કોર્ટે આ ઐતિહાસિક ફેંસલો આપ્યો છે. પોલીસે પણ માત્ર ૩પ દિવસમાં તપાસ પૂરી કરીને ચાર્જશીટ મૂક્યું અને અદાલતે પણ ઝડપથી કેસ ચલાવ્યો તે જોતા એ પણ પૂરવાર થયું છે કે જ્યારે પોલીસતંત્ર, વકીલો અને જજો ઝડપભેર અને કાનૂન અનુસાર પ્રક્રિયા કરે અને પૂરી ઈચ્છાશક્તિથી સંકલન થાય, તો આ પ્રકારના કેસોમાં ઝડપથી અપરાધીઓને સજા થાય, તથા 'તારીખ પે તારીખ'નું મેણું પણ ભાંગી શકે છે.

છેલ્લા બે-ત્રણ વર્ષમાં ગુજરાતમાં જે રીતે ઝડપી કાર્યવાહીઓ થઈ છે, તથા અદાલતી ચૂકાદાઓ આવ્યા છે, તે જોતા એવું પણ કહી શકાય કે સુપ્રિમ કોર્ટે તાજેતરમાં જે ટિપ્પણી કરી છે, તે દિશામાં ગુજરાતના તંત્રો, બાર અને ન્યાયતંત્ર પહેલેથી જ આગળ વધી રહ્યા હતાં, પરંતુ હવે જ્યારે સુપ્રિમ કોર્ટે આ પ્રકારની ટિપ્પણી કરીને નીચલી અદાલતો તથા હાઈકોર્ટોને જે નવું પીઠબળ પૂરૃં પાડ્યું છે, તેના કારણે આ પ્રકારના અન્ય જઘન્ય ક્રૂરતા, દુષ્કર્મ સાથે હત્યાના કેસોમાં ઝડપી અને દૃષ્ટાંતરૂપ ફેંસલાઓ આવવા લાગશે.

જામનગરની પોક્સો અદાલતે ગઈકાલે આપેલો રેરર-એફ-રેર કેસ ગણીને ફાંસીની સજાનો ચૂકાદો જઘન્ય અપરાધો કરવાની માનસિક્તા ધરાવતા લોકોમાં ખોફ ઊભો કરશે, અને તત્કાળ આ પ્રકારના વિકૃતોની માનસિક્તા બદલી જશે, તેવી આશા તો રાખી શકાય નહીં, પરંતુ હવે જો આ પ્રકારના તમામ જઘન્ય કેસોમાં અદાલતો સખ્તમાં સખ્ત સજાઓ કરવા લાગશે, તો ચોક્કસપણે અપરાધીઓમાં કાનૂનનો ડર તો ઊભો થશે જ, કારણ કે એક અન્ય કેસની સુનાવણી સમયે પણ અદાલતે એવી ટિપપણી કરી છે કે રીઢા અપરાધીઓ સાથે દયા રાખીને સજા હળવી કર્યા પછી એ જ અપરાધીઓ જામીન પર છૂટીને જો ફરીથી એ જ પ્રકારના ગુન્હાઓ આચરવા લાગે તેવા કિસ્સાઓ સપાટી પર આવવા લાગ્યા છે, તેથી એવું કહી શકાય કે રીઢા અપરાધીઓ સાથે દયા રાખવી એ ગુનાખોરીને ઉત્તેજન આપવા બરાબર છે.

આ પહેલા ગુજરાતમાં વર્ષ ર૦ર૧ માં પણ અઢી વર્ષની બાળકીનું અપહરણ કરી દુષ્કર્મ પછી હત્યાના કેસમાં પોક્સો કોર્ટે ફાંસીની સજા સંભળાવી હતી. રાજકોટમાં પણ એક ૬ વર્ષિય બાળકી સાથે દુષ્કર્મ કરીને અત્યાચારના કેસમાં પોલીસે ૩પ દિવસમાં તપાસ કરીને ફાસ્ટ ટ્રેક કોર્ટમાં ચાર્જશીટ રજૂ કરી દીધુ હતું, જેમાં અપરાધીને ફાંસીની સજા થઈ હતી. સુરતમાં જ એક અન્ય કેસમાં પણ માસુમ સાડાત્રણ વર્ષની બાળકી પર દુષ્કર્મ કરીને હત્યાના કેસમાં ફાસ ટ્રેક કોર્ટે ફાંસીની સજા સંભળાવી હતી. આમ ગુજરાતમાં છેલ્લા બે-ત્રણ વર્ષમાં ન્યાય તંત્રે તથા કાનૂની તંત્રે સંકલિત રીતે કડક દૃષ્ટાંતરૂપ ફેંસલાઓ સંભળાવ્યા છે. ગુજરાતમાં પોસ્કો અધિનિયમ હેઠળ કાર્યરત વિશેષ અદાલતો ૩૦ થી ૩પ દિવસમાં તપાસ પૂરી કરીને, સરકારી વકીલો દ્વારા મજબૂત પુરાવા રજૂ કરીને ન્યાયતંત્રના રખેવાળ એવા ન્યાયવિદે દ્વારા અપરાધીઓને અત્યંત કડક સજા આપવાનો અભિગમ સુપ્રિમ કોર્ટની તાજેતરની ટિપ્પણી અને જામનગરની પોસ્કો કોર્ટ દ્વારા અપાયેલા ગઈકાલની ફાંસીની સજાના ફેંસલા પછી વધુ વેગીલો બનશે તે નક્કી છે.

કાનૂની તંત્ર, બાર, ન્યાયતંત્રના આ કડક વલણની સાથે સાથે આ પ્રકારના અપરાધો થતા જ અટકાવવા સામાજિક સંસ્થાઓ, જ્ઞાતિ-સમાજોના સંગઠનો તથા બુદ્ધિજીવી વર્ગો દ્વાા પણ વ્યાપક જનજાગૃતિ તથા આ પ્રકારની માનસિક્તા ધરાવતા નરાધમોની હિલચાલ, ચેનચાળા કે હરકતો પરથી પહેલેથી 'ઓળખ' કરી લઈને તેને 'સમજાવવા'ની પણ જરૂર છે. આજના ઈન્ટરનેટ યુગ તથા સોશ્યલ મીડિયાના કારણે પોર્ન વીડિયોઝ, ન્યૂડ પિક્ચર્સ અને વિકૃત સંવાદોનો વધી રહેલો વ્યાપ પણ ઘણો જ ચિંતાજનક છે, જેથી સરકાર, ન્યાયતંત્ર કે પોલીસ તંત્રના આ દિશામાં થતા સંકલિત પ્રયાસો ઉપરાંત સોશ્યલ અવેરનેસ તથા ગામો, શહેરોના મહોલ્લા, શેરી-ગલી-એપાર્ટમેન્ટ કે સોસાયટીઓમાં સંગઠીત રીતે આયોજનપૂર્વક કોઈ અવિરત 'વોચીંગ સિસ્ટમ' વિક્સાવવાની જરૂર છે, જેથી શંકાસ્પદ હરકતો કરતા, યુવતીઓ-કન્યાઓ તરફ ખરાબ નજરે જોતા કે સોશ્યલ મીડિયાના માધ્યમથી દીકરીઓને પરેશાન કરતા લોકોને સમજાવવાથી ન માને તો કાનૂનની મદદથી 'પાઠ' ભણાવીને જઘન્ય અપરાધ કરતા અટકાવી શકાય.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

હમણાંથી સોશ્યલ મીડિયાના માધ્યમથી છેતરપિંડીના કિસ્સા પણ વધી રહ્યા છે. ઘણાં લોકો લોભ-લાલચ કે શોર્ટકટથી કમાઈ લેવાના મોહમાં ઠગોનો શિકાર બની રહ્યા છે. તાજેતરમાં જ ઈન્સ્ટાગ્રામમાં નકલી આઈ.ડી. બનાવીને તેમાં સોનાના બિસ્કિટ તથા ફોટો અને વીડિયો મૂકીને સસ્તા ભાવે સોનાના વેંચાણની જાહેરાત કરી હોવાના કિસ્સામાં ઠગટોળકી ઝડપાઈ છે, જેની પાસેથી અસલી સોનાના ૧૦ બિસ્કિટ તથા ૧પ નકલી સોનાના બિસ્કિટ મળી આવ્યા છે. આ રીતે ભ્રામક જાહેરાતો દ્વારા થતી છેતરપિંડી વધી રહી છે, જેનું કારણ સોશ્યલ મીડિયા પર થતી ભ્રામક જાહેરાતોની વધી રહેલી ભરમાર તથા લોકોની લોભ-લાલચની માનસિક્તા તથા પૂરતા જ્ઞાનના અભાવે, અજ્ઞાન કે અલ્પજ્ઞાન છે.

સોશ્યલ મીડિયાનો વ્યાપ એટલો બધો વધી ગયો છે કે તે હવે માત્ર અમીર કે ઉચ્ચ મધ્યમવર્ગ સુધી મર્યાદિત રહ્યો નથી, હવે તો બાંધકામની સાઈટ પર કામ કરતા શ્રમિકોના નાના બાળકોથી લઈને ઝુંપડપટ્ટી વિસ્તારમાં વસાવટ કરતી મહિલા સુધી હાલમાં મોબાઈલ ફોન લઈને યુ-ટ્યુબ ઈન્સ્ટ્રાગ્રામ, ફેસબુક કે અન્ય સોશ્યલ મીડિયા પરથી અવનવા વીડિયા તથા ફોટોગ્રાફ્સ જોતા હોય, તેવા દૃશ્યો સામાન્ય બની રહ્યા છે. ક્યારે ય સ્કૂલે ન ગયા હોય કે થોડુ-ઘણું ભણ્યા હોય, તેવા બાળકો કે યુવાવર્ગ જ નહીં, પરંતુ અબાલવૃદ્ધ-દરેક વયજુથના લોકો આ પ્રકારે સોશ્યલ મીડિયાની મોજ માણતા જોવા મળતા હોય છે.

સોશ્યલ મીડિયાના સકારાત્મક અને નકારાત્મક- એમ બન્ને પ્રકારના ઉપયોગ થઈ શકતા હોય છે. આપણે ત્યાં મોટાભાગે મહિલાઓ તથા બુઝુર્ગ લોકો તો ધાર્મિક સ્થળોના વીડિયો, મંદિરો-ધર્મસ્થળોમાં થતી આરતી, પૂજા-અર્ચના, સ્થાન કે આજુબાજુના નૈસર્ગિક દૃશ્યોને પોતાની સાથે કે ફેમિલી સાથે સાંકળીને પોસ્ટ કરતા હોય છે, તથા મોટાભાગે વ્હોટ્સ એપમાં સ્ટેટ્સ તથા ફેસબુક ઈન્સ્ટ્રાગ્રામમાં ફોટા-વીડિયો વગેરે મૂકીને તેને વાયરલ કરતા હોય છે. ઘણાં લોકો સુવાક્યો, સુવિચારો તથા સારૂ જીવન જીવવા કે તંદુરસ્ત રહેવાના નૈસર્ગિક ઉપાયો વગેરેના પોસ્ટર્સ કે લખાણો સોશ્યલ મીડિયામાં મૂકતા હોય છે. આ બધા પ્રકારની સકારાત્મક પ્રવૃત્તિઓને સોશ્યલ મીડિયાનો સદુપયોગ ગણી શકાય. તે ઉપરાંત નિર્દોષ મનોરંજન, સેલ્ફી, પોતાના ઘર-પરિવારને સાંકળતા પ્રસંગો, પ્રવાસો કે કોઈ ધર્મકથા કે પરંપરાગત ઉજવણીઓની તસ્વીરો, વીડિયો વગેરેને પણ સોશ્યલ મીડિયાનું સકારાત્મક પાસુ ગણી શકાય.

હવે તો સોશ્યલ મીડિયાના માધ્યમથી હેલ્થ, એજ્યુકેશન, પર્યાવરણ, સામાજિક સુરક્ષા, રાષ્ટ્રીય સુરક્ષા અને જીવન જીવવાના ઉપાયો અંગે વ્યાપક માર્ગદર્શન, સ્વાનુભાવો અને સદ્વિચારોના માધ્યમથી જનજાગૃતિ ફેલાવવાના, જનશિક્ષણ તથા શાળા-કોલેજના શિક્ષણનો વ્યાપ વધારવાના તથા સેવાપ્રવૃત્તિઓ-સત્કાર્યોને બિરદાવવાની ઘણી જ આવકારદાયક પ્રવૃત્તિઓ પણ થઈ રહી છે, જે સોશ્યલ મીડિયાની ફૂલશ્રૂતિ ગણી શકાય, અથવા સારૂ પાસુ ગણી શકાય.

સિક્કાની બીજી બાજુ પણ છે. સોશ્યલ મીડિયાનો ઉપયોગ હવે ધંધાકીય જાહેરાતો, પોતાના વ્યવસાય કે પેઈડ સેવાઓનો પ્રચાર અથવા પેઈડ સંસ્થાકીય પ્રવૃત્તિઓનો પ્રચાર કરવા માટે પણ થઈ રહ્યો છે, તે ઉપરાંત સોશ્યલ મીડિયાના માધ્યમથી બિઝનેસ નેટવર્ક વધારવાના પ્રયાસો પણ થઈ રહ્યા છે, જેમાં તથ્ય હોય કે હકીકતલક્ષી પ્રચાર થતો હોય, ત્યાં સુધી તો ઠીક છે, પરંતુ હવે તો ભ્રામક પ્રચાર કરીને લોકો સાથે દગાબાજી કે છેતરપિંડી કરવાના માધ્યમ તરીકે સોશ્યલ મીડિયાના દુરૂપયોગના કિસ્સાઓ પણ ઝડપભેર વધવા લાગ્યા છે, જેના કારણે જ લોકો ઘણી વખત લૂંટાઈ જતા હોય છે કે પછી બરબાદ થઈ જતા હોય છે.

જ્યારે એક ના ડબલ કે અનેકગણાં કરી દેવાની લાલચ અપાતી હોય, આકર્ષક વ્યાજની લોભામણી જાહેરાતો થતી હોય, થોડી-ઘણી બચતની સામે જમીનના પ્લોટ કે મકાન-દુકાન વગેરે આપવાના વાયદા કરાતા હોય કે સસ્તાભાવે પ્રોપર્ટી, સોના-ચાંદી-ઝરઝવેરાત કે વાહન વગેરે આપવાની ઓફર સોશ્યલ મીડિયાના માધ્યમથી થતી હોય, ત્યારે એ વિચારવું જ જોઈએ કે આ પ્રકારની ઓફર હંબગ જ હોવી જોઈએ, કારણ કે આ જમાનામાં કોઈપણ વ્યક્તિ પોતાના ફાયદા વિના આર્થિક રીતે ઘસાવાનો નથી, જેને સમાજ સેવા કે દાનપુણ્ય જ કરવા હોય, તેઓને આ પ્રકારના ભ્રામક પ્રચારની જરૂર નથી અને તેઓ સીધા જ સેવા-દાન-ધર્મ માટે નાણા ખર્ચી શકે છે.

જ્યારે જ્યારે કોઈ મોટી લાલચ આપીને નાની-નાની રકમ ઓનલાઈન જમા કરાવવાનું કહે કે કોઈપણ રીતે વસુલ કરવાની ઓફર કરે ત્યારે સમજવું કે તે એક મોટી છેતરપિંડી કરવાની ભ્રમજાળ જ છે, અને તેમાં ફસાવા જેવું નથી.

માત્ર અજ્ઞાન-અલ્પશિક્ષિત નાનો વર્ગ કે નાની ઉંમરના વયજુથથી લઈને યુવાવર્ગ સુધી આ પ્રકારની છેતરપિંડીમાં સપડાઈ રહ્યા છે. એવું પણ નથી, હવે તો ભણેલ-ગણેલા, સરકારી કે ખાનગી નોકરીમાં નિવૃત્ત થયેલા, પોતાનું તથા પરિવારનું નાણાકીય મેનેજમેન્ટ સંભાળનારા ઉપરાંત એજ્યુકેટેડ યુવાવર્ગ પણ લોભામણી લાલચો કે શોર્ટકટમાં વધુ નાણા કમાઈ લેવાના ચક્કરમાં સોશ્યલ મીડિયાની આ પ્રકારની ભ્રમજાળનો ભોગ બનવા લાગ્યા છે, ત્યારે હવે સમાજે અને સામાન્ય જનતાએ ચેતી જવાની જરૂર છે.

એક વરિષ્ઠ નાગરિકને ટ્રેડીંગમાં મોટો નફો આપવાની લાલચ આપીને કરાયેલી રૂ।. રર કરોડની છેતરપિંડી, ઘરે બેઠા કમાણી કરવાની જાહેરાત કરીને પ્રારંભમાં ગૃહિણીઓને નાની નાની રકમના લાભો આપીને વિશ્વાસ કેળવાયા પછી મોટી રકમની છેતરપિંડી, સોશ્યલ મીડિયા પર ફેઈક આઈ-ડી. બનાવીને પોતે મુશ્કેલીમાં હોવાના કે પરિવારજનોના એક્સિડન્ટ પછી સારવાર માટે કે ગંભીર બીમારી માટે મદદ માંગવાના મેસેજ મોકલીને ઈમોશનલી છેતરપિંડી, પોરબંદરના એક ચર્ચિત કિસ્સા મુજબ ૭૯ જેટલા બેંક એકાઉન્ટ ઓપરેટ કરીને તેના મારફત વિદેશમાં રૂ।. ૧૧ કરોડ ક્રિપ્ટો કરન્સીમાં બદલી નાખવાના તથા ફ્રેન્ડ રિક્વેસ્ટ મોકલ્યા પછી ડિજિટલ એટેસ્ટ કરીને બ્લેકમેઈલ કરવાના કે નકલી ફોટો-વીડિયો, અશ્લીલ તસ્વીરો મોકલીને બ્લેકમેઈલ કરવાના કિસ્સાઓ આ પ્રકારની તરકીબોથી સાવધાન રહેવાની વોર્નિંગ આપી રહ્યા છે. આ માટે પણ એક વ્યાપક દેશવ્યાપી જનઆંદોલન ચલાવવાની જરૂર છે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

ભારતના બંધારણે પબ્લિક અને પ્રેસ-મીડિયાને પ્રશ્નો પૂછવાનો અધિકાર આપ્યો છે, અને તેના દ્વારા પૂછાતા પ્રશ્નોનો સાચો જવાબ સરકારે આપવો જ પડે, અને આપવો જ જોઈએ, પરંતુ તેવું થાય છે ખરૃં? તેવો સવાલ સ્વાભાવિક રીતે આજના પરિપ્રેક્ષ્યમાં જાગૃત અને બુદ્ધિમાન લોકોના મનમાં ઊઠી જ રહ્યો હશે.

સરકારી કામકાજ હોય કે સંસદીય કાર્યવાહી હોય, વિધાનસભા ગૃહ હોય કે સ્થાનિક સ્વરાજ્યની સસ્થાઓનું જનરલ બોર્ડ (સામાન્ય સભા) હોય, લેખન હોય કે વાચન હોય, ઘરેલુ પ્રસંગ હોય કે સામાજિક કાર્યક્રમ હોય, અભ્યાસ હોય કે એક્ઝામ હોય, આપણે કેટલીક અયોગ્ય કે અપ્રાસંગિક ઘરેડામાંથી બહાર આવવું જ પડે. જિંદગીની જરૂરિયાતો તથા બદલાતા સંજોગો સાથે બદલાવું જ પડે, મૂળ ઉદ્દેશ્ય જ માર્યો જાય તે પ્રકારની જડતા રાખીને તંત્રો કે સંસ્થાઓ શાસન ચલાવશે કે લોકતાંત્રિક વ્ય્વસ્થાઓને સીમિત રખાશે અને જડતાના બુલડોઝર હેઠળ જનભાવનાઓ કચડાશે, તો તેને ભારતીય લોકતંત્ર પરનું કલંક જ કહેવું પડે ને?

જો કે, ચોક્કસ ફ્રેમમાંથી બહાર નીકળીને જ્યારે જ્યારે આઉટ ઓફ ફોકસ જોઈને નવા ઈનોવેશનો થાય કે કોન્સેપ્ટ્સને સ્વીકૃતિ મળે, ત્યારે ત્યારે તેના સારા પરિણામો પણ આવતા હોય છે, તે પણ હકીકત છે.

ભૂતકાળમાં વિધાનસભા કે સંસદમાં પ્રશ્નો પૂછનારને સસ્પેન્ડ કરવામાં આવ્યા હોય કે પછી સરકાર સામે સવાલ ઊઠાવનારને વિધાનગૃહની કાર્યવાહીથી અલિપ્ત રાખવામાં આવ્ય હોય ત્યારે સવાલ એ ઊઠે છે કે શાસનને ક્યારેય પ્રશ્નો ગમતા કેમ નહીં હોય? સરકારી વર્તુળોને હંમેશાં પ્રશ્નો સામે વાંધો કેમ પડતો હશે?

લોકતંત્રની ખૂબસૂરતી જ પબ્લિક (જનતા) સાથે શાસનના સુગમ અને સરળ સંવાદમાં રહેલી છે, અને આ પ્રકારના સંવાદો દરમિયાન ઊઠાવાતા પ્રશ્નચિન્હો સામે જ હોબાળા કરીને સંવાદને વિવાદમાં બદલી નાંખવાની રાજનેતાઓ તથા તેની પ્રોપાગન્ડા ટીમો અથવા થિન્ક ટેન્કને ફાવટ આવી ગઈ હોય તેમ જણાય છે. પ્રેસ-મીડિયા કે પબ્લિક વતી તેના જનપ્રતિનિધિઓ દ્વારા ઊઠાવાતા ધારદાર અને સચોટ સવાલોના જવાબ આપવા ન પડે, તે માટે જ કદાચ ટેકનિકલ મુદ્દા ઊભા કરીને પ્રશ્નોને જ વિવાદના વંટોળમાં ઊડાવી દેવાની અદ્ભુત તરકીબો 'થીન્ક ટેન્ક' દ્વારા શોધી કાઢીને તેનો ચતૂરાઈપૂર્વક પ્રયોગ કરવાની રાજકીય હરકતો હવે ખુલ્લી પડતી જાય છે, જ્યારે સંવાદ થાય, ત્યારે પ્રશ્નો પણ ઊઠે, કુતૂહલ પણ જાગે અને વિવિધ શબ્દપ્રયોગો કે સંકેતો, શેર-સાયરી અથવા પ્રતીકોનો ઉપયોગ પણ થાય, ત્યારે તેને ગ્રામેટિકલ, ટાઈપીકલ કે ટેકનિકલ સ્વરૂપમાં ઢસડી જાય અથવા રૂઢીગત સવાલો ઊભા કરીને મૂળ સવાલોને જ ચર્ચાના ચકરડામાં ચડાવી દેવાની કુશળતા હવે રાજનીતિ જ નહીં, અર્થનીતિ, વ્યાપાર-ઉદ્યોગ તથા કાનૂની અને વિવિધ માધ્યમોના વર્તુળો સુધી ફેલાતી જાય છે, જેની સામે જનતાને જાગૃત રહેવાની જરૂર છે, તેમજ સૌ કોઈએ આ પ્રકારની ચાલાકીઓને પારખી લઈને તેનો મક્કમ પ્રતિકાર કરવાની પ્રતિ-કુશળતા પણ કેળવી જ લેવી પડે તેમ છે, અને પ્રજાકીય પ્રશ્નો સામે ટેકનિકલી કે ભાષા-વ્યાકરણ, પ્રાન્ત-પ્રદેશ કે પ્રક્રિયાત્મક વાંધા ઊભા કરીને વાતને આડે પાટે ચડાવવાની કલા રાજનેતાઓ જ નહીં, પરંતુ અન્ય વિવિધ ક્ષેત્રો સાથે સંકળાયેલા બુદ્ધિજીવી ગણાતા ચાણક્યોએ પણ શીખી લીધી હોય તેમ જણાય છે.

કેટલાક રાજ્યોમાં માહિતી અધિકારનો ઉપયોગ કરતા આરટીઆઈ એક્ટિવિસ્ટો તથા પક્ષ-વિપક્ષના નેતાઓ કે ઉચ્ચ તંત્રો સાથે પ્રજાકીય પ્રશ્નો માટે અવાજ ઊઠાવનારાઓને ઘણી વખત કેવી ટેકનાલિટી દર્શાવીને અથવા રૂઢીગત જડતા રાખીને પ્રતાડિત કરવામાં આવે છે, તે આપણી સામે જ છે ને?

પબ્લિક સાથે સંવાદની પદ્ધતિ હવે શાસન-પ્રશાસને જ નહીં, પરંતુ વોચડોગની ભૂમિકા નિભાવતા રાષ્ટ્રવાદી બુદ્ધિશાળી અને લોકમત ઘડતા માધ્યમોએ પણ બદલવી પડે તેમ છે. કોઈપણ નિયમ એકદમ જડ નથી હોતો, તેવી જ રીતે કોઈપણ પ્રણાલિ શાશ્વત નથી જ હોતી, અને સમયાંતરે તેમાં પરિવર્તન જરૂરી જ હોય છે, જે જાહેર જીવન સાથે ળંકળાયેલા લોકોએ સમજી લેવું પડે તેમ છે.

આપણા બંધારણે માત્ર વિપક્ષ જ નહીં, પરંતુ દેશના પ્રત્યેક નાગરિકને સવાલો ઊઠાવવાનો અધિકાર આપ્યો છે, પરંતુ જે લોકો શાસનમાં હોય, તેને જ્યારે પ્રશ્નો ગમતા જ ન હોય, ત્યારે તેના જવાબોની આશા રાખવી પણ વ્યર્થ છે, અને તેથી જ પ્રેસ-મીડિયા, કલાકારો કે જાગૃત તટસ્થ સંસ્થાઓએ પ્રશ્નો ઊઠાવવા પડતા હોય છે, પરંતુ જ્યારે પ્રશ્નો સામે જ અણગમો થવા લાગે ત્યારે જનતાએ એ સમજી લેવાની જરૂર છે કે બંધારણે આપેલા અધિકારોનો પૂરેપૂરો ઉપયોગ નહીં કરીએ, અને પ્રશ્નોને દબાવી દેવાના પ્રયાસો થતા રહેશે, એક્ટિવિસ્ટ સામે કિન્નાખોરીથી ખોટા કેસો થતા રહેશે અને જનપ્રતિધિઓની અવાર-નવાર ગૃહોમાંથી કામચલાઉ હકાલપટ્ટી થતી રહેશે, તો લોકતંત્ર તેના અસલ સ્વરૂપ નહીં ટકે, જો કે હવે આશાના નવા કિરણો પ્રગટવા લાગ્યા છે ખરા....

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

રેન્ટ એક્ટના મુખ્ય મુદ્દે સરકારના સકારાત્મક વલણ અને અપાયેલી ખાતરી પછી ગત્ રાત્રે બાર એસોસિએશનો અને બાર કાઉન્સિલ ઓફ ગુજરાત સહિતના વકીલ સંગઠનોએ આજથી હડતાલ પાછી ખેંચી લીધી હોવાની જાહેરાત થઈ છે. જો કે, વકીલો સામાન્ય રીતે હડતાલ પર જતા નથી, પરંતુ કોઈ મુદ્દે ચળવળ કે સત્યાગ્રહ કરવાના વિકલ્પે કોર્ટના કામકાજથી અળગા રહે છે, જેને સામાન્ય લોકોની ભાષામાં હડતાલ જ ગણવામાં આવે છે. વકીલોની માંગણીઓ તથા સૂચનોને લક્ષ્યમાં લઈને પાંચ સભ્યોની કમિટી સાથે ચર્ચા-પરામર્શ પછી જ રેન્ટ એક્ટમાં સુધારા-વધારા થશે, અને ત્યાં સુધી જુનો કાયદો ચાલુ રહેશે અને મકાનભાડાના વિષયો અંગેની જ્યુડિશ્યલ સત્તાઓ કોર્ટને પરત અપાશે, વગેરે પ્રકારના વાયદાઓ સરકારે કર્યા પછી અંતે ઘીના ઠામમાં ઘી પડી ગયું છે. જો કે, આ વાયદાઓ વાસ્તવમાં ક્યારે પૂરા થાય છે અને ક્યારે નવા-જુના રેન્ટ એક્ટ્સનું નવું સંયોજન તૈયાર થાય છે તેની રાહ જોવી રહી.

જો કે, વકીલો સામે યૂ-ટર્ન લેનારી સરકારે મહેસુલી કર્મચારીઓની આજથી અનિશ્ચિતકાળની હડતાલની ચિમકીને ગંભીરતાથી લીધી છે અને કડક વલણ અપનાવ્યું છે, જેના કારણે સામાન્ય જનતાને પણ ભારે હાલાકી ભોગવવી પડે તેમ છે. આજે કોઈ સમાધાનકારી માર્ગ નહીં નીકળે તો મહેસુલી કર્મચારીઓની અનિશ્ચિતકાળની હડતાલની ચિમકીનો અમલ કેટલો પ્રભાવી રહેશે અને સરકાર વિવિધ મુદ્દે કર્મચારીઓની સામે ઝુકે છે કે પછી કોઈ વચલો રસ્તો નીકળે છે, તેના પર મહેસુલી કર્મચારીઓને સંબંધિત કામકાજનો આધાર રહેવાનો છે.

મુખ્ય ચૂંટણી કમિશનર સામે તેના સાથીદાર ચૂંટણી કમિશનરોએ ૧૪ મુદ્દે વાંધા લીધા હતાં અને ગુજરાતમાં મહેસુલી કર્મચારીઓએ પણ સરકાર સમક્ષ ૧૪ માંગણીઓ રજૂ કરી છે. વર્ષ ર૦૧૪ પછી દેશમાં વાંધાઓ, માંગણીઓ અને આક્ષેપો-પ્રતિઆક્ષેપોએ એક અલગ જ સ્વરૂપ ધારણ કર્યું હોય તેમ જણાય છે, તે પ્રકારની કેટલીક વ્યંગોતિકઓ પણ ગૂંજતી રહે છે.

મહેસુલી કર્મચારીઓની મુખ્ય ૧૪ માંગણીઓમાં ફિક્સ પગાર, મહેસુલી કર્મચારીઓનો જોબચાર્ટ, પ્રમોશનમાં ઝડપ અને સમયબદ્ધ અમલવારી, વર્ષ ર૦૧ર ના વર્ષમાં નાયબ મામલતદારોના સિનિયોરિટી લિસ્ટમાં રહેલી વિસંગતતાઓ દૂર કરવી, બદલીના સરળ નિયમો, સેજા અંગેના પ્રશ્નો, સીધી ભરતીથી નિમણૂક પામેલા અને બઢતીથી નિમણૂક પામેલા કર્મચારીઓ વચ્ચેના સિનિયોરિટીના વિવાદોનો કાયમી ઉકેલ, કામનું ભારણ ઘટાડવું, ઉચ્ચ પગાર ધોરણનો લાભ, ખાતાકીય પરીક્ષાઓનું સરળીકરણ, નાયબ મામલતદાર, ક્લાર્ક વગેરે કેડરમાં પ્રશાસનિક સત્તાનું વિકેન્દ્રિકરણ જમીન રિ-સર્વેની કામગીરી માટે ઓનલાઈન પોર્ટલની ખામીઓનો પ્રશ્ન, કોરોનાકાળના પડતર લાભોનો પ્રશ્ન, મહેસુલી કર્મચારીઓની ટેકનિકલ કેડરની વિસંગતતાઓ દૂર કરવી વગેરે માંગણીઓ સાથે મહેસુલી કર્મચારીઓએ સરકાર સામે હડતાલનું શસ્ત્ર ઉગામ્યું છે, અને સરકારે જે કડક વલણ અપનાવ્યું છે, તેના કારણે આજથી શરૂ થવા જઈ રહેલા અનિશ્ચિકાળના આ મહેસુલી આંદોલનના કારણે સરકારી કામકાજ ઠપ્પ થઈ જશે, તે નક્કી છે.

આ પહેલા મહેસુલી કર્મચારીઓએ પાંચમી ઓક્ટોબરે માસ સીએલ રાખી હતી, ત્યારે સીધા સામાન્ય લોકોને સ્પર્શતા ઘણાં બધા સરકારી કામો ઠપ્પ થઈ ગયા હતાં અને લોકોની સાથે સાથે સરકારની આંતરિક ઘણી બધી કામગીરીઓ ખોરવાઈ ગઈ હતી. હવે એક દિવસના અંતરે અનિશ્ચિતકાલીન હડતાલ પડતા કેવી અસરો પડશે અને કડક વલણની ચેતવણી પછી ઊંટ કઈ તરફ કરવટ બદલશે, તે જોવું રહ્યું...

જો કે, મહેસુલી વિભાગે કડક વલણ અપનાવીને અમદાવાદમાં પ૦ થી વધુ વર્ગ-૩ ના મહેસુલી અધિકારીઓની કરેલી બદલીએ આગમાં ઘી હોમવાનું કામ કર્યું છે. તે પછી આજે જે કાંઈ બની રહ્યું છે, તે આપણી સામે જ છે.

સરકાર માટે એક સાંધે ત્યાં તેર તૂટે જેવી સ્થિતિ છે. વકીલો સાથે સમાધાનકારી વલણ પછી સરકારે કર્મચારીઓ સામે કડક વલણ અપનાવતા સરકાર દ્વારા લેવાતા નિર્ણયો તથા અપનાવાતા વલણોમાં ક્યાંક ને ક્યાંક રાજકીય ગણિતો, વહાલા-દવલાની તથા બદલો લેવાની ભાવના હોવાનો જે આભાસ થાય છે, તેની અસરો જનમાનસ પર પડતી હોય છે. હવે આ હડતાલના કારણે હાલાકી ભોગવવી પડશે, તો સામાન્ય જનતા પણ સરકારનો જ વાંક કાઢશે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

ગઈકાલે સાંજે અહેવાલો આવ્યા કે સરકારે વકીલોના પ્રબળ વિરોધ પછી નવા રેન્ટ એક્ટ બિલ-ર૦ર૬ પર પુનર્વિચારણા કરવાની હૈયાધારણા આપી છે. એ પછી આજે રાજ્ય સરકારે ભાડાવિધેયક-ર૦ર૬ ના સંદર્ભે બેઠક બોલાવી છે, જેમાં વકીલોની સંસ્થાઓ બાર કાઉન્સિલ ઓફ ગુજરાત, વકીલ મંડળોના પ્રતિનિધિઓને બોલાવાયા છે. એવું જાહેર થયું છે કે સરકાર હાલ તુરત આ બિલ પર રાજ્યપાલની મંજુરીની પ્રક્રિયા સ્થગિત કરીને આ અંગે પૂનર્વિચારણા કરશે. આ રીતે વકીલોના પ્રચંડ વિરોધ સામે સરકારે ઝુકવું પડ્યું છે અને આજે આ મુદ્દે સકારાત્મક ઉકેલના એંધાણ છે. આ રીતે સરકારે યૂ-ટર્ન લેતા વિપક્ષો કટાક્ષ કરી રહ્યા છે કે ભાજપની ત્રિપલ એન્જિનની સરકારો હવે રોલબેક એટલે કે યૂ-ટર્ન સરકાર બની ગઈ છે, તેવો વ્યંગ કરી રહ્યા છે.

ગઈકાલે સાંજે સમાચાર આવ્યા કે સમગ્ર રાજ્યમાં વકીલોના પ્રચંડ વિરોધ અને કોર્ટ કાર્યવાહીથી અળગા રહેવાના કારણે 'ગુજરાત રાજ્ય ભાડા બિલ-ર૦ર૬' પર હાલતુરત અમલવારી અટકાવી દેવામાં આવી છે. એવી જાહેરાત કરવામાં આવી હતી કે વકીલોની માંગણીઓ સરકારે ગંભીરતાથી સાંભળી છે અને આ નવો કાયદો હાલપૂરતો મોકૂફ રખાયો છે. આ અંગે ફેરવિચારણા કરીને અંતિમ નિર્ણય ન આવે, ત્યાં સુધી જુનો કાયદો જ અમલમાં રહેશે.

મકાનમાલિક અને ભાડૂતને સ્પર્શતા આ મુદ્દે વકીલોએ ચળવળ આદરવી પડી, તેના કારણે સામાન્ય જનતામાં કુતૂહલ ઉત્પન્ન થયું હતું અને અચોક્કસ મુદ્ત સુધી કોર્ટ કાર્યવાહીથી અળગા રહેવા જેવું કદમ ઊઠાવવું પડ્યું તેના કારણે આ મુદ્દાની ગંભીરતા પણ વધી ગઈ હતી. ભાજપના લીગલ સેલમાંથી પણ આ મુદ્દે એકજુથતા દેખાડાઈ હતી અને અંતે દબાણ વધતા રાજ્ય સરકારે અંતે યૂ-ટર્ન લેવો પડ્યો હતો અને હવે અત્યારે તો જુનો કાયદો જ અમલમાં રહેશે, તેથી વકીલો ઉપરાંત સંબંધિત હિતધારકોને પણ રાહત થઈ હશે.

હકીકતે કેન્દ્ર સરકારે આદર્શ ભાડા કાયદો તૈયાર કર્યા પછી કેટલાક રાજ્યોએ પણ નવા કાયદા બનાવવાની દિશામાં કદમ ઊઠાવ્યો, જેમાં ગુજરાતનો સમાવેશ પણ થાય છે. ગુજરાત સરકારે તાજેતરમાં વિધાનસભાના ચોમાસુ સત્રના છેલ્લા દિવસે આ કાયદાનું બિલ પાસ કરાવ્યું હતું, જેના પર રાજ્યપાલના હસ્તાક્ષર થવાના બાકી હતાં, ત્યારે જ વકીલોએ આ બિલનો જબરદસ્ત વિરોધ શરૂ કરી દીધો હતો. વકીલોની દલીલ એવી હતી કે નવા ભાડા કાયદા મુજબ ભાડા અંગેના કેસો ચલાવવાનો સિવિલ કોર્ટસ પાસે અધિકાર હતો, તે મહેસુલી અધિકારીઓને તબદીલ કરવાની જોગવાઈ થવાની હતી, જેના કારણે ગુંચવણો વધવાની હતી. મહેસુલ અધિકારીઓ પાસે સિવિલ કોર્ટના જજો જેટલી ન્યાયિક વિશેષજ્ઞતા હોતી નથી, તે ઉપરાંત એક્ઝિક્યુટીવ અન્ય કામગીરીઓના કારણે મહેસુલી અધિકારીઓ, જેમ કે મામલતદાર, પ્રાન્ત અધિકારી, કલેક્ટર વગેરે આ કેસો માટે પૂરતો સમય પણ ફાળવી શકે તેમ નથી, તેથી સામાન્ય જનતાને પણ ન્યાય મેળવવામાં ઘણો વિલંબ થાય તેમ હતાં. એવો તર્ક પણ રજૂ થયો હતો કે વકીલો અને પક્ષકારોની ગેરહાજરીમાં મહેસુલી અધિકારીઓ દ્વારા ઉતાવળમાં એકપક્ષીય નિર્ણય જાહેર થવાની શક્યતા હતી, જેથી પક્ષકારોના હિતોને નુક્સાન થઈ શકે તેમ હતું.

હવે સરકારે આ નિર્ણય હાલતુરત મોકૂફ રાખ્યા પછી આ જ સ્વરૂપમાં ફરીથી અમલી બને તેવું લાગતું નથી અને જો રાજ્યપાલના હસ્તાક્ષર જ થાય નહીં અથવા તે પછી પણ સરકાર નોટીફિકેશન જાહેર કરીને અમલી બનાવે નહીં ત્યાં સુધી હવે જુનો રેન્ટ એક્ટ જ અમલમાં રહેવાનો છે. બીજા શબ્દોમાં કહીએ તો રાજ્ય સરકારનું વર્ષ ર૦ર૬ નું ભાડા બિલ (રેન્ટ બિલ-ર૦ર૬) હવે અભેરાઈએ ચડાવી દેવામાં આવ્યું છે. આટલા હોબાળા પછી આ નિર્ણય લેવાયો, તે થોડો વહેલો લેવાયો હોત તો શાણપણભર્યું ગણાત, પરંતુ દેર આયે દુરસ્ત આયે...

વકીલોની ચળવળના કારણે દિલ્હીમાં પણ રોલબેક જેવો જ એક નિર્ણય લેવાયો છે. દિલ્હીના બાર એસોસિએશન સેન્ટ્રલ મોટર વ્હીકલ રૂલ્સના ૧૬૭ મા નિયમમાં થયેલા સુધારા મુજબ ટ્રાફિક ચલણ સિસ્ટમની પ૦ ટકા રકમ અનિવાર્ય ડિપોઝિટના વિવાદીત નોટીફિકેશનને અટકાવવું પડ્યું હોવાના અહેવાલો જોતા 'બાર'ની સંગઠન શક્તિનો વિષય પણ ટોક ઓફ ધ નેશન બન્યો છે.

અત્યારે ભાજપ સરકારની માઠી દશા ચાલતી હોય તેમ એક તરફ જ્ઞાનેશકુમારના મુદ્દે વિપક્ષો આંદોલન કરી રહ્યા છે. કોંગ્રેસે તો આખા મહિનાનો પ્રોટેસ્ટ કાર્યક્રમ ઘડી કાઢ્યો છે, તો કોકરોચ જનતા પાર્ટી દ્વારા ૧૦ મી ઓક્ટોબરે મહાઆંદોલનની ચિમકી આપાઈ છે. આજે પણ કોંગ્રેસના સાંસદો દ્વારા જ્ઞાનેશકુમારના મુદ્દે જાહેર થયેલો કૂચનો કાર્યક્રમ છે, તેવી જ રીતે કોંગ્રેસે તબક્કાવાર આ આંદોલન કોંગ્રેસની ત્રણ માંગણીઓ ન સ્વીકારાય ત્યાં સુધી ચલાવવાનું મન બનાવ્યું છે. કોંગ્રેસે જ્ઞાનેશકુમારનું રાજીનામું, એસઆઈઆર રદ્ અને બેલેટપેપરથી ચૂંટણીઓની માંગણી મૂકી છે. હવે આવતા અઠવાડિયે સુપ્રિમ કોર્ટમાં થનારી સુનાવણી પર સૌ કોઈની નજર મંડાયેલી રહેવાની છે.

ભાજપના શાસનમાં રાજીનામા પડે નહીં કે લેવાયેલા નિર્ણયો બદલે નહીં, તેવી માન્યતા હવે અસરકારક રહી નથી, તેથી હવે ભાજપ સંગઠને તથા એનડીએ સરકારોએ દરેક નિર્ણયો સમજી-વિચારીને લેવા પડે તેમ છે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

મોદી સરકાર સામે ચોતરફથી વિવિધ મુદ્દે તડાપીટ બોલી રહી છે, જેમાં મુખ્ય મુદ્દો વોટરચોરીનો છે. મુખ્ય ચૂંટણી કમિશનર જ્ઞાનેશકુમારને કઠપૂતળી બનાવીને ભાજપ સરકાર વોટચોરી કરી રહી હોવાના આક્ષેપો સાથે મુંબઈથી દિલ્હી સુધી ગઈકાલે જ વિરોધ-પ્રદર્શનના પ્રયાસો થયા, તેમાંથી મહારાષ્ટ્રની રાજનીતિમાં પારિવારિક અને રાજકીય મતભેદોને બાજુ પર રાખીને ફરીથી એકજુથ થઈ રહેલા ઠાકરે પરિવારનો રણટંકાર કાંઈક અલગ જ જુસ્સાથી ગૂંજ્યો હતો.

ગઈકાલની જ્ઞાનેશકુમારની કૂચ પરથી એ પૂરવાર થઈ ગયું કે આ મુદ્દો હવે રાષ્ટ્રીય બની રહ્યો છે અને તેના કારણે માત્ર ચૂંટણીપંચ જ નહીં, પરંતુ એનડીએની કેન્દ્ર સરકાર/રાજ્ય સરકારો પણ ઘેરાવા લાગી છે, કારણ કે એસઆઈઆરના મુદ્દે હવે રાજ્યકક્ષાએ પણ આંદલનો શરૂ થઈ ગયા છે, જે જિલ્લા-તાલુકાઓ સુધી વિસ્તરી રહ્યા છે. આ બધા રાજકીય ઘટનાક્રમો વચ્ચે મુંબઈમાં ચર્ચાનો બીજો મુખ્ય મુદ્દો હતો 'ઠાકરે બ્રધર્સ રિટર્ન્સ...'

મહારાષ્ટ્રમાં એક સમયે શિવસેનાનો દબદબો હતો અને બાલાસાહેબ ઠાકરેનો 'વટ' હતો. બાલાસાહેબે પોતાની હયાતીમાં શિવસેનાને ચેતનવંતુ રાખનાર ભત્રીજા રાજ ઠાકરેના બદલે શિવસેનાની કમાન્ડ માટે પોતાના પુત્ર ઉદ્ધવ ઠાકરે પર પસંદગી ઉતારી તે પછી જે કાંઈ થયું હતું, તે આપણી સામે જ હતું. રાજ ઠાકરે શિવસેનામાંથી નીકળી ગયા અને સમયાંતરે મહારાષ્ટ્ર નવનિર્માણ સેના (મનસે) નામનો રાજકીય પક્ષ સ્થાપ્યો. જો કે, ઉદ્ધવ ઠાકરેએ ભાજપ સાથે લાંબા સમયનું ગઠબંધન તોડીને એનસીપી અને કોંગ્રેસ સાથે મહાવિકાસ અઘાડી નામનું ગઠબંધન રચ્યું, તે પછી રાજ ઠાકરે રાજકીય દૃષ્ટિએ શિવસેના અને ઉદ્ધવ ઠાકરેથી ઘણાં જ દૂર થઈ ગયા હતાં.

વર્ષો પછી જુલાઈ-ર૦રપ માં રાજઠાકરે અને ઉદ્ધવ ઠાકરે એક રેલીમાં એકસાથે દેખાયા, ત્યારે અંદાજ આવી ગયો હતો કે 'મરાઠી માનુસ'ના મુદ્દે બન્ને ભાઈઓ એક સાથે આવી રહ્યા છે, તેથી શિવસેના પુનઃ શક્તિશાળી બનશે. જો કે, રાજકીય પક્ષ તરીકે મનસે કાર્યરત જ રહ્યું, અને (ઓપરેશન હેઠળ?) શિવસેનાના ભાગલા પડ્યા, અને મહારાષ્ટ્રમાં મહાવિકાસ અઘાડીના શાસનનો અંત આવ્યો તે પછી રાજકીય રીતે પાછળ ધકેલાઈ ગયેલા ઉદ્ધવ ઠાકરેને જ્ઞાનેશકુમારના મુદ્દે રાજ ઠાકરેનો સક્રિય ટેકો મળતા એવી વાતો પણ વહેતી થઈ છે કે 'મનસે'નું વિલિનિકરણ ઉદ્ધવ ઠાકરેની શિવસેનામાં થવાની તૈયારી છે!

ગઈકાલે મુંબઈમાં ઠાકરે બ્રધર્સના નેતૃત્વમાં 'વિરાટ ગર્જના મોરચો' નીકળ્યો હતો અને મુખ્ય ચૂંટણી અધિકારી જ્ઞાનેશકુમારના રાજીનામાની માગણી કરી દક્ષિણ મુંબઈના મેટ્રો સિનેમાથી બીએમસી સુધી નીકળેલા વિરાટ ગર્જના મોરચાની વિશેષતા એ હતી કે આ રેલીમાં કોઈપણ રાજકીય પક્ષ કે સંગઠનનો ધ્વજ નહોતો, પરંતુ તિરંગો તથા જ્ઞાનેશકુમાર વિરોધી સૂત્રો લખેલા બેનર્સ, પ્લેકાર્ડસ જ હતાં, તેથી જ્ઞાનેશકુમાર સામેની આ કૂચ એક તરફ તો જ્ઞાનેશકુમાર સામે જનઆંદોલનના સ્વરૂપની દેખાડવાનો પ્રયાસ થયો હતો, તો બીજી તરફ 'ઠાકરે બ્રધર્સ રિટર્ન્સ'ની પ્રતિતી થઈ હતી.

જ્ઞાનેશકુમારના મુદ્દે કોકરોચ જનતા પાર્ટીએ અલગથી આંદોલન આદર્યું છે, અને ૧૦ ઓક્ટોબરે દેશવ્યાપી આંદોલનની જાહેરાત કરી છે, તો બીજી તરફ જ્ઞાનેશકુમારની વિરૂદ્ધમાં દિલ્હીમાં વિપક્ષો દ્વારા બે દિવસથી વિરોધ પ્રદર્શનો થઈ રહ્યા છે, અને ગઈકાલે પોલીસે ૧પ૦ થી વધુ આંદોલનકારીઓની ધરપકડ કરી હતી. આ દરમિયાન પોલીસ અને પ્રદર્શનકારીઓ વચ્ચે ઘર્ષણ થયા પછી રાહુલ ગાંધી સહિત કોંગ્રેસના નેતાઓએ સરકાર પર ગંભીર આક્ષેપો કર્યા છે. બીજી તરફ જ્ઞાનેશકુમારના મુદ્દે આજે સુપ્રિમ કોર્ટમાં થયેલી અરજીના સંદર્ભે સુપ્રિમ કોર્ટ કેવું વલણ અપનાવે છે અને જ્ઞાનેશકુમારની મુશ્કેલીઓ વધે છે કે ઘટે છે, તે અંગે લોકોમાં કુતૂહલ અને ઈન્તેજાર જોવા મળી રહ્યા છે.

જ્ઞાનેશકુમારના મુદ્દે ઈન્ડિ એલાઈન્સ એકજુથ થઈ રહેલું જણાય છે, જ્યારે અન્ય મુદ્દે એનડીએમાં આંતરિક મતભેદો પનપી રહ્યા હોવાના અહેવાલો વચ્ચે દેશમાં પરિવર્તનનો પવન ફૂંકાશે એવો આશાવાદ પ્રસરી રહ્યો છે. જ્ઞાનેશકુમાર મુખ્ય ચૂંટણી કમિશનર થયા, તે પછીની તમામ ચૂંટણીઓ રદ્ કરીને ફરીથી ચૂંટણી કરાવવાની વાત વિરોધ પક્ષો તરફથી થાય તેની સામે એવો અવાજ પણ ઊઠી રહ્યો છે કે જ્ઞાનેશકુમાર ચૂંટણી કમિશનર બન્યા તે પછી જે ચૂંટણીઓમાં કેટલાક સ્થળે વિપક્ષોની સત્તા સ્થપાઈ છે, ત્યાં પણ ફરીથી ચૂંટણી (બેલેટ પેપરથી) કરાવવી જોઈએ કે નહીં?

ઈન્ડિ ગઠબંધન અને એનડી ગઠબંધન (ઈન્ડિયા એલાઈન્સ અને નેશનલ ડેમોક્રેટિક એલાઈન્સ) માં વિવિધ મુદ્દે એકજુથતા તો અન્ય કેટલાક વિષયો પર મતમતાંતરો જોવા મળી રહ્યા છે. પંજાબમાં તો આમ આદમી પાર્ટી, કોંગ્રેસ અને અકાલીદળની સરખામણીમાં ભારતીય જનતા પક્ષનો જનાધાર ઓછો છે, તો બીજી તરફ આમ આદમી પાર્ટી અને કોંગ્રેસ વચ્ચે આગામી ચૂંટણી જીતવાની તીવ્ર સ્પર્ધા છે. બીજી તરફ અખિલેશ યાદવ કોંગ્રેસને ઓછી આંકતા હોય તેમ બેઠકોની વહેંચણીમાં મતભેદો છે. જો કે, બધા વિપક્ષો એક મુદ્દે તો સહમત જ છે કે હવે કેન્દ્રમાં પરિવર્તન થવું જોઈએ, પરંતુ 'મેળ' પડશે કે કેમ? તે માટે બહું રાહ જોવી નહીં પડે, તેવું લાગે છે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

ગુજરાતના કેટલાક શહેરોમાં ભૂતકાળમાં સ્વચ્છતા અભિયાનની સફળતા માટે ઘણાં પ્રયોગો થયા છે અને કેટલાક ઉત્સાહી ઉચ્ચ અધિકારીઓએ સોશિયલ મીડિયાનો ઉપયોગ કરીને સ્વચ્છતા અભિયાનને સાર્વજનિક સંસ્કાર બનાવવાના પ્રયાસો પણ કર્યા હતાં. જામનગર સહિત રાજ્યના કેટલાક શહેરોમાં વર્તમાન ઈન્ટરનેટ યુગમાં અદ્યતન ટેકનોલોજીનો ઉપયોગ કરીને શહેરોને સ્વચ્છ, સુઘડ, સાફસુથરા અને સુશોભિત બનાવવાના કરેલા કેટલાક પ્રયોગોને અંશતઃ સફળતા મળી તો કેટલાક પ્રયાસો પ્રારંભમાં સફળ થયા પછી થોડા મહિનાઓમાં જ 'જૈસે થે'ની સ્થિતિ થઈ ગઈ હતી.

કેટલીક મહાનગરપાલિકાઓએ વોટ્સએપ નંબર જાહેર કરીને તેમાં ક્યાંય પણ ગંદકી થઈ હોય તો તેની તસ્વીરો અથવા વીડિયો પૂરેપૂરી વિગત સાથે મોકલવા પબ્લિકને અનુરોધ કર્યો હતો અને તેના આધારે જરૂરી પગલાં લઈને આ ફરિયાદોનો નિકાલ કરવા એટલે કે ગંદકી અને કચરા-ઉકરડા હટાવીને સફાઈ કરાવવાની સૂચનાઓ પણ સંબંધિત તંત્રોને અપાઈ હતી, જેમાં ઘણાં સ્થળે સારા પરિણામો પણ આવ્યા હતાં, પરંતુ જે સ્થળે કચરા-ઉકરડા થતા હોય, પ્રદૂષિત પાણી ફેલાવાતું હોય કે નિયમિત સફાઈ થતી ન હોય, ત્યાં જ અથવા તેનાથી નજીકના કોઈ સ્થળે ફરીથી કચરા-ઉકરડા-ગંદકી થવા લાગ્યા હતાં. મ્યુનિ. કમિશનર, ડે. કમિશનર, કલેક્ટર કે ચીફ ઓફિસરની બદલી થયા પછી તંત્ર દ્વારા ફોલો-અપ નહીં કરતા આ પ્રકારની ઝુંબેશોનું ઘણાં સ્થળે બાળમરણ પણ થયું હતું.

તે પછી સ્વચ્છતા અભિયાન આગળ વધ્યું અને ભીના તથા સૂકા કચરા માટે ડસ્ટબિનોનું વિતરણ ઘણાં સ્થળે કરાયું, અને મહાનગરો-નગરોમાં જાહેર સ્થળે મોટી જુદા જુદા કલરની ડસ્ટબિનો મૂકાઈ હતી અને મોટા સર્કલો નજીક કન્ટેનરો મૂકવામાં આવ્યા હતાં, જો કે તે પછી ઘણાં સ્થળે લોકોને વિતરણ કરવાની કચરા ટોપલીઓ ધૂળ ખાઈ રહી હોવાના અહેવાલો પણ આવ્યા હતાં અને ઘણાં સ્થળે મૂકેલા કન્ટેનરો જ ભંગારમાં તબદિલ થઈ જતા કન્ટેનરો જ્યાં હતાં, ત્યાં જ ઉકરડા ઊભા થઈ ગયા હતાં અને સમસ્યા વકરી હતી.

તે પછી ગુમડુ મટાડવાના બદલે હાથ જ કાપી નાખવા જેવો નિર્ણય લઈને કન્ટેનરો હટાવી લેવાયા અને કચરાની ગાડીમાં જ કચરો નાંખવાની જવાબદારી નગરજનોની હોવાનું જાહેર કરાયું હતું.

આ નિર્ણય લેવાયા પછી ઘણાં પ્રશ્નો ઊઠ્યા હતાં, ઘણાં સ્થળેથી કન્ટેનરો તો હટી ગયા, પરંતુ તે જ સ્થળે લોકો કચરો ફેંકી જતા હોવાથી ત્યાં મોટા ઉકરડા સર્જાયા છે, તો બીજી તરફ ઘણાં સ્થળે લોકો પાર્ક કરેલા વાહનોની નીચે, માર્ગોની સાઈડોમાં આવેલી જગ્યાઓમાં કે પછી અંધારિયા, રાત્રે બંધ રહેતા સરકારી, અર્ધ-સરકારી સંકુલોની નીચે કચરો ફેંકી જતા હોવાની આશંકાઓ ઊઠવા લાગી છે, અને આ બધું એટલા માટે થઈ રહ્યું છે કે માત્ર કચરાની ગાડીમાં કચરો નાખવા તથા જેના ઘર-દુકાનો કે વ્ય્વસાયના સ્થળો, સંસ્થાઓ નજીકથી કચરો પકડાશે, તો દંડ કરાશે, તેવી જાહેરાત કર્યા પછી પણ ધાર્યા મુજબના પરિણામો આવ્યા નથી. તેથી કન્ટેનરો તદ્ન હટાવી જ લેવાના નિર્ણયની પુનર્વિચારણા કરવી પડે અથવા તેનો કોઈ મજબૂત વિકલ્પ શોધવો પડે, કારણ કે જાહેરમાં કચરો ફેંકી જતા લોકો જો સ્વયંશિસ્ત ન શીખે અથવા તેઓની 'મજબૂરી'ને સમજીને તંત્રો દ્વારા તેનો તોડ (ઉપાય) ન કરવામાં આવે ત્યાં સુધી આ 'કડક' નિર્ણયનું ધાર્યું પરિણામ આવી શકે તેમ જણાતું નથી.

આ વખતે ગાંધી જયંતીના દિવસે કેન્દ્ર-રાજ્ય સરકારે એક કેન્દ્રકૃત (સેન્ટ્રલ) વ્હોટ્સ એપ નંબર પર જ્યાં પણ કચરો-ગંદકી-ઉકરડા થતા હોય, તેનો ફોટો-વીડિયો તથા પૂરેપૂરી વિગત અને એડ્રેસ વગેરે મોકલનારના નામ-સરનામા વગેરે સાથે મોકલે, તો તે સમસ્યાના નિવારણ માટે સંબંધિત નગરપાલિકા-મહાનગરપાલિકા તંત્રને મોકલાવાનું લોકોને સૂચવ્યું છે. આ અભિગમ આવકારદાયક છે, પરંતુ ભૂતકાળના કેટલાક પ્રયોગોને મળેલી નિષ્ફળતા પછી લોકોને આશંકા રહે છે કે આ નવો કેન્દ્રિય પ્રયોગ જે નાના પાઠે પહેલા કેટલાક સ્થળે પૂરેપૂરો સફળ થયો નથી, તે વિકાળ પાયે સફળ થશે ખરો? 'મારો કચરો, મારી જવાબદારી'નો સિદ્ધાંત જ્યાં સુધી સર્વસ્વીકૃત બને નહીં, અને દિવસમાં માત્ર એકાદ-બે વખત આવતી કચરાગાડીના સમયે કામ-ધંધો કે બહાર જતા લોકોના કચરાનું શું થાય? તે પ્રશ્નનો જવાબ ન મળે, ત્યાં સુધી આ પ્રકારની ઝુંબેશો સફળ થવાના ચાન્સીસ કેટલા? તે પ્રશ્ન અત્યારે ક્વેશ્ચન ઓફ ધી સ્ટેટ બન્યો છે, જો કે આ પ્રકારના ફોટો-વીડિયો સરકાર મારફત નગરપાલિકા-મહાનગરપાલિકાના તંત્રોને પહોંચાડાયા પછી પણ સફાઈ ન થાય, ત્યારે સરકાર કોઈ કડક કદમ ઊઠાવવા લાગે, તો કાંઈક લક્ષિત પરિણામો આવી શકે ખરા...

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

જામનગરમાં 'નેત્રમ' નેટવર્ક હેઠળ મહાનગરમાં ઠેર-ઠેર સીસીટીવી કેમેરા ગોઠવવામાં આવ્યા છે. જેનો કાયદો અને વ્યવસ્થાની જાળવણી ઉપરાંત કેટલાક જનહિત માટે બહુહેતુક ઉપયોગ થઈ શકે છે. આ સીસીટીવી કેમેરાનું નેટવર્ક ટ્રાફિક વ્યવસ્થા તથા દુર્ઘટના-નિયમભંગ અંગે ઝડપથી માહિતી અને સચોટ હકીકત મેળવવામાં ઉપયોગી બને છે. આ નેટવર્ક મહાનગરની વધતી જતી વસતિ તથા ચોતરફ વિસ્તરી રહેલા રહેણાંક વિસ્તારોને ધ્યાને લઈને ઘણું જ વિસ્તૃત કરવાની જરૂર જણાય છે.

ઘણાં સ્થળે ખાનગી પેઢીઓ, કારખાના, વ્યવસાયિક સ્થળો, શોપીંગ મોલ, અખબારોના કાર્યાલયો, ખાનગી ઓફિસો તથા ઘણાં બધા જાગૃત લોકો દ્વારા પોતાના રહેણાંકની આજુબાજુ પણ સીસીટીવી કેમેરા લગાવ્યા છે, જેથી ઘણી વખત પોલીસતંત્રને આ ખાનગી સીસીટીવી કેમેરા દ્વારા થયેલા રેકોર્ડીંગમાંથી પણ મહત્ત્વપૂર્ણ કલૂ કે હિન્ટ મળી જતી હોય છે. ઘણી વખત તો ગુનાખોરોની ઓળખ પણ સીસીટીવી કેમેરાઓના કારણે ઝડપથી થઈ જતા તેઓને દબોચી લેવામાં સરળતા થતી હોય છે, અને ઝડપ પણ થતી હોય છે.

જો કે, પ્રાઈવેટ સીસીટીવી કેમેરા લગાવતી વખતે કોઈની પ્રાઈવસીનો પ્રત્યક્ષ કે પરોક્ષ રીતે ભંગ થતો હોય, તેવી રીતે લગાવાય ન જાય, તે માટે તકેદારી રાખવી પડતી હોય છે, અને મોટાભાગે ખાનગી રેસિડેન્સિયલ એરિયામાં વ્યક્તિગત કે સંસ્થાગત સીસીટીવી કેમેરા લગાવતી વખતે તે અંગેની તકેદારી રખાતી જ હોય છે. જો કે, ખાનગી સીસીટીવી કેમેરા પોતાની માલિકીના સંકુલો કે રહેણાંકોમાં લગાવવા અંગેના  નિયમ-કાયદાનું વિસ્તૃતિકરણ થયું છે કે નહીં, અથવા તે અંગેના સ્પષ્ટ નિયમ-કાયદા અમલમાં છે કે નહીં, તે અલગ વિષય છે, પરંતુ મોટાભાગે આ પ્રકારનું નેટવર્ક કોઈની પ્રાઈવસીનો ભંગ ન થાય, તેવી જ રીતે ગોઠવાતું હોવાથી  કેટલાક અપવાદરૂપ કિસ્સાઓ સિવાય હજુ સુધી બહુ સમસ્યાઓ ઊભી થઈ રહી નથી. જો કે, હવે અદ્યતન ટેકનોલોજીનો વ્યાપ વધ્યા પછી આ દિશામાં પણ આગેકૂચ થશે જ, તે નક્કી છે.

જામનગરની ચારેય તરફ સોસાયટી વિસ્તારો વિકસી રહ્યા છે. તાજેતરમાં જ રીંગરોડ પરના કેદારપાર્કમાંથી એક મહિલાના ગળામાંથી સોનાના ચેનની ચીલઝડપ દિવસના સમયે થઈ હતી, તે પછી એક તરફ તો પોલીસ તંત્ર દ્વારા શતર્કતા વધારાઈ, તો બીજી તરફ આ રીંગ રોડ પર છેલ્લા દસેક વર્ષથી વિસ્તરેલી અનેક સોસાયટીઓ તથા ટાઉનશીપોના રહીશો પણ વધુ સતર્ક થઈ ગયા છે. કેદારપાર્કની પહેલાથી બનેલા તથા તાજેતરમાં નિર્માણ થયેલા રહેણાંક વિસ્તારો, સોસાયટીઓ તથા ટાઉનશીપો જ નહીં. પરંતુ મહાનગરની ચોતરફના સોસાયટી વિસ્તારોના લોકો આ પ્રકારની ગુનાખોરી વધુ વકરે નહીં તે માટે ચિંતિત થયા છે.

હકીકતે કેદારપાર્ક, રવિપાર્ક ટાઉનશીપ, નિલકંઠ, તિરૂપતિથી લઈને રાજપાર્ક, ન્યુ જામનગર સહિતના નગરની ચારેય તરફ છેલ્લા એકાદ દાયકાથી વિસ્તરેલા સોસાયટી વિસ્તારોમાં હવે પૂરેપૂરા ટેનામેન્ટ બન્યા છે, ઘણાં નવા એપાર્ટમેન્ટો બન્યા છે, અને યાદવનગર જેવા વિસ્તારોમાં પણ નવા રહેણાંક મકાનો બન્યા છે, જેથી વસતિ પણ વધી છે અને તંત્રો માટે પડકારો પણ વધ્યા છે. આ સ્થિતિમાં દિવસ અને રાતના પેટ્રોલીંગમાં વધારો,  ખબરીઓના નેટવર્કનું વિસ્તૃતિકરણ, અદ્યતન ટેકનોલોજીનો સમયબદ્ધ અને ભરપૂર ઉપયોગ અને ખાસ કરીને લોકોની સ્વજાગૃતિમાં વધારો થવો પણ અત્યંત જરૂરી છે.

સોસાયટી વિસ્તારો તથા ટાઉનશીપોમાં સોસાયટીની આંતરિક વ્યવસ્થાઓ માટે સમિતિઓ, ટ્રસ્ટો કે કારોબારી સહિત હોદ્દેદારોની નિમણૂકો થતી હોય છે. સોસાયટી બન્યા પછી તેના દ્વારા પણ આંતરિક સુરક્ષા માટે ઘણાં સ્થળે સીસીટીવી કેમેરા લગાવાઈ રહ્યા છે અને તેનું રેકોર્ડીંગ પણ નિયત સમયગાળા માટે સાચવી રાખવાના ઉપાયો થઈ રહ્યા છે, જેમાં વધુ જાગૃતિ, વધુ ઝડપ અને  ખાસ કરીને સંપૂર્ણ સોસાયટીના મુખ્ય માર્ગો તથા ગલીઓ ઉપરાંત મંદિરો, સાર્વજનિક પ્લોટ, પાર્કિંગ પ્લોટ, સેલર, મેઈન ગેઈટથી પાછળનો ગેઈટ હોય તો ત્યાં સુધી તથા ચોતરફના વિસ્તારોને આવરી લેવા જરૂરી છે, અને મેઈન ગેઈટની બહારના જાહેર માર્ગોને પણ શક્ય તેટલા આવરી લેવા જરૂરી છે, અને મેઈન ગેઈટની બહારના જાહેર માર્ગોને પણ શકય તેટલા દૂર સુધીનું રેકોર્ડિંગ થઈ જાય, તેવી રીતે આવરી લેવા જોઈએ, આ માટે 'નેત્રમ'ના માર્ગદર્શન  હેઠળ જનસહયોગ તથા સંકલનથી પરિણામલક્ષી નેટવર્ક ગોઠવાઈ શકે છે. આ માટે થતા ખર્ચનું ફંડીંગ પણ સોસાયટીઓ તરફથી થતું રહે તે જરૂરી છે, કારણ કે આ સતત ચાલતી પ્રક્રિયા છે, અને તેને લગાવ્યા પછી સતત મોનિટરીંગ મરામત તથા સુધારા-વધારા કરવાની જરૂર રહેતી હોય છે. જેથી તંત્રની 'તિસરી આંખ'ની જેમ જ સોસાયટીઓની પણ 'તિસરી આંખ' ખૂબ જ શક્તિશાળી બને તે જરૂરી છે.

સીસીટીવી ગોઠવતી વખતે પણ થોડું ધ્યાન આપવું પડે અને નજીકના ભવિષ્યનો વિચાર કરીને વ્યૂહાત્મક સ્થળો નક્કી કરવા જોઈએ. જ્યાં વૃક્ષો ઉછરી રહ્યા હોય, પ્લાન્ટેશન થઈ રહ્યું હોય, ટૂંક સમયમાં બાંધકામ થવાનું હોય કે વિકાસના નવા આયોજનો હોય, તેને લક્ષ્યમાં લઈને સીસીટીવી કેમેરા ફીટ કરવા જોઈએ, જેથી તે ઢંકાઈ ન જાય અને લાંબા સમય સુધી ઉપયોગી બનતા રહે.

સીસીટીવીની સાથે જ તેજસ્વી સ્ટ્રીટ લાઈટો પણ લગાવવી જ પડે અને ખાનગી સ્થળો કે રહેણાંકો પર સીસીટીવી લગાવ્યા હોય, ત્યાં પણ રાત્રિના સમયે પૂરતો પ્રકાશ રહેવો જરૂરી છે. ઘણાં લોકો પોતાના ઘર-દુકાન કે વ્યવસાયના સ્થળે રાતભર જોરદાર પ્રકાશ આપતી સોલાર લાઈટ ફીટ કરતા હોય છે. જામનગર મહાનગરપાલિકાએ પણ વિસ્તરેલા વિસ્તારોમાં ટમટમિયાની જગ્યાએ પૂરતો પ્રકાશ ફેંકતી સ્ટ્રીટ લાઈટો ફીટ કરવી પડે તેમ છેે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

મોંઘવારી માઝા મૂકશે અને ફૂગાવો વધશે તે પ્રકારના અંદાજો રાષ્ટ્રીય અને આંતરરાષ્ટ્રીય આર્થિક અને માર્કેટીંગ ક્ષેત્રના નિષ્ણાતો તો કરતા જ હોય છે, પરંતુ જુદા જુદા દેશોની સરકારો પણ આ મુદ્દે ચિંતિત રહેતી હોય છે, તો લોકતાંત્રિક દેશોમાં વિપક્ષો સરકાર પર તડાપીટ બોલાવતા હોય છે. આ એક પ્રચલિત અને પરંપરાગત ફેક્ટ (હકીકત) છે, અને આ પ્રકારના અંદાજો તથા ટિકા-ટિપ્પણીઓ જ આ પ્રકારની વિટંબણાઓમાંથી માર્ગ કાઢવાની દિશા પણ ચિંધતી હોય છે.

મોંઘવારીના મુદ્દે મોદી સરકારના મંત્રીએ જ્યારે ચિંતા વ્યક્ત કરી, ત્યારે તે ચર્ચાનો વિષય બન્યો, કારણ કે દેશમાં 'સબ સલામત'ની આલબેલ વગાડતા રહેતી સરકારના વિદેશમંત્રી જ્યારે વિદેશની ધરતી પરથી વૈશ્વિક મોંઘવારી અંગેની વાત ગંભીરતા સાથે કરે ત્યારે એ સવાલ સ્વાભાવિક રીતે જ ઊઠે કે શું આ મહા મોંઘવારીની માઠી અસરો આપણાં દેશ પર નહીં પડે?

હકીકતે તાજેતરમાં જ વિદેશમંત્રી એસ. જયશંકરે યુનો તથા ન્યૂયોર્કમાં જુદા જુદા સ્થળે કરેલા નિવેદનોમાં 'ફોર એફ' ક્રાઈસીસની વાત કરી હતી.

સંયુક્ત રાષ્ટ્ર મહાસભામાં પહેલીવાર ફોર એફ સંકટની વાત કર્યા પછી ન્યૂયોર્કમાં એશિયા સોસાયટીમાં યોજાયેલા સંવાદમાં તેમણે ચાર એફ અંગે વિગતવાર ચર્ચા કરીને તેનો અર્થ સમજાવ્યો હતો અને આ ચિંતા વિશ્વવ્યાપી હોવાના મૂળમાં રહેલા ચાર પ્રકારના મુખ્ય કારણો પણ વર્ણવ્યા હતાં. હવે આ મુદ્દે જ તેઓ ઘરઆંગણે ઘેરાઈ રહ્યા હોય તેમ જણાય છે.

એસ. જયશંકરે ચાર પ્રકારના વૈશ્વિક સંકટોને 'ફોર એફ'નું નામ આપ્યું છે, જેમાં ફૂડ, ફ્યુઅલ, ફર્ટિલાઈઝર અને ફાયનાન્સનો સમાવેશ કર્યો છે.

ઈઝરાયલ-ઈરાન-અમેરિકા યુદ્ધો, રશિયા-યુક્રેન યુદ્ધ, પાકિસ્તાન-અફઘાનિસ્તાન સંઘર્ષ તથા કેટલાક દેશોમાં ચાલી રહેલા ગૃહયુદ્ધોના કારણે આ ચારેય મુદ્દે વિશેષ માઠી અસરો થઈ છે. હોર્મુઝ સહિતના દરિયાઈ માર્ગો બંધ થવા તથા યુદ્ધોના કારણે પ્રભાવિત થતા પરિવહનના કારણે વિશ્વમાં ખાદ્યાન્નની અછત સર્જાવાની ભીતિ તરફ ઈશારો કરતા જયશંકરે ક્રૂડ ક્રાઈસીસના સંભવિત માઠા પરિણામો તરફ પણ અંગૂલીનિર્દેશ કર્યો હતો.

આ કારણે ખાદ્યચીજોનો પુરવઠો જોખમાશે, અને મિડલ ઈસ્ટની અશાંતિના કારણે ખાતર (ફર્ટિલાઈઝર) પણ મોંઘુ થઈ રહ્યું હોવાનું જણાવી ખેત-ઉત્પાદન ઘટી જતા ખાદ્યાનના ભાવો આકાશને આંબી જશે, તેવી સંભાવનાઓ પણ જણાવાઈ છે.

રશિયા અને મધ્યપૂર્વના દેશો ફર્ટિલાઈઝરના મુખ્ય ઉત્પાદક દેશો છે, જ્યાં ચાલી રહેલ ઘર્ષણોના કારણે ફર્ટિલાઈઝરની તંગી સર્જાય અને તેથી ખેતી મોંઘી બને તથા ખેતઉત્પાદન ઘટી જતા તેની તંગી સર્જાય તથા ભાવો ઘણાં જ ઊંચા જતા મોંઘવારી ફાટી નીકળે તેવી દહેશત તરફ સંકેત કરતા તેઓએ આને બીજો 'એફ' ગણાવ્યો હતો.

સુપર અલનીનોની અસર થતા આમ પણ ખેતઉત્પાદનોને માઠી અસર પહોંચી છે અને ભારતના ગુજરાતના પશ્ચિમી દરિયાકાંઠાના હાલાર સહિતના જિલ્લાઓની જેમ દુનિયાના જે દેશોને અલનીનોની માઠી અસર પહોંચી છે, ત્યાં બેવડો માર પડ્યો છે.

મિડલ ઈસ્ટ, ખાડી દેશો તથા અમેરિકા-ઈરાન યુદ્ધોના કારણે સપ્લાઈ ચેનલ ખોરવાઈ જતા ફ્યુઅલ એટલે કે ઈંધણની તંગી ઊભી થવાના મંડરાતા રહેતા ખતરા વચ્ચે મોંઘા વિકલ્પો દ્વારા પુરવઠો જાળવવાનો પ્રયાસ તો થઈ રહ્યો છે, પરંતુ તેના કારણે ઈંધણ તબક્કાવાર મોંઘુ થતું જતા તેની અસર હેઠળ ટ્રાન્સપોર્ટેશન મોંઘુ થાય છે, જેના કારણે તમામ ચીજવસ્તુઓના ભાવો વધી રહ્યા છે, જેને જયશંકરે ત્રીજો 'એફ' ગણાવ્યો છે.

ફ્રૂડ, ફર્ટિલાઈઝર અને ફ્યુઅલની આ સ્થિતિમાંથી જ ચોથા 'એફ'નો ઉદય થયો હોય તેમ વિશ્વમાં ફાયનાન્સ એટલે કે આર્થિક સેક્ટર પર પણ ભારે દબાણ આવ્યું છે. ભારતે તો હજુ જીડીપી જાળવી રાખ્યો છે, પરંતુ ઘણાં દેશોનો વિકાસ દર ઘણો જ ઘટી ગયો છે, જો કે જીડીપી વધવા છતાં ફોરેન ઈન્વેસ્ટરોએ અબજો રૂપિયાનું મુડીરોકાણ ભારતમાંથી પાછું ખેંચી લેતા જે સ્થિતિ સર્જાઈ રહી છે, તેની વાત ભલે કોઈ કરતું ન હોય, પણ આ ચારેય 'એફ'ના કારણે ઊભી થયેલી વૈશ્વિક વિટંબણાનો ભોગ ભારત પણ બની જ રહ્યું છે, તે પણ નક્કર હકીકત છે.

બીજી તરફ કોંગ્રેસના દિગ્ગજ નેતાઓ દેશમાં મોંઘવારીના મુદ્દે મોદી સરકાર પર તડાપીટ બોલાવી રહ્યા છે. ઓક્ટોબરથી તાંબુ, એલ્યુમિનિયમ જેવા રો-મટિરિયલના ભાવો વધવાની સંભાવનાના કારણે ટેલિવિઝન, વોશિંગ મશીન, એરકન્ડીશન્ડ મશીનો સહિતના ઈલેક્ટ્રોનિક્સ સાધનો મોંઘા થવાના એંધાણ વર્તાઈ રહ્યા છે. આ બધી વસ્તુઓ હવે જીવનજરૂરી ચીજો બની ગઈ હોવાથી સરકારે હવે 'સબ સલામત' અને સિદ્ધિઓના ગુણગાન ગાવાની સાથે સાથે વિદેશની ધરતી પરથી જણાવાયેલા 'ફોર એફ સકંટ' થી દેશને બચાવવાનો માસ્ટર પ્લાન જાહેર કરવો જોઈએ.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

કેશુબાપાના મંત્રીમંડળમાં એક મંત્રી હતાં, જેઓ માર્ગ-મકાન વિભાગના કામોની અચાનક મુલાકાત લેતા હતાં અને બાંધકામની ખુદ જ ગુણવત્તા તપાસીને તત્કાળ કડક કદમ ઊઠાવતા હતાં, અને તે કારણે તેઓ લોકપ્રિય હતાં, અને ચર્ચાના કેન્દ્રમાં રહેતા હતાં. સવજીભાઈ દુર્ભાગ્યે પચાસ વર્ષની ઉંમરે પણ પહોંચ્યા નહીં, પરંતુ તેમણે મંત્રી તરીકે અપનાવેલો અભિગમ અને અનોખી કાર્યશૈલી આજે પણ વખતોવખત દૃષ્ટાંત તરીકે રજૂ થતી રહે છે.

મહારાષ્ટ્રના એક આઈએએસ અધિકારી તુકારામ મુંઢે તાજેતરમાં ગુજરાતની મુલાકાતે આવ્યા હતાં, તે પછી તેની ચર્ચા થતી રહે છે અને તેના સંદર્ભમાં પણ સવજીભાઈ કોરાટનો ઉલ્લેખ થતો સંભળાય છે. ગુજરાતની મુલાકાત દરમિયાન ફૂડ સેફ્ટીની ચિંતા તથા સેલેબ્રિટીઝ દ્વારા બિનઆરોગ્યપ્રદ ચીજવસ્તુઓના ભ્રામક પ્રચાર સામે જે રીતે ખરી ખરી સંભળાવી, તે પછી ગુણવત્તાનો મુદ્દો ચર્ચાયો. ખાદ્ય પદાર્થો હોય કે વિકાસના કામો હોય, જો ગુણવત્તાના મુદ્દે કોઈપણ સંજોગોમાં બાંધછોડ નહીં કરવાનો સવજીભાઈ અને તુકારામભાઈ જેવો અભિગમ નેતાઓ અને બ્યુરોક્રેટ્સ અપનાવે, તે ઈચ્છિનય છે, અને અઘરૂ પણ છે, કારણ કે જો આ બન્ને કક્ષાએ ગુજરાતની ચિંતા સંપૂર્ણપણે તથા ચૂસ્તપણે થતી હોત તો આજે જે અનહેલ્ધી ચીજવસ્તુઓ તથા તકલાદી વિકાસ કામોની બૂમરાણ મચી રહી છે, તે ઉદ્ભવી જ ન હોત.

આ બન્ને દૃષ્ટાંતો એટલા માટે યાદ આવ્યા કે જામનગર મહાનગરપાલિકાના નવા કમિશનર દીપેશ કડિયાની પ્રારંભિક કાર્યપદ્ધતિ જોતા નગરજનોને એવું લાગ્યું કે આ નવા અધિકારી બીજાથી કાંઈક અલગ અભિગમ ધરાવે છે. તેઓએ પોતે પગપાળા નાઈટ સરપ્રાઈઝ વિઝીટ લઈને કેટલાક માર્ગો પર ગંદકી અને ગટર-ઉકરડા વગેરે સંદર્ભે ચકાસણી કરીને ખાણીપીણીના સ્ટોલ, રેંકડીઓવાળાને કેટલીક સૂચનાઓ આપી હોવાના અહેવાલો ખૂબ ચર્ચાયા હતાં.

જો કે, આ પ્રકારનો નવતર અભિગમ ત્યારે જ પૂરેપૂરો સફળ થાય, જ્યારે તે સતત અનુસરવામાં આવે, અને સરપ્રાઈઝ વિઝીટ માટે પૂર્વ-નિર્ધારિત કે પૂર્વ સૂચનાઓ આપીને નહીં પણ સ્વયં અચાનક કોઈપણ વિસ્તારમાં પહોંચી જવું પડે અને મુખ્ય માર્ગો જ નહીં, આજુબાજુની શેરી-ગલીઓની સરપ્રાઈઝ વિઝીટ પણ લેવી જોઈએ. આ માટે અગાઉથી ભૌગોલિક જાણકારી ઉપરાંત નગરના ક્યા વિસ્તારમાંથી ગંદકી-ઉકરડાની સર્વાધિક ફરિયાદો ઊઠતી રહી છે, તેનો પૂર્વ રેકોર્ડ તથા વર્તમાન હિસ્ટ્રી મેળવીને ઓચિંતી તપાસ દર અઠવાડિયે એકાદ વખત થતી રહે, તો પણ શહેરમાં સાર્વત્રિક સ્વચ્છતાની દિશામાં થોડા ડગલા આગળ વધી શકાશે.

મ્યુનિ. કમિશનરની જવાબદારીઓ તથા વહીવટી, હિસાબી અને શાસકીય કામકાજ ઘણું જ વધુ રહેતું હોવાથી કદાચ દરરોજ ટાઈમ કાઢી ન શકાય, પરંતુ દર અઠવાડિયે આ પ્રકારની સરપ્રાઈઝ વિઝીટનો સીલસીલો ચાલતો રહે તો તે પરિણામલક્ષી જરૂર બની શકે છે. કોઈનું અનુકરણ કરવાની સલાહ તો આપી શકાય નહીં, પરંતુ દિવંગત મિનિસ્ટર સવજીભાઈ કોરાટ અને વર્તમાનમાં મહારાષ્ટ્રના આઈએએસ અધિકારી તુકારામ મુંઢે જેવા 'આઉટ ઓફ બોક્સ' અને ડિસેન્ટલી આગવી ઢબે કામ કરતા લોકોની કાર્યપદ્ધતિનો ઊંડો અભ્યાસ કરીને તેમાંથી પ્રેરણા તો જરૂર મેળવી જ શકાય છે, અને આ પ્રકારના અન્ય પણ ઘણાં દૃષ્ટાંતો છે, જેમાંથી કાંઈક ને કાંઈક પ્રેરણા મળી શકે છે.

ઘણાં આઈએએસ અધિકારીઓ એક્ઝિક્યુટીવ પોસ્ટ પર કોઈ એવું લોકલક્ષી અને નોંધપાત્ર કામ કરીને જતા હોય છે, જેને લોકો દાયકાઓ સુધી યાદ કરતા હોય છે, તેવી જ રીતે સરકારના કોઈ મંત્રી પણ અનોખી ઢબે લોકહિતના કામો કરે કે પોતાના વિભાગમાં પોલંપોલ, ભ્રષ્ટાચાર અને 'હોતી હૈ ચલતી હૈ'ની માનસિક્તાને નિયંત્રિત કરીને શુદ્ધ લોકલક્ષી અભિગમ દાખવે, ત્યારે તેને પણ લોકો દાયકાઓ સુધી યાદ કરતા હોય છે. ભૂતપૂર્વ વડાપ્રધાન લાલબહાદુર શાસ્ત્રી હોય કે સવજીભાઈ કોરાટ હોય, તેને કાયદાઓ પછી પણ લોકો એટલા માટે યાદ કરે છે કે તેઓએ કાંઈક એવા લોકહિતના કામો કર્યા હતાં, જે લોકોને ખૂબ જ ગમ્યા હતાં.

જો યુવા મ્યુનિ. કમિશનર પણ કોઈક આગવી ઢબે કામ કરતા હોય, તો તે આવકાર્ય છે, પરંતુ લોકોને તેની અનુભૂતિ પણ થવી જરૂરી છે. મુખ્ય માર્ગોની સાથે સાથે જ્યાંથી ઢગલાબંધ ગંદકીની ફરિયાદો આવી હોય અને દુકાનોમાં ગટરના પાણી ઘૂસી જતા હોવાની રાવ ઊઠતી રહી હોય, તેવા વિસ્તારોની મુલાકાત લેવી હેતુલક્ષી અને ઈફેક્ટીવ બની શકે છે. જેવી રીતે ફૂટ પેટ્રોલીંગ કરીને પોલીસતંત્ર ઘણી વખત કાયદો-વ્યવસ્થાની સ્થિતિનું આંકલન કરતું હોય છે, તેવી જ રીતે જો એક્ઝિક્યુટીવ ઓફિસર્સ અને સ્થાનિક શાસકો પણ આવી નિયતથી અને દંભ કર્યા વગર જનલક્ષી અભિગમ દાખવીને અવારનવાર સરપ્રાઈઝ વિઝીટો કે ચકાસણી કરતા રહે, તો તે જાહેર હિતમાં પણ પરિણામલક્ષી પૂરવાર થાય છે, અને લોકોને ગમે પણ છે. આ પ્રકારની કાર્યપદ્ધતિ અપનાવવા માટે સ્વયં સ્પષ્ટ હોવું જરૂરી હોય છે, કારણ કે મ્યુનિ. કમિશનરની પોસ્ટ એવી હોય છે, જેના પર ચોતરફથી 'પ્રેસર' પણ આવતું હોય છે...

આશા રાખીએ કે નવા મ્યુનિ. કમિશનરશ્રી સ્વચ્છતા જ નહીં, નગરજનોની દરેક પ્રકારની સુખ-સુવિધા માટે અવિરત એક્ટિવ રહેશે અને નગરમાં જ્યાં જ્યાં ઉકરડા હોય ત્યાં અને બંધ કરાયેલા ઉકરડાથી નજીકમાં જ નવા ઉકરડા સર્જાયા હોય, કે ગટરના પાણી ઉભરાતા હોય, સ્ટ્રીટલાઈટની જરૂર હોય કે સિટીબસોની સુવિધાનું વિસ્તૃતિકરણ હોય, તમામ મુદ્દે આ જ રીતે સ્વયં એક્ટિવ રહીને જનલક્ષી એક્સન લેતા રહેશે...

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

અત્યારે ડિસ્ટ્રીક્ટથી દિલ્હી અને નગરથી નેશન સુધી આંદોલનોનો માહોલ છે. બેંક હડતાલ પાછી ખેંચાઈ ગઈ અને ઐતિહાસિક અપવાદોમાં ગણી શકાય તેવી રીતે રવિવારે બેન્કીંગ સેવાઓ ચાલુ રહી, તે લોકોના ફાયદામાં રહ્યું, જો કે એને બેંકર્મીઓની 'સેવા' તો ગણી શકાય, પરંતુ બેંકોના મેનેજમેન્ટ તથા માલિકો માટે તો આ એક પ્રકારનો વેપાર જ બની ગયો છે ને? કોઈપણ બેન્કીંગ સેવા તદ્ન મફત મળે છે ખરી? કોઈ નિઃશુલ્ક સેવા ફ્રી હોય તો પણ પરોક્ષ રીતે બીજી રીતે તો હિડન રિકવરી કરી જ લેવાતી હોય છે ને?

જિલ્લા કોંગ્રેસે અને શહેર કોંગ્રેસે જામનગરમાં વોટચોરીના મુદ્દે રેલી કાઢવાના પ્રયાસ કર્યો તો પોલીસે નેતાઓને પકડી લીધા, અને મુખ્ય ચૂંટણી કમિશનર જ્ઞાનેશકુમારને હટાવવાની માંગણીનું આવેદનપત્ર કલેક્ટર સુધી પહોંચાડવા દેવાયું નહીં. આ જ પ્રકારની ઘટનાઓ રાષ્ટ્રીય કક્ષા સુધી જુદા જુદા વિષયે બનતી રહે છે અને લોકતંત્ર મંજુરી-નામંજુરી, જાહેરનામા ભંગ તથા રેલી-આવેદનપત્રોની આંટીઘૂંટીમાં અટવાતું રહે છે. સરકાર અને વિપક્ષની તનાતની ચાલતી જ રહે છે, અને લોકોની રોજીંદી સમસ્યાઓ ઠેરની ઠેર રહે છે. લોકતંત્ર હાંફી રહ્યું છે અને આક્ષેપો-પ્રતિઆક્ષેપો તાનાશાહી અને અરાજક્તા સાથેની ઉભય પક્ષોની રાજનીતિ પનપતી રહે છે.

જામનગરમાં જ નહીં, સમગ્ર રાજ્યમાં જ્ઞાનેશકુમારના રાજીનામાની માંગણી સાથે કોંગ્રેસે સુત્રોચ્ચાર, ધરણાં, રેલીના કાર્યક્રમો યોજ્યા અને એવું લાગ્યું કે હવે ગુજરાતમાં પણ કોંગ્રેસ સાચા અર્થમાં સક્રિય થઈ રહી છે. લોકતંત્રમાં મજબૂત વિપક્ષ હોવો અત્યંત જરૂરી હોય છે અને કોંગ્રેસ ધીમે ધીમે ફરીથી નગરથી નેશન સુધી એ ભૂમિકામાં પરત આવી રહી છે. લોકતંત્રમાં વિપક્ષની મજબૂતી ભવિષ્યમાં સત્તાસ્થાને પણ બેસાડતી હોય છે, જે ભારતીય લોકતંત્રે પૂરવાર કર્યું છે.

એ ઉપરાંત પણ જીપીએસસીના ચેરમેન સામેનો સત્યાગ્રહ, ખેડૂતોના વિવિધ મુદ્દે આંદોલનો તથા નાના-મોટા અન્ય આંદોલનો જિલ્લા-તાલુકા-નગર કે મહાનગર કક્ષાએ તમામ જિલ્લાઓમાં ચાલતા રહે છે, અને કેટલાક આંદોલનો તો ક્યારે શરૂ થાય અને ક્યારે ખતમ થઈ જાય તેની પણ ખબર પડતી નથી.

બીજી ઓક્ટોબરે ગાંધી જયંતીથી સાગબારા તાલુકામાં આદિવાસી ખેડૂતોએ ઉગ્ર આંદોલનની આપેલી ચિમકી પણ અત્યારે ચર્ચામાં છે. આમ, નગર-મહાનગર અને રાજ્યકક્ષા સુધી વિવિધ મુદ્દે ચળવળો, સત્યાગ્રહો તથા આંદોલનો જુદા જુદા સ્વરૂપે ચાલી રહ્યા છે, પરંતુ રાજેનતાઓને તેથી કોઈ ફરક પડતો હોય તેમ જણાતું નથી.

ગઈકાલે ઉજ્જૈનમાં હિંસક તોફાનો થયા, તો ત્યાંની સરકાર અને વિવિધ સમુદાયોએ સમયોચિત જાગૃતિ દાખવી હોત તો કદાચ નિવારી શકાયું હોત, કોઈપણ મુદ્દો ગમે તેટલો સાચો હોય, તો પણ હિંસક તોફાનોને સ્વીકાર્ય ગણી શકાય નહીં. તેવી જ રીતે શાંતિપૂર્વક ચાલતા આંદોલનો પર પોલીસ દમનને પણ જસ્ટીફાઈ કરી શકાય નહીં.

ફગવાડાની લવલી પ્રોફેશ્નલ યુનિવર્સિટીમાં કથિત રીતે કોઈ છાત્રાના ઉત્પીડનનો મુદ્દો આગની જેમ ફેલાયો અને આ ઘર્ષણ હિંસક આંદોલનમાં ફેરવાયુ. તોડફોડ-આગજની પછી પોલીસે લીધેલા પગલાંને ત્યાંના વિપક્ષો (ભાજપ, અકાલીદળ અને કોંગ્રેસ) એ વખોડ્યું છે, તો આમ આદમી પાર્ટી આ પ્રકરણમાં ભાજપ અને કોંગ્રેસ પર પ્રહારો કરી રહી છે. બીજી તરફ આમ આદમી પાર્ટી દિલ્હીમાં સરકારના મંત્રી અને ભાજપના નેતાઓ એક યુવાનને મારેલી થપ્પડના મુદ્દે કેન્દ્ર સરકાર સામે બાયો ચડાવી રહી છે. દિલ્હીમાં મંત્રી મારપીટ કરે તેને દમન કે અનુચિત ગણવું જોઈએ, સાથે સાથે નિર્દોષ વિદ્યાર્થીઓની મારપીટ કોઈપણ સ્થળે થાય તો પણ તેને 'દમન' જ ગણવું જોઈએ.

ઘણાં લોકોને દિલ્હીમાં મંત્રીએ યુવકને મારેલી થપ્પડ અયોગ્ય લાગે છે, તો કેટલાક લોકોએ પંજાબમાં પોલીસે આંદોલનકારીઓ સામે ઉઠાવેલા કદમ યોગ્ય જણાતા નથી. બન્ને અભિપ્રાયો સાચા છે, પરંતુ ક્યા રાજ્યમાં કોની સરકાર છે અથવા પોલીસતંત્ર પર કોનો પ્રભાવ છે, તેના આધારે અભિપ્રાયો અપાતા હોય તો તે કોરી રાજનીતિ જ હોય છે અને હવે તો આ બધું પબ્લિક પૂરેપૂરી રીતે જાણી ગઈ છે. તેથી હવે પોલિટિકલ ડ્રામેબાજી કે દેખાવખાતરના આંદોલનો પણ ચાલવાના નથી, તો ગેરબંધારણીય અને ગેરકાનૂની ઢબે થતી કાર્યવાહી કે પક્ષપાતપૂર્ણ પોલિસીંગ પણ ચાલવાનું નથી. યે પબ્લિક હૈ... યે સબ જાનતી હૈ... ઔર વક્ત આને પર ચમત્કાર ભી બતાતી હૈ...

જામનગરમાં કેટલીક માંગણીઓને લઈને મહાનગરપાલિકાના સફાઈ કામદારોએ ઉપવાસ આંદોલન આદર્યું છે, તો બીજી તરફ દેવભૂમિ દ્વારકાની ધરતી પરથી આમ આદમી પાર્ટીના પ્રદેશાધ્યક્ષ ઈશુદાન ગઢવીએ રાજ્ય સરકાર સામે દુષ્કાળના મુદ્દે તડાતડી બોલાવી છે. ખંભાળિયામાં ધરણાં પછી આ આંદોલનને રાજ્યવ્યાપી બનાવવાના પ્રયાસો થઈ રહ્યા છે. જામનગરમાં ઉદ્યોગકારોએ પણ જીએસટીની ઝંઝટના પ્રશ્ને સ્કુટર રેલી કાઢી હતી.

ટૂંકમાં લોકતંત્રમાં જ્યારે ચોતરફથી સત્યાગ્રહો, આંદોલનો અને ચળવળો થવા લાગે, લોકો સ્વયંભૂ સડકો પર ઉતરવા લાગે અને વિવિધ મુદ્દે શાંતિપૂર્વકના અંદોલનોનો વ્યાપ વધવા લાગે, ત્યારે સમજવું કે હવે એન્ટી ઈન્કમ્બન્સી સત્તાના પાયા હચમચાવી શકે છે. શરત એટલી કે આ તમામ આંદોલનોને હકીકતમાં વ્યાપક જનસમર્થન હોવું જોઈએ, અને આ અસંતોષ ચૂંટણીઓ સમયે પણ મતદાનના માધ્યમથી પ્રગટવો જોઈએ.

ભૂતકાળમાં જ્યારે જ્યારે મોટા જનઆંદોલનો થયા છે, ત્યારે ત્યારે શાસન ડગમગ્યા છે, અને ઘણી વખત તો જંગી જનમત સાથે સત્તા પરિવર્તનો પણ થયા છે, પરંતુ અત્યારે દેશમાં જે આંદોલનો ચાલી રહ્યા છે, તેમાં એકજુથતા નથી. દિલ્હી અને પંજાબમાં આમ આદમી પાર્ટી કોંગ્રેસ સામે તડાપીટ બોલાવે અને અન્યત્ર સમર્થન ઈચ્છે, તો તેવા કઢંગા ગઠબંધનો સફળ થતા હોતા નથી, તેવી જ રીતે કેટલાક પ્રાદેશિક પક્ષો પ્રદેશકક્ષાએ તથા રાષ્ટ્રીય કક્ષાએ અલગ-અલગ ભૂમિકા રાખે, તો તે પબ્લિકને પસંદ આવતું નથી. એનડીએમાં પણ સમ્રાટ ચૌધરી ઘેરાયા છે, ચિરાગ પાસવાનના સૂર બદલાયા છે, કેન્દ્રની ટીમમાં પણ બખડજંતરની ખબરો આવતી રહે છે, ત્યારે જોઈએ, હવે શું થાય છે તે....

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

એક તરફ ચૂંટણીપંચના મુખ્ય ચૂંટણી કમિશનર જ્ઞાનેશકુમારના મુદ્દે કેન્દ્ર સરકાર બેકફૂટ પર હોય તેમ જણાય છે, અને હવે ચૂંટણીપંચની આંતરિક કાર્યવાહી તથા બે ચૂંટણી કમિશનરોએ મુખ્ય ચૂંટણી કમિશનર તથા સરકાર સાથે કરેલા પત્રવ્યવહાર અથવા દર્શાવેલી કથિત અસંમતિ અંગે અખબારમાં માહિતી કોણે 'લીક' કરી હશે, અથવા કરાવી હશે, તે અંગે દેશવ્યાપી જોરદાર ચર્ચા ચાલી રહી છે અને આ મુદ્દો રાહુલ ગાંધીએ જોરશોરથી ઉપાડ્યા પછી હવે એનડીએના સાથીદાર પક્ષોએ પણ ચૂંટણી પંચે સ્વયં આ મુદ્દે સ્પષ્ટતા કરવી જોઈએ તેવી વાત કરી છે. તમામ ફેંસલા સર્વાનુમત્તે લેવાયા હોવાની તથા બહુમતીથી પણ નિર્ણયો લઈ શકાતા હોવા અંગે ચૂંટણીપંચ તરફથી પ્રેસનોટ મારફત સ્પષ્ટતા કરી હોવાના મુદ્દે પણ અલગથી ચર્ચા થઈ રહી છે અને હવે આજે કે એકાદ-બે દિવસમાં ત્રણેય ચૂંટણી કમિશનરો એકસાથે પ્રેસ-કોન્ફરન્સ યોજીને સ્પષ્ટતા કરી દેશે તેવી સંભાવનાઓ વચ્ચે પરોક્ષ રીતે આ આખુ યે પ્રકરણ હવે રાજનીતિનો અખાડો બની ગયા પછી કદાચ ત્રણેય ચૂંટણી કમિશનરોના રાજીનામા પડે અથવા ધર્મેન્દ્રપ્રધાનની જેમ જ્ઞાનેશકુમારે પણ રાજીનામું આપવું પડી શકે છે, તેવી અટકળો વચ્ચે સવાલ એ ઊઠ્યો છે કે આ મુદ્દે ચૂંટણીપંચની આંતરિક પ્રક્રિયા અને કાર્યવાહીની વિગતો 'લીક' કરી કોણે,? શું સ્વયં સરકારે ચંદાચોરી અને જનતાને સીધા સ્પર્શતા મોંઘવારી, બેરોજગારી અને ભાજપ શાસિત રાજ્યોમાં કાયદો-વ્યવસ્થાની કથળતી સ્થિતિ તથા બિહારમાં જંગલ રાજ રિટર્નસ જેવા મુદ્દાઓને ભૂલાવી દેવા ખુદ ભાજપે આ પ્રકરણ ચગાવ્યું છે, કે પછી 'ઈગો'ના ટકરાવના કારણે ચૂંટણીપંચમાંથી જ કોઈએ આ મુદ્દો લીક કરાવ્યો હશે?

ભાજપ સરકામાં પેપરલીક પછી હવે ચૂંટણીપંચમાંથી માહિતી લીક થવાના મુદ્દાએ એનડીએ સરકારને ભીંસી લીધી છે, તે પછી એનડીએના સાથીદાર પક્ષો પણ હવે સેઈફ ગેઈમ રમી રહ્યા હોય તેમ જણાય છે. એ પણ સ્પષ્ટ થઈ ગયું છે કે, વર્ષ ર૦ર૪ ની લોકસભાની ચૂંટણીમાં બંધારણની હત્યાનો મુદ્દો ભાજપને રપ૦ બેઠકોની અંદર લાવી દીધુ, તેવી જ રીતે ચૂંટણીપંચનો મુદ્દો પણ આગામી વિધાનસભાની ચૂંટણીઓમાં ભાજપને ઝટકો તો નહીં લાગે ને? તેવી ચિંતા ઊભી થયા પછી આ મુદ્દે ડેમેજ કંટ્રોલના પ્રયાસો શરૂ થઈ ગયા છે. ઘણાં લોકોની એ વાતમાં પણ દમ છે કે આ મુદ્દો ઘણાં બધા અન્ય વિકટ મુદ્દાઓ સામે ઢાલ તરીકે પણ વપરાયો હોય, એ પણ હકીકત છે કે હવે 'ભય'નો માહોલ ઘટી રહ્યો છે અને લોકોમાં હિંમત વધી રહી છે. હવે લોકો સ્પષ્ટ અભિપ્રાય આપવા લાગ્યા છે અને શાસક પક્ષ હોય કે, વિપક્ષ હોય, આયનો દેખાડવામાં પીછેહઠ કરતી નથી.

હવે લોકો પાસે પણ સોશિયલ મીડિયાનું એવું માધ્યમ આવ્યું છે, તેના માધ્યમથી સરકાર સુધી ડાયરેક્ટ પોતાની વાત પહોંચાડી શકાય છે, અને જનજાગૃતિ પણ ઊભી કરી શકાય છે, જો કે જો સોશિયલ મીડિયાનો સદુપયોગ થાય તો તેની ફલશ્રૂતિઓ પરિણામલક્ષી આવી શકે છે, પરંતુ જો સોશિયલ મીડિયાનો દુરઉપયોગ થાય, તો તેના ખતરનાક પરિણામો પણ આવતા હોય છે.

તાજુ દૃષ્ટાંત જોઈએ તો એક યુવક ખરાબ માર્ગનું દિલ્હીના કોઈ મંત્રી નિરીક્ષણ કરતા હતાં, ત્યારે તેનો વીડિયો સોશિયલ મીડિયા માટે ઉતારતો હતો, ત્યારે તેને લાફો મારી દીધો હતો. આ સમાચાર પવનવેગે ફેલાયા અને આ મંત્રી મહોદય સવાલોના ઘેરામાં આવી ગયા. વીડિયો ઉતારનાર યુવકને લાફો મારનાર મંત્રી પર કેજરીવાલે તડાપીટ બોલાવી અને કહ્યું કે એ યુવક દિલ્હીના માર્ગની દુર્દશા તથા નબળા કામ અંગે અવાજ ઊઠાવ્યો, તો તેને માર પડ્યો. આ મંત્રીને હટાવવા જોઈએ. આ વિવાદ વધ્યા પછી મંત્રીએ બીજો વીડિયો જાહેર કરીને કહ્યું કે તે યુવક 'આપ'નો કાર્યકર હતો અને તેમના (મંત્રીના) પરિવારને અપશબ્દો બોલી રહ્યો હોવાથી તેમણે હાથ ઊઠાવ્યો. તેમણે જો કે એવું પણ કહ્યું કે આવું થવું જોઈતું નહોતું, એટલે કે તેમણે હાથ ઉપાડ્યો તે યોગ્ય નહોતું. આ મુદ્દો રાજધાનીમાં ચર્ચાનો વિષય બન્યો છે.

આ દૃષ્ટાંતોમાંથી સત્તાધીશોની માનસિક્તા અને ઘમંડ, બ્યુરોકેટ્સ તથા બંધારણીય સંસ્થાઓમાં આંતરિક ઈગો પ્રોબ્લેમ તથા બંધારણીય સંસ્થાઓ પર બ્યુરોક્રેસી અને પોલિટિશ્યનોના પ્રભાવનો નીચોડ એવો નીકળે છે કે જે કાંઈ બની રહ્યું છે, તે લોકતંત્રના હિતમાં નથી, કે લોકોના હિતમાં પણ નથી, કે સરકાર કે વિપક્ષના હિતમાં પણ નથી. આ સ્થિતિ ઊભી જ થવા દેવી જોઈએ નહીં, પરંતુ આગેવાન આંધળો, તેનું કટક કૂંવામાં! હમામ મેં સબ નંગે હૈ...!

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

ગંદકી, ઉકરડા અને રખડતા ઢોરની સમસ્યા પરસ્પર જોડાયેલી સમસ્યા છે, અને તેમાંથી જ કાયદો-વ્યવસ્થાની સ્થિતિ જોખમાઈ, તેવા સંજોગો પણ ઊભા થઈ શકે છે. આ ઉપરાંત પાર્કિંગ વ્યવસ્થા સાથે ટ્રાફિકની સમસ્યા સીધી રીતે જોડાયેલી છે, કારણ કે નગરમાં સાર્વજનિક, સંસ્થાકીય કે ખાનગી પાર્કિંગ પ્લેસનો પ્રશ્ન પણ પેચીદો બની ગયો છે. સરળતાથી લોનની ઉપલબ્ધિ, ઝડપી પરિવહનની વધેલી અનિવાર્યતા અને ભૌતિક વિકાસની સાથે સાથે વાહનોની સંખ્યા વધી રહી છે, પરંતુ તેના પાર્કિંગ માટે ઘર, નગર કે ધોરીમાર્ગો પર પણ પૂરેપૂરી વ્યવસ્થા નહીં હોવાથી અવાર-નવાર થતી અવ્યવસ્થા અને તકરારોમાંથી જ ઘણી વખત અનિચ્છનિય ઘટનાઓ સર્જાતી હોય છે, જે ઘણી વખત મારામારી, જુથ અથડામણ કે ખૂના મરકી સુધી પહોંચી જતી હોય છે. આથી આ તમામ પરસ્પર જોડાયેલી સમસ્યાઓ ઉકેલવા નાના-નાના પ્રયાસો કે કોઈ એક સમસ્યા કે પ્રશ્ન કોઈ એકાદ વિસ્તાર કે ઘટનાના સંદર્ભે ઉકેલવાથી નહીં ચાલે, પરંતુ સરકારી તંત્રો, સ્થાનિક સ્વરાજ્યની સંસ્થાઓ, સંબંધિત સરકારી-અર્ધસરકારી વિભાગો અને સ્થાનિકોએ સાથે મળીને સહિયારા, ઘનિષ્ઠ અને સતત પ્રયાસો કરવા જરૂરી છે, કારણ કે આભ ફાટ્યું હોય ત્યારે થીગડા મારવાથી હેતુ નહીં સરે. આ માટે એક વ્યાપક, વિસ્તૃત અને દીર્ઘકાલિન મિકેનિઝમ વિક્સાવવું જ પડે તેમ છે.

જામનગરમાં મહાનગરપાલિકાએ મહાનગરને કન્ટેનરથી મુક્ત અને સાફ-સુથરૂ-સોહામણું બનાવવાના ઉદ્દેશ્ય સાથે આખા શહેરમાંથી કન્ટેર તો હટાવી લીધા, પરંતુ કન્ટેનર હતાં, ત્યાં જ નવા ઉકરડા સર્જાઈ ગયા. કેટલાક એવા સ્થળો છે, જ્યાં વગર કન્ટેનરે ઉકરડા ઊભા થયા છે. સુભાષ માર્કેટ નજીકની તસ્વીરો થોડા દિવસ પહેલા પ્રસિદ્ધ કરી હતી, તે માત્ર એક દૃષ્ટાંત જ હતું, પરંતુ હજુ પણ નગરમાં ઘણાં સ્થળે ગંદકી-ઉકરડા મોજુદ છે અને ભૂગર્ભ ગટર બીછાવાયા પછી પણ કેટલાક સ્થળે ગટરના પાણીની કેનાલો ખુલ્લી હોવાથી તેમાં કચરો ઠલવાતા દુર્ગંધયુક્ત ભીનો ઉકરડો ઊભો થતો હોય છે. આ તમામ ગંદકી-ઉકરડા હટાવીને શહેરને સાફસુથરૂ બનાવવાની જરૂર છે. મહાનગરપાલિકાની જવાબદારીમાં જે ગંદકી, ગટરો-ઉકરડા આવે છે, તેની સંપૂર્ણ સફાઈ થયા પછી તેનું પુનઃ સર્જન થતું અટકાવવાનું મજબૂત મિકેનિઝમ પણ ઊભું થવું જરૂરી છે.

થોડા દિવસો પહેલા સમાચાર આવ્યા હતાં કે પ૦ થી વધુ સ્ટાફ તથા ઢોરનો એક ડબ્બો વધારીને જામનગરની રખડતા ઢોરની સમસ્યા કાયમી ધોરણે નિવારવાના પ્રયાસો થઈ રહ્યા છે. જામનગરમાંથી જો રખડતા ઢોર અને આવારા કૂતરાઓના ત્રાસની સમસ્યા જો કાયમી ધોરણે ઉકેલાઈ જશે તો તે જામ્યુકોની નવી બોડી (શાસકો) અને જામનગરના નવા મ્યુનિસિપલ કમિશનર તથા તેની ટીમ માટે મોટી સિદ્ધિ ગણાશે, પરંતુ જો તેવું નહીં થાય, તો લોકોનો વિશ્વાસ જ શાસન-પ્રશાસનમાંથી ઊડી જશે અને ઊઠી જશે, કારણ કે આજ સુધી આ પ્રકારના દાવાઓ ભૂતકાળમાં પણ થયા છે, પરંતુ 'આરંભે શૂરાઓ' પાછળથી અકળ કારણોસર 'ઠંડા' પડી ગયા હતાં, અને આ બન્ને સમસ્યાઓ ઠેરની ઠેર રહી હતી.

જામનગરની 'સહલશીલ' જનતા ઘણાં વર્ષોથી ઘણી બધી સમસ્યાઓનો સામનો કરી રહી છે. હમણાંથી એક નવી સમસ્યા રીંગરોડ પર ઊભી થઈ છે અને નવા સોસાયટી વિસ્તારોના ગેઈટ પાસે પાર્ક થતા તોતિંગ ખટારાઓના કારણે ઊભી થતી ટ્રાફિકની નવતર સમસ્યા નાની ચિનગારીમાંથી મોટું સ્વરૂપ ધારણ કરે, તે પહેલા આગમચેતીના કદમ ઊઠાવીને જાયન્ટ વાહનો માટે પાર્કિંગ માટે અલાયદુ જાહેરનામું પ્રસિદ્ધ કરીને સ્થિતિ અંકુશમાં લેવી પડે તેમ છે. તે ઉપરાંત રીંગરોડના વિસ્તૃતિકરણ અને આધુનિકરણના મંથર ગતિએ ચાલતા કામોને ઝડપી બનાવીને સંલગન સુવિધાઓ તથા ઈન્ફ્રાસ્ટ્રક્ચર ઊભું કરાશે, તો કેટલીક લાંબા ગાળાની સમસ્યાઓ એક ઝાટકે ઉકેલી નાંખવાના યશભાગી જામ્યુકોના પદાધિકારીઓ, અધિકારીઓ તથા નવા મ્યુનિ. કમિશનર પણ થશે, પણ જો આવું ને આવું ચાલ્યું તો નગરજનો કહેશે કે, 'હમામ મેં સબ...?!'

જામનગરના નવા કમિશનર પોતાની ટીમને સાથે રાખીને નગરના વિસ્તારોમાં સ્વયં નિરીક્ષણ કરીને સીધો પબ્લિક સાથે સંવાદ કરીને જરૂરી સૂચનાઓ સંબંધિત અધિકારીઓ તથા કર્મચારીઓને સ્થળ પર જ આપી રહ્યા છે, અને તે પછી પણ ફોલો-અપ કરી રહ્યા છે, તેથી કેટલોક સકારાત્મક સંદેશ પબ્લિકમાં જઈ રહ્યો છે. હવે આ કાર્યશૈલીને 'કાયમી' બનાવીને જો પોતાની ટીમને પણ આગોતરી જાણ કર્યા વિના નગરના જુદા જુદા વિસ્તારોમાં જઈને સ્વયં નિરીક્ષણ કરતા રહે અને પબ્લિક, પ્રેસ-મીડિયા તથા સોશિયલ મીડિયા પર નજર નાખીને લોકોના પ્રતિભાવો મેળવતા રહેશે, તો કાંઈક તો સુધારો આવશે, બટ જસ્ટ વેઈટ એન્ડ વોચ...

હિન્દી ફિલ્મોમાં એક સર્વવ્યાપી ડાયલોગ છે કે, 'અપને ગિરેબાન મેં પહેલે ઝાંખના ચાહીએ', એટલે કે બીજાને શીખામણ આપતા પહેલા પોતાના આંગણા સાફ કરવા જોઈએ. ઘણી સરકારી-અર્ધસરકારી કચેરીઓમાં આંતરિક ગંદકીનું સામ્રાજ્ય હોય છે, શૌચાલયો નર્કાગાર જેવા હોય છે, મહાનગરપાલિકાના વિસ્તારના પબ્લિક યુરિનલ્સ હોય કે સરકારી સંકુલોના શૌચાલયો હોય, બધે જ બદતર સ્થિતિ હોય છે તેથી જિલ્લા વહીવટ તંત્રનું સંકલન કરીને મ્યુનિ. કમિશનરશ્રીએ 'ઘરઆંગણે'થી સફાઈની શરૂઆત કરાવીને દૃષ્ટાંત બેસાડવું જોઈએ, અન્યથા લોકો પર એવી અસર થશે કે તંત્રના અધિકારીઓ અને કેટલાક ડ્રામેબાજ નિવેદનિયા નેતાઓ વચ્ચે કોઈ ફરક જ નથી!

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

ચૂંટણી પંચના ત્રણ કમિશનરો વચ્ચેનો વિવાદ સપાટી પર આવ્યા પછી ચૂંટણી પંચે ભલે ત્રણેય કમિશનરોની સહીથી સ્પષ્ટતા કરીને મામલો ઠંડો પાડવાનો પ્રયાસ કર્યો હોય, પરંતુ આ મુદ્દો હવે વિપક્ષોની વચ્ચે પણ વિરોધ કરવાની હોડ લાગી ગઈ હોય તેમ જણાય છે. આ મુદ્દે ભાજપ ભલે લૂલો બચાવ કરે, પરંતુ આ મુદ્દો એનડીએમાં પણ આંતરિક મતભેદો ઊભા કરી રહ્યો હોવની ચર્ચા થતી હોય તો એવું કહી શકાય કે વર્ષ ર૦ર૭ ની ચૂંટણીઓમાં કદાચ ચૂંટણી પંચના મુખ્ય કમિશનર જ્ઞાનેશકુમારનો મુદ્દો જ અગ્રીમ હરોળનો પ્રચારનો મુદ્દો હશે.

પહેલા તો મમતા બેનર્જી, અખિલેશ યાદવ અને કેજરીવાલ વગેરે નેતાઓએ આ મુદ્દે તડાપીટ બોલાવી અને જ્ઞાનેશકુમારના રાજીનામાની માંગણી કરી, તે પછી ગઈકાલે સોશિયલ મીડિયાના માધ્યમથી પ્રહારો કર્યા પછી રાહુલ ગાંધીએ આ જ મુદ્દે એક પ્રેસ કોન્ફરન્સ બોલાવી લીધી અને ચૂંટણીપંચ પર પ્રહારો કરીને જ્ઞાનેશકુમારના રાજીનામાની માંગણીની સાથે સાથે ભાજપ સરકાર પર વોટચોરી, સંસ્થાચોરી અને દેશદ્રોહના આરોપો સાથે વડાપ્રધાન નરેન્દ્ર મોદી અને ગૃહમંત્રી અમિતભાઈ શાહ પર ગંભીર આક્ષેપબાજીનો મારો ચલાવ્યો. રાહુલ ગાંધીએ એન્ટી ઈન્કમ્બન્સી ગાયબ થઈ રહી હોવાની જે વાત કહી તેનો જવાબ આપતા ભાજપે કહ્યું કે તેઓ (રાહુલ ગાંધી) માં રાજકીય જ્ઞાનનો જ અભાવ છે અને તેની વાતોમાં કોઈ તથ્ય નથી!

ગઈકાલના ઘટનાક્રમે એક નવું રાજનૈતિક રહસ્ય જન્માવ્યું છે. રાહુલ ગાંધીએ કોંગ્રેસ હેડક્વાર્ટરમાં પ્રેસ કોન્ફરન્સ બોલાવીને મુખ્ય ચૂંટણી કમિશનર જ્ઞાનેશકુમારના રાજીનામાની માંગણી કરી, તે પહેલા જ કોકરોચ જનતા પાર્ટીએ નગારે ઘા લગાવી દીધો હતો અને તેમણે પ્રેસ કોન્ફરન્સમાં ત્રણ માંગણીઓ મૂકીને ૪૮ કલાકનું સરકારને અલ્ટીમેટમ આપ્યું હતું. અભિજિત દીપકે એ તો જ્ઞાનેશકુમારને લોકતંત્ર પરનો ખતરો ગણાવી તેના પર ભારતીય જનતા પાર્ટીને ફાયદો કરાવવા જ એસઆઈઆરના બહાને મતદાર યાદીમાંથી મોટી સંખ્યામાં મતદારોના નામો હટાવાઈ રહ્યા છે. વિપક્ષના દિગ્ગજ નેતાઓને હરાવવા દરેક રાજ્યોમાં આ 'પેટર્ન' અપનાવાઈ રહી હોવાનો સણસણતો આક્ષેપ પણ તેમણે કર્યો હતો.

તેમણે બે ચૂંટણી કમિશનરોએ વિવિધ મુદ્દે ૧૪ વખત વાંધા ઊઠાવ્યા હતાં, તેવા અખબારી અહેવાલનો ઉલ્લેખ કરીને કહ્યું કે ચીફ ચૂંટણી કમિશનરે ચૂંટણીપંચની સહમતિ વગર જ એકતરફી નિર્ણયો લીધા છે. તેમણે વ્યંગ પણ કર્યો કે જ્ઞાનેશકુમારે તો ભાજપમાં ભળી જવું જોઈએ. સરકાર પર યુવાવર્ગને ડરાવવાના પ્રયાસો થઈ રહ્યા હોવાના આક્ષેપો પણ થયા અને સીજેપીએ જ્ઞાનેશકુમારનું રાજીનામું, તેની સામે કાનૂની કાર્યવાહી અને આગામી તમામ એસઆઈઆર પર પ્રતિબંધની માંગણીઓ સાથે ચૂંટણી અધિકારીઓની નિમણૂકનો વર્ષ ર૦ર૩ નો કાયદો જ રદ્ કરવાની માંગણી પણ ઊઠાવી હતી. આ નવા એલાન પછી દીપકેને દેશભરના યુવાવર્ગનું સમર્થન પેપરલીક આંદોલન જેવું જ મળશે, તેવો આશાવાદ પણ વ્યક્ત થઈ રહ્યો છે.

આ એલ્ટીમેટમ ગઈકાલે અપાયું હોઈ, આવતીકાલ સુધીમાં જો જ્ઞાનેશકુમારનું રાજીનામું નહિં, પડે, તો દેશવ્યાપી આંદોલનનું સીજેપીએ રણશીંગુ ફૂંક્યું છે.

રાહુલ ગાંધીએ તો મોદી-શાહના જુના ભાષણોની વીડિયો ક્લીપો દેખાડીને પ્રેસકોન્ફરન્સની શરૂઆત કરી હતી, તો ભાજપે પણ પૂર્વ મુખ્ય ચૂંટણી કમિશનર ટી.એન. શેષાનની જુની વીડિયો ક્લીપ બતાવીને કોંગ્રેસ સરકાર ચૂંટણીપંચ પર પ્રેસર કરતું હતું, તેમ જણાવીને વળતો પ્રહાર કર્યો હતો. આમ, પ્રાદેશિક વિપક્ષી દિગ્ગજ નેતાઓના નિવેદનો પછી કોકરોચ જનતા પાર્ટીએ આ મુદ્દે સરકારને દેશવ્યાપી વિરોધ પ્રદર્શનનું એલ્ટીમેટમ આપ્યું અને તે પછી રાહુલ ગાંધીએ આ જ મુદ્દે પ્રેસ કોન્ફરન્સ યોજ્યા પછી રાજકીય રહસ્યની ચર્ચા વધુ વેગીલી બની હતી.

સસ્પેન્સ એ સર્જાયું છે કે શું હવે કોંગ્રેસ અને કોકરોચ જનતા પાર્ટી પરસ્પર ખુલ્લેઆમ સમર્થન આપવાના છે? શું અભિજિત દીપકે અને રાહુલ ગાંધી એક વિચારધારાના છત્ર હેઠળ સમાન પ્લેટફોર્મ પર આવી શકે છે? શું ઓનલાઈન સીજેપી રાજકીય પક્ષ તરીકે બંધારણીય ઢબે નોંધણી કરાવીને ચૂંટણી જંગમાં ઝંપલાવી શકે છે અને ઈન્ડિયા ગઠબંધનમાં સામેલ થઈ શકે છે?

એક એવો મજબૂત અભિપ્રાય વ્યક્ત થઈ રહ્યો છે કે હકીકતે સીજેપીની વધતી લોકપ્રિયતા વિપક્ષનું સ્થાન ન લઈ લ્યે અને તેનું સીધુ નુક્સાન રાજકીય અને મતોની દૃષ્ટિએ કોંગ્રેસને જ ન થઈ જાય, તે માટે રાહુલ ગાંધી સીજેપી જે મુદ્દે આંદોલનો કરે કે એનું એલાન કરે તો રાહુલ ગાંધી આ જ મુદ્દે અલાયદી ચળવળ આદરે છે.

બીજો એક એવો મજબૂત અભિપ્રાય છે કે કોંગ્રેસ અને કોકરોચ જનતા પાર્ટીની સરખામણી જ થઈ શકે નહીં, પરંતુ અત્યારના મહત્ત્વના એક સમાન મુદ્દો જોરશોરથી એક સાથે ઊઠાવાઈ રહ્યો હોવાથી એવો ભ્રમ ઊભો થાય છે કે કોંગ્રેસ સેઈફ ગેઈમ રમી રહી હશે. કોંગ્રેસ દેશની સૌથી જુની અને દેશવ્યાપી નેટવર્ક ધરાવતી માન્ય રાજકીય પાર્ટી છે, જ્યારે યુવાવવર્ગના જનઆંદોલનનું પ્લેટફોર્મ ધરાવતી સીજેપી હજુ સુધી તો રાજકીય કે ચૂંટણીલક્ષી એજન્ડા ધરાવતી પાર્ટી બની નથી.

ઘણાં લોકો સીજેપીને આમ આદમી પાર્ટીનું પીઠબળ હોવાનું માને છે, તો ઘણાં લોકો દિલ્હીમાંથી હારેલા કેજરીવાલના ચબરાક ભેજાનું પરિણામ ગણાવે છે, જે હોય તે ખરૂ, પરંતુ જે મુદ્દા ઉઠાવાઈ રહ્યા છે, તેમાં છૂપું જનસમર્થન તો વધી જ રહ્યું છે.

ટીએમસી (મમતા) દ્વારા જ્ઞાનેશકુમાર સામે મોરચો ખોલાયા પછી કોંગ્રેસ, આમ આદમી પાર્ટી અને સમાજવાદી પાર્ટીએ તેમાં સૂર પૂરાવ્યો છે. કોંગ્રેસ પ્રમુખ મલ્લિકાર્જુન ખડગેની ઓફિસમાં ઈન્ડિયા ગઠબંધનના નેતાઓ ભેગા થયા હતાં અને જ્ઞાનેશકુમાર સામે મહાભિયોગ પ્રસ્તાવ લાવવાની ચર્ચા થઈ હતી. આ પહેલા વિપક્ષોએ લોકસભાના સ્પીકર સામે પણ આવો એક મહાભિયોગ પ્રસ્તાવ મૂક્યો હતો. હવે જ્ઞાનેશકુમારની મુશ્કેલી વધી રહી છે.

ચૂંટણીપંચના મુદ્દે દાયકાઓથી ચાલતા રહેલા વિવાદો પછી એમ જણાય છે કે ચૂંટણીઓ વધુ પારદર્શક, તટસ્થ અને સત્તાધારી પક્ષોના પ્રેસરથી મુક્ત થઈને કરી શકાય, તે દિશામાં તમામ રાજકીય પક્ષોએ સાથે મળીને કોઈ રસ્તો કાઢવો જ પડશે, જેથી આપણું લોકતંત્ર વધુ મજબૂત બને અને દેશ લોકતાંત્રિક તાનાશાહી તરફ ધકેલાઈ ન જાય...

આજે પણ જમ્મુ-કાશ્મીરની વિધાનસભામાં મુખ્ય ચૂંટણી કમિશનર જ્ઞાનેશકુમારના રાજીનામાની માંગણી સાથે કોંગ્રેસના ધારાસભ્યોએ સૂત્રોચ્ચાર કરીને હોબાળો કર્યો હોઈ, આ મુદ્દો હવે રાષ્ટ્રીય રાજનીતિથી વિધાનગૃહો સુધી પડઘાઈ રહ્યો છે. જો ચૂંટણીપંચ તથા સરકાર સવાલોના ઘેરામાં છે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

મોદી મંત્રી મંડળમાં ધરખમ ફેરફારો થવાના છે અને મહિલા અનામત બિલ સહિતના સરકારી કામકાજ માટે સંસદનું વિશેષ સત્ર બોલાવવાના સંકેતો વચ્ચે બિહારથી એન.ડી.એ.માં શરૂ થયેલા વિખવાદ મોદી સરકારને જ ડગમગાવી શકે છે, તેવી અટકળો ગઈકાલથી રાષ્ટ્રીય ચર્ચાનો વિષય બન્યો છે. આ વિખવાદના મૂળમાં દેશના ગૃહમંત્રી અમિતભાઈ શાહે યુ.સી.સી.ને લઈને આપેલું નિવેદન છે. તેમણે વર્ષ ર૦ર૯ પહેલા જ દેશના તમામ એનડીએ શાસિત રાજ્યોમાં યુ.સી.સી. લાગુ કરવાની જાહેરાત કર્યા પછી બિહારમાં જેડીયુ આકરા પાણીએ છે અને તીખાતમતા શબ્દપ્રયોગો સાથે થઈ રહેલી પ્રાદેશિક કક્ષાની નિવેદનબાજીના પડઘા રાષ્ટ્રીય કક્ષા સુધી પહોંચ્યા હોવાથી મોદી સરકાર સામે એક નવો જ પડકાર ઊભો થવા જઈ રહ્યો છે.

જો જેડીયુના રાષ્ટ્રીય મહામંત્રી શ્યામ રઝકે બિહારમાં યુસીસી લાગુ કરવાનો વિરોધ કર્યો હોય તો તેમાં નીતિશકુમારનું પીઠબળ હોવું જ જોઈએ. તાજેતરમાં નીતિશકુમારે સાંસદો-ધારાસભ્યોની બેઠક યોજ્યા પછી જેડીયુની ચિંતા અથવા અભિપ્રાય અમિતભાઈ શાહ સુધી પહોંચવાની વાત થઈ હતી, તો બીજી તરફ આરજેડીએ જેડીયુને એનડીએનો સાથ છોડીને ફરીથી મહાગઠબંધનમાં જોડાવા આમંત્રણ આપ્યા પછી જેડીયુમાં પણ આંતરિક મતભેદો ઊભા થયા હોઈ શકે છે, કારણ કે સમ્રાટ ચૌધરી હમણાંથી દુષ્કર્મની ઘટના સહિતના મુદ્દે બિહારમાં ફરીથી જંગલરાજ સ્થપાઈ રહ્યું હોવાની ટીકા થઈ રહી છે, તેથી જેડીયુના કાર્યકરો પણ ભાજપથી નારાજ હોય તો નીતિશકુમારે ગંભીરતાથી વિચારવું જ પડે તેમ છે.

બિહારના પાડોશી રાજ્ય પ. બંગાળમાં પણ ભાજપ સરકાર સામે નવા નવા પડકારો ઊભા થઈ રહ્યા છે, તેવામાં મુખ્ય ચૂંટણી કમિશનર સામે તેના બે સાથી ચુંટણી કમિશનરોએ ચાર મુદ્દે ૧૪ વખત વાંધા લીધા હોવાના વિવાદ પછી મમતા બેનર્જી અને કેજરીવાલે મુખ્ય ચૂંટણી કમિશનરની ધરપકડ કરીને એસઆઈઆર સામે જ સવાલો ઊભા કરી દીધા હોવાથી હવે બિહાર-બંગાળના આ ઘટનાક્રમોના પડઘા દેશની રાજધાની દિલ્હી સુધી પડતા કેન્દ્ર સરકાર વધુ ઘેરાઈ રહી છે. સુપ્રિમ કોર્ટે પણ કહ્યું છે કે, ચૂંટણી પંચ સ્વતંત્રરીતે કામ કરે છે, તે દેખાવું પણ જોઈએ. આ સ્થિતિમાં અનિશ્ચિત સમય માટે સ્થગિત નહીં કરાયેલું સંસદનું સત્ર ફરી નવરાત્રિમાં બોલાવાશે અને એ વિશેષ સત્રમાં મોદી સરકાર મહિલા આરક્ષણ અને સીમાંકન સહિતના બિલો પસાર કરવાનો પ્રયાસ કરશે, તેવી અટકળો પર પણ હવે પ્રશ્નાર્થ લગાવાઈ રહ્યો છે.

જો કે, પ્રેસ-મીડિયામાં સૂત્રોના ટાંકીને એવા અહેવાલો આવી રહ્યા છે કે તા. ૧૧ થી ર૦ ઓક્ટોબર સુધી નવરાત્રિ દરમિયાન જ પાંચેક દિવસનું વિશેષ સત્ર બોલાવવાની સંભાવના છે, અને નવરાત્રિમાં માતાજીના ગરબા તથા માતૃશક્તિને સાંકળીને 'નારીશક્તિ'ને બળવત્તર બનાવવા નવરાત્રિમાં જ મહિલા આરક્ષણ બિલ સંસદમાં પસાર કરાવાનો ભાવનાત્મક એજન્ડા હોઈ શકે, તેવી અટકળો પણ કરવામાં આવી રહી છે. આ તમામ કવાયત વર્ષ ર૦ર૭ માં થનારી ગુજરાત, પંજાબ, યુ.પી. સહિતની ચૂંટણીઓને કેન્દ્રમાં રાખીને થઈ રહી છે, જેની સામે વિપક્ષો પણ આ જ ઉદ્દેશ્યથી નવી શતરંજ બીછાવી રહ્યા હોય તેમ જણાય છે. અત્યારે મોદી સરકાર માટે એનડીએ ગઠબંધન ટકાવી રાખવું અત્યતં જરૂરી છે, કારણ કે લોકસભામાં ભાજપની સ્પષ્ટ બહુમતી નથી અને જેડીયુ (નીતિશકુમાર) તથા તેલુગુ દેશમ્ પાર્ટી (ચંદ્રબાબુ નાયડુ) ની કાંખ ઘોડી પર સરકાર ટકી રહી છે. હવે યુજીસીના મુદ્દે નીતિશકુમાર પલટી મારે, તો એ જ મુદ્દે રાજનીતિના પાક્કા ખેલાડી ચંદ્રબાબુ નાયડુ પણ તક જોઈને ટેકો પાછો ખેંચી લ્યે, તો કાંઈપણ થઈ શકે છે, તેવા અનુમાનો પણ થઈ રહ્યા છે. અત્યારે મોદી સરકાર માટે અનેક પડકારો વચ્ચે સંસદમાં યુજીસીનું બિલ વર્ષ ર૦ર૯ માં લાવતા પહેલા જ આ મુદ્દો એનડીએની કેટલીક સરકારોની સ્થિરતા પણ જોખમાઈ શકે છે.

ગઈકાલે વડાપ્રધાન સમક્ષ આઠ-આઠ મંત્રાલયો તથા સચિવોના સમૂહોએ વિકસિત ભારત-ર૦૪૭ સહિતના મુદ્દે પ્રેઝન્ટેશનો રજૂ કર્યા અને જુદી જુદી થીમ પર પોતાના મંતવ્યો, સંભાવનાઓ તથા ફીડબેક આપ્યા. એવું કહેવાય છે કે ગઈકાલે વડાપ્રધાને મંત્રીઓ-સચિવોને પરસ્પર સંકલન કરીને લક્ષ્યો સિદ્ધ કરવા અને નિર્ણયો ફાઈલોમાં જ રહી ન જાય, તેની તકેદારી રાખવા તાકીદ કરી હતી. આજે પણ આ જ પ્રકારની કવાયત પછી વડાપ્રધાન ટૂંક સમયમાં જ કન્દ્રિય કેબિનેટમાં ધરમૂળથી ફેરફાર કરશે અને ઘણાં મંત્રીઓ ઘરભેગા થશે. એટલું જ નહીં, માત્ર નબળી કામગીરીને ધ્યાનમાં રાખીને જ નહીં, પણ આગામી કેટલાક રાજ્યોની ચૂંટણીઓના સંદર્ભે જે મંત્રીઓની સંગઠનમાં જરૂર હોય, તેઓને હટાવાશે, તો કેટલાક મંત્રીઓને આગામી ચૂંટણીઓલક્ષી સમિકરણોના સંદર્ભે હટાવીને નવા ચહેરાઓ ગોઠવાશે. આવું કરીને ભાજપ એક કાંકરે અનેક નિશાન સાધવાનો પ્રયાસ કરશે, જેમાં એનડીએમાં ફૂટ અટકાવવા તથા પ્રચાર-પ્રસારનો એજન્ડા જ બદલી નાખવાના છૂપા ઉદ્દેશ્યો પણ સામેલ હશે. એવું કહેવાય છે કે આ દરમિયાન જ નીતિશકુમારને સન્માનભર્યું મંત્રાલય કે અન્ય પદ આપીને તથા ટીડીપીને મહત્ત્વપૂર્ણ મંત્રાલયો કે રાજ્યને વધુ ફંડીંગ કરીને મનાવી લેવાશે, તેવી અટકળો મોદી સરકારની કાર્યપદ્ધતિને નજીકથી ઓળખતા વિશ્લેષકો કરી રહ્યા હોય, તો તેમાં તથ્ય છે, તો બીજી તરફ વિવિધ મુદ્દે ઘેરાયેલી મોદી સરકાર માટે યુજીસીનો મુદ્દો જ 'સેલ્ફગોલ' પૂરવાર થાય તો સત્તાની બુનિયાદ જ હાલકડોલક થઈ શકે છે. રાજનીતિમાં ગમે ત્યારે કાંઈપણ બની શકે છે અને અત્યારે જે ઘટનાક્રમો સર્જાઈ રહ્યા છે, અને સડકથી સુપ્રિમ કોર્ટની અટારી તથા સંસદના ગલિયારાઓ સુધી જે ઝટકા લાગી રહ્યા છે, તેને લઈને ઘણાં કહે છે કે 'માઠી દશા બેઠી લાગે છે!'

હમણાંથી સામાન્ય રીતે કેન્દ્ર સરકારની ટીકા કરવાનું ટાળી રહેલા જમ્મુ-કાશ્મીરના મુખ્યમંત્રી ઓમર અબ્દુલ્લાએ પણ રાહુલ ગાંધીના સૂચનને સમર્થન આપતા કહ્યું છે કે ચૂંટણી પંચમાં હવે સુધારાઓ (રિફોર્મ્સ) જરૂરી છે. જો ચૂંટણી પંચનમાંથી જ લોકોને વિશ્વાસ ઊઠી જશે તો લોકશાહી પણ ખતમ થઈ જશે. લોકશાહીની બુનિયાદ જ ચૂંટણી છે, જો લોકો તેમાં ભાગ જ નહીં લ્યે, તો શું થશે? કોઈને મત આપતા રોકવા એ લોકતંત્ર પર હુમલો જ ગણાય. આ બધું ઠીક કરવા શું પગલાં લેવાય છે, તે જોવું રહ્યું, વિગેરે...

આને રાહુલ ગાંધીએ મતચોરી ગણાવીને ચૂંટણી પંચની સાથે આરએસએસ પર પણ પ્રહારો કર્યા, અને કેન્દ્ર સરકાર જ નહીં, આરએસએસ તથા ચૂંટણી પંચ પર પણ દેશદ્રોહ કરવાના આરોપો લગાવાયા છે. બીજી તરફ ચૂંટણીપંચના ત્રણેય કમિશનરોની સહી સાથે કરાયેલી સ્પષ્ટતા છતાં આ મુદ્દો વિપક્ષો જોરશોરથી ઊઠાવી રહ્યા છે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

અત્યારે ગરીબ-મધ્યમ વર્ગ હોય કે અમીર પરિવારો હોય, હેલ્થને લઈને થોડી વધુ જાગૃતિ આવી રહી છે અને સ્વાસ્થ્યમાં થોડી-ઘણી ગરબડ જણાય કે તરત જ ઉપચાર કરવાનું શરૂ થઈ જાય છે, અને તેમાં વિલંબ થાય, તો પરિવાર કે સ્નેહીમિત્રો ઝડપથી ઉપચાર કરવાનો આગ્રહ કરવા લાગે છે, તે સારી વાત છે.

પહેલા રસોડાના ઉપચારો થતા હતાં, બહું થાય તો નજીકના વૈદ્યને ત્યાંથી આયુર્વેદિક દવાઓ લાવતા હતાં, પરંતુ હવે બીમારીઓ પણ જટિલ થવા લાગી છે, અને તેનો ઉપચાર પણ ફરજિયાતપણે અદ્યતન વા લાગ્યો છે. આપણે જરૂરિયાત મુજબ આયુર્વેદ, હોમિયોપેથી, એલોપેથી જેવી સારવાર પદ્ધતિઓનો ઉપયોગ કરીએ છીએ, પરંતુ સર્વાધિક એલોપેથીની દવાઓ વપરાય છે, ખરીદાય છે અને વેંચાય છે, તે હકીકત છે.

અત્યારે સૌથી વધુ ગંભીર બીમારી કેન્સરની જણાય છે, જેથી કેન્સરની દવાઓ પણ ખૂબ જ જરૂરી તથા તત્કાળ લેવી અનિવાર્ય હોય છે. કેન્સરની દવાઓને લઈને સુપ્રિમ કોર્ટે કરેલી ટિપ્પણીઓ ગઈકાલથી રાષ્ટ્રીય ચર્ચાનો વિષય બની છે, કારણ કે કેન્સરની દવાઓના મૂલ્યને લઈને સર્વોચ્ચ અદાલતે ઘણી જ ગંભીર અને તીખી ટિપ્પણીઓ કરી છે.

સર્વોચ્ચ અદાલતે કેન્સરની રૂ।. ર૭૦૦ ની કિંમતની દવાઓ જ્યારે રૂ।. ર૭,૦૦૦ માં વેંચાય ત્યારે તેનેે ધોળા દિવસે ઉઘાડી લૂંટ જ કહી શકાય, તેવા શબ્દપ્રયોગો કરીને સરકારી નિયમનકારી તંત્રો તથા દવાઓના ઉત્પાદકો અથવા દવાઓનો આ રીતે વેપલો કરતા પરિબળોને પરોક્ષ રીતે તતડાવ્યા છે અને ગર્ભિત રીતે ગુપ્ત નફાખોરી, કાળાબજાર અને ભ્રષ્ટાચાર સામે પણ લાલબત્તી ધરી છે. સર્વોચ્ચ અદાલતે પ્રાઈવેટ હોસ્પિટલો દ્વારા ઊંચા ભાવે દવા ખરીદીને કરદાતાઓની પબ્લિકમનીના ભોગે રી-ઈમ્બર્સમેન્ટ મેળવવાની પ્રક્રિયાને પણ છેતરપિંડી ગણાવી છે.

કેન્સરની દવાઓની એમઆરપીને લઈને ચાલી રહેલી સુનાવણી દરમિયાન સર્વોચ્ચ અદાલતે આ ટિપ્પણીઓ કરી છે, જેની જનતામાં ઘણી જ ઘેરી અસરો જોવા મળી રહી છે, અને દવાની દુનિયામાં ચાલતી દગાબાજી સામે જનમત પણ ઘડાઈ રહ્યો છે. અદાલતમાં થયેલી ચર્ચા મુજબ દવાની રિટેલરને વેંચવાની કિંમત અલગ હોય અને દવા પર જો દસગણી એમઆરપી છાપવામાં આવતી હોય તો તેને ઉઘાડી લૂંટ જ ગણવી જોઈએ.

અદાલતે સંબંધિત અધિકારીઓને આ મુદ્દે ચૂપકીદીની પણ કડક ટીકા કરી હતી, અને આડક્તરી રીતે 'આવું કારણ આપવાની જરૂર નથી' તેવા શબ્દપ્રયોગો કરીને મિલિભગત અને ભ્રષ્ટાચાર અથવા સહિયારી છેતરપિંડી તરફ ગંભીર અંગૂલીનિર્દેશ કર્યો હતો. સર્વોચ્ચ અદાલતે આયુષ સ્કીમ હેઠળ ઊંચા ભાવે દવા ખરીદીને સરકાર પાસેથી રિ-એમ્બર્સ મેળવી લેવામાં આવતી હોવાની ટકોર કરીને સરકારી યોજનાઓમાં ચાલતી ગરબડ તથા તેના કારણે પબ્લિકમનીની બરબાદી પર પ્રકાશ પાડ્યો હતો, અને ટેક્સપેયરના નાણા બરબાદ થાય છે તથા દર્દીઓ-પરિવારો પણ ગંભીર પ્રકારના નાણાકીય સંકટમાં ઘેરાઈ જાય છે.

આ રીતે આરોગ્ય સેવાઓમાંથી ભરપૂર નફો મેળવવા માટે સબસિડીનો દુરૂપયોગ કરીને જે કારસા રચાય છે, તેના પ્રત્યે અદાલતે ભારોભાર નારાજગી દર્શાવીને નિયમનકારી સંસ્થાઓ (સરકારી તંત્રો) ને આ મુદ્દે તત્કાળ હસ્તક્ષેપ કરવા તાકીદ કરી હતી. આ માટે અદાલતે 'રેગ્યુલેટરી ઈન્ટરવેશન'ની જરૂર હોવાના જે શબ્દો વાપર્યા છે, તે માત્ર સંબંધિત તંત્રો નહીં, હેલ્થ સ્કીમો ચલાવતી સરકાર અને કેન્દ્રિય આરોગ્ય વિભાગ માટે પણ ક્ષોભજનક ગણાય. આ મુદ્દે હવે સરકાર કેવો પ્રતિભાવ આપે છે, તેના પર સૌની મીટ મંડાયેલી છે.

હેલ્થના મુદ્દે સરકારે પણ કેટલીક નવી ગાઈડલાઈનો જાહેર કરી છે, જેમાં દુઃખાવો દબાવવાની પેઈનકીલર્સ દવાઓના આડેધડ ઉપયોગ સામે લાલબત્તી ધરવામાં આવી છે અને એન્ટબાયોટિક્સ દવાઓના ડોક્ટરના પ્રિષ્ક્રિપ્શન વગર ઉપયોગ કે વેંચાણ પર નિયંત્રણો મૂકવામાં આવી રહ્યા છે, જે જાહેર આરોગ્ય તથા જનહિત માટે જ છે, પરંતુ આ આ બધું જ્યારે દેખાવ ખાતર થતું હોય અને વાસ્તવમાં અમલવારી થતી જ ન હોય કે પછી લોલંલોલ ચલાવતું હોય, ત્યારે જ અદાલતોએ ગંભીર પ્રકારની ટિપ્પણીઓ કરવી પડતી હોય છે.

બજારમાં અડધી ચાયના પંદર રૂપિયા લેવાતા હોય, ફરસાણ-મીઠાઈમાં પણ છૂપી લૂંટ ચલાવાતી હોય કે દવાઓમાં ઉઘાડી લૂંટ ચલાવાતી હોય, ત્યારે સરકારી તંત્રોની શું કોઈ જ જવાબદારી નથી? તેવા પ્રશ્નો ઊઠે ત્યારે એ સવાલ પણ ઉઠવો જોઈએ કે બીમારોની મજબૂરીમાંથી પણ અયોગ્ય રીતે જંગી નફો રળવા (લૂંટવા) ની હરકતો કરતા પરિબળોના સંગઠીત ગુનાખોરો સામે આંખ આડા કાન કેમ કરવામાં આવે છે? આને સંગઠીત ગુન્હાઓ ગણવા ન જોઈએ?

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

કોઈ સગીરવયના કિશોર-કિશોરી કે બાળકો કોઈ ક્રાઈમ કરે તો તેને પ્રારંભમાં બાલસુધાર ગૃહમાં મોકલવામાં આવે છે, તેવી જ રીતે નાના-મોટા ગુન્હા કે નિયમભંગ બદલ ઘણી વખત અદાલતો પણ એવા અપરાધીઓને સુધરવાની તક આપીને ઓછી સજા કે દંડ કરતી હોય છે અથવા તેમાં ઘટાડો કરતી હોય છે. જેઓએ અજાણતા કે મજબૂરીમાં નાનો-મોટો ગુન્હો કર્યો હોય, કુસંગતમાં ગુન્હો કર્યા પછી વાસ્તવમાં પસ્તાવો થતો હોય કે પછી બાલસુધાર ગૃહ કે જેલમાં સજા કાપતી વખતે અપરાધીનો વ્યવહાર સુધારાત્મક હોય...

આપણે ત્યાં કડક દારૂબંધી હોવા છતાં દારૂ વેંચાતો કે પીવાતો એટલા માટે બંધ થતો નથી કે વર્ષો કે દાયકાઓ જુની આદતો સરળતાથી છૂટતી નથી. પાન-મસાલા-તમ્બાકુનો અબજો રૂપિયાનો ધંધો એટલા માટે વિકસી રહ્યો છે કે વર્ષો કે દાયકાઓ જુના વ્યસનો છૂટી રહ્યા નથી. પ્રવર્તમાન સમયમાં પ્રાસંગિક કે જરૂરી ન હોય તેવી ઘણી પરંપરાઓ આજે પણ જાળવવી પડી રહી છે, તેવી જ રીતે જાહેરમાં જ્યાં ત્યાં કચરો ફેંકવાની, જ્યાં ત્યાં થૂંકવાની કે ગમે ત્યાં ગંદકી કરવાની માનસિક્તા અને અયોગ્ય ગેરસંસ્કૃતિ આપણે એક ઝાટકે બદલી શકતા નથી, અને કદાચ તેથી જ વડાપ્રધાને રાષ્ટ્રવ્યાપી સ્વચ્છતા અભિયાન આદરીને લોકોની આ આદતો બદલીને સાર્વત્રિક સ્વચ્છતાના સંસ્કારોનું સિંચન કરવાનો પ્રયાસ કર્યો હશે, અને એમાં પૂરેપૂરી સફળતા હજુ મળી રહી નથી. તેની પાછળ પણ આપણામાં વ્યાપેલા ગેરસંસ્કારો તથા દાયકાઓથી પડી ગયેલી ખોટી આદતો છે.

જામનગર મહાનગરપાલિકાએ કન્ટેનર અને જાહેર માર્ગો પરથી મોટી કચરાટોપલીઓની સિસ્ટમ રદ્ કરીને માત્રને માત્ર ડોર-ટુ-ડોર કચરો એકત્રિક કરવાની તથા કચરો કરનાર નગરજનો-વ્યવસાયિકોને તબક્કાવાર દંડ કરવાની જાહેરાત કરી છે, તે મુદ્દો પણ ટોક ઓફ ધ ટાઉન બન્યો છે અને સિક્કાની બન્ને બાજુની ચર્ચા થઈ રહી છે, તેની પાછળ પણ આપણી કચરો આડેધડ ફેંકવાની તથા તંત્રોની પણ 'હોતી હૈ ચલતી હૈ'ની માનસિક્તા જ જવાબદાર જણાય છે, કારણ કે જ્યાં જ્યાં કન્ટેનરો વિગેરે મૂકાયા હતાં, ત્યાં ત્યાં કન્ટેરની આજુબાજુ જ ઉકરડા ઊભા થઈ જતા હતાં, અને તેમાંથી રખડુ પશુઓ દ્વારા ભોજન શોધવાની કોશિશોના કારણે જોખમી ઘટનાઓ પણ સર્જાતી હતી. આ ઉકરડા બનેલા કન્ટેનરો જ મચ્છર ઉત્પાદક કેન્દ્રો બની જતા હતાં, અને રોગચાળાનું ઉદ્ભવસ્થાન બની જતા હતાં. આ કારણે જામનગરને ઉકરડામુક્ત કરવા માટે કન્ટેનરમુક્ત કરવાના પ્રયાસો શરૂ થયા હોવાના દાવામાં દમ છે અને તેમાં સિક્કાની એક બાજુ તર્કબદ્ધ અને યોગ્ય દેખાય છે.

સિક્કાની બીજી બાજુ એવી પણ છે કે આ કન્ટેનરો બહાર કચરો નાખનારાઓનો એકલાનો વાંક પણ નથી, કારણ કે ઘણાં કન્ટેનર્સ જર્જરિત, તૂટેલા-ફૂટેલા તથા ઘણી વખત છલકાયેલા પણ જોવા મળતા હતાં અને તેમાંથી ઊઠાવીને કચરો સ્થળાંતરિત કરવાની પદ્ધતિ પણ ઘણી વખત કચરો વધારવાની, વિલંબિત અને અનિયમિત રહેતી હતી. કેટલાક લોકો એવો કટાક્ષ પણ કરે છે કે ગુમડુ થયું હોય ત્યારે તેનો ઉપચાર કરવાના બદલે સીધેસીધો હાથ જ કાપી નાંખવાની સિસ્ટોમેટિક માનસિક્તા અંગ્રેજો મૂકી ગયા છે, તે જ ફરીથી અપનાવાઈ રહી હોય તેમ લાગે છે. જો કન્ટેનરો જ જર્જરિત તૂટેલા-ફૂટેલા હોય અને ઉભરાતા હોય અથવા અનિયમિત રીતે કચરો ત્યાંથી ખસેડાતો હોય તો તે સિસ્ટમ સુધારવી જોઈએ, અને સાર્વજનિક સ્થળો તથા જાહેર માર્ગો પર થતા કચરા માટે ફક્ત પબ્લિક પર જ દોષ ઢોળી દેવાના બદલે સ્વચ્છ અને સાજી-સારી કચરાપેટીઓ કે કન્ટેનરોમાં જગ્યા હોવા છતાં બહાર કચરો ફેંકી જતા ઈસમોને દંડવાના બદલે જેના આંગણે બીજે ક્યાંકથી ઊડીને કચરો આવ્યો હોય તો પણ તેને જ દંડવાનો અભિગમ કદાચ ઉતાવળિયો, વધારે પડતો કડક અથવા કુદરતી ન્યાયની વિરૂદ્ધ પણ ગણાય, તે પ્રકારના જનપ્રત્યાઘાતોને પણ અવગણવા જેવા તો નથી જ...

આપણે ત્યાં કહેવત છે કે 'ભય વિના પ્રીતિ નહીં'... અને તે પ્રકારના સિદ્ધાંતોના આધારે જ કદાચ મહાનગરપાલિકાના ઉત્સાહી શાસકો કે તંત્રોએ ભારે દંડ વસૂલવાની નવી સિસ્ટમ આદરી હશે, અને તેને સમર્થન આપતા લોકોનો અભિપ્રાય એવો છે કે એક દાયકાથી વધુ સમયથી દેશમાં સ્વચ્છતા અભિયાનો ચાલી રહ્યા છે અને સરકાર સ્વયં લોકોને જાહેર સ્વચ્છતા જાળવવા માટે જાગૃત અને પ્રશિક્ષિત કરી રહી છે, તેમ છતાં સફળતા મળતી નહી હોવાથી જ તંત્રોને આ પ્રકારનો કડક અભિગમ આદરવો પડ્યો હશે. કેટલાક લોકો આ પ્રકારના દંડની જોગવાઈઓથી જ સંપૂર્ણ સફળ પરિણામો આવી જશે, તેવું માનવું ભૂલભરેલુ ગણાવી રહ્યા છે અને દંડની અમલવારી અંગે પબ્લિકના સૂચનો, અભિપ્રાયો તથા સંભવિત અવરોધો, સમસ્યાઓ અને વિટંબણાઓ અંગે વ્યાપક જનમત ઘડીને આ પ્રકારના દંડમાં ફેરફાર કરીને તથા લોકજાગૃતિ માટે વધુ પ્રયાસો, તર્કબદ્ધ વાંધા-સૂચનોનું નિવારણ કરીને વચલો રસ્તો કાઢવાની જરૂર પણ જણાવી રહ્યા છે.

આ મુદ્દે બન્ને પક્ષો સાચા છે, કારણ કે માત્ર દંડ કે સજાથી જ બધું બરાબર થઈ જતું હોય તો દારૂ-ડ્રગ્સનો વ્યાપ વધતો જ ન હોત અને પેકેટ પર ચેતવણી લખી હોવા છતાં સિગરેટો ફૂંકાતી ન હોત. જુની આદતો ધીમે ધીમે સુધરે અને દાયકાઓ જુની માનસિક્તા એક ઝાટકે બદલાવાની નથી કે તંત્રોના તિક્કડમ્ પણ રાતોરાત સુધરી જવાના નથી, તે સનાતન સત્યનો સ્વીકાર કરીને ઉભય પક્ષોએ એટલે કે મનપાના તંત્રો-શાસકો અને નગરજનોએ કોઈ એવો માર્ગ શોધી કાઢવો જોઈએ કે જેથી લોકો જાહેરમાં કચરો નાંખતા જ અટકે અને સફાઈની વ્યવસ્થાઓ જ એટલી ચાકચોબંધ હોય કે લોકોને પણ કોઈ અગવડ પડે નહીં, ટૂંકમાં 'દૂધ અને ડાંગ' બન્નેની જરૂર હોવાની કહેવતના ભાવાર્થને સમજવાની જરૂર છે.

ઘણાં કોપરેટ સંકુલોમાં જઈએ, શોપીંગ મોલમાં જઈએ કે મોટી ઈન્ડસ્ટ્રીયલ કે અન્ય હસ્તીઓના રહેણાંકોમાં જઈએ ત્યારે મોટાભાગે સ્વચ્છતા જ એવી હોય કે જ્યાં-ત્યાં કચરો નાંખવા કે ચૂંકવાનું તમે વિચારી પણ શકો નહીં. આવી વ્યવસ્થા, ઠેર-ઠેર કચરો કલેક્શન કરતા સ્વચ્છ યંત્રો કે વ્યવસ્થાઓ હોય તો જ આપણે સફળ પરિણામો મેળવી શકીએ. જો આપણે બધા પણ હવે સ્વચ્છતા જાળવવામાં સહયોગી નહીં બનીએ, તો આપણાં પગ પર જ કૂહાડો વાગશે, તે પણ સમજવું પડશે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

કુદરત ધારે તો પળવારમાં સર્વત્ર અમીવૃષ્ટિ કરીને પાણી... પાણી કરી દ્યે અને ઉકળાટ અને ગરમીનો પ્રકોપ આહ્લાદક ઠંડકમાં પલટાવી જાય, અને માર્ગો પર થોડીક મિનિટોમાં જ જળપ્રવાહ વહેતો થાય, તે ગઈકાલે રાત્રે જામનગરની જનતાએ પણ અનુભવ્યું છે અને અન્યત્ર પણ ગાજવીજ અને ભારે પવન સાથે વરસાદ પડ્યો હોવાના અહેવાલ છે. આ વર્ષે વરસાદ ઘણો ખેંચાયો અને દુષ્કાળના ડાકલા વાગવા લાગ્યા, તેવા સમયે આ વરસાદ અમૃતસમો જણાયો, અને પ્રકૃતિ પણ જાણે મહોરી ઊઠી. થોડા સમય માટે તો વાહનવ્ય્વહાર પણ થંભી ગયો અને અચાનક પલટાયેલા વાતાવરણ તથા ગાજ-વીજના કારણે પ્રકૃતિનું પલટાયેલું સ્વરૂપ લોકોને અચંબિત પણ કરી ગયું.

સિક્કાની બીજી બાજુની જેમ આ થોડા સમય માટે પડેલા વરસાદે તંત્રની તકલાદી પ્રિ-મોન્સુન કામગીરીની પોલ ખોલી નાખી અને જલભરાવના કારણે માત્ર જામનગર નહીં, રાજ્યના ઘણાં જિલ્લાઓમાં જનજીવન પણ ખોરવાયું, ત્યારે સવાલ એ ઊઠ્યો કે આ પરેશાનીને કુદરતી ગણવી કે કૃત્રિમ?

નગરના આંતરિક માર્ગો ઉપરાંત રીંગરોડ તથા ઘણાં રહેણાંક વિસ્તારો તથા સોસાયટી વિસ્તારોમાં પણ તૂટેલા-ફૂટેલા માર્ગોમાં વરસાદી પાણી ભરાયા પછી કેટલીક ટુ-વ્હીલર સ્લીપ થવા, રિક્ષાઓ ખાંગી થઈ તો મોટા વાહનોને પણ માઠી અસર પહોંચી હતી. નોકરીએથી ઘરે પરત જતા લોકો, સમીસાંજથી નાની-મોટી ચીજવસ્તુઓ ખરીદવા કે શોપીંગ કરવા પગપાળા નીકળેલા નગરજનો તથા લટાર મારવા નીકળેલા બુઝુર્ગોને જ્યારે આ તૂટેલા-ફૂટેલા માર્ગોમાં જલભરાવના કારણે માંડ માંડ બેલેન્સ જાળવીને, વાહનોથી બચી બચીને તથા પાણી વચ્ચેથી ખાડા-ખડબા ઓળંગીને પસાર થતા જોયા, ત્યારે એવો સવાલ પણ ઊઠ્યો કે થોડોક વધારે વરસાદ પડે ત્યારે પણ જો લોકોને સુરક્ષિત પથ (પગપાળા રસ્તો) પૂરો પાડી શકતો ન હોય ત્યારે વિકસિત ભારતના સપના જોવા કેટલા યોગ્ય છે?

આઝાદીનો અમૃત મહોત્સવ ઉજવીને ૧૦૦ વર્ષની ઉજવણીનો ગોલ નક્કી કરીને આગળ વધવુ કે વર્ષ ર૦૪૭ સુધીમાં વિકસિત ભારતનો માર્ગ કંડારવો, એમાં કાંઈ ખોટું નથી, પરંતુ જ્યાં સુધી મૂળભૂત ઈન્ફ્રાસ્ટ્રક્ચર મજબૂત નહીં હોય, લોકોને મૂળભૂત સુવિધાઓ નહીં મળતી હોય કે જનસામાન્યને સુખાકારી અને સુરક્ષિત રોજીંદી જરૂરિયાતોની પૂર્તતા થતી નહીં હોય તો વિકસિત ભારતની બુનિયાદ જ બોદી રહી જશે, તે પણ હકીકતલક્ષી ભયસ્થાન છે.

ભારતે વિપરીત પરિસ્થિતિઓમાં પણ ઊંચો જીડીપી જાળવી રાખ્યો, ઘણાં ક્ષેત્રોમાં ભારત અગ્રેસર છે અને તંગદિલીભરી વૈશ્વિક સ્થિતિમાં પણ ભારતે મજબૂતીથી પોતાની તટસ્થ નીતિ જાળવી રાખી છે, એ ખરૃં, પણ જો દેશમાં ગરીબોનું વાસ્તવિક ઉત્થાન થતું ન હોય, મધ્યમવર્ગ મોંઘવારી, ભ્રષ્ટાચાર અને રેબોજગારી જેવી સમસ્યાઓમાં પીસાતો રહે અને દેશના વધતા જીડીપી તથા 'સાર્વત્રિક' વિકાસના કારણે જો અમીરો વધુને વધુ અમીર બની રહ્યા હોય તો એવું પણ કહીં શકાય કે આ ગરીબ કે મિડલક્લાસનો વિકાસ થઈ રહ્યો, પરંતુ 'અમીર ભારત'નો વિકાસ થઈ રહ્યો છે.

બીજી તરફ જામનગર સહિત ઠેર-ઠેર ગણેશોત્સવ ઉજવાઈ રહ્યો છે, ત્યારે ઉત્સવોના માહોલ વચ્ચે વધતી જતી મોંઘવારી અને વિલંબિત અને અલ્પ પ્રમાણમાં થયેલા સરેરાશ વરસાદના કારણે લોકોના દિલો-દિમાગ પર એક પ્રકારની માયુસી પણ છે, જેમાં રહી રહીને પડતા વરસાદી ઝાપટાએ અચાનક આશાઓ સંચાર કરી જતા હોય છે. લોકો ઈચ્છે છે કે ચોમાસું વિદાય લઈ લ્યે એ પહેલા હજુ પણ સંતોષકારક વરસાદ થઈ જાય, તો સારૂ...

આ સંજોગોમાં સરકારે ખેડૂતો, પશુપાલકો અને પીવાના પાણીની સુવિધા તથા કાયદો-વ્યવસ્થા, મોંઘવારી તથા જીવન જરૂરિયાતની ચીજવસ્તુઓના સંદર્ભે સામાન્ય જનતાની પડખે ઊભા રહેવાની જરૂર છે. સરકારે કેટલીક જાહેરાતો પણ કરી છે અને ચોમાસું પૂરૂ થાય તેની રાહ જોઈ રહી હોય તેમ હજુ કેટલાક સર્વેક્ષણો અને સમીક્ષાઓ પણ થઈ રહી છે, જો કે ખેડૂતો વર્ગો, પશુપાલકોમાં અજંપો છે અને વિપક્ષો પણ સરકાર પર તડાપીટ બોલાવી રહ્યા છે.

ગઈકાલે દિવસભર ઉકળાટ રહ્યા પછી બળબળતી ગરમીમાં રાહત આપતી મેઘવૃષ્ટિ થયા પછી જામનગર અને ધ્રોળમાં જે જળબંબાકારની સ્થિતિ જોવા મળી અને અન્ય કેટલાક સ્થળેથી પણ ભારે પવન સાથે વરસાદી ઝાપટાઓના કારણે થોડી જ વારમાં માર્ગો જળબંબાકાર થઈ ગયા, તો જોડિયા, કાલાવડ, લાલપુર સહિતના ગ્રામ્ય-શહેરી વિસ્તારોમાં મેઘમહેર થઈ તે પછી વાતાવરણમાં તો ઠંડક પ્રસરી જ ગઈ, પરંતુ લોકોના દિલને પણ થોડી ટાઢક થઈ હશે, કારણ કે આ વર્ષે લાંબા સમયથી હાથતાળી આપીને નીકળી જતા મેઘરાજાએ અંતે મહેર કરી હતી. કુદરત ધારે તો પલભરમાં જ પાસા પલટાવી શકે છે, તે ગઈકાલની મેઘમહેર પછી પૂરવાર થઈ ગયું છે અને આજે સવારે પણ પ્રકૃતિ સોળે કળાએ ખીલી ઊઠી હોય તેવા દૃશ્યો સર્જાયા છે.

જો કે, આજે વરસાદ પછીની કેટલાક સ્થળની તસ્વીરો એ વાસ્તવિક્તાની પણ ગવાહી પૂરી રહી છે કે આપણું ઈન્ફ્રાસ્ટ્રક્ચર હજુ પણ કેટલું નબળું છે અને કેટલાક માર્ગોની કેટલી દુર્દશા થઈ ગઈ છે. મુખ્ય માર્ગો તો ઠીક, શેરીઓ-ગલીઓ તથા આંતરિક માર્ગો પર પણ વરસાદ પછી પાણીમાં નહીં દેખાતા ખાડાઓ લોકોને પરેશાન કરતા હોય અને વરસાદ પછી ઠેર-ઠેર ભરાયેલા ખાબોચીયામાં ગંદકી ભળી જતા ઊભી થનારી સ્થિતિમાં રોગચાળાનો ખતરો મંડરાતો હોય તો એવું કહી શકાય કે જ્યાં સુધી મૂળભૂત માળખાકીય સુવિધાઓ તથા બુનિયાદી જરૂરિયાતના કામોને ગુણવત્તાસભર અને મજબૂત નહીં બનાવાઈ, ત્યાં સુધી વિકાસયાત્રાના ગુણગાન ગાવા એ પોતાને જ છેતરવા જેવું ગણાશે.

રાજ્ય સરકાર સામે હજુ પણ ઉનાળાની આગમચેતીનો પડકાર ઊભો જ છે. હજુ પણ ઘણાં જળશયોમાં જળસંગ્રહ થયો નથી. ઘણાં જળાશયો તો ખાલીખમ જ છે, તો કેટલાક સ્થળે થોડું-ઘણું પાણી આવ્યું છે, પરંતુ આ જળસંગ્રહ આવતા ચોમાસમાં વરસાદ પડે, ત્યાં સુધીની જરૂરિયાતો માટે પૂરતો નથી.

હવે, જળસંગ્રહ અને જળસંચયના અભાવે ઊભી થનારી સ્થિતિમાં જળાશયોમાં સિંચાઈ તથા પીવાના પાણી પુરવઠાના ઉદ્દેશ્યો માટે સૌની યોજના તથા નર્મદા પાઈપલાઈનો દ્વારા પાણી ઠાલવવું અત્યંત જરૂરી છે અને આ ડિસ્ટ્રીબ્યુશનમાં વહાલા-દવલાના ભેદભાવો કે અસમતુલન જેવી ફરિયાદો ન ઊઠે, તે પણ જરૂરી છે. જો એવું થશે તો જનપ્રતિનિઓના ઘરે જઈને ઘેરાવો કરવાની ઘટનાઓ પણ દોહરાશે... જળાશયોમાં પાણી ભરો... કારણ કે જનતા હવે જાગૃત છે...

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

સુરતમાં એક સમાજે એક નિર્ણય એવો લીધો છે, જે પ્રવર્તમાન સમયની ઘણી સમસ્યાઓને હળવો કરનારો અને આપણાં દેશની પ્રાચીન સભ્યતાને સુસંગત છે. એટલું જ નહીં, આપણાં દેશની અદાલતોમાં દિવસે દિવસે વધી રહેલા કેસોનું ભારણ તથા 'દામિની' ફિલ્મના લગભગ બે દાયકા પહેલાના પ્રચલીત ડાયલોગ મુજબ વિલંબિત ન્યાયના કલંકને હળવા કરવાની દિશામાં આ મહત્ત્વપૂર્ણ કદમ છે, જે અન્ય તમામ જ્ઞાતિ-સમાજો તથા સ્થાનિક સ્વરાજ્યની સંસ્થાઓ માટે અનુકરણિય  અને બોધપાઠરૂપ છે. આ પ્રકારની સામાજિક વ્યવસ્થાઓ દેશમાં મોજુદ છે, પરંતુ તેને સંવૈધાનિક શક્તિ અને વ્યાપક જનસમર્થન તથા સ્વીકૃતિની જરૂર છે.

દામિની ફિલ્મની કહાનીમાં આપણા દેશની ન્યાયતાંત્રિક વ્યવસ્થાઓની ખામીઓ અને ખૂબીઓનું પ્રતિબિંબ પડતું હતું, અને વિલંબિત ન્યાયની સમસ્યાના કારણે ઊભી થતી વિટંબણાઓ દર્શાવતું હતું, જેમાં બે કાયદાથી વધુ સમય પછી પણ કોઈ સુધારો થયો જણાતો નથી, બલ્કે ઉલટાનો વધારો થતો જોવા મળે છે, તે સમયની સ્થિતિમાં સુધારા-વધારા કરવાના પ્રયાસો તો થયા છે, પરંતુ પ્રબળ પોલિટીકલ વિલપાવર તથા સામાન્ય જનતામાં અલ્પજાગૃતિ અથવા આ સમસ્યાને ગૌણ ગણીને થતી અવગણનાના કારણે આજે નાની-મોટી તકરાર ઊઠતી જ ડામવામાં સરળતા મળતી નથી અને તેમાંથી જ સ્થિતિ વકરે છે અને ભયાનક ગુનાખોરીમાં બદલી જાય છે, જો આ નાની-નાની સિવિલ-ક્રિમિનલ પ્રકારની ઘટનાઓને 'સમાધાનપંચ' જેવા જ્ઞાતિ-સમાજ-મિકેનિઝમના માધ્યમથી પ્રારંભમાં જ સમાવી દેવામાં આવે અને દબાવી દેવાના બદલે સમાધાનકારી રીતે કાયમી ધોરણે ઉકેલી દેવામાં આવે, તો અદાલતો પરનું ઘણું જ ભારણ પણ ઘટી શકે છે અથવા વધતુ અટકાવી શકાય છે. એટલું જ નહીં, સમાજમાં શાંતિ, સ્થિરતા અને એક્તા સ્થાપીને સહિયારા વિકાસ તથા સમાજ કલ્યાણના ક્ષેત્રે વાસ્તવમાં પરિણામલક્ષી કામ થઈ શકે છે, તે ઉપરાંત સમાજની જ અલાયદી 'સામાજિક સુરક્ષા વીમાયોજના'નો કોન્સેપ્ટ પણ એક નવી પહેલ છે.

સંવૈધાનિક માર્ગે તો કેન્દ્ર અને રાજ્ય સરકારોમાં સમાજ કલ્યાણ વિભાગો કાર્યરત છે, જેનો સામાજિક ન્યાય અને અધિકારિતા વિભાગના માધ્યમથી અમલ થાય છે. ગ્રામ પંચાયતો તથા તાલુકા-જિલ્લા પંચાયતોમાં પણ સામાજિક ન્યાય સમિતિઓ કાર્યરત છે. આ વ્યવસ્થાઓ કાર્યરત પણ છે અને તેના માધ્યમથી કલ્યાણકારી યોજનાઓ સમાજના પછાત તાલુકાઓને કાનૂની-શૈક્ષણિક અને અન્ય ક્ષેત્રે મદદરૂપ થવાના પ્રયાસો પણ કરવામાં આવે છે, તેમ છતાં એ કડવી વાસ્તવિક્તા પણ છે કે મૂળ ઉદ્દેશ્યો સિદ્ધ થઈ રહ્યા નથી, તનાવ વધી રહ્યો છે, તકરારો-ફરિયાદો અને ઝઘડાઓ ઘટી રહ્યા નથી, અને સ્થિતિ સુધારવાના બદલે દિવસે દિવસે વકરી રહી છે. આથી એવું પણ કહી શકાય કે પૂરતા જનસમર્થન, જનજાગૃતિ અને સહયોગ વિના સામાજિક ન્યાય અને આર્થિક અસમાનતાનું નિવારણ કરવાના વૈધાનિક ઉપાયો કારગત નિવડી રહ્યા નથી. જનસમર્થન-સહયોગ નહીં આપવાનું કારણ એ પણ છે કે સામાજિક ન્યાય સમિતિઓ કે તેને સમાંતર વ્યવસ્થાઓ માત્ર સિમ્બોલિક બની રહી છે અને હોદ્દાઓ માત્ર રાજકીય ક્ષેત્રે દબદબો જાળવી રાખવાના માધ્યમથી બનવા લાગ્યા છે અને મૂળ ઉદ્દેશ્ય વિસરાતો જતો હોવાથી લોકોની વિશ્વસનિયતા પણ આ વ્યવસ્થાઓમાં રહી નથી. આથી હવે સમાજો-જ્ઞાતિઓએ પોતપોતાના સંગઠનો-મંડળો કે ટ્રસ્ટોમાં પોતાના જ્ઞાતિ-સમાજના આંતરિક, સામૂહિક કે વ્યક્તિગત વિવાદો, તકરારો કે મત-મતાંતરોને ઊભા થતા જ અટકાવવા, ઊભા થયેલા આ પ્રકારના કિસ્સાઓનો સમાધાનકારી ઉકેલ લાવવા અને જરૂર પડ્યે બંધારણીય જોગવાઈઓ તથા દેશ-રાજ્યના નિયમ-કાયદાને અનુરૂપ કાર્યવાહી કરીને પણ કડક અભિગમ દાખવવાની આપણી સંસ્કૃતિની પ્રાચીન પરંપરાઓને મર્યાદિત રીતે પૂનર્જિવિત કરવી જોઈએ. આ પ્રકારની વ્યવસ્થાઓ જે જ્ઞાતિ-સમાજોમાં મોજુદ છે, તેમાં પણ વધુ ને વધુ વિશ્વસનિયતા વધે, તે માટે તટસ્થતા, પ્રામાણિક્તા, પારદર્શક્તા અને શાંતિમય-સમાધાનકારી અભિગમ સાથે જરૂર પડ્યે ચમરબંધીની પણ શેહ-શરમ રાખ્યા વગર કડક કદમ ઊઠાવવા અને તે માટે જરૂર પડ્યે તંત્રો-ચૂંટાયેલા જનપ્રતિનિધિઓ કે સામાજિક-રાજકીય અગ્રણીઓની મદદ લેવા જેવા ઉપાયો કરવાની દિશામાં વાસ્તવિક કામ થવું જરૂરી છે.

આપણાં દેશમાં જુના જમાનામાં ગ્રામ્ય કક્ષાએ પણ ન્યાયિક વ્યવસ્થાઓ હતી અને આજે પણ સ્થાનિક સ્વરાજ્યની સંસ્થાઓમાં આ પ્રકારની સમિતિઓ તથા હોદ્દાઓ મોજુદ છે. કેટલીક જાગૃત જ્ઞાતિઓ તથા સમાજોએ પણ આ પ્રકારની વ્યવસ્થાઓ વિક્સાવી છે, અને હજુ પણ કેટલાક સમાજો સુરતના તાજેતરના સૂચિત કિસ્સાની જેમ નવી ઢબે આ જ વ્યવસ્થાઓ દેશના બંધારણની મર્યાદામાં રહીને તથા સ્થાનિક નિયમ-કાયદાઓને સુસંગત રહીને સ્થાનિક કક્ષાએ નાની-મોટી તકરારો, ઝઘડા કે પરંપરાઓના ભંગ સામે કાર્યવાહી કરવાની દિશામાં આગળ વધી રહી છે, જેને થોડુંક સંવૈધાનિક બળ પૂરૂ પાડવું જરૂરી છે, અને તંત્રો દ્વારા પણ આ પ્રકારની વ્યવસ્થાઓનેે જરૂર પડ્યે વ્યવહારૂ અભિગમ દાખવીને મદદરૂપ થવાની જરૂર છે.

સુરતના દૃષ્ટાંતમાં જો કે બદલાતી જીવનશૈલી અને વધતી જતી ડાઈવોર્સની ઘટનાઓ, મિલકત-સંપત્તિના વિવાદો તથા સામાજિક સમતુલન જેવા ઉદ્દેશ્યો બતાવાયા છે, પરંતુ જો સમાજોમાં અંદરોઅંદર કોઈ તકરારો થાય જ નહીં, અને થાય તો સમાજ દ્વારા બન્ને પક્ષો અથવા બધા પક્ષો (પક્ષકારો) ને સંતોષ થાય તેવા નિર્ણયો નિયમ-કાયદા, દેશના બંધારણને અનુરૂપ લેવાય, તે પ્રકારના વ્યાપક મિકેનિઝમની પહેલ કરવાની જરૂર છે. આ મિકેનિઝમની કાર્યપદ્ધતિ તદ્ન પારદર્શક, તટસ્થ અને સમયોચિત (ઝડપી) થાય, તે પણ જરૂરી છે. જો સમાજ-જ્ઞાતિમાં નામ, શહેર અને જિલ્લા, રાજ્ય કે રાષ્ટ્રીય કક્ષા સુધીના સંગઠનો હોય તો તેમાં પણ સુસંગતતા હોવી જોઈએ, જેથી આ પ્રકારનું સામાજિક મિકેનિઝમ પણ વિલંબિત ન્યાય પ્રણાલીની કાર્બનકોપી બની ન જાય. સુરતનું દૃષ્ટાંત માત્ર ઉદાહરણ માટે આપ્યું છે, પરંતુ દરેક સમાજે પોતાની સામાજિક વ્યવસ્થાઓ, જરૂરિયાતો અને અપેક્ષાઓ મુજબના આંતરિક નીતિ-નિયમો બનાવીને સામાજિક માળખુ સુદૃઢ, સંપીલુ અને સુરક્ષિત રહે તે માટે કોઈપણ મત-મતાંતરો કે વિવાદને સંવાદ અને સમજુતિથી ઉકેલ લાવે, તો ઘણાં અદાલતી કેસો ઊભા થતા જ અટકી શકે છે. આ વ્યવસ્થાઓ ઘણાં જ્ઞાતિ-સમાજોમાં આજે પણ મોજુદ છે, પરંતુ તેને જો દેશના બંધારણ તથા જ્ઞાતિ-સમાજના બંધારણો અથવા અલિખિત પરંપરાઓ સાથે તાલમેલ બેસાડીને વૈધાનિક સ્વરૂપ અને શક્તિ આપવામાં આવે, અને તેની સાથે સાથે ગ્રામ, નગર, મહાનગર કક્ષાની સ્થાનિક સ્વરાજ્યની સંસ્થાઓમાં કાર્યરત સામાજિક ન્યાય સમિતિઓ તથા તદ્વિષયક અન્ય સમિતિઓ અથવા મિકેનિઝમનો વ્યાપ વધારીને તેને જરૂરી ફંડીંગ સાથે વૈધાનિક બળ પૂરૃં પાડવામાં આવે તો સામાજિક શાંતિ, ઉત્કર્ષ, વિકાસની સાથે સાથે અદાલતોના ભારણમાં ઘટાડો અને હવે પછી કેસોની સંખ્યામાં નોંધપાત્ર ઘટાડો કરવાની દિશામાં આગળ વધી શકાશે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

ભારત આઝાદ થયું, તે પછી અનેક એવા પ્રસ્તાવો આવ્યા છે કે જ્યારે બંધારણની રક્ષા અને લોકતંત્રની સુરક્ષા માટે દેશની સર્વોચ્ચ અદાલતે કેન્દ્ર-રાજ્ય સરકારો તથા રાજકીય પક્ષોને જરૂર પડ્યે સાચો માર્ગ બતાવ્યો છે અને કેટલીક વખત તો કેટલીક ટકોર પણ કરી છે. એ ઉપરાંત જ્યારે નેવાંના પાણી મોભે ચડતા હોય કે બંધારણ-લોકતંત્ર પર ખતરો દેખાતો હોય ત્યારે અત્યંત કડક અભિગમો પણ સુપ્રિમ કોર્ટે અપનાવ્યા છે. સંસદે પસાર કરેલા કેટલાક કાયદાઓમાં પણ જ્યારે બંધારણીય પ્રશ્નો ઊભા થાય ત્યારે હસ્તક્ષેપ કર્યો છે અને કેટલાક ગેરબંધારણીય નિર્ણયો, નિયમો કે કાયદાઓને રદબાતલ પણ ઠરાવ્યા છે.

સુપ્રિમ કોર્ટે મહારાષ્ટ્રમાં શિવસેનાના ચૂંટણી પ્રતીકના મુદ્દે જસ્ટીસ સહિત ત્રણ જજોની બેન્ચે શિવસેનામાં બળવો થયા પછી ચૂંટણીપંચે શિવસેનાનું 'ધનુષ-બાણ' ચૂંટણી પ્રતીક એકનાથ શિંદે જુથને ફાળવી દીધુ હતું, તેના સંદર્ભે ચૂંટણી પંચને પૂછ્યું છે કે ઉદ્ધવ ઠાકરે અને એકનાથ શિંદેના (બન્ને) જુથોને ધનુષ-બાણના વિકલ્પે અન્ય અલગ-અલગ ચૂંટણી ચિન્હો ફાળવવા પર વિચાર કર્યો હતો કે કેમ?

સુપ્રિમ કોર્ટમાં ઉદ્ધવ ઠાકરે જુથ દ્વારા કરાયેલી અરજી અંગે સુનાવણી ચાલી રહી હતી અને તે દરમિયાન અદાલતે આ પ્રશ્નો ચૂંટણીપંચને કર્યા હતાં. ઉદ્ધવ ઠાકરેના જુથે સુપ્રિમ કોર્ટમાં એ મુદ્દે અરજી કરી છે કે ચૂંટણી પંચે વિધાનસભામાં બહુમતીના આધારે જ એકનાથ શિંદે જુથને અસલ શિવસેના ગણીને તેને અસલ ચૂંટણી પ્રતીક ફાળવી દીધુ, તે નિર્ણયને ગેરબંધારણીય ઠરાવવામાં આવે અને અસલ શિવસેના અંગે ચૂંટણી પંચના નિર્ણય પર રોક લગાવામાં આવે, તથા અસલ પ્રતીક તેમને ફાળવવામાં આવે.

સુપ્રિમ કોર્ટે પૂછ્યું કે જ્યારે ચૂંટણીપંચ શિવસેના પક્ષ તથા તેના ચૂંટણી ચિન્હ અંગે નિર્ણય લઈ રહ્યું હતું, ત્યારે શિંદે જુથ સામે ગેરલાયકાતની (વિધાનસભા ગૃહની) કાર્યવાહી પેન્ડીંગ હતી, તેવા સંજોગોમાં માત્ર ચૂંટાયેલા ધારાસભ્યોની બહુમતીને પક્ષ પરના અધિકારનો આધાર ગણી શકાય ખરો?

શિંદે જુથ તરફથી દલીલો થઈ કે વર્ષ ર૦૧૯ ની ચૂંટણીમાં બન્ને જુથ જીતેલા ધારાસભ્યોની સંખ્યા અને મળેલા મતોની ટકાવારીમાં મોટો તફાવત હતો તથા તે પછી વિધાનસભા ભંગ થયા બાદ જુની અરજીઓ બિનઅસરકારક ગણાય, અને નવી વિધાનસભા અસ્તિત્વમાં આવી ગયા પછી તે મુદ્દો હવે પ્રાસંગિક જ નથી. વિધાનસભાના અધ્યક્ષ અને ચૂંટણીપંચ અલગ-અલગ સંવૈધાનિક સત્તામંડળો છે, જે અલગ-અલગ નિયમો મુજબ કામ કરે છે. ઉદ્ધવ ઠાકરે ધનુષ-બાણની ચૂંટણી ચિન્હ પરત માંગ્યું છે, ત્યારે હવે રર મી સપ્ટેમ્બરે યોજાનારી આગામી ચૂંટણીમાં શું થાય છે, તે જોવાનું રહે છે.

એક યોગાનુયોગ હોય કે પછી 'દેર આયે દુરસ્ત આયે'ની જેમ ચૂંટણીપંચે પોતાની કાર્યપદ્ધતિ બદલાવી હોય, જે હોય તે ખરૂ, પરંતુ પ. બંગાળમાં તૃણમુલ કોંગ્રેસના વિભાજન પછી 'અસલ' તૃણમુલ કોંગ્રેસનો દાવો કરતા બન્ને જુથો અંગે અંતિમ નિર્ણય લેવાય ત્યાં સુધી ચૂંટણી પંચે તૃણમુલનું અસલ ચૂંટણી ચિન્હ 'ઘાસ સાથે બે ફૂલ'ને સ્થગિત કરી દીધુ છે અને બન્ને જુથોને નંદીગ્રામ અને રેજીનગરની બેઠક પર ૬ ઓક્ટોબરે યોજાનારી પેટાચૂંટણી માટે ફ્રી (અન્ય) ચૂંટણી ચિન્હોમાંથી બન્ને પાસેથી ત્રણ-ત્રણ ચૂંટણી ચિન્હોના વિકલ્પો માંગવામાં આવ્યા છે, જે અંગે મમતા જુથે તીવ્ર વિરોધ સાથે નવા ત્રણ ચિન્હોની યાદી ચૂંટણી પંચને સુપ્રત કરી છે.

ચૂંટણી પંચે સ્પષ્ટ આદેશ કરી દીધો છે કે બન્ને જુથ હવે 'ઓલ ઈન્ડિયા તૃણમુલ કોંગ્રેસ'ના નામનો ઉપયોગ કરી શકશે નહીં. ચૂંટણીપંચે તૃણમુલ કોંગ્રેસના ઘાસ સાથેના બે ફૂલોનું ચિન્હ વાપરવા પર વચગાળાનો પ્રતિબંધ મૂકી દીધો છે. આથી તૃણમુલ કોંગ્રેસના બન્ને જુથોને જબરો ઝટકો લાગ્યો છે, જો કે આ આદેશ માત્ર આ પેટાચૂંટણી પૂરતો જ લાગુ રહેશે કે વિવાદનો અંત આવે ત્યાં સુધી અમલમાં રહેશે તે અંગે દ્વિઘા પ્રવર્તતી હતી, પરંતુ એટલું સ્પષ્ટ થઈ ગયું છે કે આ પેટાચૂંટણીઓમાં તો બન્ને જુથોએ નવા ચુંટણી ચિન્હો પર જ ચૂંટણી લડવી પડશે. ઉલ્લેખનિય છે કે મમતા બેનર્જી જુથના કારમા પરાજય પછી તૃણમુલ કોંગ્રેસમાં વિભાજત થયું હતું અને ઘણાં ધારાસભ્યોએ અલગ જુથ રચ્યું હતું, તે સમયથી શિવસેનાના વિવાદની જેમ જ ચૂંટણીપંચનો વિવાદ પ. બંગાળમાં પણ ચાલી રહ્યો છે, પરંતુ બન્ને કિસ્સામાં ચૂંટણીપંચનો નિર્ણય વિરોધાભાસી જણાય છે. પ. બંગાળમાં જે તૃણમુલ કોંગ્રેસમાં થયું તેવું જ ભૂતકાળમાં મહારાષ્ટ્રમાં શિવસેનામાં થયું હતું. મહારાષ્ટ્રમાં શિવસેનાના વિદ્રોહી જુથને વિધાનસભામાં બહુમતી સાબિતના આધારોને લક્ષ્યમાં લઈને મૂળ ચૂંટણી ચિન્હ ફાળવી દેવાયું અને હવે પ. બંગાળમાં આ જ પ્રકારના કિસ્સામાં મૂળ ચૂંટણી ચિન્હ સ્થગિત કરી દીધુ છે, તો બીજી તરફ સુપ્રિમ કોર્ટે ભૂતકાળના મહારાષ્ટ્રના કિસ્સામાં પણ ચૂંટણી પંચને તીખા સવાલો પૂછ્યા છે, તેથી ચૂંટણીપંચની કાર્યપદ્ધતિ અને ભૂમિકા સવાલોના ઘેરામાં આવી ગઈ છે. હવે સુપ્રિમ કોર્ટ અંતિમ ફેંસલાઓ કેવા આપે છે, તેના પર આ બન્ને રાજ્યોના વિઘટિત થયેલા રાજકીય પક્ષોના રાજકીય ભવિષ્યનો આધાર રહેવાનો છે.

તમિલનાડુના મુખ્યમંત્રી થલપતિ વિજયને પણ સુપ્રિમ કોર્ટે ત્રણ ભાષાના મુદ્દે ટકોર કરી છે, અને દેશના સંઘીય માળખાને અનુરૂપ વલણ દાખવવાની શિખામણ આપી છે. તમિલનાડુમાં નવા જવાહર નવોદય વિદ્યાલયો ખોલવા અંગે તમિલનાડુની વિજય સરકારે ત્રણ ભાષાનો મુદ્દો આગળ ધરીને વાંધો લીધો છે. મદ્રાસ હાઈકોર્ટે તમિલનાડુમાં નવોદય વિદ્યાલય સ્થાપિત કરવાનો ચૂકાદો આપ્યો તેની સામે તમિલનાડુ સરકારે સુપ્રિમ કોર્ટમાં અપીલ કરતા, તેની સુનાવણી દરમિયાન સુપ્રિમ કોર્ટે કરેલી આ ટિપ્પણીઓ ઘણી જ ગંભીર છે અને રાજ્ય સરકાર દેશના બંધારણથી ઉપર નથી, તેવા મતલબની ટકોર કરી હોવાના તારણો નીકળી રહ્યા છે, જે વિજય સરકાર માટે લપડાક સમાન છે.

સુપ્રિમ કોર્ટે ટિપ્પણી કરી છે કે તમિલનાડુની ધરતી પર હિન્દી ભણાવી જ શકાય નહીં, તેવું વલણ રાખવું યોગ્ય નથી. હવે ત્રણ મહિનાની મુદ્ત પડી હોવાથી થલપતિ વિજય સરકારે પણ 'માપ'માં રહીને જ કદમ ઊઠાવવા પડે તેમ છે.

એક અન્ય કિસ્સામાં સુપ્રિમ કોર્ટે સીબીએસઈને પણ છઠ્ઠા ધોરણના વિદ્યાર્થીઓ પર અચાનક જ 'થ્રી લેન્ગવેજ પોલિસી' લગાવવા બદલ કડક ટિપ્પણી કરીને આ નિર્ણય આગામી વર્ષથી લાગુ કરવાનું સૂચન કર્યું છે. અદાલતે કહ્યું છે કે આગામી વર્ષથી ત્રણ ભાષાની નીતિ લાગુ કરવાથી બાળકોને માનસિક રીતે તૈયાર થવા માટે પર્યાપ્ત ટાઈમ પણ મળી રહેશે. તંત્રોને પણ ફૂલપ્રૂફ અને સમયબદ્ધ અમલીકરણ કરવાાં સરળતા મળી રહે તેમ હોવાથી અદાલતની આ ટિપ્પણીને ગંભીર ગણીને સરકારે 'માપ'માં રહીને નિર્ણય લેવો પડે તેમ છે.

આ બધા ઘટનાક્રમો તથા સુપ્રિમ કોર્ટની ટિપ્પણીઓ, ટકોરો જોતા એવું તારણ નીકળે છે કે સુપ્રિમ કોર્ટ તટસ્થ અને ન્યાયસંગત ધોરણે સમતોલ વલણ સરકારો તથા રાજકીય પક્ષો પર બંધારણીય રસ્તે 'લગામ' લગાવી રહી છે અને 'માપ'માં રહેવાનો આડક્તરો સંકેત પણ આપી રહી છે. બીજી તરફ ચૂંટણી પંચ જેવી બંધારણીય સંસ્થા સામે સવાલો ઊભા થતા હોય અને તેના સંદર્ભે પણ સુપ્રિમ કોર્ટે સવાલો પૂછવા પડતા હોય અને ટકોરો કરવી પડતી હોય તો એવું કહી શકાય કે દેશના બંધારણીય તથા લોકતંત્રનું રક્ષણ કરવામાં સુપ્રિમ કોર્ટ તટસ્થ અને ન્યાયસંગત મહત્ત્વપૂર્ણ ભૂમિકા નિભાવી રહી છે...

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

યુનિફાઈડ પેમેન્ટ્સ ઈંટરફેસ એટલે કે યુપીઆઈ દ્વારા થતા વ્યવહારો પર ૧પ મી ઓક્ટોબરથી લાગુ થનારા ૦.૪૦ ટકા મર્ચન્ટ રેઈટ ડિસ્કાઉન્ટ એટલે કે એમડીઆર સામે વિરોધનો વંટોળ ઊઠ્યો છે અને મોદી સરકારે વિદેશી શક્તિઓ સામે ઘૂંટણિયા ટેકવ્યા હોવાના આક્ષેપો લાગ્યા છે. આ ઉપરાંત કેટલાક તટસ્થ વિશ્લેષકોએ પણ આ નિર્ણય અમલી બન્યા પછી ડિજિટલ પેમેન્ટની સુવિધા પ્રત્યે લોકોનો મોહભંગ થઈ જશે, અને લોકો રોકડ (કેશ ટ્રાન્ઝેક્શન) તરફ પાછા વળશે. એટલું જ નહીં, આ કારણે ઓનલાઈન ટ્રેડીંગ તથા ઝડપી ઓનલાઈન સર્વિસીઝ તથા કેટલીક લોકલક્ષી સગવડોને પણ જબરો ફટકો પડશે, તેવી દહેશત વ્યક્ત કરી છે.

લોકસભામાં વિપક્ષના નેતા અને કોંગ્રેસના સર્વેસર્વા નેતા રાહુલ ગાંધીએ તો મોદી સરકાર પર સણસણતા આક્ષેપો કર્યા છે, અને સોશિયલ મીડિયાના માધ્યમથી ઝાટકણી કાઢતા કહ્યું છે કે, અમેરિકાના દબાણ હેઠળ ઘૂંટણી ટેકવી દીધા છે અને માસ્ટરકાર્ડ અને વિઝાકાર્ડ જેવી અમેરિકાની પેમેન્ટ કંપનીઓના વિરોધ તથા દબાણના કારણે મોદી સરકારે ઝીરો-એમડીઆર અથવા ફ્રી યુપીઆઈની પોલિસી ધરમૂળથી બદલી નાખીને યૂ-ટર્ન લીધો છે. સરકાર ભલે દાવો કરતી હોય કે આ ચાર્જ ગ્રાહકો પાસેથી વસૂલ કરવામાં નહીં આવે, પરંતુ વેપારીઓ આ ચાર્જની અંદાજીત રકમ જેટલા ભાવો વધારીને ચીજવસ્તુઓ વેંચશે, જેથી અંતે તો ગ્રાહકોનું જ ખિસ્સુ કપાશે. તેમણે તાર્કિક આંકડાઓ આપતા કહ્યું છે કે રૂ।. ર૦૦૦ થી વધુ રકમની લેવડ-દેવડ કરનારા લોકોની સંખ્યા પાંચ ટકા જેટલી છે, પરંતુ ટ્રાન્ઝેક્શન વેલ્યુ (રૂપિયામાં લેવડ-દેવડની ગણીએ) આ પાંચ ટકા લોકો યુપીઆઈના ટ્રાન્ઝેક્શનનું લગભગ ૬પ ટકા ટ્રાન્ઝેક્શન કરે છે, તેથી દેશની ગરીબ-મધ્યમવર્ગિય મહત્તમ જનતા પર આ આર્થિક બોજ છે.

રાહુલ ગાંધી વડાપ્રધાન નરેન્દ્ર મોદીની આ પહેલા પણ 'કોમ્પ્રોમાઈઝ્ડ' પી.એમ. કહીને તીખી આલોચના કરી ચૂક્યા છે, અને આ કિસ્સામાં પણ અમેરિકન ટ્રેડર્સ અને ત્યાંના કોર્પોરેટ જગતના દબાણ હેઠળ 'સરન્ડર' કર્યું હોવાની ટીકા કરી છે. બીજી તરફ કેટલાક આર્થિક જગતના માધાંતાઓએ પણ આને સર્વિસ ચાર્જ નહીં, પણ ડાયરેક્ટ કરવસૂલી હોવાની ટીકાઓ કરી છે. સરકાર તરફી પ્રવક્તાઓ આને હલકી રાજનીતિ ગણાવીને વિપક્ષોના આક્ષેપોનું ખંડન પણ કરી રહ્યા છે, અને આ મુદ્દે સરકારે પીછેહઠ કરવાનો ઈનકાર કરી દીધો છે, ત્યારે હવે અંતિમ ફેંસલો તો જનતાએ જ લેવાનો છે, કારણ કે લોકતંત્રમાં લોકો સર્વોપરિ છે અને તેનો 'જનમત' જાગે, ત્યારે પરોઠના પગલાં કેવી રીતે ભરવા પડે છે, તે જંતર-મંતર અને કિસાન આંદોલન ફેઈમ ચળવળોએ પૂરવાર કરી જ દીધુ છે, તે ઉપરાંત હવે આ મુદ્દો સુપ્રિમ કોર્ટ સુધી પણ પહોંચ્યો છે, તેથી સરકારે ફૂંકી ને ફૂંકીને કદમ ઊઠાવવા જેવું છે.

કોંગ્રેસ પ્રમુખ મલ્લિકાર્જુન ખડગે અને સમાજવાદી પાર્ટીના નેતાઓએ પણ તીખા તમતમતા સવાલો ઊઠાવ્યા છે. જેની સામે યુપીઆઈ તથા સરકાર તરફથી એવી ચોખવટ કરાઈ છે કે સામાન્ય વ્યક્તિની લેવડ-દેવડ તદ્ન ફ્રી છે, તો માસિક ટર્નઓવર એક લાખ સુધીનું હોય, તેઓએ પણ એમડીઆર ચાર્જ ચૂકવવો નહીં પડે. બેંકોને કડક સૂચનાઓ પણ અપાઈ છે કે કોઈપણ સ્વરૂપમાં વેપારીઓ આ એમડીઆર ગ્રાહકો પાસેથી વસૂલી ન શકે, તેનું ધ્યાન રાખે. બીજી તરફ લોકોમાંથી સવાલ છે કે ભલે બીલમાં ચડાવાય નહીં, પરંતુ વેંચાણ કિંમત (ભાવ) જ વધારી દેવામાં આવે, તો શું કરવું?

વિપક્ષોએ આ ૦.૪૦ ટકા એમડીઆરને 'મોદી ટેક્સ' ગણાવીને સરકાર 'વસૂલી' કરી રહી છે, અથવા આડકતરી લૂંટ ચાલવી રહી છે, તેવા આક્ષેપો કરી રહ્યા છે, ત્યારે ભાજપના પ્રવક્તાઓ આ આક્ષેપોને નકારી રહ્યા છે, અને સરકાર તરફથી આ મુદ્દે હવે કોઈ બાંધછોડ નહીં કરવાનું વલણ છે, ત્યારે બુદ્ધિજીવીઓ, આર્થિક ક્ષેત્ર તથા પેમેન્ટ અને બેન્કીંગ સિસ્ટમોના નિષ્ણાતો અને વ્યાપાર જગતના ભિન્ન ભિન્ન પ્રત્યાઘાતોનું તારણ પણ એવું જ નીકળે છે કે જો ડિજિટલ પેમેન્ટની સિસ્ટમ જાળવી રાખવી હોય કે વિસ્તારવી હોય તો ૦.૪૦ ટકા એમડીઆરનો નિર્ણય જ માંડી વાળવો જોઈએ. આ માટે ૧પ મી ઓક્ટોબર સુધીની મુદ્ત હોવા છતાં ડિજિટલ પેમેન્ટના બદલે રોકડ વ્યવહાર તરફ લોકો આજથી જ વળવા લાગ્યા છે, તેની નોંધ લઈને 'કેશલેસ' તથા 'લેસકેશ'ના કોન્સેપ્ટને વળગી રહીને યુપીઆઈ ટ્રાન્ઝેક્શન તમામ દેશવાસીઓ માટે ફ્રી કરવાની જરૂર છે, અને આ પ્રકારનો યૂ-ટર્ન લેવામાં જ રાજકીય શાણપણ શાસકીય ઔચિત્ય અને લોકતાંત્રિક ડહાપણ ગણાશે. જો તેવું નહીં થાય તો ભલે લોકો સડકો પર ન ઉતરે, પરંતુ ડિજિટલ ટ્રાન્ઝેક્શનથી જ મોઢું ફેરવી લેશે તો મૂળ ઉદ્દેશ્ય જ માર્યો જશે, જેનો અંદાજ કદાચ નીતિ-નિર્ધારકોએ કર્યો હોય તેમ લાગતું નથી. ઘણાં નિર્ણયો જ્યારે લોકોની વિશ્વસનિયતા પર પ્રહાર જેવા લાગતા હોય, ત્યારે દેશને થતી અસરો કે લોકોને થતી આર્થિક પરેશાની કરતા યે શાસકો-રાજનેતાઓ માટે રાજનૈતિક આત્મહત્યા (પોલિટિકલ સેઈફ ગોલ) જેવા બની જતા હોય છે, અને તેના વાસ્તવિક પડઘા પડે અને વિપરીત રાજકીય પરિણામો આવે, ત્યારે ઘણું મોડું થઈ જતું હોય છે, તેથી આ મુદ્દે સરકાર ગમે તેટલી ડંફાસો કરે, કે હકીકતમાં આ નિર્ણય લાંબા ગાળાના જાહેર હિતો કે દેશની ઈકોનોમીના હિતમાં લેવાયો પણ હોય, તો યે વ્યાપક જનહિતમાં યુપીઆઈના તમામ વ્યવહારોને એમડીઆર જેવા ચાર્જીસથી મુક્ત રાખવા જોઈએ. આમ પણ બેન્કીંગ સેક્ટર અનેક પ્રકારના પ્રત્યક્ષ અને પરોક્ષ ચાર્જ લગાડીને વ્યાજના તફાવત ઉપરાંતની પણ ધરખમ કમાણી કરી જ રહી છે, ત્યારે સર્વિસ ચાર્જના નામે આ પ્રકારની વસૂલાત કરવી યોગ્ય નથી. યુપીઆઈ ટ્રાન્ઝેક્શનની સિસ્ટમો પાછળ તગડો ખર્ચ થતો હોય તો તે બેન્કીંગ સેક્ટર અને સરકાર મળીને ઉકેલી શકે છે, કારણ કે બિનજરૂરી રીતે થતા સંખ્યાબંધ જંગી ખર્ચાઓની સરખામણીમાં તો આ ખર્ચ ઊંટના મૂખમાં જીરા જેવો જ હશે. આમ પણ અમેરિકાના રાષ્ટ્રપતિ હવે ભારતને ટાર્ગેટ કરીને આર્થિક, રાજનૈતિક જ નહીં, પરંતુ સૌથી મોટા લોકતાંત્રિક દેશનું અપમાન કરવામાં જરાયે પીછેહઠ કરતા ન હોય તો આપણે તેની કંપનીઓની પરવાહ શા માટે કરવી જોઈએ? આ પ્રકારના વલણો પછી લોકોના મનમાં 'બીજુ કાંઈક' ગોઠવાયું હોવાની આશંકાઓ ઊઠે તે પણ સ્વાભાવિક છે.

એક વર્ગ એવો પણ છે, જે કહે છે કે અડધો ગ્લાસ ખાલી છે, તેવું તારણો કાઢતા લોકો અડધાથી વધુ ગ્લાસ ભરેલો છે, તે કેમ જોઈ શકતા નથી? નાના વેપારીઓ અને નિયત મર્યાદાના નાણાકીય વ્યવહારો એમડીઆર ફ્રી રાખીને મહત્તમ જનતા અને વ્યાપારીઓને કઈ અસર થવાની નથી, પરંતુ યુપીઆઈ હવે વિદેશો સુધી વિસ્તરી રહ્યું હોવાથી અત્યારે લગાડાતો આ ચાર્જ ભવિષ્યમાં વિદેશમાંથી મોટી આવક થવાનું માધ્યમ બનશે, જે દેશની ઈકોનોમીની સાથે સાથે દેશ-વિદેશમાં પથરાયેલા ભારતીયોને પણ ફાયદો પહોંચશે, વિગેરે...

હવે જનતાએ નક્કી કરવાનું છે કે હવે શું કરવું છે... અને સરકારે સમજી-વિચારીને અંતિમ નિર્ણય લેવા પડે તેમ છે, તે હકીકત છે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

કેન્દ્ર સરકારે આયુષ્માન ભારત યોજના હેઠળ પીએમ જેએવાય યોજના અથવા પ્રધાનમંત્રી જન આરોગ્ય યોજના અમલમાં મૂકી છે, જેમાં અપાતા આયુષ્માન ભારત (આભા કાર્ડ) માં દર્દીની હિસ્ટ્રી એકત્રિત થાય છે, અને પીએમ જેએવાય કાર્ડના માધ્યમથી કેન્સર, કિડની, હૃદયરોગ જેવી ગંભીર બીમારીઓ માટે રૂ।. પાંચ લાખ સુધીની સારવાર નિઃશુલ્ક થાય, તે માટે દેશમાં સરકારી તથા ખાનગી મળીને ૩૦ હજારથી વધુ હોસ્પિટલોને સૂચિબદ્ધ કરવામાં આવે છે. આ યોજનાનો લાભ ગરીબોને મળે છે, જેની આવક ઘણી જ ઓછી હોય છે. ગુજરાત સહિતના કેટલાક રાજ્યોમાં પહેલેથી આ પ્રકારની યોજના હતી, ત્યાં આ યોજનાને જોડીને યોજનાનું વિસ્તૃતિકરણ કરવામાં આવ્યું છે. દૃષ્ટાંત તરીકે ગુજરાતમાં 'પીએમ-જેએવાય મા' યોજના હેઠળ સિનિયર સિટીઝન ધરાવતા પરિવારની રૂ।. ૬ લાખ કે ેથી ઓછી આવક હોય તો આ લાભ મળે છે, જ્યારે સિનિયર સિટીઝનો ન હોય તેવા સામાન્ય પરિવારો માટે વાર્ષિક આવકમર્યાદા કદાચ ચાર લાખ છે. આ માટે આવકનો દાખલો મેળવવો પડે છે અને જન્મનો દાખલો, વીજબીલ, આધારકાર્ડ, રાશનકાર્ડ સહિતના કેટલાક દસ્તાવેજો રજૂ કરવા પડે છે, તે બધાને ખબર છે. આ કાર્ડ હેઠળ કેન્દ્ર અને રાજ્ય સરકારની બન્ને યોજનાનો લાભ મળતો હોવાનો દાવો કરાય છે. આ પ્રકારના કાર્ડ નિયત આવક મર્યાદા ધરાવતા લાખો લોકોએ મેળવ્યા પણ છે.

કેન્દ્ર સરકારે વર્ષ ર૦ર૪ ના ઓક્ટોબર મહિનાથી એક નવી યોજના શરૂ કરી હી, જેને 'આયુષ્માન વયવંદના કાર્ડ' નામ અપાયું હતું. આ યોજના હેઠળ ૭૦ વર્ષ પૂરા થાય, તેવા પ્રત્યેક બુઝુર્ગોને આવકની મર્યાદા રાખ્યા વિના રૂ।. પાંચ લાખ સુધીની નિઃશુલ્ક સારવાર આપવામાં આવશે, તેવો દાવો કરાયો હતો. જે લોકોને ૭૦ વર્ષ પૂરા થઈ ગયા હોય તેઓ પાસે જો તેના પરિવારનું આયુષ્માન પીએમ જેએવાય કાર્ડ હોય તો પણ તેઓને તે કાર્ડના લાભો ઉપરાંત આ વધારાની પાંચ લાખની નિઃશુલ્ક સારવારની સુવિધા અપાશે અને તે માટે વાર્ષિક આવકની કોઈ મર્યાદા રખાઈ નથી, જેથી આ વયવંદના યોજના હેઠળ ગરીબ-મધ્યમ વર્ગ-અમીર બધા વર્ગોના વયોવૃદ્ધ સિનિયર મોસ્ટ સિટીઝનો પાંચ લાખ રૂપિયા સુધીની સારવાર મેળવી શકે છે.

આયુષ્માન વયવંદના યોજનાનો લાભ મૂળ આયુષ્માન ભારત યોજના હેઠળની યોજનાનો અંતર્ગત કુટુંબનું કાર્ડ હોય તો પણ અલગથી મળી શકે છે, તેવો દાવો કરાયો છે અને આ માટે ઓનલાઈન પ્રક્રિયા દ્વારા વયોવૃદ્ધ લોકો ડાયરેક્ટ પોતાના મોબાઈલ સેલફોનથી કાર્ડ કાઢી શકે, તેવી સરળ પદ્ધતિ હોવાનો દાવો પણ કરવામાં આવે છે.

જો કે, ઓનલાઈન પ્રક્રિયા કરવામાં આવે, ત્યારે એવા મેસેજ આવે છે કે એક કાર્ડ ધરાવતા હોય તેને બીજું કાર્ડ મળવાપાત્ર નથી. એક તરફ આધાર કાર્ડ અપલોડ કરતા જ મોબાઈલ ફોનમાં ઓટીપી આવશે અને તે દાખલ કરતા જ વયવંદના કાર્ડ ડાઉનલોડ કરી શકાશે, તેવી ઓનલાઈન સિસ્ટમનો દાવો કરાય છે, પરંતુ ઘણાં બુઝુર્ગોને આ પ્રક્રિયામાં વિવિધ પ્રકારની એરર બતાવાય છે, તેવી રાવ ઊઠી છે, તેથી એવી માંગ ઊઠી રહી છે કે જો આયુષ્માન ભારત યોજના હેઠળ પહેલેથી કુટુંબ સાથે કે પોતાનું પીએમ જેએવાય કાર્ડ હોય કે ન હોય તો પણ માત્ર આધારકાર્ડ નંબર, ઓનલાઈન અપલોડ કરીને સરળ પ્રક્રિયા હેઠળ કોઈપણ પૂર્વવૃતાંત કે સિસ્ટમ ચકાસ્યા વિના જ માત્ર ઉંમરના આધારે ઓનલાઈન કાર્ડ ડાઉનલોડ થઈ જાય, તે પ્રકારે સિસ્ટમ સુધારવી જોઈએ, કારણ કે આમ પણ વયવંદના કાર્ડનો લાભ પરિવાર સાથેનું કાર્ડ હોવા છતાં તે ઉપરાંત આપવાનો જ હોય તો પારિવારિક કાર્ડ હોવાથી વયવંદના કાર્ડ નીકળે નહીં, તેવી સિસ્ટમ હોવી જ ન જોઈએ, કાં તો આ એક પ્રકારનો વિરોધાભાસ શરતચૂકથી સિસ્ટમમાં રહી ગયો હશે, અથવા આ રીતે સિનિયર સિટીઝનોને કોણીએ ગોળ ચોટાડીને માત્ર પ્રચાર-પ્રસિદ્ધિ કરવામાં આવતી હોવાની લોકમૂખે ચર્ચાતી આશંકાઓમાં તથ્ય હશે.

લોકોની માંગણી એવી છે કે જે વડીલો ૭૦ વર્ષ પૂરા કરે, તેની આધાર કાર્ડની વિગતો તો સરકારી સિસ્ટમમાં મોજુદ જ હોય છે, તેથી જેવા ૭૦ વર્ષ પૂરા થાય અને વ્યક્તિ ૭૧ મા વર્ષમાં પ્રવેશે, એટલે તેના રજિસ્ટર્ડ મોબાઈલ સેલ ફોનમાં તેનું વયવંવદના કાર્ડ ઓટોમેટિક તૈયાર થઈને આવી જાય, જેમાં તે આ કાર્ડ સ્વીકારવા માંગે છે કે નહીં, તેઓ માત્ર વિકલ્પ અપાય, અને જો આ કાર્ડ સ્વીકારવાનો વિકલ્પ પસંદ કરે કે તરત તેનું વયવંદના કાર્ડ રજિસ્ટર થઈ જાય. જો આવું થાય તો જ ૭૦ વર્ષની ઉંમર વટાવી ચૂકેલા વયોવુદ્ધોને ડાયરેક્ટ મદદરૂપ થવાનો સરકારનો ઉદ્દેશ્ય પણ સાર્થક થશે અને ખાસ કરીને જેના સંતાનો ન હોય, વિદેશમાં હોય તેવા વડીલો કે તરછોડાયેલા એકલવાયું જીવન જીવતા બુઝુર્ગોને આ રીતે ઓટોમેટિક કાર્ડ મળી જતા સાચા અર્થમાં તેની મદદે સરકાર આવી હોવાની અનુભૂતિ થશે.

વયવંદના કાર્ડ ઓનલાઈન કાઢવા જતા ઘણાં લોકોને વડાપ્રધાને સર્વપ્રથમ આયુષ્માન યોજના જાહેર કરી હતી, તે સમયે રેશનકાર્ડ આધારિત તૈયાર થયેલી કોઈ યાદીના સમયના પરિવારો નોંધાયેલા હોવાનું જણાવાય છે, અને તેમાં જેન્ડર, ઉંમરની વિગતોમાં ઘણાં છબરડા થયા છે.

કેટલાક એવા વયોવૃદ્ધ લોકો પણ છે જેઓને ચાર લાખ કે છ લાખની આર્થિક આવક મર્યાદાના આધારે આયુષ્માન ભારત યોજના હેઠળ પીએમ જેએવાયમાં કાર્ડ કઢાવ્યું હોય, પરંતુ તે પછી ત્રણ વર્ષની મુદ્ત પૂરી થવાના સમયે તેની આવક વધી જતા તે કાર્ડ રિન્યુ કરાવ્યું ન હોય, તેઓને પણ વયવંદના કાર્ડ કઢાવવામાં મુશ્કેલી પડી રહી છે અને આ બધી સમસ્યાઓ ઉકેલવા સિસ્ટમમાં જરૂરી કરેક્શન માટે હોસ્પિટલોમાં કાર્યરત આયુષ્માન મિત્ર પાસે જવાનું કહેવામાં આવતું હોય છે. આવા સમયે જેઓ એકલવાયા, વૃદ્ધ અશક્ત કે બીમાર હોય તેવા વૃદ્ધો આયુષ્માન મિત્રને ત્યાં જઈને હરોળમાં ઊભીને સિસ્ટમ સુધારવા કે એરર કરેક્શન કરાવવા જેટલા સક્ષમ હોતા નથી. આથી રાજ્ય અને કેન્દ્ર સરકારે ૭૦ વર્ષથી ઉપરની ઉંમરના હયાત બુઝુર્ગોના આધારકાર્ડના આધારે 'ઓટોમેટિક' વયવંદના કાર્ડ નીકળી જાય અને તેઓને વિકલ્પ પૂછીને તેનું એક્ટિવેશન થઈ શકે તો જ 'વયવંદના' કાર્ડનો મુખ્ય ઉદ્દેશ્ય સાર્થક થશે.

આ મુદ્દે શાસક પક્ષના નેતાઓ કેન્દ્ર સરકારનું ધ્યાન દોરે અને વિપક્ષના નેતાઓ પણ સરકારનું ધ્યાન દોરવા આ મુદ્દો વિધાનસભા અને સંસદમાં ઊઠાવવા ઉપરાંત પબ્લિક પ્લેટફોર્મ પરથી પણ આ અંગે જનમત ઘડાય તે જરૂરી છે. સૌ કોઈનો અંતિમ ઉદ્દેશ્ય ૭૦ વર્ષથી વધુ ઉંમરના વયોવૃદ્ધોને જીવનના આ પડાવમાં ઘેરબેઠા વાસ્તવમાં મદદરૂપ થવાનો જ હોવો જોઈએ. જો હકીકતમાં વયોવૃદ્ધોને ઘેરબેઠા પાંચ-દસ લાખ સુધીની ફ્રી તબીબી સારવારનો લાભ પહોંચાડવો જ હોય તો આ ઓટોમેટિક વયવંદના કાર્ડની સિસ્ટમ અપડેટ કરીને અમલમાં મૂકવાની પ્રક્રિયા સરકાર માટે તો જરાયે અઘરી નથી... પણ....!?

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

'ઈશ્વર કે ઘર દેર હૈ, અંધેર નહીં હૈ' એ અતૂટ શ્રદ્ધાને અનુરૂપ ગઈકાલથી ગુજરાતના જામનગર-હાલાર સહિતના એ જિલ્લાઓમાં વરસાદ પડ્યો છે, જ્યાં આ વર્ષે નહીંવત્ વરસાદ થયો હતો અને નદી-નાળા-તળાવો-ચેકડેમો અને જળાશયો સૂકાઈ ગયા હતાં. કેટલાક સ્થળે તો ગઈકાલથી થયેલા વરસાદના કારણે જળબંબાકાર જેવી સ્થિતિ સર્જાઈ છે અને ચોતરફથી શ્રીકાર વરસાદના વાવડ આવી રહ્યા છે. આ વર્ષે ચોમાસામાં હાલારમાં વરસાદની ખૂબ જ જરૂર હતી, તેની સામે માત્ર છૂટાછવાયા ઝાપટાં જ પડ્યા હતાં, તેથી ગઈકાલથી પડી રહેલા વરસાદના કારણે આજની સાવર ઘણી જ રાહત સાથે ઠંડક આપનારી પૂરવાર થઈ છે, અને ઠેર-ઠેરથી અમીવર્ષાના અહેવાલો આવી રહ્યા છે.

ગઈકાલથી મેઘો મહેરબાન થયો છે, તેમાં રાજસ્થાન અને ઉ. ગુજરાતના નભમાં સક્રિય થયેલી લો-પ્રેસર સિસ્ટમ, નલિયા અને કચ્છ-ઉ. ગુજરાતને આવરી લેતી મોન્સુન ટ્રફ તથા ઉ. ગુજરાતથી મધ્યપ્રદેશ થઈને ઝારખંડ સુધી પહોંચેલી સાયકલોનિક સર્કયુલેશનથી નીકળતી ટ્રફ લાઈન સહિતની ત્રણ-ત્રણ વરસાદી સિસ્ટમો કારણભૂત છે. ગુજરાતમાં ગઈકાલથી આજે સવાર સુધીમાં બે દિવસમાં ૩૪ જિલ્લાઓના લગભગ તમામ તાલુકાઓ એટલે કે ર૬પ તાલુકાઓમાંથી રપ૦ તાલુકાઓમાં મેઘમહેર થઈ ગઈ છે, અને આજે સવારથી પણ સમગ્ર ગુજરાત રાજ્યમાં મેઘાએ અમૂલ્યવર્ષા કરી છે, જેથી ઘણાં નદી, નાળા, તળાવો, જળાશયોમાં નવા નીર આવ્યા છે, અને સૂકાભઠ થયેલા ડેમોમાં વરસાદી પાણીની આવક થઈ છે. તે ઉપરાંત આનંદની વાત એ પણ છે કે નર્મદા ડેમ ભરપૂર થઈ ગયો છે અને ગુજરાતની જીવાદોરી સમો આ ડેમ ભરાઈ જતા રાજ્યની જનતા અને સરકાર પણ રાહત અનુભવી રહી હશે.

જામનગરમાં આજે સવાર સુધીમાં ૬ ઈંચ જેટલો વરસાદ થતા લોકોમાં ખુશીનો માહોલ છવાયો, એવી જ રીતે રાજ્યભરમાં ૪ થી ૬ ઈંચ વરસાદના વાવડ પછી નાના-મોટા શહેરોમાંથી જલભરાવના સમાચારો પણ આવી રહ્યા છે, જેથી પ્રિ-મોન્સુન કામગીરીની પોકળતા પણ વધુ એક વખત પૂરવાર થઈ ગઈ છે.

આજે પણ હાલાર સહિત ગુજરાતમાં ભારે વરસાદની આગાહી સાથે તેજ પવન તથા દરિયો તોફાની થવાની આગાહી હોવાથી સૂસ્ત પડેલા સંબંધિત તંત્રોને ચૂસ્ત-દુરસ્ત થવું પડી રહ્યું છે, જ્યારે યલો એલર્ટ જાહેર થયેલું હોવાથી આજે જનજીવન પણ વધુ પ્રભાવિત થવાનું છે. ગુજરાત સહિત દેશના સંખ્યાબંધ રાજ્યો માટે આજે જુદા જુદા પ્રકારની આગાહીઓ થઈ છે, અને ક્યાંક અતિભારે વરસદ અને ક્યાંક વાવાઝોડાની ચેતવણી અપાઈ છે.

ઈશ્વરે માનવીને બુદ્ધિજન્ય વાચા અને વૈચારિક અભિવ્યક્તિથી વિશેષ શક્તિ આપી હોવાથી પ્રકૃતિની પ્રત્યેક પ્રક્રિયા પછી મનુષ્યની પ્રતિક્રિયા હંમેશાં સ્વલક્ષી રહેતી હોય છે. અત્યાર સુધી વરસાદ નહીંવત્ થવાથી દુઃખી થતું માનવ મન હવે વરસાદ પડ્યા પછી પણ દુઃખી જ રહ્યું હોય તેમ ગલીઓ-વિસ્તારોમાં જલભરાવ તથા ખેતરોમાં પાણી ભરાવાની રાવ ઊઠવા લાગી છે, તો કેટલાક તૈયાર થયેલા કે વિકસી રહેલા ખેતીપાકોને નુક્સાન થયું હોવાના પ્રત્યાઘાતો પણ પડવાના છે. વરસાદ થતા ભૂગર્ભ જળની સપાટી સુધરશે, જળસંગ્રહ કે જળસંચય કરીને આવતા ઉનાળા સુધીનું વોટરમેનેજમેન્ટ કરી શકાશે, તથા જળાશયોમાં નાનો-મોટો જળસંગ્રહ થશે, તો રવિપાક પણ સારો ઉતરશે, તેવું હકારાત્મક મંથન પણ દિલને રાહત આપી શકતું હોય છે.

હાલાર સહિત રાજ્યના આઠ જિલ્લામાં વરસાદનું રેડ એલર્ટ અને ૪પ કિલોમીટરની તેજ ગતિથી પવન ફૂંકાવાની આગાહી હોવાથી લોકોએ પણ પ્રકૃતિ અને તેના બદલાતા સ્વરૂપો સાથે કદમ મિલાવીને સાવચેત રહેવું પડે તેમ છે, અને સૂકા દુષ્કાળ કરતા તો સ્થિતિ સારી જ રહેશે. માનવી-પશુ-પંખીને પીવાના પાણીના સાંસા તો નહીં પડે, તેવું પોઝિટિવ થિન્કીંગ રાખવું અત્યંત જરૂરી છે. ગુજરાતીઓ હંમેશાં આફતને અવસરમાં અને પરેશાનીઓને પુંજીમાં પલટવામાં માહીર રહ્યા છે, ત્યારે પ્રકૃતિના બદલતા રહેતા સ્વરૂપો અને ક્લાઈમેટ ચેઈન્જ, ગ્લોબલ વોર્મીંગ અને અલનીનોના ત્રિપાંખિયા પ્રહારો વચ્ચે પણ વરસી રહેલા વરસાદને પ્રભુપ્રસાદી માનીને આવકારીએ, અને તદ્વિષયક મુશ્કેલીઓને ગૌણ ગણીને તથા મુસીબતમાંથી માર્ગ કાઢીને આગળ વધીએ, તે જરૂરી છે.

વરસાદ થયા પછી શહેરોમાં માત્ર જલભરાવ નહીં, બીજી સમસ્યાઓ પણ ઊભી થઈ ગઈ. ચોમાસું વિદાય લેવા આવ્યું, ત્યાં સુધી જ્યાં વરસાદ થયો નહતો, ત્યાં તંત્રો થોડા લાપરવાહ થયા હશે, જેથી હળવા-મધ્યમથી થોડો ભારે વરસાદ થતા જ ઘણાં શહેરોમાં ઠેર-ઠેર જલભરાવ થયો, અને અમદાવાદમાં તો કેટલીક ઈલેક્ટ્રીક સિટીબસો બંધ પડી જતા તેના મુસાફરો રઝળી પડ્યા હોવાના અહેવાલો પછી 'ઈવી' દ્વારા પબ્લિક પરિવહન માટે ખરીદાતી જથ્થાબંધ બસોની ઉપયોગિતા તથા મર્યાદાઓ અંગે પણ ચર્ચા શરૂ થઈ ગઈ છે, અને ઘણાં લોકો (કદાચ) સ્ટાફમાં એવું કહી રહ્યા હતાં કે અમદાવાદ મ્યુનિસિપલ કોર્પોરેશનની બેદરકારીના કારણે થયેલા જલભરાવના કારણે કેટલીક ઈ-બસો બંધ કરવી પડી, તેની પાછળ તૂટેલા માર્ગો જવાબદાર છે, ઈલેક્ટ્રીક બસોનો વાંક નથી!

હકીકતે પી.એમ. ઈ-બસ સેવા યોજના હેઠળ ગુજરાતના શહેરોને ઈલેક્ટ્રીક બસો ફાળવાઈ છે, તેથી એએમટીએસની ૧૦૦૦ બસોમાંથી ૧૩૬ ઈલેક્ટ્રીક બસો દોડે છે. તે ઉપરાંત બીઆરટીએસની ૩પ૦ માંથી રપ૦ ઈલેક્ટ્રીક બસો અમદાવાદમાં બીઆરટીએસ હેઠળ દોડે છે. આમ, ૩૮૦ માંથી કેટલીક બસો બંધ કરાતા તે 'ઈવી'ની મર્યાદાઓના કારણે રદ્ થઈ છે કે પછી તૂટેલા-ફૂટેલા માર્ગો પર વરસાદી પાણી ભરાઈ જતા બંધ કરવી પડી છે, તે અંગે વાદવિવાદ શરૂ થયો છે. જામનગરમાં સિટીબસો માટે જેજેએમએફ કાર્યરત થઈ છે, અમદાવાદમાં પણ એએમસી હેઠળ જનમાર્ગ માર્ગ વિભાગ છે જેની સામે સ્થાનિક વિપક્ષી નેતાએ કાગારોળ મચાવી છે. હકીકતે આવી જ સ્થિતિ લગભગ બધા જ શહેરોમાં થઈ હશે, જેના અહેવાલો પણ ધીમે ધીમે બહાર આવશે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

આજે કેવડા બીજ અને ગણેશ ચતુર્થીનો સુભગ સમન્વય થયો છે અને આજથી ગણેશોત્સવનો ધમધમાટ શરૃ થયો છે. શિવાલયોમાં સવારે કેવડાત્રીજના વ્રત-પૂજન દર્શન પછી ઠેર-ઠેર ઢોલ ઢબુક્યા અને ગણપતિજીના જયનાદ્ સાથે દૂંદાળા દેવને આવકારવાની શરૃઆત થઈ ગઈ. આ તહેવારોના મહાત્મયો અને પરંપરાઓ ભલે વિવિધાસભર હોય, પરંતુ તહેવારોની શ્રૃંખલા એવી રીતે ગુંથાયેલી છે કે તે ઋતુચક્ર અને માનવજીવનની રોજીંદી પ્રવૃત્તિઓ તથા સૃષ્ટિના સમયપત્રકને અનુરૃપ હોય છે અને પ્રત્યેક તહેવારોની પાછળ એક એવો સંદેશ છૂપાયેલો હોય છે, જે સર્વજન હિતાય, સર્વજન સુખાય હોય છે.

જામનગરમાં આ પાવન તહેવારો-મંગલદિનોની પરોઢથી જ ધીમેધારે મેઘવૃષ્ટિ થઈ અને જાણે શિવજીના પૂજન પછી ગણાધિરાજ ભગવાન ગણેશજીને આવકારવા પ્રકૃતિ પધારી હોય, તેમ અમીવર્ષા થઈ. આ વરસાદે બે-ચાર દિવસથી ગરમી સાથે ઉકળાટ પછી પહેલી વખત થોડી ઠંડક વાતાવરણમાં પ્રસરાવી, તો લોકોના દિલને પણ જરા ટાઢક થઈ... કારણ કે આ વખતે મેઘરાજા જાણે રિસાયા હોય તેમ લાંબા સમયથી વરસાદ પડતો નહોતો અને ચોમાસાના અંતિમ તબક્કા સુધી પહોંચ્યા પછી પણ હાલાર-કચ્છ સહિત સૌરાષ્ટ્રના અરબી સમુદ્રના કાંઠે આવેલા ચાર-પાંચ જિલ્લાઓમાં તો તદ્ન નહીંવત્ વરસાદ પડ્યો હતો. હવે આજથી બે દિવસની આગાહી હોવાથી લોકો સંતોષકારક વરસાદ થઈ જાય અને કૂવા-તળાવ-જળાશયો છલકાઈ જાય તેવો આશાવાદ સેવી રહ્યા છે.

હવામાન ખાતાની આગાહી પણ છે કે આજે સૌરાષ્ટ્ર અને દક્ષિણ ગુજરાતમાં ભારેથી અતિભારે વરસાદ થવાની સંભાવના છે. એવું જાહેર થયું છે કે એક સાથે ચાર વરસાદી સિસ્ટમ્સ સક્રિય થઈ ગઈ હોવાથી વરસાદનું જોર વધ્યું છે. આખા રાજ્યમાં ઠેર-ઠેરથી વરસાદના વાવડ આવી રહ્યા છે, તેમાં પણ વરસાદની સૌથી વધુ ઘટ ધરાવતા હાલારમાંથી પણ ધીમીધારે સવારે શરૃ થયેલા વરસાદના વાવડ પછી હવે મેઘો મહેરબાન થઈ જાય, શિવજી અને ગણેશજીની કૃપા વરસે અને ઈન્દ્ર દેવતા પ્રસન્ન થઈ જાય અને સંતોષકારક મેઘકૃપા થઈ જાય તેવી પ્રાર્થના ભક્તો કરી રહ્યા છે. જગતનો તાત પણ ઈશ્વરને પ્રાર્થી રહ્યો છે, તો મોસમ વૈજ્ઞાનિકો તથા ખુદ સરકાર પણ આકાશભણી મીટ માંડીને બેઠી છે, કારણ કે આ વખતે ચોમાસું નબળું રહ્યું છે.

છેલ્લા ર૪ કલાકમાં ર૪૦ તાલુકામાં સાડાચાર ઈંચ સુધીનો છૂટો-છવાયો વરસાદ વરસ્યો હોવાના અહેવાલો પછી આજે પણ ઘણાં સ્થળે વરસાદ વરસી રહ્યો છે અને હાલારમાં પણ મેઘકૃપા થઈ છે, ત્યારે પશુ, પંખી, ખેતી અને માનવજીવનમાં ફરીથી આશાનો સંચાર થાય એ સ્વાભાવિક છે.

આ વખતે લાંબા ઈંતેજાર પછી વરસાદ પડતા આપણને વરસાદની કિંમત સમજાઈ રહી છે અને પાણીનું મહત્ત્વ કેટલું છે, તેનો બોધપાઠ મળી રહ્યો છે. જળ એ જ જીવન છે અને પ્રકૃતિ જ મહાન છે, તે આ પ્રકારની વિકટ સ્થિતિ આવે ત્યારે જ સમજાતું હોય છે, તેમ છતાં આપણે બુદ્ધિશાળી પ્રાણી હોવાના ઘમંડમાં ઈશ્વર અથવા પ્રકૃતિના સંકેતો સમજતા હોતા નથી અને આપણી આદતો અને વલણો બદલાતા નથી!

પાણીનું મૂલ્ય સમજાવા છતાં આપણે ઠેર-ઠેર પાણીનો વેડફાટ થતો જોઈએ છીએ, છતાં નવાઈની વાત એ છે કે ખુલ્લેઆમ અને અત્ર-તત્ર-સર્વત્ર પાણી વેડડાતું આપણે નજરે જોઈએ છીએ, છતાં કોઈનો જીવ બળતો નથી, અંતરાત્મા જાગતો નથી કે સુફિયાણી સલાહો આપવા સિવાય શાસન-પ્રશાસન પણ કોઈ ગંભીર કે કડક કદમ ઊઠાવતું નથી.

જામનગરમાં હજુ સુધી એકાંતરા પાણી પુરવઠો અપાય છે, પરંતુ દેવભૂમિ દ્વારકા જિલ્લામાં ઘણાં સ્થળે આઠ-દસ દિવસે પાણી પુરવઠો અપાય છે, અને વીજળીના ધાંધિયા પણ માજા મૂકી રહ્યા હોવાના જન-પ્રત્યાઘાતો જોતા પ્રજા પ્રકૃતિના પ્રકોપની સાથે સાથે તંત્રોના તિક્કડમ્નો પણ ભોગ બની રહી છે, અને લોકો લોકતંત્ર હોવા છતાં ગુલામીકાળમાં ધકેલાઈ રહ્યા હોય, તેવી અનુભૂતિ કરી રહ્યા છે.

જ્યાં હજુ પણી પુરવઠો નિયમિત મળી રહ્યો છે, તેઓએ એ સમજવાની જરૃર છે કે આ વર્ષે સરેરાશ કરતા યે ઘણો ઓછો વરસાદ પડ્યો છે અને મહત્તમ જળાશયો ખાલીખમ છે, ત્યારે પાણીનું ટીપેટીપું અમૂલ્ય છે, અને પાણીનો કરકસરભર્યો ઉપયોગ કરવાનો સમય આવી ગયો છે. જો હજુ પણ વરસાદ સંતોષકારક રીતે પડી જાય, તો પણ આવતા ઉનાળામાં પીવાના પાણીની વિકટ સ્થિતિનો અંદાજ રાખીને વોટર મેનેજમેન્ટ કરવું પડે તેમ છે અને ચોમાસા પહેલા કરેલા માઈક્રોપ્લાનીંગની પુનઃ વિચારણા કરીને વર્તમાન સ્થિતિનું આંકલન કરવું અત્યંત જરૃરી છે. માત્ર નિવેદનો આપ્યા કરવાથી કામ ચાલવાનું નથી. સરકાર કે મંત્રીઓ અથવા ચૂંટાયેલા જનપ્રતિનિધિઓના દાવાઓને અનુરૃપ તંત્રો કામ કરે તે પણ એટલું જ જરૃરી છે, અન્યથા 'યે પબ્લિક હૈ... સબ જાનતી હૈ'.

આજે પણ જ્યારે પાણી આવે ત્યારે ઓવરહેડ ટેન્કો કે ઘરોમાં આવેલી અન્ડરગ્રાઉન્ડ વોટર ટેન્કોમાંથી છલકાઈને વિપુલ પાણી વેડફાતું જોઈએ, પાઈપલાઈનોમાં લીકેજથી વહી જતો જંગી પાણી પુરવઠો વેડફાતો જોઈએ કે સરકારી-બિનસરકારી કે અર્ધસરકારી જાહેર સ્થળોમાં પાણીના લીકેજ થતા નળો કે ટાંકીઓ-પાઈપલાઈનોના કારણે પાણીનો વેડફાટ કરતો જોઈએ ત્યારે એવું લાગે કે હમામ મેં સબ નંગે હૈ... કોઈને પોતાને સુધરવું નથી, પણ બીજાને ઉપદેશ કે આદેશો આપવા છે... આઝાદી પછી પણ આવું જ ચાલતું રહ્યું છે અને નથી તંત્રો સુધરતા કે નથી જનતામાં જાગૃતિ આવતી... 'યથા રાજા તથા પ્રજા' કે 'યથા પ્રજા તથા રાજા'... એ કોયડો બની રહ્યો છે.

આચાર્ય ચાણક્યએ પણ 'યથા રાજા તથા પ્રજા'નો પ્રયોગ એક શ્લોકમાં કર્યો છે.

રાજ્ઞિ ધર્મિણિ ધમિષ્ઠાઃ પાપે

પાપાઃ સમે સમાઃ

રાજાનમનુવર્તન્તે

યથા રાજા તથા પ્રજા

'રાજા ધર્મપરાયણ, ન્યાયપ્રિય હોય, તો પ્રજા પણ ધર્મપાલન કરવાની હોય છે. જો રાજા પાપી હોય કે અન્યાયી હોય તો પ્રાજ પણ ખોટા માર્ગે ચાલતી હોય છે. રાજા ઉદાસિન હોય તો પ્રજા પણ તેવી જ થાય છે, જેવો રાજા હોય તેવી પ્રજા થઈ જાય છે, કારણ કે પ્રજા રાજાને અનુસરતી હોય છે'.

આ શ્લોક અંગે ઘણાં વિભિન્ન મંતવ્યો અને અર્થઘટનો થતા હોય છે, પરંતુ આ શ્લોકનું છેલ્લું વાક્ય 'યથા રાજા  તથા પ્રજા' એટલે કે 'જેવો રાજા તેવી પ્રજા' ઘણું પ્રચલીત બન્યું છે અને આજે પણ વિવિધ સંદર્ભોમાં ઉલ્લેખાય છે.

અત્યારે યુગ બદલાયો છે અને માત્ર લોકતંત્રો નહીં, પરંતુ રાજાઓ-તાનાશાહો અને વંશપરાગત ગાદિપતિઓએ પણ 'જનમત'ને ધ્યાને લેવા પડી રહ્યો છે, તેથી ઘણાં લોકો આ શ્લોકની અંતિમ પંક્તિના શબ્દોને ઉલટાવીને એવું કહે છે કે 'યથા પ્રજા-તથા રાજા...' મતલબ કે 'જેવી પ્રજા તેવો રાજા!'

અત્યારે લોકતંત્રોમાં તો લોકો જ પોતાના પ્રતિનિધિઓને ચૂંટીને સત્તા સોંપે છે તેથી લોકોમાંથી જ સરકાર બને છે, તે કારણે એવું કહેવાય છે કે 'જેવી પ્રજા, તેવી સરકાર, મતલબ કે યથા પ્રજા તથા રાજા...'

આજે કેવડાત્રીજ અને ગણેશચતુર્થીની શુભકામનાઓની સાથે સાથે સાર્વત્રિક શ્રીકાર વરસાદ થઈ જાય અને સરકાર તથા જનતા સાથે મળીને 'સર્વજન હિતાય, સર્વજન સુખાય' કામ કરે, તેવું ઈચ્છીએ.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

લોકતંત્રમાં લોકહિત સર્વોપરિ હોય છે. વિરોધપક્ષો સરકાર પર બારિક નજર રાખે છે અને લોકોના પ્રશ્નોને વિધાનસભામાં ઊઠાવીને સરકારને લોકહિત પ્રત્યે જાગૃત રાખે છે, તો સરકારના નિર્ણયોમાં સુધારા-વધારા સૂચવે છે, અને ઘણી વખત સરકારના નિર્ણયો સામે વિધાનસભામાં જ નહીં, જરૂર પડ્યે સડકો પર ઉતરીને પણ લોકતાંત્રિક ઢબે વિરોધ વ્યક્ત કરે છે. વિપક્ષો લોકોની માંગણીઓ-જરૂરિયાતો-સમસ્યાઓનો ગૃહમાં તો વાચા આપે જ છે, પરંતુ જ્યારે સરકાર દાદ દેતી ન હોય ત્યારે સડકો પર ઉતરીને સત્યાગ્રહો પણ કરતા હોય છે. આ તમામ મુદ્દે ઘણી વખત ઉભય પક્ષે રાજનીતિ પણ ખેલાતી હોય છે, તો ક્યારેક ઘમંડ અને ઈગોનો ટકરાવ સંઘર્ષ અને ઘર્ષણ પણ સર્જાતા હોય છે.

ગુજરાત વિધાનસભામાં જ્યારે જનહિતના બે બિલો સર્વાનુમતે પસાર થયા, ત્યારે એ પૂરવાર થયું કે આપણાં દેશમાં રાજ્ય સરકારો જ્યારે જનહિતને પ્રાધાન્ય આપતા નિર્ણયો લેવામાં સૌને વિશ્વાસમાં લઈને કાયદાઓ કે નીતિ-નિયમોમાં સુધારા-વધારા કરે છે, ત્યારે વિપક્ષો પણ રાજનીતિને બાજુ પર રાખીને આ લોકલક્ષી નિર્ણયોનું સમર્થન કરતા હોય છે, જે આપણા લોકતંત્રની બુનિયાદી મજબૂતી પણ છે અને લોકશાહી શાસન વ્યવસ્થાની ખૂબસુરતી છે. બીજી તરફ વિપક્ષો માત્ર નકારાત્મક રાજનીતિ કરતા હોવાની માન્યતા પણ ખોટી ઠરે છે તો સરકારો લોકોની પરવાહ કર્યા વિના મનઘડત રીતે કાયદા-પોલિસીઓમાં સુધારા-વધારા દર વખતે કરે છે, તેવી માન્યતા પણ ખોટી ઠરે છે. જરૂરી પડ્યે શાસક-પક્ષ-વિપક્ષો જનહિતમાં જે એકજુથતા દેખાડે છે, તે જ આપણાં લોકતંત્રની તાકાત છે.

ગુજરાત વિધાનસભાનું ત્રિદિવસીય ચોમાસુ સત્ર ૧૮ કલાકથી વધુ ચાલ્યું અને તેમાં સાત સરકારી વિધેયકો પસાર થયા. આ દરમિયાન સરકાર અને વિપક્ષો વચ્ચે ટપાટપી પણ થઈ અને પ૦ થી વધુ ધારાસભ્યોએ ચર્ચામાં ભાગ લીધો તો ૧૩૦૦ થી વધુ પ્રશ્નો ચર્ચાયા. પશુઆહાર બિલ દરમિયાન આમ આદમી પાર્ટીએ ભેળસળિયા પરિબળોના મુદ્દે સરકારને ઘેરી તો કોંગ્રેસના ધારાસભ્ય દ્વારા રાષ્ટ્રગીત 'વંદે માતરમ્'નો મુદ્દો વિશેષાધિકાર સમિતિને સોંપાયો. આ પ્રકારના વિવિધ મતભેદો તથા મતમતાંતરો છતાં લોકહિતના જે બિલો સર્વાનુમતે પસાર થયા, તેમાં લોકતંત્ર તથા લોકહિત સાથે સમજદારી દાખવીને સરકાર અને વિપક્ષોએ લોકતાંત્રિક અને બંધારણીય ભાવનાને વધુ બળવત્તર બનાવી હોવાની છાપ પણ ઉપસી છે, જે બિલોમાં સર્વાનુમતિ સધાઈ છે, તેને રાજ્યની જનતામાંથી પણ આવકાર સાંપડી રહ્યો છે.

વિધાનસભામાં જે સાત બિલો પસાર થયા તેમાં ઈઝ ઓફ ડુઈંગ બિઝનેસ વિધેયક તથા માધ્યમિક અને ઉચ્ચતર માધ્યમિક સુધારા વિધેયક સરકારે બહુતીથી પસાર કરાવ્યા, જ્યારે જમીન ટૂકડા અને એકત્રિકરણ સુધારા વિધેયક, ગુજરાત ભાડા (ભાડુઆત) વિધેયક, જમીન મહેસુલ સુધારા વિધેયક અને પશુધન આહાર વિધેયક સર્વાનુમતે પસાર કરાયા છે.

જો કે, રાજ્યમાં વરસાદ નહીંવત્ થયો, તે વિસ્તારોમાં દુષ્કાળ જાહેર કરવા, સિંચાઈ-ઘાસચારો પૂરો પાડવા, વીજ પુરવઠો વધારવા તથા દેવામાફીના મુદ્દાઓને લઈને વિપક્ષોએ સરકાર પર તડાપીટ બોલાવી, તો સરકારે ખેડૂતોના હિતમાં શ્રેણીબદ્ધ કદમ ઊઠાવાઈ રહ્યા હોવાનો દાવો કરીને આંકડાઓની માયાજાળ રજૂ કરી. બીજી તરફ રાજ્યનું દેવુ એક જ વર્ષમાં ૩પ,૬૩૬ કરોડનો તોતિંગ વધારો થયો છે, તેને લઈને ભૂપેન્દ્ર પટેલ સરકાર પર વિપક્ષોએ આકરા પ્રહારો કર્યા છે.

સરકારના જ આંકડાઓને ટાંકીને વિપક્ષોએ સરકારને ઈલેક્ટ્રીસિટી ડ્યુટીમાં વર્ષ ર૦રપ-ર૬ માં સરકારને રૂ. ૧ર,૪૯૪ કરોડની તથા વેટમાંથી ર૪,૭૮પ કરોડની આવક થઈ હોવાનું જણાવી વિપક્ષોએ જંગી આવક છતાં કૃષિ-શિક્ષણ અને ઈન્ફ્રાસ્ટ્રક્ચરના ક્ષેત્રે સરકારની ખામીઓ વર્ણવીને આકરા પ્રહારો કર્યા છે, તે ઉપરાંત વિપક્ષોએ ગૃહમાં સહકારી સંસ્થાઓનો રાજકીય દુરઉપયોગ, શિક્ષણ ક્ષેત્રે ખાલી પડેલી જગ્યાઓ, શિક્ષણની દુર્દશા ઉપરાંત 'કેગ'ના રિપોર્ટમાંથી નીકળેલા તારણોને લઈને સરકાર પર તડાપીટ બોલાવી હતી. તે ઉપરાંત કોંગ્રેસે બોગસ ડોક્ટરો, ફાયર સેફ્ટી, ફાયર સ્ટેશનો, ઈઝ ઓફ ડુઈંગ બિઝનેસના વિધેયકની વિસંગતતાઓ વગેરે મુદ્દે પણ સરકારને ઘેરી હતી અને કેટલાક મુદ્દે જ્યારે ભાજપના ધારાસભ્યોએ પણ વિપક્ષની રજૂઆતોમાં સૂર પૂરાવાયો ત્યારે પૂરવાર થયું કે જનપ્રતિનિધિઓ લોકહિતના મુદ્દે રાજનીતિને બાજુ પર રાખીને પોતાનો અભિપ્રાય લોકલક્ષી ઢબે રજૂ કરવામાં અચકાતા નથી, તે સ્વસ્થ લોકતંત્રની ખૂબી પણ છે અને તાકાત પણ છે. સિક્કાની બીજી બાજુ એવી પણ છે કે ઘણી વખત પાર્ટીલાઈનથી અલગ અભિપ્રાય પછી જે-તે પાર્ટીના આંતરિક મતભેદો સપાટી પર આવી જતા હોય છે. ઘણી વખત લોકોની તરફેણમાં પાર્ટીલાઈનથી અલગ અભિપ્રાય આપતા ધારાસભ્યો નેતૃત્વની આંખે પણ ચડી જતા હોય છે, જો કે એકંદરે ગુજરાતમાં લોકતાંત્રિક મૂલ્યોનું અનુસરણ તથા લોકહિતને પ્રાધાન્ય આપવામાં ચૂંટાયેલા જનપ્રતિનિધિઓ 'હિંમત' દર્શાવી રહ્યા છે, તે ગુજરાતની 'સર્વજન હિતાય, સર્વજન સુખાય'ની ગરિમામય સંસ્કૃતિનો પણ પરિચય આપે છે, અને દેશના બંધારણની મૂળ વિભાવનાઓને પણ બળવત્તર બનાવે છે.

આમ તો સાતમાંથી મહત્તમ બિલો સર્વાનુમતે પસાર થયા છે, પરંતુ એવા બે બિલો છે, જેમાં વિધાનસભામાં તો પક્ષ-વિપક્ષ સંપૂર્ણપણે સહમત હતાં જ, પરંતુ રાજ્યની જનતામાંથી પણ આવકાર સાંપડી રહ્યો છે, જેમાં જમીન ટૂકડા અને એકત્રિકરણ બિલ તથા ગુજરાત ભાડા વિધેયક-ર૦ર૬ નો સમાવેશ થાય છે.

ભાડુઆત વિધેયક અથવા ભાડા વિધેયક ર૦ર૬ માં સુધારા-વધારા એટલા માટે જરૂરી હતાં કે આ કાયદાએ મુંબઈ ભાડા અને નિવાસ ગૃહદર અધિનિયમ-૧૯૪૭ નું સ્થાન લીધુ છે, જેમાં આઝાદીના ૭પ વર્ષ પછી બદલાયેલા સંજોગો અને વર્તમાન જરૂરિયાતોને અનુરૂપ ફેરફાર કરાયા છે, જે બધાને પસંદ આવ્યા છે. આ બિલમાં ભાડુઆતોના હિતો સાથે મકાન માલિકોની ચિંતા પણ કરાઈ હોવાનો દાવો કરવામાં આવી રહ્યો છે.

સર્વાનુમતે પસાર થયેલું બીજુ બિલ જમીન ટૂકડા (ગુંઠા) અને એકત્રિકરણ સુધારા વિધેયક છે. આ બિલમાં આ પહેલા રાજ્ય સરકારે વટહુકમ બહાર પાડીને સુધારો કરાયો હતો, જેને હવે કાયદાના સ્વરૂપમાં માન્યતા મળી ગઈ છે. આ કાયદાની કલમ-પ અને ૯ માં સુધારો કરાયો હતો, તેથી વર્ષ ૧૯૪૮ થી અત્યાર સુધીના જમીન ટૂકડા ધારા હેઠળના તમામ કેસોને દંડ ભર્યા વિના નિયમિત કરી શકાશે.

રાજકીય મતભેદો કે વિચારધારાઓમાં ગમે તેટલો તફાવત હોય તો પણ જ્યારે જ્યારે શાસક પક્ષો અને વિપક્ષો લોકહિતને કેન્દ્રમાં રાખીને જ્યારે રાજનીતિને બાજુ પર રાખીને એકજુથતા દર્શાવે છે ત્યારે એવું જણાય છે કે આપણું લોકતંત્ર ઘણું જ મજબૂત છે અને તેના મૂળિયા એટલા ઊંડા છે કે તેને કોઈ તાકાત ડગાવી શકે તેમ નથી.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

આવતી પેઢી એટલે કે નેક્સ્ટ જનરેશન વધુ સ્વસ્થ, પાવરફૂલ અને સુરક્ષિત બને તેવું આપણે બધા ઈચ્છીએ તો છીએ, પરંતુ આપણા રોજીંદા જીવનની વ્યસ્તતા અથવા સંતાનો પ્રત્યેના ગાઢ પ્રેમના કારણે આપણે બાળકોની ખાણી-પીણી તથા અનિયમિત જીવનશૈલી તરફ આંખ આડા કાન કરતા હોઈએ છીએ. આ કારણે જ બાળકો વધારે પડતા જંકફૂડ અથવા પેકેજ્ડ (પડીકાં) તરફ વળી રહ્યા છે. હવે તો એવી સ્થિતિ થઈ ગઈ છે કે ઘણાં બાળકો એટલા બધા પડીકાં આરોગી જાય છે કે તેઓ ભોજનની થાળી પર બેસતા જ નથી અથવા તો પૂરતુ પોષક ભોજન જ લેતા નથી. આ કારણે જ આ બાળકો મોટા થઈને એનિમિયા સહિતની શારીરિક ખામીઓનો ભોગ બને છે, અથવા થેલેસેમિયા કે ટ્યુબર ક્લોસીઝ જેવી બીમારીઓના ખપ્પરમાં પરેશાની ભોગવતા હોય છે.

બજારમાં મળતા આ પ્રકારના સ્વાસ્થ્યને હાનિકારક પેકેજ્ડ ફૂડ સામે હવે સુપ્રિમ કોર્ટે પણ લાલ આંખ કરી છે. દેશની સર્વોચ્ચ અદાલતે આ મુદ્દે જે વલણ અખત્યાર કર્યું છે, તે ચૂંટાયેલી સરકારો તથા જન-પ્રતિનિધિઓ માટે બોધપાઠરૂપ પણ છે અને ક્ષોભજનક પણ છે, કારણ કે તેઓ (પોલિટિશિયનો અને બ્યુરોક્રેટ્સ) દ્વારા સંતોષકારક રીતે જે કામ કરી શક્યા નહીં, તે હવે સર્વોચ્ચ અદાલતે કરવું પડી રહ્યું છે અને સ્વયંભૂ દિશાનિર્દેશો આપવા પડી રહ્યા છે.

સુપ્રિમ કોર્ટે પડીકાંઓ (પેકેટ્સ) માં મળતા પદાર્થોમાં સેચ્યુરેટેડ ફેટ, સુગર અને નિમકના વધારે પડતા પ્રમાણને લઈને ગંભીર ચિંતા વ્યક્ત કરી છે, અને આગામી ર૮ મી સપ્ટેમ્બરે આ મુદ્દે વિગતવાર સુનાવણી પણ થવાની છે, તેથી આ મુદ્દો કેટલો મહત્ત્વપૂર્ણ અને ચિંતાજનક છે, તેનો ખ્યાલ આવી જાય છે. સુપ્રિમ કોર્ટની બે જજોની બેન્ચે આ મુદ્દે જે ટિપ્પણીઓ કરી છે, તે આપણા સૌની ચિંતા હોવી જોઈએ, કારણ કે તે આપણાં જ બાળકો સાથે જોડાયેલો ગંભીર મુદ્દો છે.

હકીકતે એક અરજીની સુનાવણી દરમિયાન ખાદ્યપદાર્થોના પેકેટ્સના આગળના ભાગે સ્પષ્ટ ચેતવણી આપતું લેબલ લગાડવાની કરાયેલી માંગણીથી આગળ વધીને અદાલતે કહ્યું હતું કે દેશના લોકોનું અને ખાસ કરીને વધતી જતી ઉંમરના બાળકોનું આરોગ્ય અત્યંત મહત્ત્વનું છે. અદાલતે આ મુદ્દાને રાષ્ટ્રીય હિતને ગણાવીને તમામ સ્ટેક હોલ્ડર્સ અને પક્ષકારો પાસેથી સહકારની અપેક્ષા વ્યક્ત કરી હતી. અદાલતે તો ત્યાં સુધી કહી દીધું છે કે આ મુદ્દે અદાલતે રૂપરેખા તૈયાર કરી લીધી છે. આ મુદ્દે ઔપચારિક આદેશ પણ સુપ્રિમ કોર્ટની અધિકૃત વેબસાઈટના માધ્યમથી આજે અપલોડ થવાની શક્યતા હોવાથી આજે આ મુદ્દો ટોક ઓફ ધી નેશન પણ બન્યો છે.

સુપ્રિમ કોર્ટમાં અરજદારોના વકીલની તાર્કિક દલીલો પણ ચર્ચાના કેન્દ્રમાં છે. તેમણે કહ્યું હતું કે પ્રોસેસ ફૂડને એગ્સ કે કાજુની શ્રેણીમાં મૂકી શકાય નહીં કે પૌષ્ટિક આહાર ગણી શકાય નહીં, તેથી આ પ્રકારના અલ્ટ્રા પ્રોસેસ્ડ ખાદ્ય પદાર્થો પર કડક ચેતવણી આપાઈ હતી. એવું સૂચન પણ થયું હતું કે આ ચેતવણી દર્શાવવા માટે લાલ રંગના બદલે બીજો કોઈ વિશેષ કલર પણ પસંદ કરી શકાય છે.

એફએસએસએઆઈએ સુપ્રિમ કોર્ટમાં કરેલા એફિડેવિટમાં આ પ્રકારના પ્રોસેસ્ડ ફૂડના પેકેટો ઉપર વોર્નિંગ લેબલ પ્રિન્ટ કરવાનો પ્રસ્તાવ મૂક્યો છે, જેમાં પ્રોડક્ટ્સમાં બે કે તેથી વધુ નુક્સાનકારક પરિબળો હોય, તેના પર ષષ્ટકોણના આકારનું વોર્નિંગ લેબલ (ચેતવણી ચિન્હ) લગાડવામાં આવશે. પેકેટમાં વધુ પડતુ ફેટ, ખાંડ કે મીઠુ હોય કે પીણાઓમાં નિયત માપદંડોથી વધુ આ પ્રકારના પદાર્થો હોય તો તેના પર વોર્નિંગ લેબલ લગાડવામાં આવશે. પ્રથમ તબક્કામાં એવા પ્રોડક્ટ્સનો સમાવેશ થશે, જેમાં ઉમેરેલી ફેટ (ચરબી) ખાંડ કે મીઠામાંથી બે કે તેથી વધુ તત્ત્વો નિયત મર્યાદા કરતા વધુ હોય, બીજા તબક્કામાં કોઈ એક તત્ત્વનું પ્રમાણ વધુ હશે તો તેવા પ્રોડક્ટ્સને આ કડક નિયમો હેઠળ લાવી દેવાશે. આ નિયમોમાંથી ઘી, ખાદ્યતેલ, સાદુ મીઠુ, ખાંડ, ગોળ, મધ જેવી સિંગલ ઈન્ગ્રીડિયન્ટ ચીજવસ્તુઓને મુક્તિ આપવાની રજૂઆત પણ થઈ છે. આ માટે નિયમોમાં ધરખમ સુધારા કરવાની જરૂર પડશે. હવે આ મુદ્દો દેશની સર્વોચ્ચ અદાલતે હાથમાં લીધો છે, અને સરકારી તંત્રો તથા અરજદારોનો ઉદ્દેશ્ય પણ નવી પેઢીના સ્વાસ્થ્ય સાથે સંકળાયેલા મુદ્દે સુપ્રિમ કોર્ટ સ્વયં દિશા-નિર્દેશો આપવા જઈ રહી છે, ત્યારે માતા-પિતા પરિવારોએ પણ પોતાના સંતાનો-બાળકોને આ ગંભીર મુદ્દે સતર્ક કરીને સમજાવવા અત્યંત જરૂરી છે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

ખેડૂતો આકાશ ભણી મીટ માંડીને બેઠા છે અને છાંટા છુટી કે ઝાપટાં નહીં પણ સંતોષકારક વરસાદ પડે, તેવી આશા સેવી રહ્યા છે. બીજી તરફ ઓછા વરસાદ પછી ઊભી થયેલી સ્થિતિને લઈને શાસકપક્ષ અને વિપક્ષના જનપ્રતિનિધિઓ સક્રિય થઈ ગયા છે, અને ઘાસચારો, પાણી, સિંચાઈ અને શ્રમિકો માટે રોજગારીને લઈને સરકાર તરફ મીટ માંડીને બેઠા છે, તેમાં પણ ગુજરાતમાં સૌરાષ્ટ્ર-કચ્છના મહત્તમ જિલ્લાઓમાં વિકટ સ્થિતિ ઊભી થઈ રહેલી જોવા મળે છે.

દેવભૂમિ દ્વારકા જિલ્લાના મહત્તમ વિસ્તારોમાં ૯૦ ટકાની આસપાસ વરસાદની ઘટ છે અને દ્વારકા-કલ્યાણપુર તાલુકાઓ ગઈકાલ સુધી કોરા ધાકોડ હતા. ડેમો સુખાભઠ છે અને તળાવો પણ સુકાઈ ગયા છે. ભૂગર્ભ જળસપાટી નીચે ઉતરી રહી છે અને ખેડૂતોએ કરેલા વાવેતરો સુકાઈ રહ્યા છે, તથા પાક પણ મુરઝાઈ રહ્યો છે. જામનગર જિલ્લામાં પણ સ્થિતિ બહુ સારી નથી અને લગભગ દ્વારકા જિલ્લા જેવી જ સ્થિતિ મહત્તમ વિસ્તારોની હોવાથી એમ કહી શકાય કે હાલારમાં દુષ્કાળના ડાકલા વાગી રહ્યા છે. જો કે, હવામાન વિભાગની તાજી આગાહીઓ તથા છેલ્લા બે દિવસથી બદલાયેલો કુદરતી માહોલ જોતા ખેડૂતો સહિત લોકોને નવી આશા જાગી છે અને મેઘ મહેર થઈ જશે, તેવા એંધાણ વર્તાયા પછી થોડી રાહત થઈ છે, તેમ છતાં વરસાદની મોટી ઘટના કારણે તકલીફ તો પડવાની જ છે.

રાજ્ય સરકારે સૌની યોજનામાંથી ધીમે ધીમે પાણી છોડવાનું શરૂ કર્યું છે અને પીવાના પાણીને પ્રાધાન્ય આપીને સિંચાઈ માટે પણ પાણી પુરવઠો આપી શકાય, તેવો નિર્ણયો લેવાઈ રહ્યા છે. બંને જિલ્લાના વહીવટીતંત્રો દ્વારા મેરેથોન બેઠકો યોજાઈ રહી છે તો સાંસદ, ધારાસભ્યો અને ચૂંટાયેલા જનપ્રતિનિધિઓ પણ બેઠકો યોજી રહ્યા છે. તંત્રોએ અછત કે અર્ધઅછત જેવી સ્થિતિ જાહેર કરવા જેવી ગંભીર સ્થિતિ અંગે ગ્રાઉન્ડ વેરીફિકેશન શરૂ કર્યું છે, તો કાર્યકરો, સ્થાનિક નેતાઓ અને સ્થાનિક સ્વરાજ્યની સંસ્થાઓના ફીડબેક મેળવીને વાસ્તવિક સ્થિતિનો કચાસ કાઢવાનો પ્રયત્ન થઈ રહ્યો છે. પૂરતા પ્રમાણમાં ઘાસચારો તથા જળવ્યવસ્થાપન અંગે છેલ્લા ત્રણ-ચાર દિવસથી શ્રેણીબદ્ધ નિર્ણયો લેવાયા પછી સીલસીલાબંધ કદમ ઉઠાવાઈ રહ્યા હોવાનો દાવો કરાયો છે.

જો કે વિરોધપક્ષો આ તમામ પ્રક્રિયાઓને ડ્રામેબાજી (નાટકો) ગણાવીને વ્યંગ કરી રહ્યા છે. આમઆદમી પાર્ટી અને કોંગ્રેસે દેવભૂમિ દ્વારકા જિલ્લો તથા જામનગર સહિત સૌરાષ્ટ્રના અસરગ્રસ્ત તમામ વિસ્તારોને દુષ્કાળગ્રસ્ત જાહેર કરવાની માંગણી કરી છે. રાજ્યના ૧૨ જિલ્લાઓમાં નહીંવત વરસાદ થયો હોવાથી ત્યાં સંપૂર્ણ દુષ્કાળ જાહેર કરીને મુખ્યમંત્રી કિસાન સહાય યોજનાને એકટિવ કરવાની માંગણી ઉઠાવી છે. મુરઝાયેલા પાક તથા સુકાઈ ગયેલી મોલાતનો સર્વે કરીને ખેડૂતોને તત્કાળ રાહત કે વળતર ચૂકવવાની માંગણી થઈ રહી છે. આ પ્રક્રિયા ઝડપભેર હાથ ધરવાની જોરદાર માંગણી ઉઠી છે.

નવી આગાહીઓ થાય અને હજુ પણ મેઘકૃપા થાય તો પણ વરસાદની ઘટ એટલી મોટી થઈ ગઈ છે કે હવે ડેમેજ કંટ્રોલ કરવું ઘણું જ અઘરૃં છે. જે વિસ્તારોમાં પ્રારંભિક વરસાદ પછી વાવણી થઈ ગઈ છે, તેને પિયતની સુવિધા નહીં મળવાના કારણે થનારૃં નુકસાન તથા જયાં મેઘ મહેર થઈ છે, તેવા જિલ્લાઓમાં પણ પાછોતરો વરસાદ ખેંચાતા ઊભી થયેલી સ્થિતિને અલગ-અલગ પદ્ધતિથી મુલવીને ખેડૂતોની પડખે ઊભા રહેવાની જરૂર છે, અને આ માટે રાજનીતિના બદલે રાજધર્મ તથા માનવધર્મને કેન્દ્રમાં રાખીને સૌએ સાથે મળીને આ આ૫ત્તિનો સામનો કરવાનો છે, તો શાસન-પ્રશાસને પણ સૌ કોઈને સાથે લઈને ઝડપી અમલીકરણ કરાવવાની જરૂર છે.

જ્યાં નહીંતવ વરસાદ થયો છે, અથવા માત્ર પ્રારંભિક કે પાછોતરો જ થોડો-ઘણો વરસાદ થયો છે, અને આગામી અઠવાડિયામાં વરસાદ થવાની સંભાવના છે, તેને વિસ્તારવાર વર્ગીકરણ દ્વારા વિવિધ માપદંડો હેઠળ તત્કાળ સહાય-મદદ પહોંચાડવાની જરૂર છે, આ માટે માઈક્રો પ્લાનીંગ અને ઝડપી નિર્ણયો લઈને તેનુ સચોટ અમલીકરણ થાય, તે અત્યંત જરૂરી છે. સિંચાઈ માટે પાણી છોડવામાં આવ્યું હોય, તે વિસ્તારોમાં ખેડૂતોને પૂરેપૂરા દસ કલાક તો વીજળી પુરવઠો મળી જ રહે, તેવું  સંકલન કરવું પણ ઘણું જ જરૂરી છે. ઘણાં ખેડૂતોને જરૂર મુજબ વીજળી-પાણી મળી રહે તો હજુ પણ થોડી રાહત થાય તેમ હોવાથી વિસ્તારવાર સર્વ ક્ષેત્રિય સર્વેક્ષણ, જનફીડબેક તથા પ્રેસ મીડિયા-સોશ્યલ મીડિયાના માધ્યમોથી વ્યક્ત થતી વેદનાઓને સાંકળીને ઝડપભેર મદદરૂપ થવું જોઈએ. આ માટે હવે ''મૃદુ'' મુખ્યમંત્રીએ "મક્કમ" નિર્ણયો તદૃન તટસ્થ તથા પારદર્શીય ઢબે લેવા જોઈએ.

વિપક્ષોએ અસરગ્રસ્ત વિસ્તારોના ખેડૂતોના પાક ધિરાણો (દેવા) માફ કરવા અને કૃષિ વીજળી બીલો પૂરેપૂરા માફ કરીને ફ્રી વીજ પુરવઠો પૂરો પાડવાની માંગણી પણ કરી છે. ઘાસચારાની વધુ વિસ્તૃત અને સમયબદ્ધ તથા આયોજનબદ્ધ વ્યવસ્થાઓ વિસ્તારીને લીલા-સૂકા ઘાસચારા માટે ઘાસડેપો શરૂ કરવાની માંગણી પણ કરી છે. તે ઉપરાંત વિપક્ષોએ ગ્રામ્ય અને શહેરી વિસ્તારોમાં શ્રમિકોને રોજગાર માટે મનરેગા સહિતની યોજનાઓ હેઠળ રોજગારી વધારવાની માંગ પણ કરી છે.

વરસાદ ખેંચાતા ઊભી થયેલી કપરી પરિસ્થિતિમાં ખેડૂતો હવે અકળાયા છે. જોડીયા તાલુકાના ૧૧ અસરગ્રસ્ત ગામોના લોકોએ તાલુકાને દુષ્કાળગ્રસ્ત જાહેર કરીને રાહત પેકેજ જાહેર કરવાની માંગણી કરતા આવેદનપત્રો મામલતદાર મારફત સરકારને મોકલ્યા હોય કે પછી સિંચાઈ માટે જરૂરી પાણી કેનાલ દ્વારા નહીં મળતા જામજોધપુર તાલુકામાં ખેડૂતોએ આત્મવિલોપનની ચીમકી પણ આપી હોય, કે પછી દેવભૂમિ દ્વારકા જિલ્લામાં આવેલી ગૌશાળા-પાંજરાપોળો માટે સૂકા ઘાસની તત્કાળ ફાળવણીની ઉઠેલી માંગણી હોય, ખેડૂતોની વ્યથા સાંભળીને હવે નક્કર પગલાં લેવાની જરૂર છે, માત્ર સમીક્ષાઓ કર્યેથી કાંઈ નહીં ચાલે...

વાવમાં હોય તો અવેડામાં આવે, તેવી કહેવત છે, તેથી ખેડૂતોની ખેતી બચાવાશે, તો જ લોકોની થાળીમાં પોષક ભોજન આવશે, તેથી સુકાતો અને મુરઝાતો ખેતીપાક બચાવવા જ્યાં જ્યાં નહીંવત વરસાદ થયો છે, ત્યાં ત્યાં પિયત માટે સિંચાઈના પાણીની તાતિ જરૂર છે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

દેશ-દુનિયામાં માહોલ બદલી રહ્યો છે, અને રાજનીતિએ પણ કરવટ બદલી છે. જેન-ઝી ના સફળ આંદોલનો પછી દેશમાં પ્રચાર-પદ્ધતિએ કરવટ બદલી છે, અને પ્રધાનમંત્રીની રેમ્પવોક સ્ટાઈલ ચર્ચાના ચાકડે ચડી છે. સિક્યોરીટી પ્રોટોકોલ અને કડક નિયમો સાઈડ પર રાખીને વડોદરામાં વડાપ્રધાને યુવાવર્ગ વચ્ચે બેકગ્રાઉન્ડમાં ધુરંધર ફિલ્મના ગીત તથા ગુજરાતી લોકસાહિત્યની ધૂનના સંયોજન સાથે વડાપ્રધાને અલગ અંદાજમાં એન્ટ્રી લીધી અને યુવાવર્ગને કેન્દ્રમાં રાખીને જુસ્સેદાર ભાષણ કર્યું, તે આપણાં દેશના નેતાઓની બદલી રહેલી પ્રચાર-પદ્ધતિ અને કેન્દ્રવર્તી મુદાઓની બદલી રહેલી પ્રાયોરિટીની સાથે સાથે જેન-ઝી ની તાકાત પણ દર્શાવે છે. બીજી તરફ વડાપ્રધાને 'જુઠ કી ગૂંજ' જેવો વ્યંગ તો રાહુલ ગાંધીની 'છાત્રો કી ગૂંજ'ના સંદર્ભે કર્યો હતો, તે સ્પષ્ટ છે, પરંતુ 'નારાજ ફુવા' કોને કહ્યા,તે અંગે અલગથી ચર્ચા છેડાઈ ગઈ છે. આ આખો ઘટનાક્રમ દર્શાવે છે કે દેશની યુવાશક્તિએ દેશની રાજનીતિની હવા જ જેન-ઝી તરફ બદલી નાંખી છે!

જંતર-મંતર પર વિદ્યાર્થીઓના આંદોલનને પ્રારંભમાં અન્ડર એસ્ટિમેટ કર્યા પછી જ્યારે તેનો વ્યાપ દેશવ્યાપી બનવા લાગ્યો, ત્યારે કેન્દ્રની 'શક્તિશાળી' સરકારે પીછેહઠ કરવી પડી અને તે પછી એક તરફ રાહુલ ગાંધીએ 'છાત્રો કી ગૂંજ' અને વિવિધ પ્રકારના પ્રેઝન્ટેશન સાથે પ્રેસ કોન્ફરન્સ યોજીને મોદી સરકારને ઘેરવાના એકંદરે પ્રભાવશાળી પ્રયાસો કર્યા તો બીજી તરફ સ્ટેજ પર માઈક લઈને વોકીંગ કરતા કરતા 'મમતાદીદી' ફેઈમ ભાષણ કરવાની પ્રચાર-પદ્ધતિ અપનાવી. આ કારણે દેશમાં યુવાવર્ગને કેન્દ્રમાં રાખીને વિવિધ કાર્યક્રમો યોજવા રાજકીય પક્ષો પ્રેરાયા તો વડાપ્રધાને પોતાના મંત્રીઓને કોલેજો-યુનિવર્સિટીઓમાં યુવાવર્ગની વચ્ચે જઈને સંવાદ સાધવાનું ફરમાન કર્યું હોવાના અહેવાલો આવ્યા હતાં, જે દેશના યુવાવર્ગની સંગઠનાત્મક શક્તિ તથા 'સત્યમેવ જયતે'ની ભાવનાત્મક તાકાત દર્શાવે છે. દેશનો જાગૃત થયેલો યુવાવર્ગ હવે વિદેશી પ્રોપાગન્ડા કંપનીઓ કે પ્રોફેશનલ પી.આર. પદ્ધતિ અથવા મીડિયા મેનેજમેન્ટથી 'મેનેજ' થાય તેવો રહ્યો નથી, પરંતુ સોશિયલ મીડિયાના માધ્યમથી પોલિટિકલ સિસ્ટમ તથા મોટા માથાઓની મિલીભગતને પડકારનારો બન્યો છે, તે સ્પષ્ટ થઈ ગયું છે.

હવે યુવા વર્ગે પણ જાગૃત રહેવું પડે તેમ છે, અને કોઈ મલિન ઈરાદાઓ ધરાવતા પરિબળોના પોલિટિકલ કે પ્રોફેશનલ ઓજાર પણ બનવાનું નથી અને સત્તા કે લોભલાલચની લપસણી ભૂમિ પરથી લપસીને અથવા શક્તિશાળી સિયાસતથી ડરવાનું પણ નથી. આઝાદી મળી ત્યારથી વારાફરતી સત્તાની સાઠમારીના વિષચક્રમાંથી દેશને ઉગારીને આઝાદીના સાચા ફળ પ્રાપ્ત કરવાની આ તક જેન-ઝીને મળી રહી હોય તેમ જણાય છે, ત્યારે જેન-ઝીએ દેશ અને દેશવાસીઓના હિતને જ કેન્દ્રમાં રાખીને પોલિટિકલ પ્રપંચોમાં પડ્યા વગર હવે સરકારોને સુધારવામાં સમય વેડડવાના બદલે સીધેસીધી સમગ્ર 'સિસ્ટમ' સુધારવા તરફ નિડર થઈને ગતિમાન થવાનું છે. સ્વામી વિવેકાનંદે કહ્યું ેછે, તેમ ઉઠો, જાગો અને ધ્યેય પ્રાપ્તિ સુધી મંડ્યા રહો... પંચાયતની પાર્લામેન્ટ સુધી શાસન ગમે તેનું હોય, 'સિસ્ટમ' સુધારો... બ્યુરોક્રેસી, સડેલી-ભ્રષ્ટ થયેલી કેટલીક રાજકીય અને શાસકીય નેતાગીરી તથા લેભાગુ-પ્રપંચી અને બંધારણ કે દેશવિરોધી ષડ્યંત્રકારીઓની મિલીભગતથી સર્જાયેલી ભ્રષ્ટ-પાખંડી ધરીને ભેદીને સીધેસીધા 'સિસ્ટમ'ને જ જડમૂળથી સુધારવાના ધ્યેયથી સામૂહિક, સંગઠીત અને પારદર્શક-નિષ્પક્ષ પ્રયાસો થશે, તો જ લોકતાંત્રિક મૂલ્યો અને વ્યવસ્થાઓને સાચા અર્થમાં લોકલક્ષી બનાવી શકાશે.

બીજી તરફ દુનિયા પણ ભડકે બળી રહી છે. રશિયા-યુક્રેન યુદ્ધ વધુ વકરી રહ્યું છે, અને અમેરિકા અને ઈરાનના યુદ્ધે આખી દુનિયાને ડગમગાવી દીધી છે તથા ઈંધણ સંકટ ફરીથી ઘેરૃ બની રહ્યું છે, તેવામાં સાઉદી અરેબિયા પર યમનના હુથીઓએ કરેલા હુમલાએ બળતામાં ઘી હોમ્યું છે. ગઈકાલે હુથી હુમલાખોરો સાઉદી અરબમાં ઘૂસીને ત્યાંના એરબેઝ, ઓઈલ રિફાઈનરીઓ તથા એરપોર્ટસ પર હુમલાઓ કરીને સંખ્યાબંધ લોકોને ઈજા પહોંચાડી તથા હથિયારો ભરેલા વાહનને મિસાઈલ્સથી ઊડાવી દીધુ હોવાના અહેવાલો પછી મિડલ ઈસ્ટમાં એક નવું જ સંકટ ખડુ થઈ ગયું છે. સાઉદી અરેબિયાએ કરેલા વળતા હુમલામાં યમનમાં સાત હુથી બળવાખોરો માર્યા ગયા હોવાથી આ યુદ્ધ વધુ વકરશે અને સાઉદી અરબ-યમન વચ્ચેનું યુદ્ધવિરામ જ ખતમ થઈ જશે તો દુનિયા વધુ એક યુદ્ધના વમળમાં સપડાશે. હવે પાકિસ્તાન, તુર્કી અને સઉદી અરબ વચ્ચે થયેલા 'મક્કા' કરાર મુજબ પાકિસ્તાન સઉદી અરબને યમન સ્થિત હુથી બળવાખોરો વિરૃદ્ધ પોતાની સેના મોકલે છે કે કેમ? તે જોવું ઘણું જ રસપ્રદ રહેશે.

યુદ્ધની આગ ચારે તરફ લાગી છે. ઈરાને પણ જોર્ડનમાં અમેરિકી ઠેકાણાઓ પર હુમલા કર્યા છે. મિડલ ઈસ્ટમાં લાગેલી આગ તથા રશિયા-યુક્રેન યુદ્ધના કારણે આખી દુનિયામાં ચિંતા વધી છે. આ વધુને વધુ પ્રસરી રહેલી આગ આખા વિશ્વને દઝાડવાની છે, કારણ કે આ કારણે કાચા તેલ (ક્રૂડ ઓઈલ) નું પરિવહન અવરોધાતા ઈંધણના ભાવો ભડકે બળવાના છે અને તેના કારણે વૈશ્વિક મોંઘવારી પણ વધુ વધવાની છે.

ભારત જ નહીં, આખી દુનિયામાં સોશિયલ મીડિયાનો સકારાત્મક અને નકારાત્મક પ્રભાવ વધી રહ્યો છે, તો પ્રચાર-પદ્ધતિ પણ હાઈ-ટેક બની રહી છે અને રાજનીતિ નવા રંગરૃપ ધારણ કરી રહી છે. અમેરિકાના રાષ્ટ્રપતિ ડોનાલ્ડ ટ્રમ્પ પણ એ.આઈ. અને સોશિયલ મીડિયાનો વૈશ્વિક પ્રવાહોના સંદર્ભે ભરપૂર ઉપયોગ કરી રહ્યા છે, તો પી.એમ. મોદીએ પણ જંતર-મંતરના આંદોલન દરમિયાન સેલ્ફ વીડિયોના માધ્યમથી જેન-ઝીને સંબોધ્યા પછી હવે ટેમ્પવોક સ્ટાઈલથી વડોદરામાં યુવાવર્ગ સાથે સીધા જોડાણનો સફળ પ્રયત્ન કર્યો છે. હવે 'ઘરડાં ગાડા વાળે'ની જુની કહેવતની સાથે 'જુવાનિયા નવી દિશા દેખાડે...' તેવી નવી કહેવત જોડવાની જરૃર છે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

જન્માષ્ટમીના તહેવારો ખૂબ જ આનંદપૂર્વક ઉજવાયા. જામનગર સહિત ઘણાં સ્થળે લોકમેળાઓ ધમધમી રહ્યા છે. જામનગરમાં શ્રાવણી અમાસ સુધી મેળો ધમધમવાનો છે. આમ તો જુદા જુદા સ્થળે અલગ અલગ ઉજવણીઓ તથા મહાત્મયોને સાંકળીને છેક ભાદરવી પૂર્ણિમા સુધી મેળાઓ જુદા જુદા સમયગાળા માટે ચાલતા જ રહેવાના છે અને તે દરમિયાન જ ગણેશોત્સવ શરૂ થશે, તે પછી નવરાત્રિ અને દિવાળી-દેવદિવાળી સુધી તહેવારોની શ્રૃંખલા આવી રહી છે, અને એ દરમિયાન હિન્દુ તહેવારોની સાથે અન્ય ધાર્મિક તહેવારો-ઉજવણીઓનું અદ્ભુત સંયોજન આપણા દેશમાં વિવિધતામાં એક્તા તથા વસુધૈવ કુટુમ્બકમ્ની વિશેષતા પ્રગટ કરે છે..

આ ઉમંગભર્યા માહોલની વચ્ચે રવિવારે દિલ્હીમાં સર્જાયેલી દુર્ઘટનાએ દેશભરમાં ગ્લાનિ ફેલાવી દીધી છે. દિલ્હીમાં સર્જાયેલી દુર્ઘટનામાં વિદ્યાર્થીઓના જીવ ગયા, તે માત્ર શાસકો-પ્રશાસકોને જ નહીં, પરંતુ ઉચ્ચ શિક્ષણ માટે મજબૂર વિદ્યાર્થીઓ અને વાલીઓને ભંગાર ઈમારતોમાં નપાવટ સુવિધાઓ આપીને ગીચ વિસ્તારોમાં પી.જી. ચલાવીને ઉઘાડી લૂંટ ચલાવનારાએ સફેદપોશ કસાઈઓને પણ સમાજના આરોપીઓના કઠેડામાં ખડા કરે છે. આ દુર્ઘટના દેશની રાજધાની દિલ્હીમાં સર્જાઈ હોવાથી વિપક્ષો ત્રિપલ એન્જિનની ભાજપ સરકારો પર તડાપીટ બોલાવે છે, અને એબીવીપી સહિતના વિદ્યાર્થી સંગઠનો એમ.સી.ડી. પર તડાપીટ બોલાવી રહ્યા છે. આ સાથે એવો સવાલ પણ ઊઠી રહ્યો છે કે આ દુર્ઘટના પછી આક્રોશ વ્યક્ત કરી રહેલા વિદ્યાર્થી નેતાઓ તથા નિવેદનિયા નેતાઓ વર્ષોથી આ પ્રકારના જર્જરિત મકાનોમાં ધમધમતા પી.જી.ના ગોરખધંધા સામે આજ સુધી ચૂપ કેમ હતાં?

બીજી તરફ ભાજપ અને એનડીએના નેતાઓ પણ બચાવની મુદ્રામાં છે. ત્રિપલ એન્જિનોના ફેલ્યોર સામે વિપક્ષો તો ઠીક, સામાન્ય જનતામાં પણ આક્રોશ જોવા મળી રહ્યો છે, કારણ કે ઉચ્ચ અભ્યાસ માટે પોતાના સંતાનોને આટલે દૂર મોકલતા માતા-પિતાની વેદના એક સાથે પ્રગટી છે, જે માત્ર દિલ્હી નહીં, પરંતુ દેશભરના એજ્યુકેશન હબ બની ગયેલા તમામ મેટ્રો સિટીઝ (મહાનગરો-કોર્પોરેશનો હેઠળના) શૈક્ષણિક વિસ્તારોમાં પી.જી.ના નામે ચાલતી ઉઘાડી લૂંટ અને વિદ્યાર્થીઓના જીવન સાથે ચેડાં કરીને માત્ર પૈસા (નાણા) કમાવા માટે થઈ રહેલા ક્રૂર અને અમાનવીય શોષણ સામેનો જનાક્રોશ છે. આ મુદ્દે ઘેરાયેલી દિલ્હીની રાજ્ય સરકાર ભલે સક્રિયતા અને સંવેદના દાખવે, તો પણ જનાક્રોશમાંથી બચી શકે તેમ થી. દિલ્હીમાં દાયકાઓથી આ ગોરખધંધો ચાલતો હોય અને દાયકાઓ જુની જર્જરિત ઈમારતોમાં પી.જી. ધમધમતા રહ્યા હોય તો કહી શકાય કે દિલ્હી પર શાસન કરનાર બધા લોકો દૂધે ધોયેલા નથી. હમામ મેં સબ નંગે હૈ...

દિલ્હીની દુર્ઘટનાના પડઘા યાત્રાધામ દ્વારકા સુધી પડવા જોઈએ અને શૈક્ષણિક હેતુઓની જેમ જ યાત્રિકો-પ્રવાસીઓને 'હોમ સ્ટે'ની પેઈડ સુવિધાઓ આપતા કોમર્શિયલ સંકુલોની સ્થિતિ, ફાયર સેફ્ટી તથા સંલગ્ન સુવિધાઓની તપાસણી થતી રહેવી જરૂરી છે, તે ઉપરાંત સરકારી-ખાનગી હોસ્ટેલો, વિદ્યાર્થી બોર્ડીંગો તથા સેવાકાર્યોની પણ નિયમિત સમયાંતરે તપાસણી થતી રહેવી જરૂરી છે. ખાસ કરીને આ પ્રકારના સ્થળોની ઈમારતોની સ્થિતિની ચોમાસામાં પાણી ભરાતા હોય કે કુદરતી આફતો આવે, ત્યારે ઊભી થતી સ્થિતિને પણ કેન્દ્રમાં રાખીને તપાસણી થતી જ રહેવી જોઈએ અન્યથા દિલ્હી જેવી દુર્ઘટના દ્વારકા, જામનગર, સૌરાષ્ટ્ર કે રાજ્યમાં તથા દેશમાં કોઈપણ સ્થળે થઈ શકે છે.

આ પ્રકારની દુર્ઘટનાઓમાં જેમ થતું આવ્યું છે તેમ દિલ્હી સરકારે મૃતકોના પરિવારો પ્રત્યે સહાનુભૂતિ વ્યક્ત કરીને વળતર (સહાય) ની જાહેરાત કરી અને ઈજાગ્રસ્તોના ઈલાજ સાથે કેટલાક નિયત વળતરનું આશ્વાસન આપ્યું. તદુપરાંત કેટલાક ઈજનેરોને સસ્પેન્ડ કરીને તપાસ બેસાડી દીધી. સરકારે હવે અન્ય જર્જરિત બિલ્ડીંગોને ખાલી કરાવીને બેઝમેન્ટમાં ખોદકામ કે નિયમ વિરૂદ્ધ ઉપયોગ કરતા હોય તેની સામે પગલાં લેવાનું શરૂ કર્યું, ત્યારે સવાલ ઊઠે કે અત્યાર સુધી ક્યાં સુતા હતાં? વિકસિત ભારતના વાયદાઓ કરતી શક્તિશાળી એનડીએ સરકારના નાકની નીચે ભાજપની જ રાજ્ય સરકાર અને એમસીડીના વિસ્તારમાં બનેલી આ દુર્ઘટના 'સિસ્ટમ' સામે સરકારો લાચાર હોય છે, અને બાળકોના સોનેરી ભવિષ્યના સપના જોતા માતા-પિતા જોખમી ઈમારતોમાં ના છૂટકે પોતાના વહાલસોયા સંતાનોને ભણાવવા કેટલા મજબૂર હોય છે, તેનું તાજુ દૃષ્ટાંત છે. આ જ પ્રકારની સંખ્યાબંધ નાની-મોટી દુર્ઘટનાઓ દેશના ખૂણે-ખૂણે છેલ્લા ચાર-પાંચ દાયકાઓથી થતી રહી છે, પરંતુ દિવસે દિવસે આ પ્રકારની ઘટનાઓ ઓછી થવાના બદલે વધતી જ જાય છે, જેનું જવાબદાર કોણ? જેનો જવાબ હાઈકોર્ટે પણ માંગ્યો છે. ભૂતકાળમાં નાની-મોટી ઘણી દુર્ઘટનાઓ બની છે, પરંતુ દેશભરમાં હાહાકર જગાવનાર વિદ્યાર્થીઓને સંબંધિત દુર્ઘટનાઓમાં ગુજરાત, મહારાષ્ટ્ર, તમિલનાડુ, દિલ્હી, રાજસ્થાન સહિતના શહેરોનો સમાવેશ થાય છે. આ પહેલા વર્ષ ર૦ર૪ માં દિલ્હીમાં કોચિંગ બેઝમેન્ટ દુર્ઘટના થઈ, તેમાં યુપીએસસીના ત્રણ હોનહાર વિદ્યાર્થીઓનું મૃત્યુ થયું હતું. તે સમયે ત્યાં આમ આદમી પાર્ટીની રાજ્ય સરકાર સત્તામાં હતી.

વર્ષ ર૦૧૯ માં તક્ષશીલા આર્કેડ અગ્નિકાંડમાં સુરતમાં રર માસુમ વિદ્યાર્થીઓનો જીવ ગયો ત્યારે પણ ભાજપની રાજ્ય સરકાર હતી. વર્ષ ર૦૦૪ માં તમિલનાડુના કુંભકોણમ્ અગ્નિકાંડમાં ૯૪ માસુમ વિદ્યાર્થીઓના જીવ ગયા હતાં. તે સમયે ત્યાં એઆઈએડીએમકેની સરકાર હતી. વર્ષ ર૦૧૩ અને ર૦૧૬ માં મહારાષ્ટ્રમાં આ જ પ્રકારની દુર્ઘટનાઓ સર્જાઈ હતી. વર્ષ ર૦૧૩ માં મુંબ્રામાં થયેલી દુર્ઘટનામાં વિદ્યાર્થીઓ સહિત કુલ ૭૪ અને ભિવંડીમાં વર્ષ ર૦૧૬ માં થયેલી દુર્ઘટનામાં ૧૦ થી વધુ લોકોના જીવ ગયા હતાં. વર્ષ ર૦૧૩ માં મહારાષ્ટ્રમાં કોંગ્રેસ-એનસીપી ગઠબંધન તો વર્ષ ર૦૧૬ માં ભાજપ-શિવસેનાની સરકાર હતી. રાજસ્થાનની બહુચર્ચિત કોટાની વિવિધ દુર્ઘટનામાં વર્ષ ર૦૧૮ માં ભાજપનું શાસન હતું, જ્યારે વર્ષ ર૦ર૩ માં કોંગ્રેસનું શાસન હતું. આ દૃષ્ટાંતો જ છે, પરંતુ અહીં જે દૃષ્ટાંતો આપ્યા છે, તે સમયગાળામાં કેન્દ્રમાં પહેલા યુપીએ અને તે પછી એનડીએની સરકારો કેન્દ્રમાં સત્તાસ્થાને હતી.

આ કારણે જ હવે સરકારો બદલવાના બદલે 'સિસ્ટમ' બદલવાના આંદોલનોની જરૂર છે. એટલું જ નહીં, ગુજરાતના અમદાવાદ, રાજકોટ, વડોદરા, સુરત, જામનગર વગેરે તમામ મહાનગરો સહિત દેશના એજ્યુકેશન હબ બનેલા દિલ્હી, વડોદરા, કોલકાતા, મુંબઈ, અમદાવાદ, ચેન્નાઈ, બેંગલુરૂ, હૈદ્રાબાદ, કોચીન, પૂણે, કોટા સહિતના મેગા સિટીઓમાં વિદ્યાર્થીઓ માટે સાર્વજનિક સરકારી હોસ્ટેલ્સની શ્રૃંખલા ઊભી કરવી અત્યંત જરૂરી છે, જેથી આ પ્રકારના જોખમી પી.જી. આપોઆપ બંધ થઈ જાય.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

હે ભારત! જ્યારે જ્યારે ધર્મની હાનિ અને અધર્મની વૃદ્ધિ થાય છે, ત્યારે ત્યારે હું સ્વયં પ્રગટ થાઉં છું.

સજ્જનોનું રક્ષણ અને દુષ્ટોનો નાશ કરવા માટે તથા ધર્મનું સારી રીતે પુનઃ સ્થાપન કરવા માટે હું દરેક યુગમાં પ્રગટ થાઉં છું.

કુરૂક્ષેત્રમાં જ્યારે પોતાના જ બાંધવો, વડીલો, ગુરુ અને સગા-સ્નેહીઓને યુદ્ધ માટે સામેના પક્ષે ઊભેલા જોઈને નાસીપાત થઈને દ્વિધા અનુભવી રહેલા અર્જુનને ભારત તરીકે સંબોધન કરતા ભગવાન શ્રીકૃષ્ણે જે બોધ આપ્યો હતો, તેને શ્રીમદ્ ભગવદ્ ગીતા તરીકે વિશ્વભરમાં સન્માન મળે છે. તે શ્રીમદ્ ભગવદ્ ગીતાનો આ શ્લોક ઘણો જ પ્રચલીત છે. આ શ્લોક શ્રીકૃષ્ણે પોતે દ્વારકાના રાજા હતાં ત્યારે અર્જુનના સારથી તરીકે કુરૂક્ષેત્રના મેદાનમાં સંભળાવ્યો અને પોતાનું વિરાટ ચતુર્ભૂજ સ્વરૂપ પ્રગટ કર્યું, તે કથા ઘણી જ પ્રચલીત છે. આ ચતુર્ભૂજ સ્વરૂપ એટલે રાજાધિરાજ ભગવાન દ્વારકાધીશ... ભગવાન વિષ્ણુનું મૂળ સ્વરૂપ...

અત્યારે યાત્રાધામ દ્વારકામાં ભારે ભીડ છે. સુદર્શન બ્રિજના નિર્માણ પછી ભગવાન શ્રીકૃષ્ણના નિવાસનું સ્થળ બેટદ્વારકા પણ યાત્રિકોથી ઉભરાઈ રહ્યું છે, અને પહેલા હોડીઓ દ્વારા મર્યાદિત યાત્રિકો જન્માષ્ટમી પર્વે બેટદ્વારકા જઈ શકતા હતાં, તેમાં ઘણો વધારો થયો છે અને દ્વારકાના પ્રવાસે આવતા લગભગ તમામ યાત્રિકો બેટદ્વારકાની મુલાકાતે પણ જતા હોય છે, અને બેટદ્વારકામાં હનુમાનદાંડી, ચોર્યાસીધૂણા, વલ્લભાચાર્યજીના બેઠકજી, શંખનારાયણનું મંદિર, શિવમંદિરો અને ગુરુદ્વારા તથા શંખતળાવ સહિતના પ્રચલીત ધર્મસ્થળોની અવશ્ય મુલાકાત લેતા હોય છે. આ કારણે આ તમામ સ્થળે યાત્રિકો માટે પીવાનું પાણી, બેઠક અને વિશ્રામની વ્યવસ્થાઓ તથા પ્રવાસનને સંલગ્ન સુવિધાઓ, સ્થાનિક પરિવહન, પાર્કિંગ અને સુરક્ષા-સલામતિ જાળવવાની ભગીરથ જવાબદારી સ્થાનિક તંત્રો, ટ્રસ્ટો, ધર્મસ્થળોના સંચાલકો, વ્યવસ્થાપકો, પંડા-પૂજારીવર્ગ તથા સ્થાનિક સ્વરાજ્યની સંસ્થાઓ પર નિર્ભર હોય છે.

આ જ રીતે દ્વારકામંડળના અન્ય તીર્થ સ્થળો નાગેશ્વર, ગોપીતળાવ, જલારામ મંદિર આરંભડા-દ્વારકા, ઓખાના તીર્થસ્થળો, સુવર્ણમંદિર, દ્વારકામાં રૂક્ષ્મણી મંદિર, ભદ્રકાલી મંદિર, ગોમતીઘાટ, ચોપાટી, ભડકેશ્વર મહાદેવનું મંદિર, સિદ્ધનાથ મંદિર, વિવિધ પવિત્ર કૂંડો, પંચનંદતીર્થ, ગાયત્રી મંદિર, દીવાદાંડી, ઓખામઢી, બરડિયાથી હર્ષદ માતાજી સુધીના અનેક પાવનતીર્થ સ્થળો તથા હરવા-ફરવાના પર્યટન સ્થળો પર પણ આ યાત્રિકો જતા હોવાથી સંબંધિત તંત્રો, સંસ્થાઓ, ટ્રસ્ટોની જવાબદારી ઘણી વધી જતી હોય છે, જેથી થોડીઘણી બેદરકારી પણ મોટી સમસ્યા ઊભી કરી શકે તેમ હોવાથી ભાગદોડ ન સર્જાય, નફાખોરી ન થાય, ચોરી-તસ્કરી ન થાય, આગ-અકસ્માત ન સર્જાય અને એવું થાય તો તેને સંબંધિત તમામ પ્રકારની વ્યવસ્થાઓ, એમ્બ્યુલન્સો, ફાયરફાયટર્સ વિગેરે પહેલેથી મોજુદ હોય, બહેનો-માતાઓને સંબંધિત વિશેષ વ્યવસ્થાઓમાં કોઈ ખામી ન આવે, મૂળભૂત સુવિધાઓ ખોરવાઈ ન જાય, તમામ યાત્રિકોને તમામ પ્રકારની માહિતી અને માર્ગદર્શન ઠેર-ઠેર ઊભા કરેલા માહિતી કેન્દ્રોમાંથી સતત મળી રહે, તથા જરૂર પડ્યે તત્કાળ સારવાર માટે આરોગ્ય કેન્દ્રોની ઠેર-ઠેર વ્યવસ્થા હોય, તથા ખાસ કરીને યાત્રિકોની સુરક્ષા, સલામતિ અને સુવિધાઓ એકદમ ચૂસ્ત-દુરસ્ત રહે તે માટે સહિયારી સુદૃઢ વ્યવસ્થાઓ આખું અઠવાડિયું જળવાઈ રહે, તે ઘણું જ જરૂરી હોય છે, તેથી સંબંધિત સરકારી તંત્રો, સ્થાનિક સ્વરાજ્યની સંસ્થાઓ, સંબંધિત સંસ્થાઓ, ટ્રસ્ટો, પૂજારી-પંડા વર્ગ, સ્થાનિક લોકો, ધંધાર્થીઓ તથા વ્યવસ્થાપક સમિતિઓ વગેરેએ આ વર્ષે પણ ઘણું જ સતર્ક અને જાગૃત રહેવું પડે તેમ છે, અને માઈક્રો પ્લાનિંગ કરીને તેની પ્રતિકલાક કે પ્રતિપહોર રોજીંદી સમીક્ષા કરીને જરૂરી કદમ ઊઠાવતા રહેવા જોઈએ.

આ તરફ જામનગરના પ્રદર્શન ગ્રાઉન્ડ પર પણ પહેલી સપટેમ્બરથી લોકમેળો શરૂ થઈ ગયો છે, અને વિધિવત્ ઉદ્ઘાટન પછી આજે રાઈડ્ઝને જેમ જેમ મંજુરી મળતી જાય, તેમ તેમ વિવિધ રાઈડ્ઝ પણ શરૂ થઈ ગઈ છે. હવે તંત્રોની ખાસ જવાબદારી એ રહેવાની છે કે, લોકમેળામાં સુરક્ષા, સલામતિ સાથે તમામ વ્યવસ્થાઓ જળવાઈ રહે, નગરમાં પણ ટ્રાફિક વ્યવસ્થા જળાવઈ રહે, ક્યાંય ઉઘાડી લૂંટ કે નફાખોરી ન થાય અને તસ્કરો કે ઉઠાવગીરો પહેલેથી જ રાઉન્ડ-અપ થઈ જાય.

જામનગરમાં જરૂર પડ્યે તંત્ર વધુ સિટીબસો આખા શહેરમાં દોડાવે અને પબ્લિકને તહેવારો માણવાની મજા પડે. કઈ અનિચ્છનિય બનાવ બને નહીં, અને જન્માષ્ટમી પર્વે સર્વત્ર 'નંદ ઘેર આનંદભયો'ની ગૂંજ સાથે લોકો ઉત્સાહપૂર્વક અને હળીમળીને દર્શન-પૂજા, પરંપરા સાથે ઉજવણી કરે, મનોરંજન માણે અને મેળાઓમાં મ્હાણે તેવું ઈચ્છીએ...

આ વખતે 'ગીરનું દ્વારકા' ગણાતા તુલસીશ્યામમાં પણ જન્માષ્ટમી પર્વની ધામધૂમથી ઉજવણી થઈ રહી છે અને જંગલમાં આવેલા આ યાત્રાધામમાં જન્માષ્ટમી પર્વે ભગવાન શ્યામનો ખુલ્લા પદડે મહાભિષેક થવાનો છે. તેવી જ રીતે મૂળ દ્વારકા, વીસાવાડા, ડાકોર, શામળાજી સહિતના ભગવાન દ્વારકાધીશ સાથે સંકળાયેલા રાજ્યના તમામ યાત્રાધામોમાં જન્માષ્ટમી પર્વની ધામધૂમથી ઉજવણી થઈ રહી છે, તેવી જ ઉજવણી દેશભરમાં તથા દુનિયાના વિવિધ દેશોમાં પણ થઈ રહી છે.

જામનગર ઉપરાંત પોરબંદર, ખંભાળિયા, ગોંડલ, મોરબી, રાજકોટ, રાવલ, અમરેલી સહિત અનેક સ્થળે લોકમેળાઓની રંગત જામશે. લોકમેળાઓમાં આ વખતે રાઈડ્સની મંજુરી પહેલા સઘન ચકાસણી કરવામાં આવી છે, અને ફાયર સેફ્ટી, હેલ્થ, ઈમરજન્સી ગેઈટ્સ તથા ભીડભાડ નિયંત્રણ, પાર્કિંગ, ટ્રાફિક વ્યવસ્થા જાળવવા વિશેષ વ્યવસ્થાઓ કરવામાં આવી હોવાના દાવાઓ થઈ રહ્યા છે, જેમાં કેટલું તથ્ય છે, તે મેળાઓ દરમિયાન ખબર પડી જશે. એવી આશા રાખીએ કે આ વખત થયેલા આ પ્રકારના દાવાઓ પોકળ ન હોય...

ગુજરાત સહિત દેશભરમાં ઠેર ઠેર શોભાયાત્રાઓ, મટકીફોડના કાર્યક્રમો, રાસ-ગરબા, મલ્લ-કુસ્તીની સ્પર્ધાઓ, સાંસ્કૃતિક કાર્યક્રમો યોજાઈ રહ્યા છે, તો યાત્રાધામ દ્વારકામાં આ તમામ પ્રવૃત્તિઓ સાથે દર્શનાર્થીઓ-યાત્રિકોની ઉભરાઈ રહેલી ભીડમાંથી નાદ ઊઠી રહ્યો છે... 'દ્વારકાધીશ કી જય... જય બલરામ... નંદ ઘેર આનંદ ભયો, જય કનૈયાલાલ કી, હાથી-ઘોડા-પાલખી, જય કનૈયાલાલ કી...'

જન્માષ્ટમી પર્વે 'નોબત'માં પણ ત્રણ-ચાર દિવસની રજા રહેતી હોય છે. આથી 'નોબત'ના પ્રિય વાચકો, વીડિયો સમાચારના દર્શકો, બ્રેકીંગ ન્યૂઝના ગ્રુપ સાથે જોડાયેલા ફોલોઅર્સ, 'નોબત' સાથે વિવિધ સોશિયલ મીડિયાના માધ્યમથી જોડાયેલા ફોલોઅર્સ, વિજ્ઞાપનદાતાઓ, ગ્રાહકો, વિતરકો, એજન્ટો, પ્રતિનિધિઓ, પત્રકારો, શુભેચ્છકો, સહયોગીઓ, સ્ટાફમિત્રો તથા હાલાર અને ગુજરાત સહિત દેશ-વિદેશમાં પથરાયેલા તમામ ભારતીયો સહિત સૌ કોઈને 'નોબત' પરિવાર અને માધવાણી પરિવાર જન્માષ્ટમીની ખૂબ ખૂબ શુભકામનાઓ પાઠવે છે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

ગઈકાલે રાજ્ય સરકારે જીઆઈડીસી એમ્નેસ્ટી સ્કીમ લાગુ કરવાની અંતિમ પરવાનગી આપી દીધા પછી તેના મિશ્ર પ્રત્યાઘાતો પડી રહ્યા છે. વિપક્ષો રાજ્ય સરકારની નિયત અને ટાઈમીંગને લઈને સવાલો ઊઠાવી રહ્યા છે, તો જીઆઈડીસી ક્ષેત્રમાંથી આ જાહેરાતને મહત્તમ આવકાર મળી રહ્યો હોવા છતાં કેટલોક કચવાટ પણ વ્યક્ત થઈ રહ્યો છે.

જીઆઈડીસી એમ્નેસ્ટી સ્કીમ હેઠળ સુક્ષ્મ, લઘુ અને મધ્યમ ઉદ્યોગો (એમએસએમઈ) ના જુના ઔદ્યોગિક શેડ અને પ્લોટના ટ્રાન્સફરના કિસ્સાઓમાં બાકી સ્ટેમ્પ ડ્યુટીના ૮૦ ટકા જેટલી રાહત આપવાની જાહેરાત કરી છે. સરકારે કરેલા દાવા મુજબ આ યોજનાનો ઉદ્દેશ્ય જુની લેવડદેવડ અને સંપત્તિ હસ્તાંતરો સાથે જોડાયેલા પેન્ડીંગ કેસોમાં ભારે દંડના બોઝમાંથી ઉદ્યમીઓને રાહત પૂરી પાડવાનો છે. જીઆઈડીસી એસોસિએશન અને એમએસએમઈના ઉદ્યોગ સાહસિકોને જુના નિયમો તથા દંડના કારણે પડતી મુશ્કેલીઓ દૂર કરવા માટે રાજ્ય સરકારે આ નિર્ણય લીધો હોવાનો દાવો કરવામાં આવ્યો છે.

રાજ્ય કક્ષાએથી જીઆઈડીસીના વર્તુળોએે સરકારનો આ ફેંસલો વિવિધ સંગઠનોના લાંબા સમયની રજૂઆતો પછી આવ્યો હોવાથી તેને આવકારવાની સાથે સાથે વિલંબ થયો હોવાની ટકોર પણ કરી છે. કેટલાક મંડળોએ આ નિર્ણયો ઐતિહાસિક, દૂરગામી અને પ્રો-ટ્રેડીંગ એટલે કે વ્યાપાર માટે પ્રોત્સાહક પણ ગણાવ્યો છે. ઉદ્યોગપતિઓના વિવિધ અભિપ્રાયો મુજબ જુના સ્ટેમ્પ વિવાદો અને પેનલ્ટીના કારણે ઘણી ફેક્ટરીઓમાં સંપત્તિ ટ્રાન્સફર, બેંકો સાથેના વ્યવહારો, લોન, નવા પ્રોજેક્ટ્સની પ્રક્રિયા વગેરે અટવાઈ ગયેલા વ્યવહારો પુનઃ ધમધમતા થશે અને ૮૦ ટકા જેટલી રાહત મળતા રાજ્યમાં ઈઝ ઓફ ડુઈંગ બિઝનેસને પ્રોત્સાહન મળશે અને જુના દસ્તાવેજી વિવાદો ખતમ થશે. લોન બ્લોકેજમાં તત્કાળ અસર થશે અને બેંકો તરફથી ઝડપથી ધિરાણો મળવાનું શરૂ થશે, જે પ્લોટ્સ 'લીગલ હોલ્ડ' પર હતાં, તે હવે મુક્ત થશે.

ભારતીય જનતા પાર્ટી તો સ્વાભાવિક રીતે જ પોતાની સરકારની વાહવાહી કરે, ભાજપે આ નિર્ણયને એમએસએમઈ સેક્ટર પરનો બોજ તરત હટાવનારો તથા સરળ વ્યપારની તકોને વધારવાનો બતાવ્યો છે.

જો કે, એમએસએમઈ તથા વ્યાપાપારી વર્ગોમાં હજુ પણ કેટલીક નારાજગી છે. આ યોજનાનો લાભ માત્ર માન્ય ઉદ્યમ સર્ટિફિકેટ ધરાવનારાઓને જ મળનાર હોવાથી જે નાના કારખાનેદારો પાસે આ સર્ટિફિકેટ નહીં હોય, તેવા કારખાનેદારો તરફથી આ યોજનાને વધુ સરળ બનાવવાની માંગણી પણ ગઈકાલથી જ પડઘાવા લાગી હતી, કારણ કે આ યોજનાનો લાભ ૩૦ મી જૂન-ર૦રપ સુધી થયેલા પાત્ર એલોટમેન્ટ લેટર, શેરટ્રાન્સફર ભાડાપટ્ટા અને પેટાભાડા પટ્ટા તથા મિલકતની તબદિલી સંબંધિત વ્યવહારોને જ મળવાપાત્ર હોવાથી કેટલાક નાના ઉદ્યમકારો આ યોજનાથી વંચિત રહી જાય તેમ છે.

આ યોજનાનો લાભ લેનારા વર્તમાન ફાળવાણીદારે રાહત મુજબની ડ્યુટી અને પેનલ્ટી ચૂકવીને મિલકતની કાયદેસર રજિસ્ટર્ડ નોંધણી કરાવવી ફરજિયાત રહેશે. અપીલ હેઠળના કેટલાક નિયમો મુજબ લાભ મેળવવાની જોગવાઈ છે, જ્યારે કોર્ટમાં પિટિશન દાખલ થયેલા કેસોમાં પિટિશન પરત ખેંચવાની શરતે જ આ યોજના લાગુ થઈ શકશે, વગેરે જોગવાઈઓ ચર્ચાના ચાકડે ચડી છે અને તેના મિશ્ર પ્રત્યાઘાતો પડી રહ્યા છે.

એવો દાવો પણ કરવામાં આવી રહ્યો છે કે ગુજરાત સરકારે કરેલી આ જાહેરાતથી જુના બાકી વ્યવહારોના કારણે ઊભી થયેલી સમસ્યાઓનો અંત આવતા લાંબા સમયથી બાકી રહેલી સ્ટેમપ ડ્યુટીની વસૂલાત પણ ઝડપી બનશે. મિલકતોના વ્યવહારોની કાયદેસરની નોંધણી થવાથી પારદર્શિતા અને નિયમિતતા વધશે, જેથી રાજ્યમાં નવા ઉદ્યોગો સ્થાપવા તથા વર્તમાન ઉદ્યોગોના વિસ્તૃતિકરણ અને વિકાસ માટે સાનુકૂળ વાતાવરણ ઊભું થશે. ભ્રષ્ટાચારમાં અંકુશ આવવાનો આશાવાદ પણ સેવાઈ રહ્યો છે.

જીઆઈડીસી હેઠળ અત્યારે ર૩૯ જેટલી ઔદ્યોગિક વસાહતોનું સંચાલન છે, અને ઔદ્યોગિક વિકાસ માટે નોડલ સંસ્થા તરીકે કાર્યરત છે. ખાસ વાત એ છે કે પહેલી જાન્યુઆરી-ર૦૧૮ પહેલા થયેલી કેટલીક તબદિલીઓ માટે પણ વિશેષ રાહતનો પ્રત્સાવ છે, જેમાં માર્કેટ વેલ્યુના આધારે થતી સ્ટેમ્પ ડ્યુટીમાં ૮૦ ટકા રાહત અને ર૦ ટકા ડ્યુટી તથા પેનલ્ટી વસૂલ કરવાની દરખાસ્ત છે. પહેલી જાન્યુઆરી-ર૦૧૮ કે તે પછી થયેલી માત્ર તબદિલીઓ માટે પણ આ જ પ્રકારની જોગવાઈ હોય તો જુના-નવા બન્ને પ્રકારના વ્યવહારોને આવરી લેવાનો પ્રયાસ કહી શકાય.

જામનગરમાં પણ જીઆઈડીસીઝ છે અને તેના વર્તુળોમાંથી પણ આ જાહેરાતને લઈને પ્રત્યાઘાતો સામે આવી રહ્યા છે. તે ઉપરાંત હાલાર સહિત સમગ્ર સૌરાષ્ટ્રના પ્રત્યાઘાતો પણ પડઘાઈ રહ્યા છે. કેટલાક જીઆઈડીસીમાં ચાર-પાંચ દાયકાથી ઘણાં એવા પ્લોટ હશે, જે યોગ્ય સ્ટેમ્પ ડ્યુટી ચૂકવ્યા વિના અનેક વખત હસ્તાંતર થયા હશે, જેથી ૮૦ ટકા રાહત મળતા આ તમામ જુના વિવાદોનો અંત આવશે. ગ્લોબલ આધુનિકરણ માટે બેંક લોનનો માર્ગ પણ મોકળો થશે. જામનગરમાં તો મંદી અને કાનૂની અડચણો સામે લડી રહેલા નાના-નાના બ્રાસ યુનિટોને આર્થિક સહાય આપીને પુનર્જિવિત કરવાનો આશાવાદ પણ વ્યક્ત થઈ રહ્યો છે.

જો કે, વિરોધ પક્ષોએ વિધાનસભાનું સત્ર ૯ મી ઓગસ્ટથી શરૂ થવાનું છે, તે પહેલા થયેલી આ જાહેરાતના ટાઈમીંગ સામે સવાલો ઊઠાવ્યા છે. કોંગ્રેસે આ પ્રકારની રાહતોને સરકારની નીતિગત નિષ્ફળતાઓને ઢાકવાનો પ્રયાસ પહેલેથી જ ગણાવતી રહી છે. જ્યારે આમ આદમી પાર્ટી એ પ્રકારની જાહેરાતો માત્ર કાગળ પર રહી જતી હોવાનો આક્ષેપ કરીને આ યોજનાના લાભો કોઈપણ ભ્રષ્ટાચાર વિના સરકારી તંત્રોના હસ્તક્ષેપ વિના સીધો ઉદ્યોગકારોને મળે, તેવી ટકોર કરી છે. આમ આદમી પાર્ટીના નેતાઓના તર્ક મુજબ વર્ષો સુધી રાજ્યના નાના વેેપારીઓ અને એમએસએમઈઝ પેનલ્ટીના ભારે બોજ હેઠળ દબાતા રહ્યા અને મંદી તથા સરકારી તંત્રોની મનસૂફીનો બેવડો માર સહન કરતા હતાં, પરંતુ હવે ચૂંટણી નજીક આવતા સરકારને તેઓની યાદ આવી ગઈ, પરંતુ હજુ પણ તેનો વાસ્તવિક લાભ મળે ત્યારે ખરો...

ટૂંકમાં, રાજ્ય સરકારની આ જાહેરાતને એકંદરે આવકાર મળી રહ્યો છે, પરંતુ તેના અમલીકરણ તથા ટ્રાન્સપરન્ટ (પારદર્શક) પ્રક્રિયાને ઊભી થઈ રહેલી આશંકાઓનું રાજ્ય સરકારે નિવારણ કરવું જોઈએ અને તદ્વિષયક હજુ પણ કેટલાક મુદ્દે નાના વ્યાપારીઓ તથા એમએસએમઈઝનો એક વર્ગ નારાજ હોય કે વધુ રાહત કે સરળતા માંગતો હોય, તો તે સ્વીકારી લઈને રાજ્ય સરકારે એ પૂરવાર કરવું જોઈએ કે આ નિર્ણય હકીકતે વર્ષો જુની તમામ સમસ્યાઓ ઉકેલીને એમએસએમઈઝ તથા પબ્લિકના જાહેર હિતમાં જ લેવાયો છે, અને તેની પાછળ કોઈ પ્રકારની રાજનીતિ નથી.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

સુપ્રિમ કોર્ટમાં કેન્દ્ર સરકારે કરેલું એક એફિડેવિટ અને સીજેપીને પાંચમી સપ્ટેમ્બરે દિલ્હીમાં કૂચ કાઢવાના મુદ્દે સુપ્રિમ કોર્ટે અપનાવેલા વલણ અંગે દેશવ્યાપી પ્રત્યાઘાતો પડી રહ્યા છે, અને કોકરોચ જનતા પાર્ટી સામે કેન્દ્ર સરકારની પીછેહઠના તારણોથી નીકળી રહ્યા છે અને તારણો સમજાવાઈ રહ્યા છે.

બીજી તરફ ચૂંટણી ટાણે જ નીકળતો 'અનામત'નો જીન ગુજરાત વિધાનસભાની ચૂંટણીઓ પહેલા ફરીથી બહાર નીકળ્યો છે, અને સવર્ણોને અનામતની માંગણી સાથે નવી ચળવળના પડઘમ વર્ષ ર૦૧પ ની જેમ ભાજપને ફરીથી ભીડવી શકે, તેવી સ્થિતિનું નિર્માણ થવા જઈ રહ્યું છે.

ગઈકાલે સુપ્રિમ કોર્ટે પાંચમી સપ્ટેમ્બરે દિલ્હીમાં કૂચ કાઢવા પર સ્ટે આપવાનો ઈન્કાર કરીને ઉભય પક્ષોને શાંતિપૂર્ણ રીતે વર્તવાની શીખામણ આપી,અને આ મુદ્દો સંબંધિત એજન્સીઓ પર છોડ્યો, તેને સીજેપી પોતાના એક વધુ વિજય તરીકે જોઈ રહી છે. એક રિટાયર્ડ પોલીસ અધિકારીએ કરેલી અરજી અંગે સુનાવણી દરમિયાન અદાલતે આ પ્રકારે વચલો રસ્તો કાઢવાની તક આપી છે, જો કે ર૦ જુલાઈએ જંતર-મંતર પર થયેલા પ્રદર્શન દરમિયાન ઈજાગ્રસ્ત પોલીસકર્મીઓને પણ વળતર આપવું જોઈએ, અને પબ્લિક મનીમાંથી નિર્મિત થયેલી સરકારી સંપત્તિને થયેલા નુક્સાનની વસૂલાત થવી જોઈએ, તેવી અરજદારની માંગણી હતી. તે દરમિયાન સુનાવણીના એક તબક્કે સુપ્રિમ કોર્ટે કરેલી ટિપ્પણીઓ ગઈકાલથી ટોક ઓફ ધ નેશન બની છે.

દિલ્હીમાં સીજેપીના વિરોધપ્રદર્શનો સાથે જોડાયેલા ૧૩ કેસમાં બંધારણની કલમ-૧૪ર નો ઉપયોગ કરીને એફઆઈઆર રદ્ કરવાની દિલ્હી પોલીસે માંગણી કરી હતી, જેના સંદર્ભે આજે સુપ્રિમ કોર્ટમાં સુનાવણી થઈ રહી છે, જો કે પોલીસે ગુનાહિત ઈતિહાસ ધરાવતા જે લોકો આ પ્રદર્શનમાં જોડાયા હતાં, તેની સામે નવેસરથી એફઆઈઆર નોંધવાની દિલ્હી પોલીસની માંગણી પર સુપ્રિમ કોર્ટના આજના નિર્ણય પર આખા દેશની નજર મંડાયેલી છે. આ ઉપરાંત દિલ્હી પોલીસે ૧૩ એફઆઈઆર પરત ખેંચવાના આ નિર્ણયને વિશેષ કિસ્સો ગણીને ભવિષ્ય માટેનું ઉદાહરણ ન બને, તેવો નિર્ણય આપવાની વિનંતી પણ સુપ્રિમ કોર્ટને કરી હતી. આ પછી આજે સુપ્રિમ કોર્ટના વલણ તથા અંતિમ નિર્ણય પર આખા દેશની નજર મંડાયેલી છે અને ખાસ કરીને સીજેપે અને બીજેપીની આ નિર્ણય પર વિશેષ રીતે નજર છે, તો અન્ય રાજકીય પક્ષો પણ આ મુદ્દો સુપ્રિમ કોર્ટના નિર્ણયની બાજ નજરે રાહ જોઈ રહ્યા છે.

એક તરફ આ મુદ્દે સુપ્રિમ કોર્ટના અંતિમ નિર્ણયની રાહ જોવાઈ રહી હતી, તો બીજી તરફ સીજેપીના આંદોલન સમયના કેટલાક રહસ્યો પણ બહાર આવી રહ્યા હતાં. નીટ પેપરલીકનો મુદ્દો યથાર્થ અને બહોળા જેન-ઝીને સ્પર્શતો હતો, તેમજ સીજેપીએ કોઈ પોલિટિકલ પ્લેટફોર્મ નહીં, પણ શુદ્ધ શિક્ષણક્ષેત્રમાં ચાલતી ગરબડો સામેનું આંદોલન જાહેર કર્યું હતું, તથા તેને દેશવ્યાપી સમર્થન મળ્યું હતું. તે પછી સીજેપી સામેે રાજ્ય સરકારોમાં સત્તાધારી પાર્ટી કોણ છે, તે જોઈને આંદોલન તથા શિક્ષણ ક્ષેત્રના પ્રશ્નો ઊઠાવવાનો આરોપ લાગી રહ્યો છે. એટલું જ નહીં, પેપરલીકનો મુદ્દો માત્ર કેન્દ્ર સરકા+રને જ સ્પર્શતો હોવાથી કેન્દ્ર સરકારના શિક્ષણમંત્રીનું રાજીનામું માંગવાની જીદ્ ઝારખંડના કેસમાં નહીં દેખાતા જેન-ઝી નો મોટો વર્ગ ખસકી ગયો હોવાની વાતો થઈ રહી છે, તેથી પાંચમી સપ્ટેમ્બરની દિલ્હીની સૂચિત માર્ચ સીજેપી અને બીજેપીની સરકાર બન્ને માટે પ્રતિષ્ઠાનો પ્રશ્ન બની ગઈ હોય તેમ જણાય છે.

એવું કહેવાય છે કે, સીજેપી પંજાબ વિધાનસભાની આગામી ચૂંટણીઓમાં ખૂલ્લેઆમ આમ આદમી પાર્ટી (આપ) નું સમર્થન કરી શકે તેમ હોવાથી સીજેપીની વધતી જતી પોલિટિકલ સ્ટ્રેન્થ (રાજકીય તાકાત) ભાજપ કરતા યે વધુ કોંગ્રેસને નડે તેમ હોવાથી પંજાબ કોંગ્રેસ આ મુદ્દે ફૂંકી ફૂંકીને કદમ ભરી રહી છે, જ્યારે રાષ્ટ્રીય કક્ષાએ રાહુલ ગાંધી સીજેપીનું નહીં, પણ વિદ્યાર્થીઓનું સમર્થન કરતા હોવાની છાપ ઊભી કરવા સીજેપીથી અલગ વિદ્યાર્થી આંદોલન ચલાવવા એનએસયુઆઈને વધુને વધુ સક્રિય કરી રહી છે. જે હોય તે ખરૃં, પરંતુ યુવાવર્ગની સંગઠન શક્તિએ બધા જ રાજકીય પક્ષો તથા ઘમંડી નેતાઓને વિચારતા તો કરી જ દીધા છે.

આ તરફ આવતા વર્ષે વર્ષ ર૦ર૭ અંતે ગુજરાત વિધાનસભાની ચૂંટણી થનાર હોવાથી ગુજરાત સરકાર અને વિપક્ષો પાસે હવે સવા વર્ષ જેટલો જ સમય છે, તેથી ગુજરાતમાં પણ ચૂંટણીલક્ષી જણાય, તેવી હિલચાલ થઈ રહી છે. ગુજરાતમાં આ વખતે આમ આદમી પાર્ટી પણ પૂરેપૂરી તાકાતથી ઝંપલાવે તેવી શક્યતા હોવાથી કોંગ્રેસે પણ વધુ મહેનત કરવી પડે તેમ છે.

ગુજરાત વિધાનસભાનું સત્ર વડાપ્રધાન નરેન્દ્ર મોદીની ગુજરાતની મુલાકાત પછી તા. ૯ થી ૧૧ સપ્ટેમ્બર સુધી મળવાનું છે, ત્યારે વિધાનસભામાં પણ આ વખતે કોંગ્રેસ અને આમ આદમી પાર્ટી વિવિધ મુદ્દે રાજ્ય સરકારને ઘેરવાનો પ્રયત્ન કરશે. દ્વારકા જિલ્લાના ખંભાળિયામાં આમ આદમી પાર્ટીના પ્રદેશ પ્રમુખના ધરણાંના પડઘા પણ ગૃહમાં પડશે, તો રાહુલ ગાંધીની છાત્રોની ગૂંજ પણ વિધાનસભાથી સંસદ સુધી પડઘાતી રહેશે, જે આગામી સમયમાં આવી રહેલી ગુજરાત સહિતની કેટલીક વિધાનસભાની ચૂંટણીઓના સંદર્ભે પ્રથમ કદમ હશે. બીજી તરફ રાજ્ય સરકાર પણ આ વખતે લોક-લુભાવન જાહેરાતો કરી શકે છે. ગુજરાત કોંગ્રેસનું નવું માળખું રચવાનો લેવાઈ રહેલો હાઈકમાન્ડનો નિર્ણય પણ આગામી ચૂંટણીલક્ષી કદમ જ હશે. કોંગ્રેસ પણ ચૂંટણીની રણનીતિ ગુપચુપ ગોઠવી રહી છે.

ગુજરાતમાં બિનઅનામત અને સવર્ણ વર્ગના અધિકારો માટે 'સવર્ણ એક્તા મંચ'ના નેજા હેઠળ આકાર લઈ રહેલ આંદોલનનું નેતૃત્વ મોટાભાગના વર્ષ ર૦૧પ ના પાટીદાર આંદોલનના કન્વીનરો કરી રહ્યા છે, અને સ્થાનિક સ્વરાજ્યની ચૂંટણીઓમાં સવર્ણોને ૧૦ ટકા અનામત, બિનઅનામત આયોગના ચેરમેનની નિમણૂક, યુજીસી અને નોકરીઓમાં બિન-અનામત વર્ગોના હક્કોનું રક્ષણ વગેરે મુદ્દે રાજ્ય સરકારને ૧૦ દિવસનું અલ્ટિમેટમ અપાયું છે અને માંગણીઓ નહીં સંતોષાય તો તાળાબંધી તથા રાજ્યવ્યાપી આંદોલનની ચિમકી આપી છે, જે ઘણી જ સૂચક છે, અને આગામી ચૂંટણીઓમાં ત્રણેય મુખ્ય રાજકીય પક્ષો સામે નવો પડકાર ઊભો કરી શકે તેવી ચેલેન્જ છે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

દુનિયાની સૌથી મોટી લોકશાહી વ્ય્વસ્થા ભારતમાં છે, અને સૌથી જુની લોકતાંત્રિક વ્ય્વસ્થા યુનાઈટેડ સ્ટેટ્સ ઓફ અમેરિકામાં છે. ભારતના ત્રણ પડોશી દેશોમાં એવા લોકતંત્રો છે, જ્યાં અવારનવાર વિદ્રોહો થતા રહ્યા છે, તે પૈકી પાકિસ્તાન ભારત સાથે જ આઝાદ થયું છે.

તાજેતરમાં બાંગલદેશ પછી નેપાળમાં જેન-ઝી આંદોલનએ સરકારોનો તખ્તો પલટી નાંખ્યા પછી વિશ્વભરમાં જેન-ઝી ની તાકાતની ચર્ચા થઈ રહી છે અને તેને ભારતમાં કોકરોચ જનતા પાર્ટી નામના ઓનલાઈન વિદ્યાર્થી સંગઠનના આંદોલન સામે ઝુકીને કેન્દ્રના શિક્ષણમંત્રીનું રાજીનામું કેન્દ્ર સરકારે લેવું પડ્યું, તે ઘટનાક્રમ પછી વધુ વેગ મળ્યો છે. લોકતંત્રમાં લોકોનો અવાજ એક સીમા સુધી તો દબાવી શકાય છે, પરંતુ જ્યારે યુવાવર્ગ સડકો પર ઉતરે અને અસંતોષ જનાક્રોશમાં ફેરવાય જાય, ત્યારે ક્રાંતિઓ થતી હોય છે, જેના ઘણાં ઉદારહણો દેશ-દુનિયામાં મોજુદ છે.

ગઈકાલે દેશની રાજધાની દિલ્હીમાં દિલ્હી લો યુનિવર્સિટીમાં યોજાયેલા પદવીદાન સમારોહમાં સુપ્રિમ કોર્ટના જસ્ટિસ ભુયાનને આમંત્રિત કરાયા હતાં. આ સમારોહને સંબોધન કરતા ન્યાયવિદ્ે કહ્યું હતું કે સવાલો પૂછવા તે લિબર્ટી, સિટીઝનશીપ (નાગરિક્તા) અને બંધારણીય જવાબદારીઓનો હિસ્સો છે. આ હિસ્સો અત્યંત મહત્ત્વપૂર્ણ છે, તેથી સવાલો પૂછવા કે સરકારથી અલગ અભિપ્રાય ધરાવવો કે વિચાર વ્યક્ત કરવો એ જરૂરી પ્રક્રિયા છે, અને આ પ્રકારે અલગ વિચાર ધરાવવા, અભિપ્રાયો આપવા કે સવાલો પૂછવા બદલ વિદ્યાર્થીઓ સામે કોઈપણ પ્રકારની કાર્યવાહી કરવી, એ ગેરબંધારણીય છે. સવાલો પૂછવા બદલ વિદ્યાર્થીઓને ધમકાવી ન શકાય. સવાલો પૂછવા એ આજ્ઞાનું ઉલ્લંઘન ના ગણાય, અને વિદ્યાર્થીઓને ડરાવવા-ધમકાવવામાં આવે, તો તે સત્તાનો દુરૂપયોગ ગણાય. બંધારણીય લોકતંત્રમાં સત્તામાં બેઠેઠલા લોકોએ નાગરિકોનો અવાજ સાંભળવો જ પડે. આપણું શિક્ષણ અને દર્શનશાસ્ત્ર સહિષ્ણુતા શીખવે છે, અને આપણા બંધારણમાં પણ એવી જ જોગવાઈઓ છે. સહિષ્ણુતા એ બંધારણીય મૂલ્ય છે, લોકો એક સરખી ભાષા બોલે અને એકસરખા વિચારો વ્યક્ત કરે, ત્યારે નહીં, પણ લોકો અલગ-અલગ વિચારો વ્યક્ત કરે, અને તેનું સન્માન સાથે સ્વાગત થાય, ત્યારે જ લોકતંત્ર વધુ અર્થપૂર્ણ અને મજબૂત બને છે. ગાંધી અને બુદ્ધની ધરતી (ભારત) માં અસહિષ્ણુ વિચારધારાને કોઈ સ્થાન ના હોઈ શકે. આપણા બંધારણમાં લોકોના બોલવા, વિચારવા અને અલગ-અલગ વિચારો વ્યક્ત કરવાની સ્વતંત્રતા છે, અને તેનું રક્ષણ કરવાની તાકાત છે, વગેરે પ્રકારના જિસ્ટસ ભૂયાનના નિવેદનની આજે દેશવ્યાપી અને સકારાત્મક ચર્ચા થઈ રહી છે.

બીજી તરફ પડોશી દેશ પાકિસ્તાન પણ એક પ્રકારે જનાદેશ, અસંતોષ તથા બાંગલાદેશની ૧૯૭૧ ની ક્રાંતિ જેવી સ્થિતિમાં સળગી રહ્યો છે. પાકિસ્તાનના બુલુચિસ્તાને તો પોતાને સ્વતંત્ર દેશ જાહેર કરીને તેઓ અલગ સ્વતંત્ર રાષ્ટ્ર તરીકેનો વાવટો ફરકાવી દીધો છે, તો છેલ્લા કેટલાક સમયથી પી.ઓ.કે.માં પણ લોકો સડકો પર ઉતરી પડ્યા છે, અને પાકિસ્તાનથી અલગ થવાની માંગણી બળવતર બની રહી છે. આ બન્ને સ્થળે એટલે બલુચિસ્તાન અને પાકિસ્તાન અધિકૃત કાશ્મીર (પીઓકે) માં પાકિસ્તાનની મુનીર સેના લોકો પર અત્યાચાર અને દમન કરી રહી છે, એની નોંધ હવે આંતરરાષ્ટ્રીય કક્ષાની માનવતાવાદી સંસ્થાઓ, યુનોનો માનવાધિકાર વિભાગ તથા દુનિયાના દેશોએ પણ લીધી છે.

પાકિસ્તાનમાં બલુચિસ્તાન, પી.ઓ.કે.માં તો જનબળવો થઈ જ ચૂક્યો છે અને હવે સિંધ પ્રાન્તના લોકોએ પણ પાકિસ્તાન સામે બ્યુગલ ફૂંકતા પાકિસ્તાનના ટૂકડે-ટૂકડા થઈ જાય, તેવી સ્થિતિ ઊભી થઈ રહી છે. બલુચિસ્તાન, ખૈમર પખ્તુનખ્વા, પી.ઓ.કે. અને હવે સિંધ પણ પાકિસ્તાન સામે સડકો પર ઉતર્યું છે. સિંઘમાં સેનાનું દમન, નવા પ્રાન્તની દરખાસ્ત અને સિંઘમાં નવા જાયન્ટ પ્રોજેક્ટોની દરખાસ્તો સામે ઉગ્ર જનાક્રોશ ફાટી નીકળ્યો છે અને આ જનક્રાંતિમાં ત્યાંના જેન-ઝીનો સિંહફાળો છે. એવું પણ કહી શકાય કે અત્યારે પાકિસ્તાનની કઠપૂતળી સરકાર અને તાનાશાહી વલણ ધરાવતી સેના ત્યાંના બંજાબ પ્રાન્તમાંથી પણ વિરોધના સૂરો ઊઠવા લાગ્યા હોય તો તે પાકિસ્તાન માટે સારા સંકેતો નથી અને જો ત્યાંનું જેન-ઝી (યુવાવર્ગ) વિસ્ફરશે તો તખ્તાપલટ થતા વાર નહીં લાગે.

બીજા દેશોમાં જ્યારે જ્યારે જેન-ઝી કે જનઆંદોલનોના કારણે સત્તા-પરિવર્તનો થયા છે, ત્યારે ત્યારે ત્યાંની સેનાનો આ આંદોલનોને સરમુખત્યારશાહી, અન્યાય અને અત્યાચારની વિરૂદ્ધમાં પ્રત્યક્ષ કે પરોક્ષ સહયોગ મળ્યો છે, તો કેટલાક સ્થળે સૈન્ય બળવા પછી પુનઃ લોકતાંત્રિક વ્યવસ્થા સંધાઈ છે, પરંતુ પાકિસ્તાનમાં તેનાથી વિપરીત સ્થિતિ છે. પાકિસ્તાનમાં લોકશાહી સ્થપાયા પછી, સૈન્ય બળવાઓ પછી કાં તો સૈન્ય તાનાશાહોનું સૈન્ય ....... રહ્યું છે, અથવા તો ચૂંટણીઓ પછી સ્થાપિત સરકારોને પાકિસ્તાનની સેના તથા આઈએસઆઈના ઈશારે નાચીને કઠપૂતળી સરકાર બનવું પડ્યું છે. પાકિસ્તાનમાં હંમેશાં લોકોનો અવાજ દબાવી દેવા માટે ત્યાંની સેનાએ અત્યાચારો કર્યા છે, અથવા કટ્ટર ધર્માંધતા ફેલાવીને સત્તા જાળવી રાખવાના પ્રયાસો ત્યાંની સરકારો તથા સેના દ્વારા થતા રહ્યા છે. આ કારણે ત્યાંની મોટાભાગની જનતા હવે 'અભાસી' લોકતાંત્રિક વ્યવસ્થા સ્થપાય, તેવી માંગણીઓ અર્થે સડકો પર ઉતરી રહી છે, જ્યારે કેટલાક સ્થળે તો ભારત સાથે ભળી જવાની માંગણી પણ ઊઠી રહી છે, જેને યુવાવર્ગનો પ્રચંડ ટેકો સાંપડી રહ્યો છે.

અમેરિકામાં પણ હવે જેન-ઝી વર્ગોએ અવાજ ઊઠાવવાની શરૂઆત કરી દીધી છે. ટ્રમ્પના ટેરિફઆતંક પછી ઈરાન સાથે યુદ્ધની નીતિ સામે અમેરિકામાં પ્રચંડ જનાક્રોશ પનપી રહ્યો છે. અફઘાનિસ્તાન પછી હવે અમેરિકા ઈરાકમાંથી પણ પોતાની સેનાઓ પાછી ખેંચીને ત્યાંની સરકારને આર્થિક સહાયમાં ઘટાડો કરવાની તૈયારીમાં છે અને ખાડીના મિત્ર દેશો પર ઈરાને કરેલા હુમલાઓ સામે અમેરિકા સુરક્ષા કરી શક્યું નહીં હોવાથી અમેરિકાની વિશ્વસનિયતા ઘટી ગઈ છે. ટ્રમ્પની નીતિઓ તથા તરંગી નિર્ણયો સામે અમેરિકામાં પનપી રહેલો જનાક્રોશ પણ હવે પરાકાષ્ટાએ પહોંચ્યો છે. પોતાને વિશ્વની સર્વશક્તિમાન મહાસત્તાના રાષ્ટ્રપતિ જણાવતા રહેતા ડોનાલ્ડ ટ્રમ્પના પૌત્રને પણ જાહેરમાં બહાર નીકળવામાં બીક લાગતી હોય તો તેની સામે આંતરિક સવાલો ઊઠે એ સ્વાભાવિક છે અને વિશ્વની સૌથી જુની લોકશાહી વ્યવસ્થા પર તૂંડમિજાજી તાનાશાહ લોકતંત્રનો નકાબ પહેરીને શાસન કરી રહ્યા છે, તેની સામે ત્યાંના જેન-ઝીમાં પણ અસંતોષનો ચરૂ ઉકળી રહ્યો છે, ત્યારે વિદ્યાર્થીઓ કે વિરોધીઓનો અવાજ દબાવી દેવાના બદલે જેન-ઝીને હાળવાશથી લેવાના બદલે તેની સામે ઝુંકવામાં જ શાણપણ છે...

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

હમણાંથી છેતરપિંડીના કિસ્સા વધી રહ્યા છે. આમ તો મહાભારતકાળના શકુનિમામાના જુગારિયા દાવપેચથી લઈને પ્રવર્તમાનકાળના શકુનિઓ સુધીના ધૂર્ત ચાલબાજો ધોખેબાજી અને છેતરપિંડી સુધીના કારનામા કરતા જ રહે છે, પરંતુ હવે તો ઓનલાઈન ફ્રોડના કિસ્સાઓ વધી રહ્યા હોવાથી સાયબર ક્રાઈમ અંગેના સ્પેશ્યલ સેલ ઊભા કરવામાં આવી રહ્યા છે, વિશેષ તાલીમો અપાઈ રહી છે અને હવે તો કાનૂની તથા ન્યાયતંત્રના ક્ષેત્રે પણ સાયબર નિષ્ણાતોની એડવાઈઝ લેવી પડી રહી છે. સાયબર ક્રાઈમની એટલી બધી ફરિયાદો વધી રહી છે કે હવે ફાસ્ટ ટ્રેક અદાલતો, સીબીઆઈ કોર્ટ, એનઆઈએ કોર્ટ તથા ફેમિલી કોર્ટની જેમ અલાયદી સાયબર કોર્ટસ ઊભી કરવી પડે, અને તેમાં તાલીમબદ્ધ સાયબર નિષ્ણાત વકીલો તથા ન્યાયવિદેની વ્યવસ્થા કરવી પડે, તેવી સ્થિતિ ઝડપભેર ઊભી થઈ રહી હોય તેમ જણાય છે, કારણ કે જો એલઆઈસીના રિટાયર્ડ ઓફિસરને પાંચ મહિના સુધી કોર્ટ કાર્યવાહીના નામે ડિજિટલ એરેસ્ટ કરાયા હોય તો તે ઘણી જ ગંભીર ઘટના ગણાય.

ઠગબાજોને કોઈ શેહ-શરમ કે સીમા હોતી નથી, કે કોઈ ચોક્કસ ક્ષેત્ર હોતું નથી, કોઈ ચોક્કસ સિસ્ટમ કે રોડમેપ હોતો નથી. કોઈ ઠગે એલ્યુમિનિયમના ભંગારની આપેલી અડવાઈઝ જોઈને રસ દાખવતા આસામી સાથે આરટીજીએસથી રૂા. પોણા પચ્ચીસ લાખની ઠગાઈની ફરિયાદ થઈ હોય, ટપાલ કચેરીમાં રૂા. ૬૮ લાખની લેવડ-દેવડમાં ગરબડની રાવ હોય, ટ્રાન્સપોર્ટ કંપનીના કર્મચારી દ્વારા સવાત્રણ લાખની ઉચાપત અથવા છેતરપિંડી હોય, લાંબા અને કલ્યાણપુરમાં સોનાના ઘરેણાં ચમકતા કરી દેવાના નામે થયેલી છેતરપિંડી હોય, કે સુપ્રસિદ્ધ યાત્રાધામ દ્વારકાના જગતમંદિર પર ધ્વજારોહણના નામે એક લાખ રૂપિયાથી વધુની છેતરપિંડી હોય, આ તમામ અલગ અલગ પ્રકારની હાલાર પંથકમાં થયેલી છેતરપિંડી (ઠગાઈ), ઉચાપત, ગેરરીતિ કે દગાબાજી જોતા એવું લાગે કે આ દુનિયામાં હવે કોઈનો યે ભરોસો કરવા જેવો નથી. ખાસ કરીને ઓનલાઈન વ્યવહારો તથા બેન્કીંગ વ્યવહારોમાં ઘણું જ સાવધ રહેવા જેવું છે, જ્યારે વર્ષોથી કામ કરતા કેટલાક કર્મચારીઓ ઉંદરની જેમ ફૂંકી ફૂંકીને કોતરી ખાતા તો નથી ને? તે અંગે પણ સતત સતર્ક રહેવા જેવું છે. તે ઉપરાંત જામનગર-અમદાવાદના બિલ્ડર સાથે થયેલો કહેવાતો વિશ્વાસઘાત પણ એક પ્રકારની છેતરપિંડી જ છે, જેમાં આત્મહત્યા માટે દુસ્પ્રેરણાની ફરિયાદ નોંધાવાઈ હોવાના અહેવાલો છે.

ગુજરાતમાં ઓપરેશન મ્યુલ હન્ટ-ર.૦ ચાલી રહ્યું છે, અને હેલ્પલાઈન તથા એનસીઆરટી દ્વારા વખતોવખત સાયબર ક્રાઈમના સંદર્ભે થઈ રહેલી કાર્યવાહીની વિગતો તથા આંકડાઓ પણ જાહેર કરવામાં આવ્યા હોય છે. જો એક વર્ષમાં રાજ્યમાં સાયબર ફ્રોડની એક લાખથી વધુ ફરિયાદો થતી હોય, રપ હજારથી વધુ ઓટીપી ફ્રોડ થતા હોય, ઓનલાઈન શોપિંગ ફ્રોડના ૧પ હજારથી વધુ કિસ્સા નોંધાતા હોય, રોકાણ અને શેરબજારને સંબંધિત સાત હજારથી વધુ સ્કેમ થયા હોય અને ર૧ હજાર જેટલા નકલી ઓળખના કિસ્સા બન્યા હોય, તો એવું કહી શકાય કે હવે ડિજિટલ અને ઓનલાઈન નાણાકીય વ્યવહારો નહીં, પરંતુ કોઈપણ પ્રકારના આર્થિક-બેન્કીંગ તથા માર્કેટીંગ-શોપિંગના વ્યવહારોમાં પણ ઘણું જ સતર્ક રહેવા જેવું છે. માત્ર સાયબર ફ્રોડ જ નહીં, ડિજિટલ એરેસ્ટ, બ્લેકમેઈલીંગ, ન્યૂડ વીડિયો કોલ સ્કેમ, એસ્કોર્ટ ફ્રોડ જેવા અપરાધિક બનાવો પણ વધી રહ્યા છે. અત્યારે મોબાઈલ એપ્સ તથા મોબાઈલ સેલફોનના માધ્યમથી થતા વ્યવહારોમાં પણ ઘણું જ સાવધ રહેવા જેવું છે.

એનસીઆરટી સહિતના કેટલાક એકમો-સરકારી વિભાગોના અધિકારીઓને ટાંકીને વિવિધ વિશ્લેષણો થતા રહે છે, તો વર્ષ ર૦રપ માં દેશમાં સાયબર ક્રાઈમના ર૮ લાખથી વધુ ગુન્હા નોંધાયા હોય, સાયબર છેતરપિંડીના કેસોમાં ભોગ બનનારાઓને રૂા. રર હજાર કરોડથી વધુ રકમનું નુક્સાન થયું હોય, અને વર્ષ ર૦ર૧ થી ર૦રપ દરમિયાન રૂા. પપ હજાર કરોડથી વધુની છેતરપિંડી થઈ ચૂકી હોય, તો એવું કહી શકાય કે સાયબર ક્રાઈમનો વ્યાપ એટલો વધી રહ્યો છે કે, કેન્દ્રિય ગૃહવિભાગમાં આ અંગે એક અલાયદે પેટા વિભાગ ખોલવો પડે તેમ છે. વર્ષ ર૦રપ માં થયેલા નાણાકીય નુક્સાનના ૭પ ટકાથી વધુ હિસ્સો શેરબજાર તથા નકલી ઈન્વેસ્ટમેન્ટ ફ્રોડનો હોય તો એ નક્કી છે કે લોકો લોભ, લાલચ તથા સોર્ટકટથી વધુ નાણા મેળવવાની લ્હાયમાં વધુ પ્રમાણમાં છેતરાઈ રહ્યા છે. સૌથી ચિંતાજનક બાબત એ છે કે ડિજિટલ એરેસ્ટ અને ફરિયાદ કૌભાંડોની ટકાવારી ૧૬ ટકાથી વધુ છે. વીમાક્ષેત્રના કૌભાંડો તથા ટેલિકોમ કૌભાંડોની ટકાવારી પણ ૧૧ થી ૧પ ટકા વચ્ચે છે. વર્ષ ર૦રપ ના એક લાખથી વધુ સિનિયર સિટીઝનોએ સાયબર ફ્રોડમાં રૂા. ચાર હજાર કરોડથી વધુ રકમ ગુમાવી હોય, તો તે નાની સુની વાત નથી, બલ્કે ઘણી જ ગંભીર બાબત છે, જેને કોઈપણ સંજોગોમાં હળવાશથી લઈ શકાય તેમ નથી. જો મહિલાઓ સાથે સાયબર છેતરપિંડીના સાડાચાર લાખથી વધુ ગુન્હા દેશમાં નોંધાયા હોય અને કુલ સાડાત્રણ હજાર કરોડથી વધુ રકમની ઠગાઈ થઈ હોય, તો તે પણ ઘણી જ ગંભીર બાબત જ ગણાય.

જો કે, વર્ષ ર૦ર૬ ના પ્રથમ ૬ મહિના દરમિયાન સિટિઝન ફાયનાન્સિયલ સાયબર ફ્રોડ રિપોર્ટીંગ એન્ડ મેનેજમેન્ટ સિસ્ટમ હેઠળ ૧૧ હજાર કરોડથી વધુ રકમના ઠગોના એકાઉન્ટ બ્લોક કરી દેવાયા હોવાનો દાવો કરાયો છે, અને લાખો સીમકાર્ડ બ્લોક કરવા જેવા કદમ ઊઠાવાયા હોય, તો પણ હજુ ઘણું કરવાનું બાકી છે અને અદ્યતન ટેકનોલોજીના ઈન્ટરનેટ યુગમાં સાયબર ક્રાઈમને અટકાવવા માટે માત્ર રૂા. ૭૮ર કરોડ કેન્દ્ર સરકારે બજેટમાં ફાળવ્યા હોય તો તે ઘણાં જ ઓછા/અપૂરતા જ ગણાય...

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

આજે ભાઈ-બહેનના પવિત્ર પ્રેમનું પ્રતીક રક્ષાબંધન છે. આજે શ્રાવણી પૂર્ણિમા હોવાથી આ દિવસ અન્ય વિવિધ સંદર્ભે પણ પાવન અને મહત્ત્વપૂર્ણ છે. આજે બહેનો ભાઈને રાખડી બાંધીને તેમની સુરક્ષા અને સારા સ્વાસ્થ્ય, દિર્ઘાયુની પ્રાર્થના સાથે આશીર્વાદ આપે છે, તો ભાઈ પણ ભેટ-બક્ષીસ સાથે બહેનની આજીવન રક્ષા કરવાનું વચન આપે છે. ભૂદેવો પણ યજમાનોને રાખડી બાંધીને આશીર્વાદ આપે છે, વેપારીઓ વજનકાંટા, સિપાઈઓ શસ્ત્રો અને ઉદ્યોગપતિઓ-વ્યાપારી પેઢીઓ દ્વારા યંત્રો તથા લેપટોપ કે કોમ્પ્યુટર સમક્ષ રાખડી પધરાવીને ધંધા-રોજગાર-વ્યવસ્થા-ઉદ્યોગ માટે રક્ષા કવચની પ્રાર્થના કરે છે. આજે રંગબેરંગી અને વિવિધ ડિઝાઈનની રાખડીઓ બાંધીને ભાઈઓ એક અલગ જ પ્રકારની અનુભૂતિ કરતા હોય છે. આજે વડાપ્રધાન, મુખ્યમંત્રીઓ તથા મંત્રી-મહોદ્યો સહિતના નેતાઓ પણ ભગિનિઓ તથા જનતામાંથી રાખડી બાંધવા આવતી બહેનો પાસે રાખડી બંધાવે છે. ધર્મગુરુઓ આજના પાવનપર્વે અનુયાયીઓ, ભાઈ-બહેનો તથા જનતા-જનાર્દનને આશીર્વાદ પાઠવે છે. પ્રેસ-મીડિયા, સોશિયલ મીડિયા તથા ટપાલ-કુરિયરથી શુભેચ્છા તથા આશીર્વાદના સંદેશાઓનો આજે જાણે ધોધ વહી રહ્યો છે.

જામનગર સહિત રાજ્યભરમાં યોજાયેલા રાખીમેળાઓ, હસ્તશિલ્પ સેવાઓ, સખીમંડળ-સખીમેળાઓ સહિતના કાર્યક્રમોના માધ્યમથી સ્થાનિક મહિલાઓએ બનાવેલી રાખડીઓ, ગૃહઉદ્યોગ હેઠળ બનાવાયેલા વ્યંજનો, ખાદ્યસામગ્રીઓ, પેઈન્ટીંગ અને અન્ય કલાકૃતિઓના લગાવાયેલા સ્ટોલ્સ પરથી બહોળા પ્રમાણમાં લોકો ખરીદી કરી રહ્યા છે, જેના કારણે લોકોને શુદ્ધ અને ગુણવત્તાસભર ચીજવસ્તુઓ તથા રંગબેરંગી, કલાત્મક અને આકર્ષક હાથબનાવટની રાખડીઓ વાજબી ભાવે મળે છે, તો હજારો બહેનોને સ્વરોજગારીની વિપુલ તકો મળી રહી છે. આ કોન્સેપ્ટ હેઠળ ગુજરાતમાં દાયકાઓથી ચાલતી મહિલા સંસ્થાઓ તથા સ્થાનિક સ્વરાજ્યની સંસ્થાઓનો ભરપૂર સહયોગ મળે છે, જે આવકારદાયક છે.

જામનગરમાં આ વખતે સિટીબસોમાં રક્ષાબંધન સંદર્ભે બહેનોને આજે ફ્રી મુસાફરીનો લાભ અપાયો છે, તો ગુજરાતના સુરત, વડોદરા, અમદાવાદ, રાજકોટ, ભાવનગર, ગાંધીનગર, ભરૂચ, બોટાદ, મહેસાણા, પોરબંદર, જૂનાગઢ સહિતના અન્ય શહેરોમાં પણ સિટીબસ સેવા મહિલાઓ માટે નિઃશુલ્ક છે. રક્ષાબંધન પર્વે બહેનો પોતાના ભાઈઓને રક્ષાબંધન માટે આરામથી જઈને પરત આવી શકે તે માટે આ પ્રકારની સેવા પણ ભાઈ-બહેનોના પાવન પ્રેમના પ્રતીક સમા આ તહેવારની ઉજવણીને ઓર આભા આપે છે. ગુજરાત એસ.ટી. દ્વારા રક્ષાબંધન પર્વે મોટી સંખ્યામાં એકસ્ટ્રા બસો દોડાવી છે, છતાં આજે એસ.ટી. બસો ઉપરાંત ખાનગી ટ્રાવેલ્સની બસોમાં પણ ભરચક્ક ટ્રાફિક જોવા મળી રહ્યો છે. આ વર્ષે વરસાદ ખેંચાયો હોવાથી ચિંતાજનક અને દ્વિઘાજનક સ્થિતિ છતાં લોકો રક્ષાબંધન પર્વની જે રીતે ધામધૂમથી ઉજવણી કરી રહ્યા છે, તે આપણી પારંપરિક સંસ્કૃતિ તથા પડકારો વચ્ચે પણ પરંપરા નિભાવીને તહેવારોની ઉજવણી કરવાની આપણી ક્ષમતા દર્શાવે છે.

રક્ષાબંધન સાથે શ્રાવણી પૂર્ણિમાના દિવસે અન્ય કેટલાક મહાત્માઓ પણ સંકળાયેલા છે. દરિયાકાંઠાના વિસ્તારોમાં આજે નાળિયેરી પૂર્ણિમા ઉજવાઈ રહી છે. ચોમાસાના વેકેશન પછી દરિયો ખેડવાના પુનઃ પ્રારંભ પેલા સાગરખેડુઓ દરિયાદેવને નાળિયેર અર્પણ કરે છે. ઘણાં સ્થળે આ દિવસે ગાયત્રી પ્રાગટ્યોત્સવ પણ ઉજવાય છે. મધ્યભારતના કેટલાક રાજ્યોમાં આ દિવસે ખેડૂતો કાજરી પૂર્ણિમા પણ ઉજવે છે, અને ખેતી ઉત્પાદન સારૂ થાય તે માટે કાજરીમાતાજીની વિશેષ પૂજા-અર્ચના કરે છે.

રક્ષાબંધન પર્વે જનોઈધારી લોકો યજ્ઞોપવિત સંસ્કારો મુજબ વિધિવત રીતે જનોઈ બદલવાની વિધિ કરે છે. ગુજરાતમાં મોટાભાગે ગઈકાલે આ વિધિ સંપન્ન થઈ છે. ભૂદેવો, લોહાણા સમાજ તથા અન્ય જે જ્ઞાતિ, સમાજો યક્ષોપવિત સંસ્કાર હેઠળ જનોઈ ધારણ કરે છે તેઓએ ગઈકાલે આ વિધિ સંપન્ન કરી છે, જ્યારે કેટલાક જનોઈધારી લોકોએ આ વિધિ આજે સવારે સંપન્ન કરી છે.

દક્ષિણ ભારતમાં યજ્ઞોપવિત સંસ્કાર હેઠળ જનોઈ બદલવાના તહેવારને શ્રાવણી ઉપાકર્મ અથવા ઋષિતર્પણ તરીકે ઓળખવામાં આવે છે, જ્યારે તમિલાનાડુ, કેરળ જેવા રાજ્યોમાં આ તહેવારને અવણી અવિત્તમ્ તરીકે ઓળખવામાં આવે છે. એક કથા મુજબ મહાદાની બલિરાજાને રક્ષાસૂત્ર બાંધવામાં આવ્યું હતું, ત્યારથી ભૂદેવો દ્વારા યજમાનોને રક્ષાસૂત્રના સ્વરૂપમાં રાખડી બાંધવાની પરંપરા શરૂ થઈ હતી. મહાભારતના યુદ્ધમાં કૂંતાજીએ અભિમન્યુને રક્ષાસૂત્ર (રાખડી) બાંધી હતી, તેથી ૬ કોઠા જીત્યો, પણ સાતમા ચક્રવ્યૂહ સમયે આ રક્ષાસૂત્ર છૂટી ગયું હોવાની પણ માન્યતા છે. મહાભારતની આ કથાના આધારે જ નવરાત્રિ દરમિયાન રાસ-ગરબા વચ્ચે 'કૂંતાજી, બાંધે અભિમન્યુ ને રાખડી રે...'નો ગરબો ગવાય છે અને શૌર્યરાસ પણ ગવાય છે. અભિમન્યુએ સાતમા કોઠાના યુદ્ધ સમયે પોતાના હાથ પર કૂંતાજીએ બાંધેલી રાખડીને તલવાર સાથે બાંધી અને તેને ઉંદરે તોડી હોવાની એક કૃષ્ણલીલા પણ પ્રચલિત છે.

આ બધા મહાત્માઓના કારણે રક્ષાબંધનનો તહેવાર બહુરંગી અને બહુહેતુક બની જાય છે, અને બીજી દૃષ્ટિએ આજથી જ શ્રાવણિયા મેળાઓ, જન્માષ્ટમીના તહેવારો તથા તે પછી ગણેશોત્સવ, નવરાત્રિ અને દિવાળીના તહેવારોની શ્રેણીની શરૂઆત થઈ જાય છે.

આજે રક્ષાબંધનના પવિત્ર દિને બધી જ બહેનો સ્વસ્થ, સુરક્ષિત અને સર્વે પ્રકારની સુખ-સુવિધાઓથી સજ્જ રહે અને બધા જ ભાઈઓ પણ સુખ-શાંતિ, સમૃદ્ધિ અને સારા સ્વાસ્થ્ય સાથે બહેનોની જેમ જ દીર્ઘાયુ બને, તેવું ઈચ્છીએ...

'નોબત' પરિવાર અને માધવાણી પરિવાર સર્વે પ્રિય વાચકો, વિજ્ઞાપનદાતાઓ, ગ્રાહકો, વિતરકો તથા તમામ ભાઈ-બહેનોને રક્ષાબંધન પર્વની હૃદયપૂર્વક શુભકામનાઓ પાઠવે છે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

પ. બંગાળમાં મમતા બેનર્જી હારી ગઈ, અને ભારતીય જનતા પાર્ટીની સરકાર રચાઈ ગઈ. હવે એક બંધારણીય પ્રશ્ન ઊભો થયો છે. એસઆઈઆરમાં જે નામો રદ્ થયા છે, તે પૈકી ટ્રિબ્યુનલમાં જે નામો યોગ્ય ઠરે, તેની સંખ્યા સંબંધિત વિધાનસભા બેઠકમાં પ્રતિસ્પર્ધા ઉમેદવાર જીત્યા હોય, તેની સરસાઈથી વધુ હોય તો તેવી બેઠકની પુનઃ ચૂંટણીની માંગણી અરજદારે કરી છે, તેથી આ મુદ્દો ટોક ઓફ ધ નેશન બન્યો છે અને આ મુદ્દે સુપ્રિમ કોર્ટે સ્વયં સવાલ કર્યો છે કે આ પ્રકારની ૩૧ બેઠકોની ફરીથી ચૂંટણી થઈ શકે ખરી? આ કારણે પ. બંગાળની ભાજપ સરકાર તથા ત્યાંના પ્રદેશ ભાજપ એકમ સામે પણ એક નવો પડકાર ઊભો થયો છે. પ. બંગાળની ર૯૪ બેઠકમાંથી ભાજપને ર૦૭ બેઠકો મળી હોવાથી વિવાદાસ્પદ બેઠકોની બાદબાકી પછી પણ ભાજપની સરકાર યથાવત્ રહે, પરંતુ ચૂંટણીપંચની એસઆઈઆરની પ્રક્રિયા શંકાના ઘેરામાં આવી શકે છે.

આ અહેવાલોએ રાજકીય ક્ષેત્રે તો ખળભળાટ મચાવી દીધો જ છે, પરંતુ કાનૂની ક્ષેત્ર તથા ન્યાયતંત્રમાં પણ આ મુદ્દો ચર્ચાનો વિષય બન્યો છે. મંગળવારે એસઆઈઆરના મુદ્દે સુપ્રિમ કોર્ટની બેન્ચમાં આ સુનાવણી દરમિયાન થયેલી કેટલીક મહત્ત્વપૂર્ણ ટિપ્પણીઓ તથા ચૂંટણીપંચ પાસેથી માંગવામાં આવેલા ડેટાના સંદર્ભે એવો સવાલ ઊભો થયો હતો કે એસઆઈઆરમાં ગરબડો પૂરવાર થઈ જાય તો શું સુપ્રિમ કોર્ટ પ. બંગાળ વિધાનસભાની વિવાદાસ્પદ બેઠકો પર ફરીથી ચૂંટણી કરવાનો આદેશ આપી શકે ખરી!

અરજદારના વકીલ ગોપાલ શંકરનારાયણ આંકડાઓ સાથે એવું પૂરવાર કરવા મથી રહ્યા હતાં કે પ. બંગાળમાં એસઆઈઆરના મુદ્દે અત્યાર સુધી થયેલી સુનાવણીમાં ૯૦ ટકા કપાયેલા નામો મતદાર તરીકે યોગ્ય હતાં, તેનો અર્થ એવો થાય કે જો આ મતદારોએ મતદાન કર્યું હોત તો તેની અસર વિધાનસભાની ચૂંટણીઓના પરિણામો પર થઈ હોત જે લાખો મતદારોના નામ ખોટી રીતે કપાયા હોય તો તેને તે બેઠકો પર થયેલી ચૂંટણી અયોગ્ય ઠરાવવાનો તાર્કિક મુદ્દો ગણી શકાય. આ સુનાવણી દરમિયાન જજોએ કરેલી ટિપ્પણીઓ પણ ઘણી જ સૂચક હતી અને તે પછી ઊઠેલા રાજકીય બવંડર વચ્ચે પ. બંગાળના મુખ્યમંત્રી શુભેન્દુ અધિકારી તથા પ્રદેશ ભાજપ સામે કાનૂની રાજકીય પ્રતિષ્ઠાને લઈને સંકટ ઊભું થયું હોય તેમ જણાય છે. એવું કહેવાય છે કે જ્યાં મોટી સંખ્યામાં એસઆઈઆરમાં નામો કપાયા છે, ત્યાં પરિણામો પર અસર થઈ શકે તેવી ૩૧ વિધાનસભા બેઠકો છે. સુપ્રિમ કોર્ટ પોતાના વિશેષાધિકારોનો ઉપયોગ કરીને આ પ્રકારની કેટલીક બેઠકો પર ફરી મતદાનનો આદેશ પણ આપી શકે છે, જો કે સુપ્રિમ કોર્ટે કોઈ વિધાનસભાની ચૂંટણીઓને રદ્ કરીને અને પોતાની વિશેષ સત્તાનો ઉપયોગ કરીને ફેરમતદાન કરવાનો કે વિવાદાસ્પદ પરિણામોને રદ્ કરીને સમગ્ર ચૂંટણીઓ નવેસરથી કરવાનો આદેશ આપ્યો હોય, તેવું કદાચ ભૂતકાળમાં બન્યું નથી, પરંતુ કાનૂની અને બંધારણીય સત્તાઓ મુજબ સુપ્રિમ કોર્ટ આ પ્રકારનું અંતિમ કદમ વિશેષ સત્તાનો પ્રયોગ કરીને લોકતંત્રના હિતમાં જણાતું હોય તો ઊઠાવી પણ શકે છે.

જો કે આ સવાલ સુપ્રિમ કોર્ટમાં જ ઊઠ્યો તો તેનો જવાબ પણ ત્યાંથી જ આવશે. આ મુદ્દે બંધારણીય નિષ્ણાતો તથા સુપ્રિમ કોર્ટના સિનિયર વકીલો-તજજ્ઞોના અભિપ્રાયો વહેંચાયેલા છે. બીજી તરફ જો થોડી-ઘણી બેઠકો પર ફેરમતદાન થાય તો પણ પ્રવર્તમાન રાજ્ય સરકારને વાંધો આવે તેમ નહીં હોવા છતાં જ્યાં જ્યાં એસઆઈઆરની પ્રક્રિયા સંપન્ન થઈ ગઈ છે, તે તમામ રાજ્યોમાં આ જ પ્રકારના સવાલો ઉદ્ભવી શકે છે, તેથી આ મુદ્દે સુપ્રિમ કોર્ટ જે નિર્ણય લેશે, તેના દૂરગામી પરિણામો પડવાના છે, તે નક્કી છે.

ચૂંટણીપંચ માને છે કે માત્ર ગણિતિક અંતરના આધારે સંપૂર્ણ ચૂંટણીઓ રદ્ થઈ શકે નહીં. બીજી તરફ અરજદારના વકીલનો તર્ક એવો હતો કે આવું થઈ શકે છે. ચૂંટણીપંચ પાસેથી સુપ્રિમ કોર્ટે ચોક્કસ વિગતો અને આંકડાઓ સાથેનો ડેટા માંગ્યો છે, અને ટેકનિકલ ક્ષતિઓ સુધારવાની તાકીદ કરી છે. એસઆઈઆર દરમિયાન હટાવાયેલા નામો અંગે રચાયેલી ટ્રિબ્યુનલો આગામી લોકસભાની ચૂંટણીના વર્ષ-ર૦ર૯ પહેલા તમામ કેસોનો નિકાલ કરે, તે પ્રકારના સંકેતો પણ અપાયા છે, અને આ પ્રક્રિયા લાંબી ચાલવાની છે.

આ મુદ્દે વિપક્ષના નેતાઓએ એસઆઈઆરની પ્રક્રિયા પારદર્શક અને ન્યાયિક ઢબે થાય, તેવી માંગણી સાથે સુપ્રિમ કોર્ટના હસ્તક્ષેપને આવકાર્યો છે. બીજી તરફ સર્વોચ્ચ અદાલતે પ. બંગાળ તથા અન્ય રાજ્યોમાં એસઆઈઆરના મુદ્દે થયેલી અપીલોનું પણ વિવરણ ચૂંટણીપંચ પાસે માંગ્યું છે, તેથી ચૂંટણી પંચમાં પણ હડિયાપટ્ટી અને હલચલ મચી ગઈ છે.

સુપ્રિમ કોર્ટમાં આ સુનાવણી પછી કોંગ્રેસના વરિષ્ઠ નેતા અને અરજદાર અધીરરંજન ચૌધરીએ એસઆઈઆરમાં જેના નામો હટાવાયા છે, તેની અપીલોનો નિકાલ ટ્રિબ્યુનલો દ્વારા ઝડપથી થાય, તેવી માંગણી ઊઠાવી છે, તો વરિષ્ઠ ધારાશાસ્ત્રી અને સાંસદ કલ્યાણ બેનર્જીએ તો સુનાવણી દરમિયાન ગંભીર આક્ષેપો પણ ચૂંટણીપંચ પર કર્યા હતાં, જો કે આ સુનાવણી પછી સુપ્રિમ કોર્ટે હાલ તુરંત કોઈ અંતિમ આદેશ આપ્યો નથી કે સુનાવણીની નવી તારીખ પણ જાહેર થઈ નથી, તો બીજી તરફ રાજકીય કક્ષાના રાજકીય નેતાઓના કોઈ ચોક્કસ પ્રત્યાઘાતો પણ સામે આવ્યા નથી. આ મુદ્દો બંધારણીય હોવાથી તેની સુનાવણીઓ ઘણી જ લાંબી પણ ચાલી શકે, લાર્જર બેન્ચ સુધી પણ પહોંચી શકે અને કોઈ ચોક્કસ નિષ્કર્ષ પણ નીકળી શકે છે. એટલું ખરૃં કે મંગળવારની સુપ્રિમ કોર્ટની સુનાવણીની દેશવ્યાપી ચર્ચા-પ્રત્યાઘાતો અને થયેલી ટિપ્પણીઓ પછી એસઆઈઆરની પ્રક્રિયા ફરીથી એક વખત સવાલોના ઘેરામાં આવી ગઈ છે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

હાલારમાં હાલમાં દ્વિઘાભરી સ્થિતિ પ્રવર્તે છે. એક તરફ તો શ્રાવણિયા તહેવારોની ઉજવણીની તૈયારી થઈ રહી છે, તો બીજી તરફ દુકાળના ડાકલા વાગી રહ્યા છે. જામનગરના પ્રદર્શન ગ્રાઉન્ડમાં લોકમેળાની તૈયારીઓ ચાલી રહી છે, તો મહાનગરપાલિકાએ રક્ષાબંધનના પાવન પર્વે બહેનો માટે ફ્રી ઈ-સિટીબસ સેવાની જાહેરાત કરીને યોગ્ય કદમ ઊઠાવ્યું છે. આ દિવસે જ બાકીની રપ બસોને નવા તમામ રૂટોને આવરી લેવા માટે શરૂ કરી દેવામાં આવે, તો સોનામાં સુગંધ ભળશે અને સમગ્ર શહેરની બહેનોને રક્ષાબંધનના પર્વે ફ્રી સેવાનો લાભ મળશે અને એકંદરે વધુ લોકો સિટીબસોના સ્થાનિક પરિવહન તરફ વળશે.

આમ તો અત્યારે સિટીબસ સેવાને જે રિસ્પોન્સ મળી રહ્યો છે, તે આશાપ્રેરક છે અને સમગ્ર શહેરને આવરી લેતી આ સ્થાનિક સેવા વિસ્તરશે, તો વધુને વધુ લોકો પર્યાવરણ માટે અનુકૂળ ઈલેક્ટ્રીક સિટીબસોનો લાભ લેતા થશે, અને ગરીબ-મધ્યમ વર્ગને તો આર્થિક ફાયદો પણ થશે, તેથી રક્ષાબંધન પર્વે આ બસસેવાનો બહેનોના આશીર્વાદ સાથે વિસ્તાર થશે, તો તે સર્વજન હિતાય, સર્વજન સુખાય અને પ્રકૃતિને પણ લાભકર્તા નિવડશે. આ અંગે જેજેએમએફ અને સ્થાનિક સત્તાવાળાઓ તેમજ તંત્રવાહકો વિચારશે અને સકારાત્મક કદમ ઊઠાવશે, તેવી આશા રાખીએ. જન્માષ્ટમીના તહેવારો પહેલા જ સિટીબસ સેવાનો વિસ્તાર થશે, તો આજુબાજુના ગ્રામ્ય વિસ્તારો તથા શહેરીપંથકમાંથી મેળો માણવા તથા શોપીંગ કરવા તથા વ્યવહારિક, સાંસ્કૃતિક કે ધાર્મિક-સામાજિક કામે જામનગરમાં આવતા લોકો સહિત સ્થાનિક નગરજનોને ખૂબ જ ઉપયોગી બની જશે. એટલું જ નહીં, નોંધપાત્ર ટ્રાફિક પણ મળી રહેશે તે નક્કી છે.

તહેવારો ટાણે શહેરમાં સ્વચ્છતા જળવાઈ રહે તે પણ એટલું જ જરૂરી છે, તેથી તંત્રો દ્વારા વધુ સુદૃઢ વ્યવસ્થાઓ ગોઠવવા ઉપરાંત નગરજનો તથા બહારથી આવતા-જતા લોકો દ્વારા પણ સ્વયંશિસ્ત જાળવવાની ખાસ જરૂર છે. તંત્રોના તિક્કડમ પણ હવે ચાલવાના નથી, અને જ્યાં ત્યાં ગંદકી કરતા પરિબળોના કારનામા પણ હવે ચાલવાના નથી, કારણ કે આ વખતે તહેવારો સમયે જાગૃત નાગરિકો તથા યુવાવર્ગ આ તમામ ક્ષતિઓને ઉજાગર કરવામાં પાછીપાની કરવાનો નથી. એટલું જ નહીં, સોશિયલ મીડિયાનો શાંતિપૂર્વક અને સિસ્તપૂર્વક સદુપયોગ કરીને ગંદકી કરતા પરિબળોની લાપરવાહી તથા તંત્રોની બેદરકારીને ખુલ્લી પાડી શકે છે.

બીજી તરફ હાલારમાં દુકાળ જાહેર કરવાની માંગણી જોર પકડવા લાગી છે. કોંગ્રેસ, આમ આદમી પાર્ટી ઉપરાંત કિસાન કોંગ્રેસ તથા ખેડૂત સંસ્થાઓ દ્વારા પણ રાજ્ય સરકાર નિયમોનુસાર અર્થઅછત કે અછતગ્રસ્ત સ્થિતિ જાહેર કરીને પશુઓ માટે ઘાસચારાની તથા લોકોને પીવાના પાણીની તથા વાવણીની થઈ ગઈ છે, ત્યાં મુરઝાતી મોલાતને બચાવવા સિંચાઈનું પાણી છોડવાની માંગણી પણ વધુને વધુ બળવત્તર થવા લાગી છે. હાલાર એટલે કે જામનગર અને દેવભૂમિ દ્વારકા જિલ્લાના તમામ નવ તાલુકાઓમાં અછત જેવી સ્થિતિ છે અને ઘણો જ ઓછો વરસાદ પડ્યો છે, તેથી સરકાર હવે સપ્ટેમ્બરમાં જ આનાવારી કરાવીને નિયમો મુજબ જરૂર પડ્યે થોડી વહેલી સ્કેરસિટી જાહેર કરે, અને ત્યાં સુધી કલ્યાણપુર-દ્વારકા સહિતના તદ્ન નહીંવત વરસાદ ધરાવતા વિસ્તારોને અછત જેવી પરિસ્થિતિ ગણીને સ્પેશ્યલ કેસમાં વહેલીતકે સ્કેરસિટીની તમામ રાહતો આપે અને જરૂરી વ્યવસ્થાઓ કરે તેવી લોકમાંગણી ઊઠી રહી છે.

જો કે, કુદરતનું કાંઈ કહેવાય નહીં, અને હજુ સપ્ટેમ્બર મહિનો બાકી છે, ત્યારે દેશના અન્ય કેટલાક રાજ્યોની તથા ઉત્તર-દક્ષિણ ગુજરાતના કેટલાક જિલ્લાઓની જેમ મોડેથી પણ સારો વરસાદ પડી જાય તો ઘણી રાહત થઈ શકે તેમ છે. રાજ્ય સરકારે પણ ગઈકાલે જ કેટલાક રાહતજનક પગલાં લેવાની જાહેરાત કરી છે, જેમાં ત્રણસોથી વધુ અસરગ્રસ્ત ગામોમાં ૧૬ લાખ કિલો ઘાસનું રાહતદરે વિતરણ કરીને એક લાખ જેટલા પશુઓને રાહત, સૌથી વધુ અસરગ્રસ્ત ૭ જિલ્લાઓમાં દરરોજ દસ કલાક વીજપુરવઠો અને ખેતીનો પાક બચાવવા વધારાનું સિંચાઈનું પાણી છોડવાની જાહેરાત કરાઈ છે, અને પીવાના પાણીનો પુરવઠો જાળવી રાખવાની દિશામાં પણ પગલાં ઊઠાવાયા હોવાનો દાવો કરાયો છે. હાલારના બન્ને જિલ્લા જામનગર અને દેવભૂમિ દ્વારકા ઉપરાંત કચ્છ, પોરબંદર, ગીરસોમનાથ તેમજ અરવલ્લી, સાબરકાંઠા તથા દાહોદ જિલ્લાના કેટલાક વિસ્તારો પર ધ્યાન કેન્દ્રિત કરાયું છે, અને કેટલીક બાબતોમાં કલકેટરોને સીધી વ્યાપક સત્તાઓ પણ અપાઈ છે, જો કે આનાવારી માટે ચોમાસાના અંતની સત્તાવાર જાહેરાત સુધી રાહ જોવી પડશે, તેમ જણાવાયું છે.

દરિયાકાંઠાના જિલ્લાઓ જામનગર, દેવભૂમિ દ્વારકા, પોરબંદર અને કચ્છમાં બે મહિનાથી મેઘાડંબર છતાં વરસાદ પડતો નથી અને નહીંવત્ ઝરમરિયો વરસાદ પડ્યો છે. આ વિસ્તારોમાં માત્ર ૧.૭ ટકા જેટલો વરસાદ થતા મોંઘાદાટ બિયારણ અને ખાતર પાછળ જંગી ખર્ચ પછી મુરઝાઈ રહેલા પાકને બચાવવા સિંચાઈની સુવિધા વધારવા ઉપરાંત ખેડૂતો દુષ્કાળ જાહેર કરવાની માંગણી કરી રહ્યા છે, ત્યારે સરકારે લીધેલા આ પગલાં પર્યાપ્ત નથી અને 'અછત જેવી' સ્થિતિ જાહેર કરીને વધુ રાહતો આપવાની જરૂર છે. ખેડૂતો વર્ષ-ર૦ર૦-ર૧ માં મુખ્યમંત્રી સહાય યોજનામાં દુકાળની વ્યવસ્થા નક્કી થઈ હતી, તેને અનુસરવાની માંગ ઊઠાવી રહ્યા છે, તેના પર પર પણ સરકારે ગંભીરતાથી વિચારવું જોઈએ.

ટૂંકમાં હજુ પણ વરસાદના આશાવાદ અને સરકારની મદદની અપેક્ષા વચ્ચે ઉજવાઈ રહેલા તહેવારો, આવી રહેલા ઉત્સવો અને દુકાળ જેવી પરિસ્થિતિના આ સંયોજન અથવા સમાગમને 'રણદ્વીપ' સમાન ગણવું કે 'ચંદ્રકલંક' ગણવું? તેનું તારણ કાઢવાનું જનતા પર છોડીએ...

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

રક્ષાબંધન અને જન્માષ્ટમીના તહેવારો આવી રહ્યા છે, અને તેની ઉજવણી માટે ઠેર-ઠેર તડામાર તૈયારીઓ ચાલી રહી છે. એક તરફ તહેવારોનો ઉલ્લાસ છે, તો બીજી તરફ વરસાદ ખેંચાતા લોકો વિમાસણમાં પણ છે. તહેવારો ટાણે જ વિવિધ ચીજવસ્તુઓના ભાવો વધી રહ્યા છે, અને ઈંધણ તથા ખાંડ પછી હવે ગરીબોની કસ્તુરી ગણાતી હતી તે ડુંગળીના ભાવો પણ ઝડપભેર વધી રહ્યા છે. લોકો કહે છે કે સરકારે દેખાડેલા સપનાની બૂલેટ ટ્રેનની ઝડપ તો જ્યારે જોવા મળે ત્યારે ખરી, પરંતુ લોકોની બુનિયાદી જરૂરિયાતની ચીજવસ્તુઓમાં ભાવવધારાની ઝડપ તો બૂલેટ ટ્રેનને પણ પાછળ રાખી દ્યે, એટલી તેજ ગતિશીલતા ધરાવે છે!

ભૂતકાળમાં મોંઘવારી, બેરોજગારી અને ભ્રષ્ટાચારના મુદ્દે મજબૂત સરકારો ઉથલી ગઈ હતી અને દિલ્હીની એક રાજ્ય સરકારે તો ડુંગળીના તે સમયે વધેલા ભાવોના કારણે જ સત્તા ગુમાવી હતી, તે ભૂલવા જેવું નથી.

અત્યારે દેશમાં ઉકળતા ચરૂ જેવી સ્થિતિ છે અને વિવિધ મુદ્દે પ્રજામાં જબરદસ્ત આક્રોશ પ્રવર્તી રહ્યો છે. દેશમાં પેપરલીક અને શિક્ષણની બદતર હાલતના મુદ્દાને લઈને તો જંતર-મંતર ફેઈમ સીજેપીના આંદોલનો તો વિસ્તરી જ રહ્યા છે, તો સ્વયં કોકરોચ જનતા પાર્ટીએ પણ ફરીથી દેશવ્યાપી આંદોલન છેડવાનું નવેસરથી એલાન કરી દીધું છે અને નગારે ઘા વગાડી દીધુ છે. સીજેપીએ ફૂંકેલુ આ બ્યુગલ રાહુલ ગાંધીની 'છાત્રની ગૂંજ'ની જેમ જ બજવા (વગડવા) લાગ્યું છે, અને આ કારણે કેન્દ્ર સરકાર વધુને વધુ ઘેરાઈ રહી છે.

કોકરોચ જનતા પાર્ટીએ પાંચમી સપ્ટેમ્બરે નવી દિલ્હીમાં શાંતિમય માર્ચ યોજવાની ઘોષણા કરી દીધી છે. એવું જોહર કરાયું છે કે, આ 'શાંતિપૂર્ણ' માર્ચ ઈન્ડિયા ગેઈટથી દિલ્હીના પોલીસ હેડક્વાર્ટર્સ તરફ આગળ વધશે.

આ માર્ચનું નેતૃત્વ નીટ પરીક્ષા સંબંધિત કેસોમાં જીવ ગુમાવનારા અને પોલીસ બર્બરતાની કથિત રીતે ભોગ બનેલા પરિવારો કરશે, તેવું જાહેર કરાયું છે. એવો દાવો કરાયો છે કે આ વિરોધ પ્રદર્શનમાં આખા દેશમાંથી જેન-ઝેડ પ્રદર્શનકારીઓ ઉમટી પડશે. આ ઘોષણા કરતા સીજેપીના સંયોજક સૌરવદાસે જે કાંઈ કહ્યું છે, તેથી કદાચ સંબંધિત સત્તાધીશો અને તંત્રવાહકોની ઊંઘ ઊડી ગઈ હશે.

સીજેપીની ઓનલાઈન બેઠકમાં કેન્દ્ર સરકારે વિશ્વાસઘાત કર્યો અને રપ મી જુલાઈએ આપેલા વચનો પાળ્યા નથી, તેવું તારણ નીકળ્યા પછી આ 'ઓનલાઈન' પાર્ટીના નિવેદનમાં પણ સરકારના વચનોને એક મહિનો થવા છતાં સુપ્રિમ કોર્ટને સ્પષ્ટ ખાતરી અપાઈ નથી અને વિલંબનીતિ અપનાવાઈ રહી છે, તેની સામે આક્રોશ વ્યક્ત કરાયો છે.

સીજેપીએ પેપરલીકના કારણે આત્મહત્યા કરનાર વિદ્યાર્થીઓના પરિવારોને એક કરોડ રૂપિયાનું વળતર અને જંતર-મંતર સહિતના આંદોલનકારીઓ સામેના પોલીસ કેસો પાછા ખેંચવાના મુદ્દાઓને લઈને કેન્દ્ર સરકારે છેતરપિંડી કરી છે, તેમ જણાવી ફરીથી દેશવ્યાપી શાંતિમય આંદોલનનો રણટંકાર કર્યો છે. આંદલનકારીઓએ સરકારની બોદી નિયતનો આક્ષેપ લગાવીને જણાવ્યું છે કે સદ્ભાવપૂર્વક આંદોલન પાછું ખેચ્યું, તેને નબળાઈ નહીં સમજવાની ચેતવણી પણ આપી છે. આમ, સપ્ટેમ્બરમાં શિક્ષકદિને જ આ આંદોલન થશે તેવું આહ્વાન થતા જેની સ્મૃતિમાં શિક્ષકદિન ઉજવાય છે, તે મહાન શિક્ષણવિદ્ અને ભૂતપૂર્વ રાષ્ટ્રપતિ ડો. સર્વપલ્લી રાધાકૃષ્ણન્નો આત્મા પણ પ્રવર્તમાન એજ્યુકેશન સિસ્ટમની આ બદહાલત જોઈને દુભાતો હશે.

અત્યારે કદાચ મોદી સરકારની માઠી દશા આવી રહી હોય તેમ રાષ્ટ્રીય અને આંતરરાષ્ટ્રીય સ્તરે જુદા જુદા ફટકા પડી રહ્યા છે.

બીજી તરફ સપ્ટેમ્બર મહિનામાં જ બેંકર્મીઓ પણ હડતાલ પાડવાના હોવાથી લોકોને બેન્કીંગના કામો સવેળા કરી લેવા ચેતવવામાં આવી રહ્યા છે. પ્રથમ તબક્કામાં બેંકકર્મીઓ ૧૧ મી સપ્ટેમ્બરે એક દિવસની હડતાલ પાડશે, તેવા અહેવાલો વહેતા થયા છે. જો કે, આ દિવસ શનિ-રવિની જાહેર રજા સાથે જોડીને નક્કી કરાયો છે. તેવી જ રીતે શનિ-રવિ સાથે જોડીને સપ્ટેમ્બરના અંતમાં પણ હડતાલ પડતા પાંચ દિવસ બેંકો બંધ રહેશે, તેથી સપ્ટેમ્બરમાં રજાઓ સહિત કુલ આઠેક દિવસ બેંકો બંધ રહેશે. જો કે, અનિશ્ચિતકાળની હડતાલ ઓક્ટોબરના અંતમાં શરૂ થવાની છે, પરંતુ તહેવારોની શ્રૃંખલા વચ્ચે સપ્ટેમ્બરની આ હડતાલ પણ ભારે પડવાની શક્યતા છે.

બીજી તરફ આ વર્ષે સપ્ટેમ્બરમાં જ ચોમાસું વિદાય લઈ લ્યે, તેવી શક્યતાઓ દર્શાવાઈ રહી હોવાથી આ વખતે સરકાર અને પબ્લિક માટે પણ સપ્ટેમ્બર મહિનો ભારે પડે તેવા સંજોગો છે.

જુના જમાનામાં રંગભૂમિ યુગમાં એક નાટક ઘણું જ પ્રચલિીત થયું હતું. ગુજરાતની રંગભૂમિ પર દિગ્ગજ કલાકારોએ ભજવેલી ભૂમિકા ઘણી જ યાદગાર બની હતી. તે પછી આ જ ટાઈટલ સાથે ફિલ્મ પણ બની હતી. આ પ્રચલિત નાટક અને ફિલ્મનું નામ હતું 'સમય વર્તે સાવધાન...'

પ્રવર્તમાન તંત્રો અને શાસકોએ પણ સમય મુજબ સાવધાન થઈ જવાની જરૂર છે, જ્યારે જેન-ઝીના આંદોલનો પ્રસરી રહ્યા હોય, ખેડૂતો નારાજ હોય, નોકરિયાતો નારાજ હોય, ભાવવધારો, ભ્રષ્ટાચાર અને મોંઘવારીથી પીડાતી પ્રજામાં અસંતોષનો ચરૂ ઉકળી રહ્યો હોય, આંદોલનોની વણઝાર નીકળી રહી હોય અને આ સ્થિતિ વધુને વધુ વકરી રહી હોય, ત્યારે જીદ, ઘમંડ કે નિંભરતા (ચૂપકીદી) તેમાં વધારો જ કરે છે, અને લોકતંત્રમાં આ સ્થિતિ સર્જાય, ત્યારે તખ્તાપલટ થવામાં વાર નથી લાગતી તેવા ઘણાં દૃષ્ટાંતો દેશો-દુનિયામાં મોજુદ છે, ત્યારે પોલિટિકલ સિસ્ટમને ચેતવા જેવું છે... 'સમય વર્તે સાવધાન...'

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

દેશની રાજધાની દિલ્હીથી લઈને ગુજરાતની રાજધાની ગાંધીનગર અને જિલ્લાઓના વડામથકો સહિત નાના-મોટા તમામ શહેરોની ઓજીંદી સ્વચ્છતાની સાથે જ દરરોજ જંગી જથ્થામાં એકત્રિત થતા કચરાના નિકાલની સમસ્યા વિકરાળ બની રહી છે અને આ મુદ્દો સરકારો માટે ગળાની ફાંસ જેવો બની રહ્યો છે. મ્યુનિસિપાલિટીઓના નવા સ્વરૂપો નાના-મોટા અને મેટ્રોપોલિટન શહેરોના વસ્તી વિસ્તાર મુજબ વર્ગકૃત થયા છે, અને તેને પૂરતા પ્રમાણમાં ફંડીંગ તથા કરવેરાનું જંગી કલેક્શન થતું હોવાથી સાધનો-વ્યવસ્થાઓ ઊભી કરવાનું પહેલા કરતા સરળ બન્યું છે, તેમ છતાં કચરા કલેક્શન અને તેના પર્યાવરણીય ઢબે વૈજ્ઞાનિક પદ્ધતિથી યોગ્ય નિકાલ કરવાની સમસ્યા ઉકેલાઈ રહી નથી, તેની પાછળ પોલિટિકલ વિલ પાવર (રાજકીય ઈચ્છા શક્તિ) નો અભાવ તથા કોઈ અદૃશ્ય પરિબળોના કારનામા પણ કારણભૂત હોય તેમ જણાય છે, અને આવું થવાની પાછળ રાજકીય અને સામાજિક બેદરકારી અથવા અલ્પજાગૃતિ પણ જવાબદાર છે.

અન્ના આંદોલનમાંથી ઉત્પન્ન થઈને કટ્ટર ઈમાનદાર તરીકે કેજરીવાલે દિલ્હી વિધાનસભામાં જ્યારે પ્રથમ વખત ભાજપ-કોંગ્રેસને મહાત આપીને ૭૦ માંથી ૬૭ બેઠકો મેળવીને દિલ્હીની સત્તા પ્રાત કરી ત્યારે 'અચ્છે દિન'ના આહ્વાન સાથે કેન્દ્રમાં સત્તા મેળવવા નરેન્દ્રભાઈ મોદીનો સૂર જ સોળે કળાએ ખીલેલો હતો. વર્ષ ર૦ર૦ માં પણ ફરીથી કેન્દ્રમાં મોદી (એનડીએ) સરકારે સોલીડ બહુમતી મેળવી હતી, તેમ છતાં વર્ષ ર૦ર૦ માં કેજરીવાલને હરાવી શકાયા નહોતા અને ૭૦ માંથી ૬૩ બેઠકો મેળવીને ફરી કેજરીવાલની સરકારે ધૂમધડાકા સાથે પુનઃ સત્તા પ્રાપ્ત કરી હતી. આ જ સરકાર વર્ષ ર૦રપ માં ફેંકાઈ ગઈ, તેની પાછળ શરાબ કૌભાંડ તથા અન્ય કૌભાંડોની સાથે સાથે દિલ્હીના કચરાનો જંગી પર્વત પણ જવાબદાર હતો. દિલ્હીમાંથી નીકળતા લાખો ટન કચરાના જે પર્વતો ખડકાયા હતાં, તેને હટાવવામાં આમ આદમી પાર્ટીને એમસીડીમાં પણ સત્તા મળી હતી, તેમ છતાં એ પર્વતો હટાવવા તો દૂર રહ્યા તેમાં બહુ ઘટાડો પણ થયો નહીં, તેથી લોકોમાં ભારે નારાજગી હતી.

હજુ પણ આ સમસ્યા અડધી જ ઉકેલાઈ છે. વર્તમાન દિલ્હી સરકારના દાવા મુજબ ઓખલા લેન્ડ ફીલનો કચરો સાફ કરી દેવાયો છે, અને એમસીડીના દાવાઓ મુજબ ભલસ્વા અને ગાજીપુરમાં પણ બાયોમાઈનીંગ પ્રક્રિયાથી કચરાના ડુંગર સાફ કરવાની પ્રક્રિયા ચાલી રહી છે. બાયો રેમેડિએશન તથા બાયોમાઈનીંગ પ્રક્રિયાથી રિસાઈક્લીંગ કરીને કચરાને ઈંધણ અને ઊર્જા તથા ફર્ટિલાઈઝરમાં બદલીને વેસ્ટમાંથી બેસ્ટનો અભિગમ અપનાવાઈ રહ્યો છે.

દિલ્હીમાં એક દાયકાની અત્યંત લોકપ્રિય બનેલી 'આપ' સરકારને ઘેર બેસાડી દેનાર જનતા જો સંતોષ નહીં થાય તો વર્ષ ર૦૩૦ ની દિલ્હી વિધાનસભાની ચૂંટણી અને એમસીડીની આગામી ચૂંટણીમાં પોતાનો જનાદેશ બદલી શકે છે અને ભાજપ 'આપ' સિવાયના ત્રીજા પક્ષને પસંદ કરી શકે છે.

ગુજરાતની રાજધાની ગાંધીનગરમાં પણ હજારો ટન જુના કચરાના ગંજ ખડકાયા હોવાથી મુખ્ય ડમ્પીંગ સાઈટનું પ્રદૂષણ અંદાજે અડધો કિલોમીટર જેટલી કે તેનાથી પણ ઓછી દૂર હોવાથી સાબરમતી નદીને પ્રદૂષિત કરે તેવી સંભાવનાઓ જણાવાઈ રહી છે.

જામનગરમાં તો ઘનકચરો બાળવાનો પ્લાન્ટ જ લાંબા સમયથી બંધ છે, અને તેમાં પણ વારંવાર આગ લાગવાની ઘટનાઓ પછી પ્રદૂષણ નિયંત્રણ બોર્ડના સ્પે. સેલની નોટીસ ચર્ચાના ચાકડે ચડી છે. હોદ્દાની રૂએ જિલ્લાના કલેક્ટરે જો જામનગર મહાનગરપાલિકાને આ આ મુદ્દે નોટીસ ફટકારવી પડી હોય, તો તે જામનગરની કચરાનિકાલની બોદી સિસ્ટમની ગવાહી પૂરે છે.

પાંચ વર્ષ પહેલા જામ્યુકોની જુની બોડી (શાસકો) એ ફાળવેલી જમીન પર કચરો બાળીને ઊર્જા ઉત્પન્ન કરવાનો રજ્યનો પ્રથમ પ્લાન્ટ હોવાનો ઢંઢેરો પીટવામાં આવ્યો હતો અને વાહવાહી લૂંટવામાં આવી હતી. તે પછી ચારેક વર્ષ તો ગાડું ગબડાવ્યું, પરંતુ એકાદ વર્ષથી આ પ્લાન્ટ બંધ પડ્યો અને તે પછી ગુલાબનગર પાસેની ડમ્પીંગ સાઈટ પર કચરો ઠલવાતા જે કચરાનો ડુંગર ઊભો થયો છે, તે એક સમયે દિલ્હીની સત્તાના પાયા ડગમગાવનાર દિલ્હીના કચરાનો ઊંચો પહાડ જેવો જ બનવા જઈ રહ્યો છે. જો આ ડુંગર વધુને વધુ ઊંચો થતો જશે, તો તે ગંભીર સ્થિતિ ઊભી કરી શકે છે. હવે પ્રદૂષણ નિયંત્રણ બોર્ડ 'એક્ટીવ' થયું છે, અને જિલ્લા પર્યાવરણ સમિતિ, પ્રદૂષણ નિયંત્રણ સાથે સંબંધિત સંસ્થાઓ પણ સળવળી છે, ત્યારે આ મુદ્દે કોઈ પરિણામલક્ષી કદમ ઊઠાવાશે, તેવી આશા જાગી છે.

યાત્રાધામ દ્વારકામાં નગરપાલિકા દ્વારા મંદિર સંકુલ તથા આજુબાજુના વિસ્તારોમાં તો સફાઈ થાય છે અને ડોર-ટુ-ડોર કચરા સંગ્રહ પણ થાય છે, તેમ છતાં અનિશ્ચિત રહેતી ફ્લોટીંગ પોપ્યુલેશન તથા ચોતરફ વિસ્તરી રહેલા વિસ્તારોમાં ઘણાં સ્થળે કચરાના ઢગ જોવા મળે છે.

દેવભૂમિ દ્વારકા જિલ્લાના મુખ્ય મથક જામ-ખંભાળિયામાં દૈનિક સફાઈની સમસ્યા થોડા મહિનાઓ પહેલા ઊભી થઈ હતી, પરંતુ આ વ્યવસ્થા ઠીકઠાક કરવાનો પ્રયાસ થયો છે, જો કે મુખ્યબજાર, સલાયા ગેઈટ, સોસાયટી વિસ્તારોમાં કચરો તથા ગંદકી ફેલાવા પાછળ સફાઈ પ્રત્યેની જાગૃતિનો અભાવ પણ જવાબદાર છે, જેથી જામ-ખંભાળિયામાં રહેતા તથા દરરોજ આજુબાજુના ગામડાઓમાંથી હટાણું કરવા આવતા લોકોમાં પણ સ્વયંસિસ્ત માટેની જાગૃતિ વધારવી જરૂરી છે.

હાલારમાં ઓખા, સૂરજકરાડી, ભાટિયા, રાવલ, ભાણવડ, સલાયા, સિક્કા, જામજોધપુર, કાલાવડ, ધ્રોળ, જોડિયા, ફલ્લા, મોટી ખાવડી, વાડીનાર, ભાડથર, લાલપુર સહિતના મોટા કેન્દ્રોમાં પણ કચરા નિકાલની આવી જ સમસ્યા છે, જેનું નિવારણ કરવા રાજ્ય કક્ષાએથી કાર્યયોજના બનવી જરૂરી છે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

ભાવનગરમાં ડુપ્લીકેટ ઈંગ્લીશ દારૂએ કેટલાક લોકોના જીવ લીધા, તેના રાજ્યવ્યાપી પડઘા પડ્યા છે, અને આ નવી જ પ્રકારના ઘટનાક્રમે 'ઈંગ્લીશ લઠ્ઠો' પણ બની શકે છે તેવી ચર્ચાને જન્મ આપ્યો છે. ગાંધીજીના ગુજરાતમાં દારૂબંધી અથવા નશાબંધી લાગુ તો કરી દેવાઈ, પરંતુ તેનો કડક અમલ ક્યારેય થયો જ નહીં. ભૂતકાળમાં જુદી જુદી સરકારોના મુખ્યમંત્રીઓ તથા ગૃહમંત્રીઓએ આ માટે નિષ્ઠાવાન પ્રયાસો કર્યા, તેમ છતાં રાજ્યમાંથી દારૂનો વેપલો બંધ થયો જ નહીં, અને ડ્રગ્સની હેરાફેરી પણ થવા લાગી છે, તેથી રાજ્યની આભાસી દારૂબંધી માટે જવાબદાર કોણ? તેવા સવાલો પણ ઊઠી રહ્યા છે.

સોશિયલ મીડિયા અને પ્રેસ મીડિયાના માધ્યમોથી ભાવનગરના 'ઈંગ્લીશ લઠ્ઠા' સામે તડાપીટ બોલી રહી છે અને રાજ્યમાં જ્યારે 'દારૂબંધી' જ નકલી હોય, ત્યારે દારૂ પણ 'નકલી' જ વેંચાય ને? તેવા કટાક્ષો પણ થઈ રહ્યા છે.

કોંગ્રેસે આ મુદ્દે જિલ્લે જિલ્લે વિરોધ પ્રદર્શનો કર્યા અને ધરણાં પણ કર્યા. જામનગરમાં પણ કોંગ્રેસે ભાજપ સરકારની વિરૂદ્ધમાં ધરણાં સાથે વિરોધ પ્રદર્શિત કરીને રાજ્યના ગૃહમંત્રી હર્ષ સંઘવીનું રાજીનામું માંગ્યું છે. એવા આક્ષેપો પણ થયા છે કે બૂટલેગરો પોલીસથી મુખ્યમંત્રી કાર્યાલય સુધી હપ્તા પહોંચાડે છે અને સમગ્ર સિસ્ટમ સડેલી છે. આ ઉપરાંત ગંભીર પ્રકારના સૂત્રોચ્ચાર સાથે બેનર્સ-પ્લેકાર્ડસ દર્શાવીને વિરોધ પ્રદર્શિત કર્યો, તેમાં એક અલગ જ જુસ્સો જોવા મળ્યો હતો.

જામનગરના વિરોધ-પ્રદર્શનનું નેતૃત્વ લઈને પૂર્વ સાંસદ અને વિપક્ષના નેતા વિક્રમભાઈ માડમે ભાવનગરમાં નકલી શરાબના કારણે આઠ-નવ લોકોના મૃત્યુ થયા, તેનો ઉલ્લેખ કરીને વિક્રમભાઈએ આખા રાજ્યના દરેક જિલ્લાના પોલીસ વડાઓને ચેલેન્જ કરીને કહ્યું કે એવો એક પણ જિલ્લો નથી, જ્યાં દારૂ વેંચાતો ન હોય, કે પીવાતો ન હોય. ગુજરાતમાં દારૂબંધી માત્ર કાગળ પર જ છે. પ્રશાસનના નાકની નીચે ખૂલ્લેઆમ શરાબ વેંચાઈ રહ્યા છે અને હપ્તાખોરીની બોલબાલા છે. તંત્ર તદ્ન નિષ્ફળ ગયું છે, તેથી જવાબદારી સ્વીકારીને રાજ્યના ગૃહમંત્રી હર્ષ સંઘવીએ તત્કાળ રાજીનામું આપી દેવું જોઈએ. ખારકડીમાં રોયલ સ્ટેગ બ્રાન્ડના નકલી શરાબમાં ૩૮ ટકાથી વધુ મિથાઈલ આલ્કોહોલ મળી આવ્યું, જે ઝેરી હોય છે. આ ઝેરી શરાબ બનાવનારા ફોર્મુલેટરનું પણ મોત થયું, તે આ સમગ્ર ઘટનાક્રમને વધુ પેચીદો અને રહસ્યમય બનાવે છે. આ આખું નેટવર્ક મધ્યપ્રદેશના ઉજ્જૈનથી ગુજરાતના અમદાવાદ સુધી વિસ્તરેલું હતું, તે પૂરવાર કરે છે કે આટલા વિશાળ નેટવર્કમાં તંત્રોની મિલીભગત અને કોઈ અદૃશ્ય ગોડફાધરોની મીઠી નજર હોવી જ જોઈએ. આમ પણ હવે ગુજરાતમાં અઘોષિતરીતે દારૂબંધી હટી જ ગઈ હોય, તેવી સ્થિતિ છે. આ કારણે જ કદાચ રાજ્ય સરકારના એક કેબિનેટ મંત્રીએ ભારપૂર્વક કહેવું પડ્યું હતું કે ગુજરાતમાંથી દારૂબંધી ક્યારેય હટવાની નથી. આ નિવેદનની સામે એવો વ્યંગ પણ થઈ રહ્યો છે કે તદ્ન બોદી અને નકલી દારૂબંધી હટાવી લેવાય તો કમ-સે-કમ 'નકલી' દારૂના કારણે લોકોના જીવ જતા તો અટકે!

આમ પણ આ નકલી ઈંગ્લીશ દારૂના નેટવર્કની તપાસ ગુજરાતની સ્ટેટ મોનિટરીંગ સેલને સોંપી દેવાઈ અને એકાદ ડઝનથી વધુ બૂટલેગરોને દબોચી લઈને હાલતુરત તો રાજ્ય સરકારે સખ્તાઈ બતાવી છે, પરંતુ દરવખતે થાય છે તેમ થોડા સમય પછી બધું 'જૈ સે થે' થઈ જશે, કારણ કે ગાંધીજીના ગુજરાતમાં ગાંધીછાપ ચલણી નોટોનો દુરૂપયોગ અને દુષ્પ્રભાવ પણ જેવો તેવો નથી!!

બીજી તરફ ભાજપ અને સરકારના પ્રવક્તાઓએ આ 'દુર્ભાગ્યપૂર્ણ' કૌભાંડને રાજનૈતિક રંગ આપવાનો વળતો આક્ષેપ કરીને કોંગ્રેસને સવાલ કર્યો છે કે, દારૂબંધી લાગુ થયા પછી દાયકાઓ સુધી શાસન કરનાર કોંગ્રેસની સરકારો હતી, ત્યારે શું દારૂ નહોતો પીવાતો? દેશીદારૂના અડ્ડા નહોતા ચાલતા? વિગેરે...

સરકારે વરતેજ પોલીસ સ્ટેશનના પોલીસ ઈન્સ્પેક્ટર તથા અન્ય ચાર પોલીસકર્મીઓને સસ્પેન્ડ કરી દીધા છે અને તપાસ પછી જે કોઈ જવાબદાર હશે, તેની સામે હત્યાની સમકક્ષ ગણીને કાનૂની કાર્યવાહી થશે, તેવા આશ્વાસનો આપ્યા છે. તે ઉપરાંત રાજ્યવ્યાપી દરોડાઓ પાડીને ઘણાં બૂટલેગરોને દબોચી લીધા છે. બીજી દૃષ્ટિએ જોઈએ તો જો આટલા સમયમાં જ આટલાબધા બૂટલેગરો દબોચાયા હોય, તો તે જ પૂરવાર કરે છે કે રાજ્યમાં દારૂ બનાવનારા, વેંચનારા અને પીનારાનું વ્યવસ્થિત નેટવર્ક ચાલી રહ્યું છે, અને તેની જાણ તંત્રને પણ હોવી જ જોઈએ. ભાવનગરના દારૂકાંડમાં એવો પર્દાફાશ થયો છે કે ઝેરી કેમિકલ્સ દિલ્હીથી આવ્યું હતું, જે દેશવ્યાપી નેટવર્કનો સંકેત આપે છે.

આ પહેલા પણ ગુજરાતમાં લઠ્ઠાકાંડો અને નકલી શરાબના કિસ્સા બન્યા છે. તે પૈકી સૌથી વધુ ખતરનાક અમે જીવલેણ કાંડોમાં વર્ષ ૧૯૮૯ માં વડોદરા લઠ્ઠાકાંડના ૧૩ર, વર્ષ ર૦૦૯ ના અમદાવાદ લઠ્ઠાકાંડમાં ૧૩૬ અને વર્ષ ર૦રર ના બોટાદ-અમદાવાદનું લઠ્ઠાકાંડમાં ૪ર મૃત્યુ થયા હતાં. વર્ષ ર૦રર ના લઠ્ઠાકાંડ સમયે પણ વિક્રમભાઈ માડમે કોંગ્રેસ તરફી જોરદાર અવાજ ઊઠાવ્યો હતો, જો કે 'ઈંગ્લીશ લઠ્ઠાકાંડ' જેવા શબ્દપ્રયોગો પહેલી વખત થઈ રહ્યા છે, કારણ કે નકલી ઈંગ્લીશ દારૂનું આખું નેટવર્ક ઝડપાયું છે, અને તેમાં દેશીદારૂના લઠ્ઠાકાંડ જેવા જ જીવલેણ ખતરનાક પરિબળો સામેલ છે.

બોટાદ-બરવાળા લઠ્ઠાકાંડ સમયે સરકારે જે આઈપીએલ અધિકારીઓને સસ્પેન્ડ કરવાના બદલે બદલી કરી હતી, તે અત્યારે ટોચની જગ્યાઓ પર છે, જે સરકારની બેવડી નીતિઓની 'અસલિયત' દર્શાવે છે.

જો ગુજરાતને ખરેખર જ નશામુક્ત કરવું હોય અને તેમાં પણ જીવલેણ લઠ્ઠા કે નકલી વિદેશી દારૂથી લોકોને બચાવવા હોય તો સ્વયં સમાજે આગળ આવવું પડશે. ગુજરાતમાં અત્યારે માત્ર વયસ્ક વ્યક્તિઓ નહીં, પરંતુ યુવાવર્ગમાં પણ દારૂ પીવાની આદત વધી રહી છે અને ઈંગ્લીશ દારૂની મહેફિલો કરવાને સ્ટેટ્સ સિમ્બોલ ગણવામાં આવી રહ્યું છે. એ ઉપરાંત યુવાવર્ગ જ નહીં, કિશોર વયજુથમાં પણ ગૂપચૂપ-માતાપિતાથી છૂપાવીને દારૂ પીવાની બદી વધી રહી છે અને આ કારણે જ કિશોરો-યુવાવર્ગ 'આઉટડોર' પીવા નીકળી પડતા હોવાથી કાયદો-વ્યવસ્થા તથા સામાજિક દુષ્કર્મો જેવી ગુનાખોરી પણ પનપી રહી છે, જેથી હવે સરકારે દંભી-આભાસી દારૂબંધીના બદલે અસલી અમલવારી કરવી પડશે, જેમાં દરેક સમાજે સહયોગી બનવું પડશે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

અડધું ચોમાસું વીતી ગયું, અને આ વખતે સપ્ટેમ્બરમાં જ ચોમાસું વિદાય લેશે, તેવી વાતો થઈ રહી છે, છતાં હાલારમાં અલ્પવૃષ્ટિની આફત ઓછી થઈ રહી નથી. આગાહીઓ થાય છે, પરંતુ હાલારને હતાશા જ હાથ લાગી રહી છે. છૂટોછવાયો વરસાદ પડ્યો, તે પણ ઘણો જ ઓછો છે. જળાશયોમાં સંતોષપ્રદ જળસંગ્રહ થયો નથી અને કેટલાક ડેમો તો કોરાધાકોડ છે. ચેકડેમો-તળાવો તો જાણે સૂકાઈ જ ગયા છે અને કલ્યાણપુર તથા દ્વારકા તાલુકાઓથી જાણેમેઘરાજા રિસાઈ જ ગયા હોય તેમ મેઘાડંબર છતાં ધોધમાર વરસાદ પડી રહ્યો નથી. તેથી અલનીનોની અવળી અસરો કચ્છથી પોરબંદર વચ્ચેના ચારેક જિલ્લાઓ પર આફત બનીને ઉતરી રહી હોય તેમ જણાય છે. આ કારણે હવે આ અસરગ્રસ્ત જિલ્લાઓને અછતગ્રસ્ત જાહેર કરવાની માંગણી પણ જોર પકડવા લાગી છે. હવામાન વિભાગે પણ ગુજરાત સહિત દેશમાં સામાન્ય કરતા ઓછા વરસાદની સંભાવના જણાવી દીધી છે.

એક તરફ વરસાદના અભાવે ખેતીવાડીને માઠી અસર થતા જગતનો તાત વિમાસણમાં મૂકાયો છે, તો બીજી તરફ માનવી અને પશુઓને પીવાના પાણીની વ્યવસ્થાને લઈને પણ ચિંતા ઊભી થવા લાગી છે. 'સબ સલામત'નો ઢોલ પીટતા સંબંધિત તંત્રોના સૂર પણ હવે બદલાવા લાગ્યા છે, અને પશુઓ માટે ઘાસચારાની વ્યવસ્થા તથા સિંચાઈ માટે સૌની યોજનાનું અને પીવાના પાણીની વ્યવસ્થા માટે નર્મદા યોજનાનું પાણી પહોંચાડવા અંગે તંત્રોમાં આગોતરી વિચારણા પણ થવા લાગી છે. પશુઓના ઘાસચારાની કેટલીક વ્યવસ્થાઓ તો અમલમાં પણ મૂકાઈ ગઈ છે અને નિયત જથ્થામાં રાહતદેર ઘાસ વિતરણ શરૂ કરાયું છે. આ પ્રકારના સંજોગો વચ્ચે તહેવારો ટાણે જ ખાંડ મોંઘીદાટ થઈ જતા કેન્દ્ર-રાજ્ય સરકારો તેને અંકુશમાં લાવવાના કદમ ઊઠાવી રહી હોવાના દાવાઓ કરે છે, તો સીએનજીના ભાવો પણ વધી જતા સીએનજી આધારિત પરિવહન મોંઘુ થતા તેની અસરો રોજીંદી જરૂરિયાતોની ચીજો તથા સેવાઓ પર પણ પડી છે. આ વિકટ સ્થિતિ વચ્ચે રક્ષાબંધનથી શરૂ કરીને નાગપાંચમ, રાંધણછઠ્ઠ, શિતળા સાતમ, જન્માષ્ટમી, પારણા નોમ, શ્રાવણી અમાસ, ગણેશોત્સવ અને નવરાત્રિથી લઈને દિવાળી-નૂતન વર્ષના તહેવારોની શ્રેણી આવી રહી છે, ત્યારે હજુ પણ મેઘરાજા મહેરબાન થઈ જાય, કોઈ કુદરતી ચમત્કાર સર્જાય અને સાર્વત્રિક શ્રીકાર વરસાદ પડી જાય, તેવી જ અપેક્ષા સૌ કોઈ રાખે, તે સ્વાભાવિક છે. ભૂતકાળમાં આ પ્રકારે પાછોતરો સારો વરસાદ વરસાવીને કુદરતે 'સરપ્રાઈઝ' આપી હોય, તેવા દૃષ્ટાંતો પણ છે, તેથી આશા અમર છે... શ્રદ્ધા બળવાન છે અને સમય મહાન છે... બી પોઝિટિવ....!

બીજી તરફ એવા સમાચાર આવ્યા કે જામનગરમાં પ્રદર્શન ગ્રાઉન્ડના લોકમેળા માટે પહેલા ટેન્ડરો બહાર પડાયા અને પછી હરાજી પણ થઈ ગઈ. પ્રદર્શન ગ્રાઉન્ડમાં એસ.ટી. બસ ડેપો હાલમાં હંગામી ધોરણે ચાલી રહ્યો હોવાથી બાકીનું પ્રદર્શન ગ્રાઉન્ડ ખાલી થઈ ગયું છે અને હવે ત્યાં લોકમેળા માટે જમીન સમતળ કરી, સફાઈ કરીને જરૂરી મૂળભૂત સુવિધાઓ ઊભી કરવાની પ્રક્રિયાઓ ગતિ પકડશે, તેથી એવો સવાલ પણ ઊઠી રહ્યો છે કે થોડા વર્ષો પહેલા થયું હતું, તેમ સાતમ-આઠમના તહેવારો ટાણે જ વરસાદ પડશે તો શું થશે?

જો કે, અલનીનો તથા આ વર્ષે વરસાદની સર્જાયેલી પેટર્ન જોતા ધોધમાર વરસાદની સંભાવના ઓછી છે, અને ધીમી ધારે અથવા શ્રાવણના સરવડિયાની જેમ વરસાદ વરસે તેવી સંભાવના તો રહેવાની જ છે, તેથી તંત્રો અને સ્ટોલધારકોએ આ શક્યતાઓને કેન્દ્રમાં રાખીને કેટલીક એડવાન્સ વ્યવસ્થાઓ પણ કરી રાખવી જોઈએ. મેળામાં કાદવ-કીચડ થાય અને બીમારીની આશંકાઓ જાગે કે મેળાની મજા બગડી જાય, તેવી સ્થિતિ ઊભી જ થાય નહીં, તેવું પણ લોકો ઈચ્છે છે અને અત્યાર સુધી વરસાદ ઓછો પડ્યો હોવાથી તમામ લોકો તકલીફો ભોગવીને પણ વરસાદ આવે, તો તેને વધાવવા તૈયાર બેઠા છે. આ નક્કર વાસ્તવિક્તાઓને લક્ષ્યમાં લઈને તથા કેન્દ્રમાં રાખીને જ ભાવિ આયોજનો તથા તૈયારીઓ કરવી હિતાવહ છે.

જો જન્માષ્ટમીના તહેવારોની શ્રેણી શરૂ થતા પહેલા સંતોષકારક વરસાદ નહીં થાય, તો પણ મેળો તો યોજાશે જ અને બધા તહેવારો પરંપરાગત રીતે ઉજવાશે એ નક્કી છે. હરખીલા હાલારીઓ અને રંગીલા ગુજરાતીઓ પડકારો વચ્ચે પણ પરંપરાઓ નિભાવી જાણે છે અને મુશ્કેલીઓ વચ્ચે પણ તહેવારો ઉજવી શકે છે, તે બધાને ખબર જ છે. તેથી મેળાઓની તૈયારીઓ પણ અટકવાની નથી. એટલું ખરૃં કે જો વરસાદ ઓછો થાય, તો સરકારે સિંચાઈ માટે પાણી છોડ્યુ હોય અને પીવાના પાણીની વ્યવસ્થા પણ કરી હોય તો જ મેળાઓ થોડા મજેદાર બનશે, અન્યથા માઠી અસર પણ પડી શકે છે. આપણે ત્રણ-ત્રણ વર્ષ નબળા ગયા, તેવા કપરા સમયે પણ સાદગીપૂર્વક તહેવારો ઉજવાયા હતાં, અને કૃષ્ણ જન્મોત્સવ ઉજવ્યો હતો. ફરક એટલો હતો કે વર્ષ સારૂ નિવડ્યું હોય અને સારો વરસાદ પડ્યો હોય તો ઉત્સાહ અને ઉજવણી ઓર રંગત જમાવે, જોઈએ કુદરત શું ઈચ્છે છે તે...

દ્વારકા-કલ્યાણપુર તાલુકામાં નહીંવત વરસાદ પડ્યો હોવાથી નદી-નાળા-તળાવોમાં પાણી નથી, તેથી સૌની યોજનામાંથી સાની નદીમાં પાણી છોડવાની જોરદાર માંગણી ઊઠી રહી છે. કૃષિ ઉપરાંત દેવભૂમિ દ્વારકા જિલ્લાના કલ્યાણપુર અને દ્વારકા જિલ્લામાં તો પશુપાલન ક્ષેત્રે પણ મુશ્કેલી ઊભી થઈ રહી છે, તેથી અસરગ્રસ્ત તમામ ગામોમાં સર્વે કરીને તત્કાળ પશુઓ માટે ઘાસ-ચારાની વ્યવસ્થા અને રાહતકાર્યો શરૂ કરવાની માંગણી પણ ઊઠી રહી છે.

હવે તો ગામડાઓ કરતાં યે શહેરમાં પાણીની સમસ્યા વધુ વિકટ લાગી રહી છે, તેનું કારણ આધુનિક જીવનશૈલી અને ઈન્ફ્રાસ્ટ્રક્ચરની અસમાનતા છે, જેટલી ઝડપથી અછત, અર્ધઅછત કે કટોકટીના સમયે પરંપરાગત રહેણાંક વિસ્તારો, ગામડાઓ તથા ઝુંપડપટ્ટીઓને પાણી પૂરવઠો પહોંચાડી શકાય છે, તેટલી ઝડપથી મોટા શહેરોની બહુમાળી ઈમારતો તથા ગગનચૂંબી એપાર્ટમેન્ટોમાં પહોંચાડી શકાતો નથી, તેથી સૌની યોજના હોય કે નર્મદા યોજના હોય, અને ત્યાંથી પાણી પુરવઠો મોકલવામાં આવે, તો પણ હાલાર અને સોરઠ-કચ્છ જેવા કાંઠાળ જિલ્લાઓમાં પીવા અને વાપરવાના પાણીની સમસ્યા વિકટ બનવાની હોવાથી સમયસર 'જાગવા'ની જરૂર છે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

આપણાં દેશમાં વૃદ્ધાશ્રમો વધી રહ્યા છે, અને સંતાનોને બુઢા માતા-પિતા કે દાદા-દાદી ગમતા નથી, તેવી ચર્ચા વધી રહી છે અને માતા-પિતાની મિલકત પોતાના નામે કરાવીને તેઓને તરછોડી દેતા સંતાનો, મિલકતના કારણે કે ભાયુભાગ અથવા વારસામાં મળતી સંપત્તિ કે સ્થાવર-જંગમ મિલકતો માટે સ્વજનોને રહેંસી નાંખવાના તથા માતા-પિતા કે દાદા-દાદી પર અત્યાચાર કરવાની ઘટનાઓનું પ્રમાણ પણ વધી રહ્યું છે. સિક્કાની બીજી બાજુ એવી પણ છે કે વયોવૃદ્ધ માતા-પિતા કે દાદા-દાદીની સેવા-સુશ્રૃષા અને બુઢાપામાં જરૂરી તમામ સુવિધાઓ માટે પોતાનું સર્વશ્વ કુરબાન કરી દેવા અને રાત-દિવસ બીમાર માતા-પિતા કે વડીલની સેવા કરતા વિવેકી સંતાનો પણ આપણી વચ્ચે જ જોવા મળે છે.

ક્રાઈમ રિપોર્ટ તથા કાનૂની-ન્યાય ક્ષેત્રના રોજીંદા ઘટનાક્રમો તથા વિવિધ કાર્યવાહીઓના રિપોર્ટ જોઈએ તો સમાજમાં વડીલોનો તીરસ્કાર તથા માતા-પિતા-વયોવૃદ્ધ ભાઈ-બહેનો કે સાસુ-સસરાને દુઃખી કરવા, અત્યાચાર કરવાની ઘટનાઓ તો વધી જ રહી છે, પરંતુ સ્વજનોનો જીવ લઈ લેવા જેવી ઘાતકી મનોવૃતિ પણ ઝડપભેર પનપી રહી છે, ત્યારે સમાજ અને સરકારે આ દિશામાં વધુ જાગૃત થવું જરૂરી છે. આ પ્રકારની ઘટનાઓ બન્યા પછી તેના આરોપીઓને એવી સજા થવી જોઈએ કે બીજું કોઈ તેવું કરવાનું વિચારે પણ નહીં. આ પ્રકારના અપરાધીઓને બંધારણીય અને કાનૂની માર્ગે સબક શીખવવા સમાજે પણ કોઈક એવા પ્રબંધો કરવા જોઈએ, જેથી આ પ્રકારની માનસિક્તા ફેલાતી જ અટકાવી શકાય.

જો કે, ન્યાયની દેવડીએથી આ પ્રકારની ઘટનાઓ સામે ઘણી વખત નિષ્ઠુર સંતાનોને સબક શીખવાડતા ચૂકાદાઓ અપાતા હોય છે, અને તેની દૂરગામી અસરો પડતી હોય છે. આવો જ એક ચૂકાદો ગઈકાલે સુપ્રિમ કોર્ટે આપ્યો છે.

સુપ્રિમ કોર્ટે કહ્યું છે કે વરિષ્ઠ નાગરિકો પોતાના સંતાનોને સંપત્તિમાંથી બેદખલ કરી શકે છે. વધતી ઉંમરનો અર્થ સંતાનો દ્વારા અપમાન કે અત્યાચાર ન હોવો જોઈએ. વરિષ્ઠ નાગરિકોને સુરક્ષાનો અધિકાર છે. દરેક વ્યક્તિને આપણાં દેશમાં ગરિમામય રીતે જીવન જીવવાનો અધિકાર છે.

બન્યું હતું એવું કે એક ટ્રિબ્યુનલે લખનૌના એક મકાનના માલિકે તેમના દીકરા અને પુત્રવધૂને સંપત્તિમાંથી બેદખલ કર્યા હતાં. તે કદમને બહાલ રાખ્યું હતું. પુત્ર અને પુત્રવધૂએ માતા-પિતાને જબરદસ્તીથી વૃદ્ધાશ્રમમાં મોકલ્યા પછી લાચાર માતા-પિતાએ ના છૂટકે ન્યાયતંત્રનો સહારો લીધો હતો અને પોતાના પુત્ર અને પુત્રવધૂને સંપત્તિમાંથી બેદખલ કરવાનો આદેશ આપવાની દાદ માંગી હતી. ટ્રિબ્યુનલ કોર્ટમાં કેસ ચાલ્યા પછી જિલ્લા મેજિસ્ટ્રેટે સ્વોપાર્જિત (સ્વયં કમાયેલી) મિલકતમાંથી એટલા માટે બેદખલ કર્યા હતાં કે તેઓના પૌત્રએ ઉપદ્રવ કર્યો હતો અને માતા-પિતાને સગા દીકરાએ વૃદ્ધાશ્રમમાં ધકેલી દેવાનું કૃત્ય કર્યું હતું. જિલ્લા મેજિસ્ટ્રેટે પોતાના ચૂકાદામાં મકાનનો કબજો માતા-પિતાને સોંપી દેવા પુત્ર અને પુત્રવધૂને આદેશ કર્યો હતો.

આ આદેશની સામે પુત્ર અને પુત્રવધૂએ અલાહબાદ હાઈકોર્ટમાં અપીલ કરી હતી. હાઈકોર્ટમાં થયેલી દલીલો દરમિયાન કેટલાક અગાઉના જજમેન્ટો ટાંકવામાં આવ્યા હતાં અને માતા-પિતા તથા વરિષ્ઠ નાગરિકોના ભરણપોષણ અને કલ્યાણ અધિનિયમ હેઠળ ટ્રિબ્યુનલને મિલકતમાંથી સંતાનોને બેદખલ કરવાનો આધિકાર નહીં હોવાની ટેકનિકલ અને તાર્કિક દલીલો રજૂ થઈ હતી, જેને ગ્રાહ્ય રાખીને હાઈકોર્ટે એસ.ડી.એમ. અને જિલ્લા મેજિસ્ટ્રેટના આદેશો (ટ્રિબ્યુનલના આદેશો) રદ કરી નાખ્યા હતાં.

હાઈકોર્ટના ચૂકાદા સામે માતા-પિતાએ સુપ્રિમ કોર્ટમાં અપીલ કરી હતી, જ્યાં સુપ્રિમ કોર્ટે હાઈકોર્ટના ચૂકાદાને પલટાવીને માતા-પિતાને તેમની સ્વોપાર્જિત મિલકતમાંથી તેમના સંતાનોને બેદખલ કરવાનો અધિકાર છે, જેને માન્ય રાખવાનો અધિકાર ટ્રિબ્યુનલને હોવાનું ઠરાવ્યું હતું.

આવી ઘટના બને ત્યારે સવાલ એ ઊઠે છે કે જે સંતાનોને અનેક મુશ્કેલીઓ વેઠીને ઉછૈર્યા હોય, તે જ સંતાનો જો માતા-પિતાને તેઓએ જ પોતાની કમાણીમાંથી બનાવેલા અને વારસામાં મળેલ કે વડિલોપાર્જિત ન હોય, તેવા પોતાના ઘરમાંથી તગડી મૂકે, તો તે કદમ ન્યાયસંગત તો નથી જ, પરંતુ શું સભ્યસમાજ માટે સ્વીકાર્ય હોઈ શકે ખરૃં? સમાજ જાગૃત હોય તો આ પ્રકારની ઘટનાઓ બનતી અટકી શકે છે. આ માટે યુવાવર્ગને બાળપણથી સંસ્કારોનું સિંચન થવું જરૂરી છે.

એક એવો જ બીજો તાજો કિસ્સો વધુ ચોંકાવનારો છે. ઉત્તરપ્રદેશના એક ગામડામાં એક ૭પ વર્ષના વડીલનું નિધન થઈ ગયું. આ વડીલે પોતાની સ્વોપાર્જિત મિલકતમાંથી પોતાના દીકરાને બેદખલ કર્યો હતો અને પોતાની ત્રણેય દીકરીઓના નામે પોતાની સઘળી મિલકત લખી દીધી હતી. આ જમીનની કિંમત અંદાજે ત્રણેક કરોડની થતી હતી.

આ પિતાના અંતિમ સંસ્કાર થયા પછી તેનો એક વીડિયો વયરલ થયો, જેમાં મૃતક પિતાના મૃતદેહના હાથના અંગૂઠાના નિશાન દસ્તાવેજોમાં લેતો તેનો દીકરો દેખાતો હતો. એવું કહેવાય છે કે દીકરાની આ કરતૂત ગામના લોકોએ જ મોબાઈલ સેલફોનમાં રેકોર્ડ કરી લીધી હતી અને વીડિયો ઉતારીને વાયરલ કરી દીધો હતો. હવે તેની તપાસ ચાલી રહી હોવાના અહેવાલોની સાથે સાથે આ ઘટના ટોક ઓફ ધ નેશન બની ગઈ છે, અને માલ-મિલકત, વારસો અને જમીન-સંપત્તિના કારણે વૃદ્ધોની સુરક્ષા અને કાનૂની હક્કો પર વધી રહેલા ખતરાને જોતા સરકારે વધુ કડક કાયદો બનાવવો જોઈએ, તંત્રોએ સંવેદનશીલ બનીને કડક કાર્યવાહી કરવી જોઈએ અને ખાસ કરીને બધા સમાજોએ જાગૃત થવું અત્યંત જરૂરી છે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

'દેશમાં પ્રત્યક્ષ અને પરોક્ષ કરવેરાના ભાર હેઠળ મધ્યમ વર્ગ દબાઈ રહ્યો છે. ઈન્કમટેક્સ, ટોલટેક્સ તથા પરોક્ષ કરવેરા ચૂકવ્યા પછી પણ મધ્યમ વર્ગને કોઈ નોંધપાત્ર સરળતા કે સુવિધા મળતી નથી. દેશમાં ખરાબ-બિસ્માર માર્ગો, નબળી સાર્વજનિક શિક્ષણ સિસ્ટમ, અપૂરતી સ્વાસ્થ્ય સુરક્ષા જેવી સમસ્યાઓથી મિડલ ક્લાસ પીડાઈ રહ્યો છે. જો થોડું સારૂ શિક્ષણ મેળવવું હોય તો (મોંઘીદાટ) પ્રાઈવેટ સ્કૂલો તથા માતા-પિતાની સારી સારવાર માટે ખાનગી હોસ્પિટલો પર જ નિર્ભર રહેવું પડે છે, તેથી જ્યાં સુધી દેશમાં વર્લ્ડક્લાસ (વિશ્વકક્ષાની) ઉત્તમ સુવિધાઓ મળતી થાય નહીં, ત્યાં સુધી પગારદાર મધ્યમવર્ગ માટે પર્સનલ ઈન્કમ ટેક્સ ખતમ જ કરી દેવો જોઈએ. જો ગ્લોબલ દર મુજબ ટેક્સ ચૂકવતા હોઈએ તો સુવિધાઓ પણ ગ્લોબલ જ મળવી જોઈએ. મિડલ ક્લાસને ધોળે દિવસે લૂંટવામાં આવી રહ્યો છે. ભારતનો મધ્યમ વર્ગ (સરકાર માટે) માત્ર 'એટીએમ' બની ગયો છે!'

ઉપરોક્ત શબ્દો અત્યાર સુધી ભાજપ તરફથી તેજતર્રાર દલીલો કરતા રહેલા એક જાણીતા રાષ્ટ્રીય પ્રવક્તાના છે, જેમણે તાજેતરમાં જ 'અંગત' કારણોસર ભારતીય જનતા પક્ષમાંથી રાજીનામું આપ્યું હતું. મોદી શાસનકાળના ૧ર વર્ષ પહેલાના ઉદયના સમયગાળામાં કોંગ્રેસ છોડીને ભાજપમાં આવેલા આ યુવાનેતાનો મોહભંગ થયો કે પછી ખરેખર કોઈ પર્સનલ કારણો હોય, અને તેઓને અન્યત્ર કારકિર્દી બનાવવી હોય, તો પણ તેમની સોશિયલ મીડિયાના માધ્યમથી વ્યક્ત થયેલી વેદના ઘણું બધું કહી જાય છે...

થોડા દિવસોથી યોગગુરુ બાબા રામદેવના સૂર પણ થોડા બદલ્યા છે. તેઓ હવે પક્ષ-વિપક્ષ બન્નેની ટીકા કરીને પોતે કેવું ભારત જોવા માંગે છ ે, તેનું વિવરણ કરી રહ્યા છે, અને મીડિયાના માધ્યમથી પ્રવર્તમાન સિસ્ટમ સામે તથા પરોક્ષ રીતે સરકાર સામે આંગળી ચીંધી રહ્યા છે. ૧ર વર્ષ પહેલા કાળા નાણા પરત લાવવાની ઝુંબેશ ચલાવીને તથા ભ્રષ્ટાચાર વિરોધી મંતવ્યો આપીને સ્પષ્ટ રીતે તત્કાલિન સત્તાવિરોધી વલણ અપનાવનાર યોગગુરુ બાબા રામદેવ ફરીથી આંદોલન કરવાની તૈયારી બતાવી રહ્યા હોય, તો તે ઘણું ઘણું કહી જાય છે.

આપણે પ્રાથમિક શિક્ષણમાં એક નાની વાર્તા ભણ્યા છીએ, જેમાં 'છી, છી, આ દ્રાક્ષ તો ખાટી છે' તેવું મથાળું હતું, કાંઈક એવું જ હમણાંથી દેશમાં બની રહ્યું છે, અને ઘણાં લોકોનો ભ્રમ તૂટી રહ્યો છે. કિસાન આંદોલન અને હવે છાત્ર આંદોલન પછી કેટલાક એવા નિવેદનો આવવા લાગ્યા છે, જે બોલનાર વ્યક્તિવિશેષોની ભૂમિકા વર્ષ ર૦૧૪, વર્ષ ર૦૧૯ અને વર્ષ ર૦ર૪ ની ચૂંટણીઓ સુધી તો ભાજપ કે એનડીએની સરકાર તરફે રહી હતી, પરંતુ હવે તેઓનો કાં તો ભ્રમ ભાંગ્યો છે, અથવા તો 'છી... છી... દ્રાક્ષ તો ખાટી છે'ની જેમ ધાર્યા 'મધૂર ફળો' પ્રાપ્ત થતા નથી!

જો કે, જે હોય તે ખરૂ, પરંતુ સોશિયલ મીડિયાના માધ્યમથી મધ્યમ વર્ગના જે મુદ્દા ઊઠાવાઈ રહ્યા છે, તે એકદમ સાચા છે, અને આજેદેશનો મધ્યમ વર્ગ ખરેખર પરેશાન થઈ રહ્યો છે, અને આ જ પ્રકારની વાતો થોડા દિવસો પહેલા યોગગુરુ બાબા રામદેવે પણ મીડિયા સમક્ષ કરી હતી, તે પછી આ મુદ્દાઓ ટોક ઓફ ધ નેશન બન્યા છે.

આ તરફ ગુજરાત પ્રદેશ કોંગ્રેસના પ્રવક્તા મનિષ દોશીએ 'કેગ'ના રિપોર્ટને ટાંકીને રેલવે તંત્ર પર પ્રહારો કર્યા છે. 'કેગ'ના વર્ષ ર૦૧૯-ર૦ થી ર૦ર૪-રપ ના રિપોર્ટને ટાંકીને તેમણે કહ્યું છે કે, ૧ર વર્ષ પહેલા વર્ષ ર૦૧૪ માં બૂલેટ ટ્રેનના દાવા કરનાર સરકાર વર્ષ ર૦ર૬ સુધી સામાન્ય મુસાફરોને શુદ્ધ પીવાનું પાણી પણ પૂરૃં પાડી રહી નથી!

'કેગ'ને ટાંકીને તેમણે રેલવે તંત્ર તથા કેન્દ્ર સરકારને આડેહાથ લેતા કહ્યું છે કે, અમૃત ભારત સ્ટેશન યોજનામાં સમાવાયેલા અમદાવાદ અને સુરતના રેલવે સ્ટેશનોના આધુનિકરણના નામે અબજો રૂપિયા ખર્ચ્યા પછી પણ ત્યાં પીવાના શુદ્ધ પાણી અને શૌચાલયોની પર્યાપ્ત કે સંતોષકારક સુવિધાઓ જ ન હોય તો શું કામનું?

'કેગ'ના રિપોર્ટ મુજબ પાંચ વર્ષના નિયત સમયગાળામાં યાત્રિકોની સુવિધા માટે ફાળવાયેલી અગિયાર હજાર કરોડ રૂપિયાથી વધુની રકમ જો વાપર્યા વિનાની જ પડી રહી હોય અને બીજી તરફ પ્રાઈવેટાઈઝેશન વધારીને જો મળતિયા ઈજારેદારોને લાભ પહોંચાડવાના કારસા રચાઈ રહ્યા હોય તો તે સરકારની ભેદી અને બોદી નીતિ દર્શાવે છે. આ ઉપરાંત ડો. મનિષ દોશીએ વર્તમાન સરકારે રૂ।. ત્રણથી રૂ।. પાંચની પ્લેટફોર્મ ટિકિટના દર કોરોના કાળમાં રૂ।. પ૦ સુધી વસૂલ્યો હતો, તેનો ઉલ્લેખ કરીને કહ્યું કે વર્ષ ર૦૧૯-ર૦ માં પ્લેટફોર્મ ટિકિટ દ્વારા જ રેલવે તંત્રને રૂ।. ૧૬૦ કરોડની આવક થઈ હતી. તે ઉપરાંત કડક નિયમો લાગુ કરીને છેલ્લા ચાર વર્ષમાં મુસાફરો પાસેથી રૂ।. ૬૧૧ર કરોડ વસૂલી લેવાયા છે. આ રીતે પેસેન્જરોને લૂંટવામાં આવી રહ્યા છે, અને સુવિધાઓના ક્ષેત્રે સતત મુસાફરોની ઉપેક્ષા થઈ રહી છે. 'કેગ'ના આ રિપોર્ટને ટાંકીને તેમણે કેન્દ્રિય રેલવે મંત્રીના રાજીનામાની માંગણી કરી છે.

બીજી તરફ એવા અહેવાલો પણ આવ્યા છે કે, 'કેગ'ના રિપોર્ટ પછી રેલવે તંત્રમાં દોડધામ મચી ગઈ છે. એવું કહેવાય છે કે આ રિપોર્ટ પછી કેન્દ્રિય રેલવેમંત્રી અશ્વિની વૈષ્ણવે તો તત્કાળ રેલવે બોર્ડના અધ્યક્ષ અને મુખ્ય એક્ઝિક્યુટીવ ઓફિસર સાથે રેલવે સ્ટેશનો પર પીવાના પાણીની વ્યવસ્થા અને શૌચાલયોની સુવિધા વિષયક સમીક્ષ કરીને તાબાના તંત્રોને તત્કાળ સ્થિતિ સુધારવાની તાકીદો કરી છે.

રેલવે તંત્રે આ મુદ્દે ચોખવટ કરવાનો પ્રયાસ કરતા કહ્યું છે કે કેગના રિપોર્ટમાં અમદાવાદ અને સુરત રેલવે સ્ટેશનોના સંબંધમાં ક્યાંય એવું નથી કહેવાયું કે આ બન્ને સ્ટેશનો પર મૂળભૂત યાત્રિક સુવિધાઓ કે પીવાનું પાણી તદ્ન ઉપલબ્ધ નથી. અમદાવાદ રેલવે સ્ટેશનના સંબંધમાં કેગના રિપોર્ટમાં પીવાના પાણીના નળ, સિટિંગ એરેજમેન્ટ અને વોટરકુલરની નિર્ધારિત સંખ્યા સામે થોડી ઉણપ દર્શાવી છે, જેનો અર્થ એવો નથી કે રેલવે સ્ટેશનો પર પીવાના પાણી અને બેસવાની વ્યવસ્થા જ નથી અથવા તેનો અભાવ છે!

જે હોય તે ખરૃં, પરંતુ રેલવેમાં મહત્તમ મુસાફરો ગરીબ અને મધ્યમવર્ગિય હોય છે. મધ્યમવર્ગને સ્પર્શતો આ મુદ્દો તો ભાજપના જ એક મોટા વર્ગને પણ સ્પર્શે છે, તેથી બાર વર્ષ પહેલા જે મોટા મોટા બુદ્ધિજીવીઓ, વ્યક્તિવિશેષો અને સપોર્ટરોએ વર્તમાન કેન્દ્ર સરકારની બુનિયાદ મજબૂત કરવામાં સહયોગ આપ્યો હતો અને ઘણાં યુવા ચહેરાઓ સહિત લબ્ધ-પ્રતિષ્ઠિત નેતાઓ વિવિધ ક્ષેત્રના વ્યક્તિવિશેષો અચ્છે દિનની આશામાં ભાજપમાં જોડાયા હતાં કે તે સમયના શાસકપક્ષને તિલાંજલિ આપીને ભાજપમાં આવ્યા હતાં, તેમજ યોગગુરુ જેવા કેટલાક નિષ્પક્ષ ચહેરાઓ સમર્થનમાં ખૂલ્લેઆમ મેદાને પડ્યા હતાં, તેઓની હવે અવગણના થઈ રહી હોય કે પછી મોહભંગ થયો હોય, તો માત્ર ભારતીય જનતા પક્ષ જ નહીં, પરંતુ એનડીએના સાથીદાર પક્ષો માટે પણ આત્મમંથનનો વિષય છે. અત્યારે તો 'મધ્યમવર્ગો' (સરકાર માટે) માત્ર એટીએમ બની ગયા હોવાનું કથિત નિવેદન જ 'ટોક ઓફ ધ નેશન' બન્યું છે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

સીજેઆઈની એક ટિપ્પણીના શબ્દોને પકડીને જ્યારે કોકરોચ જનતા પાર્ટીની ઓનલાઈન ઝુંબેશ ચાલી, ત્યારે કોઈએ તેને ગંભીર ગણી નહોતી, અને મજાક ઊડાવાઈ રહી હતી. અભિજિત દીપકેને અવગણીને સત્તાધીશો મધ્યસ્ત હતાં અને નીટના કૌભાંડમાં સંડોવાયેલાઓ કદાચ 'ગોડ ફાધરો'ના ભરોસેે નિશ્ચિંત હતાં, જો કે દબાણ વધતા કેટલાક અધિકારીઓ તથા શંકાસ્પદોની અટકાયતો થઈ, તપાસના નાટકો ચાલ્યા, પરંતુ જ્યારે એક તરફ વિપક્ષનું દબાણ અને બીજી તરફ જંતરમંતર પર યુવાઓના આંદોલનને વેગ મળવા લાગ્યો અને હજારોની સંખ્યામાં સ્ટુડન્ટ્સ ત્યાં આવવા લાગ્યા, ત્યારે કદાચ સંબંધિત ઉચ્ચ અધિકારીઓની ઊંઘ ઊડી, પરંતુ ત્યાં સુધીમાં ઘણું જ મોડું થઈ ગયું હતું.

'બાર બાર વરસે નવાણ ગળાવ્યા, નવાણે નીર ન આવ્યા જી રે...' જેવી એક કાવ્યપંક્તિને અનુરૂપ પ્રવર્તમાન કેન્દ્ર સરકારને બાર વર્ષ થયા, છતાં આ દેશવ્યાપી પેપરલીક સમસ્યાનો અંત આવ્યો જ નહીં, અને નીટ પેપરલીક પછી નિંભર રહેલા તંત્રો અને 'વહેમ'માં રહેલા નેતાઓની આંખ યુવાશક્તિએ ઊડાડી દીધી, અને આંદોલનકારીઓની માંગણીઓ સરકારે સ્વીકારવી પડી. આ આખા ઘટનાક્રમમાં સોનમ વાંગચૂકની ભૂમિકા પણ મહત્ત્વપૂર્ણ રહી હતી. સરકારે તમામ માંગણીઓ સ્વીકારવા છતાં આંદોલનકારી મક્કમ રહેતા કેન્દ્રિય શિક્ષણમંત્રી ધર્મેન્દ્ર પ્રધાને રાજીનામું આપવું જ પડ્યું, અને ત્યાંથી જ આ આંદોલનને પોલિટિકલ કલર લાગ્યો હોવાની આક્ષેપબાજી પણ થઈ. મોદી સરકારના શાસનકાળમાં ૧ર વર્ષમાં પહેલી વખત આવી રીતે કોઈ મંત્રીએ રાજીનામું આપવું પડ્યું. આ આખા ઘટનાક્રમ દરમિયાન વિપક્ષોની ટોચની નેતાગીરીએ નિવેદનો દ્વારા સમર્થન આપ્યું અને પ્રથમ તથા બીજી હરોળના કેટલાક નેતાઓએ જંતરમંતર પર આંદોલન કરી રહેલા તથા ઉપવાસ પર ઉતરેલા સોનમ વાંગચુકને મળીને ટેકો આપ્યો.

સોનમ વાંગચૂકના ર૬ દિવસના ઉપવાસ પછી તેઓને જબરદસ્તી હોસ્પિટલે ખસેડાયા, તે પછી તેમણે સરકાર પર વિશ્વાસ મૂકીને પારણા કર્યા, પરંતુ કોકરોચ જનતા પાર્ટીનું આંદોલન શિક્ષણમંત્રીના રાજીનામા સુધી ચાલ્યું હતું.

આ પ્રચલીત ઘટનાક્રમ એટલા માટે યાદ આવી ગયો કે ઝારખંડમાં પણ લગભગ સમાન પ્રકારના મુદ્દાઓને લઈને ચાલી રહેલા આંદોલન સામે હવે ઝારખંડની સરકારે પણ ઝુકવું પડ્યું છે અને જેના ટેકાથી હેમંત સોરેનની સરકાર સત્તામાં છે, તે કોંગ્રેસ પાર્ટીના હાલના સર્વેસર્વા ગણાતા નેતા રાહુલ ગાંધીના અનુરોધ પછી સોરેન સરકારને પણ જીદ છોડવી પડી છે.

ઝારખંડમાં પણ જેએસએસસી, સીજીએલ અને ટીડીપીએલ દ્વારા લેવાયેલી તમામ પરીક્ષાઓ રદ્ કરવી પડી છે. લગભગ રપ દિવસથી ચાલી રહેલા વિદ્યાર્થીઓના આંદોલન પછી હેમંત સોરેન સરકારે વિદ્યાર્થીઓની મહત્ત્વપૂર્ણ માંગણી સ્વીકારીને રિટાયર્ડ જજની અધ્યક્ષતામાં તટસ્થ સમિતિને પરીક્ષાઓમાં ગેરરીતિની તપાસ સોંપવાની જાહેરાત કરી છે. આ સમિતિ માત્ર આ ત્રણ-ચાર પરીક્ષાઓ નહીં, પરંતુ ઝારખંડમાં લેવાયેલી વર્ષ ર૦૧૪ થી અત્યાર સુધીની ૧ર વર્ષની તમામ પરીક્ષાઓની પણ તપાસ કરશે.

કોકરોચ જનતા પાર્ટીના આંદોલનનું કેન્દ્ર નવી દિલ્હીનું જંતર-મંતર રહ્યું હતું અને તેનું નેતૃત્વ અભિજિત દીપકે, સોનમ વાંગચૂક, પ્રકાશ રાજ, અતુલ કુલકર્ણી, મહુઆ મોઈત્રા અને મુખ્ય પ્રવક્તા સૌરભદાસ તથા આશુતોષ રાંકા હતાં, જ્યારે ઝારખંડના રાંચીમાં જયપાલસિંહ મુંડા સ્ટેડિયમમાં ચાલતા આંદોલનમાં દેવેન્દ્રનાથ મહતો (વિદ્યાર્થી નેતા) અને નીટના સ્ટુડન્ટ મેઘા મુખ્ય ચહેરા છે. બન્ને આંદોલનના ઉદેશ્યો, માંગણીઓ અને તેની ફલશ્રૂતિની સરખામણી કરવામાં આવે, તો બન્ને આંદોલનો સામે સંબંધિત સરકારોને ઝુકવું પડ્યું છે, જો કે હેમંત સોરેન સરકારે સીબીઆઈની તપાસના બદલે રિટાયર્ડ જજની અધ્યક્ષતામાં તપાસ સમિતિની રચનાનો નિર્ણય લીધો છે, અને બીજી તરફ સંબંધિત મંત્રી કે મુખ્યમંત્રીએ રાજીનામું આપવું પડ્યું નથી, જો કે આંદોલનકારીઓએ પણ એવા ભાજપના છાત્રનેતાઓએ શિક્ષણ મંત્રી અને સી.એમ.ના રાજીનામાની માંગણી કરી હતી, પરંતુ તેના પર બહુ ભાર મૂક્યો હોય તેમ જણાયું નહોતું, તેથી ગઈકાલે રાત્રે ઝારખંડ સરકારે કરેલી જાહેરાત પછી આજે તેના જે પ્રત્યાઘાતો આવી રહ્યા છે, તે ઘણાં જ મહત્ત્વપૂર્ણ, રસપ્રદ અને મનોમંથન કરવા જેવા છે. બીજી તરફ કોઈનું રાજીનામું માંગ્યા વિના આંદોલનકારીઓએ પારણા કરી લીધા અને ભૂખ હડતાલ ખતમ થઈ છે, તેવા અહેવાલો વચ્ચે તાજા અહેવાલો મુજબ રાંચીમાં આંદોલન સંપૂર્ણપણે ખતમ નહીં કરવાનો કેટલાક છાત્ર નેતાઓએ નિર્ણય લીધો છે, અને સીબીઆઈની તપાસની માંગણી કરી રહ્યા છે.

જો કે, ઝારખંડમાં જેપીએસસી-જેએસએસસી રિફોર્મ્સ મંચ દ્વારા નૈતિક આધાર પર રાજીનામાઓની માંગણી થયા પછી સોરેન સરકાર પર દબાણ વધ્યું હતું, અને કોંગ્રેસ અને રાહુલ ગાંધીના બદલાયેલા વલણ પછી ઝારખંડની ગઠબંધન સરકાર સામે રાજકીય પડકાર પણ ઊભો થયો હતો. જંતરમંતરના આંદોલનને સમર્થન આપ્યા પછી ઝારખંડમાં પણ વિદ્યાર્થીઓની તરફેણમાં સ્ટેન્ડ લેવું એ કદાચ રાજકીય મજબૂરી હતી અને જેના ટેકાથી સરકાર ટકી છે, તે કોંગ્રેસની અવગણના કરવી એ સેલ્ફગોલ કે રાજકીય આત્મઘાત કરવા જેવું હતું, તેથી હેમંત સોરેન સરકારને પણ કેન્દ્ર સરકારની જેમ અંતે ઝુકવું જ પડ્યું છે. હજુ જોઈએ આગે આગે ક્યા હોતા હૈ...!

નીટ પેપરલીક મામલામાં પ્રારંભથી પરિણામ સુધીમાં ઘણાં અધિકારી-કર્મચારીઓ તથા પદાધિકારીઓના રાજીનામા પડ્યા હતાં અને તેની પરાકાષ્ટા કેન્દ્રિય શિક્ષણમંત્રીના રાજીનામા સુધી પહોંચી હતી. ઝારખંડમાં પણ જેપીએસી ચેરમેન, ત્રણ સભ્યોના રાજીનામા પડ્યા છે. બન્ને સ્થળે સંબંધિત તંત્રોના જવાબદાર ઓફિસરો-કર્મચારીઓ પર પણ વધુ કડક પગલાં લેવાઈ રહ્યા છે. 'બીજી તરફ' દિમાગી નક્સલ પાર્ટીના પણ લાખો ઓનલાઈન ફોલોઅર્સ ઊભા થતા નેતાગીરીની ઊંઘ ઊડી ગઈ હશે.

'બુરે કામ કા બુરા નતીજા, ક્યું ભાઈ ચાચા, સુન ભતીજા' હિન્દી ગીતની પંક્તિ મુજબ કેન્દ્ર અને રાજ્ય સરકારોએ હવે એ સમજી લેવાની જરૂર છે કે, ફરીથી એક વખત દેશની યુવાશક્તિ જાગૃત થઈ ગઈ છે. પેપરલીક, પરીક્ષાઓમાં ગરબડ, સરકારી નોકરીઓની ભરતીમાં ગરબડ ગોટાળા, પરીક્ષાચોરી અને તદ્વિષયક લાંચ, રૂશ્વત, ગેરરીતિ, ભ્રષ્ટાચાર સામે યુવાશક્તિ ઝઝુમવાની જ છે, પછી ભલે સરકાર કોઈપણ પક્ષ, ગઠબંધન કે પ્રભાવશાળી નેતૃત્વની હોય... ઝુકતી હૈ દુનિયા, ઝુકાનેવાલા ચાહિયે... સંગઠન શક્તિ હૈ મહાન... ઈરાદા નેક હોના ચાહિયે...

આ સફળતાઓ પછી શિક્ષણ, પરીક્ષાઓ તથા સરકારી નોકરીઓમાં ભરતીના ક્ષેત્રે યુવાશક્તિ સતત વોચડોગની જેમ જાગૃત રહેવાની છે, અને તેનો હેતુ પોલિટિકલ નહીં હોવાથી યુવાશક્તિના દેશવ્યાપી સમર્થન માટે સફળ આંદોલનકારીઓએ પણ પોતાની હવે પછીની દિશા અને તટસ્થ રણનીતિ નક્કી કરવી પડશે. સત્તાધીશો લૂલો બચાવ કરે કે ગમે તેવા લાંછન લગાડે, કે તંત્રો તિક્કડમ્ ઊભા કરે તો પણ રાજ્યોથી લઈને દિલ્હી સુધી એક પવિત્ર ભાવના તથા સ્પષ્ટ, તટસ્થ ઉદ્દેશ્યથી દેશવ્યાપી દિમક (ઉધઈ) ની ગાંધીપથ પર ચાલીને સાફસુફી કરવાની છે...

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

આજે શ્રાવણ મહિનાનો પહેલો સોમવાર છે, અને દેશભરમાં શિવભક્તિની ગૂંજ છે. બીજી તરફ દેશભરમાં આન-બાન-શાન સાથે સ્વાતંત્ર્ય પર્વની ઉજવણી સંપન્ન થઈ છે, બીજી તરફ જામનગરમાં પણ આ પ્રસંગે યોજાયેલા કાર્યક્રમોમાં દેશભક્તિનો માહોલ છવાયો હતો, અને ઐતિહાસિક, દર્શનીય અને સરકારી સંકુલો તથા નાગરિકો દ્વારા ઘરો-દુકાનો-ફેક્ટરીઓ ત્રિવેણી રોશનીથી ઝળહળી ઊઠી હતી, તો ધર્મસ્થળોમાં પણ ત્રિરંગા સુશોભનો અને રોશનીથી અનોખી ગૌરશાળી આભાર ઊભી કરી રહ્યા હતાં. હજુ પણ આજે હર-ઘર તિરંગા અભિયાન હેઠળ ઘેર-ઘેર તિરંગો લ્હેરાઈ રહ્યો છે.

દેશભરમાં મંદિરો, મસ્જિદો, ચર્ચો, ગુરુદ્વારાઓ, બૌદ્ધ મઠો, પારસીઓના પાવન સ્થળો, આશ્રમો, દરગાહો, ઉપાશ્રયો સહિત ઠેર ઠેર ત્રિરંગો લ્હેરાયો અને તેમાં દેશની એક્તા, અખંડિતતા અને નેશન ફર્સ્ટની ભાવના ઝળકી. એટલું નહીં, ભારતના સ્વાતંત્ર્ય દિનના આગલા દિવસે શેખીબાજ શહબાજ શરીફની ધમકીનો જવાબ જાણે ભારતની જનતાએ જ આપી દીધો. ભારત એક, અખંડ અને એકજુથ છે, અને તેને પડકરવાની શેખી ભારે પડવાની છે તેવા સંકેતો ભારતના રાજકીય પક્ષોએ પણ પાકિસ્તાનને આપી દીધા છે.

દર વર્ષે આ સમયગાળામાં દેશભક્તિ અને ઈશભક્તિનો અનોખો સંગમ રચાય છે. શ્રાવણ મહિનામાં શિવ અને પાર્વતીજી પૃથ્વીલોકમાં નિવાસ કરે છે, તેથી શિવજીના ભક્તોનો ભક્તિમય ઉત્સાહ અનેકગણો વધી જતો હોય છે, તેમાં પણ સોમવારે જલાભિષેક, રૂદ્રાભિષેક, યજ્ઞો તથા કઠોર આરાધના-તપશ્ચર્યા સાથે ભારત જ નહીં, વિશ્વભરમાં પથરાયેલા શિવભક્તો શ્રાવણ મહિનાનું અથવા પ્રત્યેક સોમવારનું વ્રત કરતા હોય છે. સમુદ્રમંથન સમયે હળાહળ ઝેર નીકળ્યું, જે દેવોના દેવ મહાદેવે કંઠમાં ધારણ કર્યું, ત્યારે વિષની ગરમી શાંત કરવા માટે દેવો અને ઋષિમુનિઓએ શિવજી પર શિતળ જળ તથા દુગ્ધ (દૂધ) નો અભિષેક કર્યો હતો, તે ઉપરાંત ઠંડક પ્રદાન કરતા બિલ્વપત્રો (બીલીપત્રો) અર્પણ કર્યો, તે સમયથી શિવભક્તો દૈનિક શિવપૂજનમાં આ ત્રિ-અભિષેક કરતા રહ્યા છે. શિવપુરાનની વિદ્યોશ્વર સંહિતા મુજબ ભગવાન શિવશંકર પાર્વતીજી સાથે શ્રાવણ મહિનામાં પૃથ્વીલોકમાં નિવાસ કરતા હોવાથી શ્રાવણ મહિનામાં આ ત્રિ-અભિષેકની સાથે સાથે વિશેષ હોમહોમાદિ કાર્યો, યજ્ઞો, વ્રત-ઉપવાસ તથા દયા-દાન-સેવા પ્રવૃત્તિઓ સાથે શિવાલયોમાં વિશેષ દર્શન-પૂજા તથા સાંસ્કૃતિક, ભક્તિમય કાર્યક્રમો યોજાય છે.

આ વખતે કૃષ્ણજન્મોત્સવ સપ્ટેમ્બરના પ્રારંભે અને શ્રાવણ મહિનાના બીજા પખવાડિયામાં આવતી અષ્ટમીની મધ્યરાત્રિએ ઉજવાશે, અને 'નંદ ઘેર આનંદ ભયો'ની ગૂંજ ઊઠશે, તેથી ધર્મભક્તિ અને રાષ્ટ્રભક્તિના સંયોજન સાથે અત્યારે દેશભરમાં ભક્તિમય ખુશીનો માહોલ છે, ત્યારે બીજી તરફ કેટલાક વિવાદો, કુદરતી ઘટનાક્રમો તથા બદલાઈ રહેલો રાજકીય માહોલના કારણે એક અજબોગરીબ પ્રકારની સ્થિતિ પણ ઊભી થઈ રહેલી જોવા મળે છે.

દેશમાં વર્ષ ર૦૧૪ માં યુપીએ સરકારનું પતન થયું અને 'અચ્છે દિન આને વાલા હૈ' જેવા સૂત્રો સાથે મોદી સરકાર રચાઈ,તે પછી કદાચ સૌ પ્રથમ વખત યુવાશક્તિ સામે રાજશક્તિને નમતું જોખવું પડ્યું, અને પેપરલીકના મુદ્દે કેન્દ્રિય શિક્ષણમંત્રીનું રાજીનામું પડ્યું. મોદી શાસનકાળમાં આ રીતે 'રાજીનામું' આપવું પડ્યું હોય, તેવી આ પ્રથમ ઘટના હતી. તે ઉપરાંત એક મહત્ત્વાકાંક્ષી બિલ જેપીસીને મોકલવું પડ્યું તથા મહિલા આરક્ષણ બિલ લટકી પડ્યું, તે પણ મોદી સરકારની આ વર્ષની પ્રથમ પીછેહઠ હતી. હવે યુજીસી-નેટના ત્રણ પ્રશ્નોપત્રો રદ્ કરીને નવેસરથી પરીક્ષા લેવી પડી રહી હોય, તો તે શિક્ષણ વ્યવસ્થા, પરીક્ષા પદ્ધતિ તથા રાજ્ય સરકારો તથા કેન્દ્ર સરકારની 'સિસ્ટમ'માં ઘૂસી ગયેલા 'લીકેજ'નો પ્રત્યક્ષ પુરાવો છે. 'સિસ્ટમ' સમાન રહી, અને સરકારો બદલતી રહી, તેના કારણે પરીક્ષાઓમાં ગોલમાલ અને પેપરલીક જેવી ઉધઈ વધુ વ્યાપક બની છે, જેને નિવારવા માટે એકબીજાના ઝભ્ભા પર પડેલો ડાઘ બતાવીને રાજનીતિ કરવાના બદલે સમગ્ર પોલિટિકલ સિસ્ટમને આ મુદ્દે રાજનીતિ એક બાજુ રાખીને આ 'ઉધઈ'ને ખતમ કરવા પ્રબળ એકજુથતા સાથેની ઈચ્છાશક્તિ બતાવવાની જરૂર છે, અને તેની પહેલ જો વિપક્ષી તરફથી થતી હોય તો તેને આવકારીને સત્તાપક્ષે પરિણામલક્ષી અને નક્કર કદમ ઊઠાવવાની જરૂર છે. દેશમાં 'દિમાગી નક્સલવાદ'ની નવી ચર્ચા શરૂ થઈ ગઈ, અને વંદેમાતરમ્ના અપમાનનો મુદ્દો વકર્યો, તો નવા મુદ્દાઓને લઈને નવી નવી 'ઓનલાઈન' પાર્ટીઓ રચાવા લાગી છે, જે પ્રવર્તમાન પોલિટિકલ સિસ્ટમમાં પેધી ગયેલા સડાને આભારી છે, અને આ નવી ઓનલાઈન, ક્રાંતિ પક્ષ-વિપક્ષ જોયા વિના સીધી સિસ્ટમના સડા પર જ વાર કરતી હોવાથી પોલિટિકલ નેતાગીરીના ખભે રાખીને બંદુક ફોડીને પોતાના હિતો સાધતા રહેતા કેટલાક (કે ઘણાં બધા?) બ્યુરોક્રેટ્સ સામે પણ એક મોટો પડકાર છે. આ કારણે જ ભ્રષ્ટાચારી નેતાઓ અને બ્યુરોક્રેટ્સમાં ખળભળાટ વ્યાપ્યો હશે.

વર્ષ ર૦૧૩-૧૪ માં યુપીએ સરકાર સામે જનજુવાળ ઉપડ્ય હતો, ત્યારે જે લોકો આ વિરોધી ઝુંબેશની અગ્રીમ હરોળમાં હતાં, તે પૈકીના કેટલાક લોકોનું નિધન થઈ ગયું છે, અને થોડાક લોકો હજુ પણ જાહેરજીવન કે પોતાના ક્ષેત્રોમાં સક્રિય છે, બાકી ઘણાં મોટા ચહેરાઓ કાં તો નિષ્ક્રિય થઈ ગયા છે, ચૂપ થઈ ગયા છે અથવા નિરાશ થઈને વસવસો વ્યક્ત કરી રહ્યા હશે, તો કેટલાક ખ્યાતનામ ચહેરાઓ આજે યુ-ટર્ન લઈને વર્તમાન સરકાર સામે પણ જરૂર પડ્યે મહાઆંદોલનની વાતો કરવા લાગ્યા હોય તો તે શું સૂચવે છે, તે સૌ કોઈ સમજી શકે છે. અત્યારે પોલિટિકલ સિસ્ટમ હોય કે બ્યુરોક્રેસી હોય, શાસન હોય કે પ્રશાસન હોય, પક્ષ હોય કે વિપક્ષ, સરકારી સંસ્થાઓ હોય કે સહકારી સંસ્થાઓ હોય, કાનૂની સંસ્થાઓ હોય કે બંધારણીય સંસ્થાઓ હોય, તે તમામ જનતાની કસોટીએ ચડ્યા છે, અને સમગ્ર જનતા આ તમામથી પૂરેપૂરી સંતુષ્ટ નથી, તે હકીકત છે. લોકતંત્રમાં જે જનતા સિંહાસન પર બેસાડી શકે છે, તે ઊઠાડી પણ શકે છે અને સંતોષ થાય તો ફરીથી સત્તામાં લાવી શકે છે. પૂનરાવર્તન પણ કરી શકે છે, અને પરિવર્તન પણ કરી શકે છે, તે ભૂલવું ન જોઈએ.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

આજે ૮૦ મો સ્વાતંત્ર્ય દિવસ ઉજવાઈ રહ્યો છે, અને જામનગર, હાલાર, સૌરાષ્ટ્ર અને ગુજરાત સહિત દેશભરમાં રાષ્ટ્રધ્વજ તિરંગો ફરકાવાયો છે, અને આન-બાન-શાનથી આપણાં દેશનો સ્વાતંત્ર્ય દિન ઉજવાઈ રહ્યો છે. ગઈકાલે પૂર્વ સંધ્યાએ દેશમાં ત્રિરંગી રોશની ઝળહળી ઊઠી હતી, અને આજે દેશભરમાં આપણો ત્રિરંગો રાષ્ટ્રધ્વજ લ્હેરાઈ રહ્યો છે. એટલું જ નહીં, દુનિયાભરમાં જ્યાં જ્યાં ભારતીયો વસવાટ કરે છે, ત્યાં તથા ભારતીય દૂતાવાસો તથા ભારતીય યુનિટો-વૈશ્વિક પ્રોજેક્ટોમાં પણ આજે સ્વાતંત્ર્ય પર્વ ઉજવાઈ રહ્યું છે. જામનગરનો ભૂજિયો કોઠો પણ નવીનિકરણ પછી સ્વાતંત્ર્ય પર્વ ત્રિરંગી રોશનીથી ઝળહળી ઊઠ્યો હતો, અને તેની સાથે રણમલ તળાવ તથા મહાનગરની નાની-મોટી તમામ ઈમારતો, મંદિરો, સંસ્થાઓ, ધાર્મિક સ્થળો, સમાજવાડીઓ વિગેરે તિરંગી રોશનીથી ઝળહળી ઊઠતા એક અલગ જ આભા પ્રગટી હતી.

ગઈકાલે જ રાષ્ટ્રપતિએ સ્વાતંત્ર્ય પર્વની પૂર્વ સંધ્યાએ ૭૮ વીરતા પૂરસ્કારો અને ૮૯ મેન્શન ઈન ડિસ્પેચિસને મંજુરી આપી છે. ૧૯ જવાનોને શૌર્યચક્ર અને ૯ ને કીર્તિચક્રોથી સન્માનિત કરાશે. આ સન્માનો પૈકી ૧૩ પુરસ્કારો મરણોપરાંત અપાશે. આ પુરસ્કારો આપણી ખમીરવંતી ભારતીય સેનાની ત્રણેય પાંખ ઉપરાંત ગૃહમંત્રાલય હેઠળ કાર્યરત સુરક્ષાદળોના જવાનોને અપાતા હોય છે.

આપણાં દેશના રાષ્ટ્રપતિ દ્રૌપદી મુર્મુએ પરંપરાગત રીતે ગઈકાલે સ્વાતંત્ર્ય પર્વની પૂર્વસંધ્યાએ રાષ્ટ્રને સંબોધન કરતી વેળાએ પણ ભારતીય સેના અને સશસ્ત્ર સુરક્ષાદળોની પ્રશંસા કરી અને ઓપરેશન સિંદૂરનો ઉલ્લેખ કરીને આતંકવાદીઓને તેના કુકૃત્યનું પરિણામ પણ ભોગવવું પડશે, તેવો કડક સંદેશ આપ્યો, અને આતંકવાદીઓ દુનિયામાં ક્યાંય પણ છૂપાયા હોય, તો તેને તથા તેના સમર્થકોને પણ પરિણામો ભોગવવા પડશે, તેવી ચીમકી આપીને પાકિસ્તાનને પણ પરોક્ષ રીતે વોર્નિંગ આપી હતી, અને તેમાં કદાચ ગઈકાલે જ પાકિસ્તાનના વડાપ્રધાને ભારતને સિંધુ જલ સંધિના મુદ્દે આપેલી ધમકીનો જવાબ પણ હતો. રાષ્ટ્રપતિએ સંબોધનમાં નક્સલવાદ નાબૂદી, ખેડૂતોના હિતો તથા પેપરલીક જેવા મુદ્દાઓનો પણ ઉલ્લેખ કર્યો હતો, અને દેશવાસીઓને સ્વાતંત્ર્ય પર્વની શુભકામના પાઠવવાની પરંપરા નિભાવી હતી.

આ વર્ષે લાલકિલા પરથી વડાપ્રધાને આપણા દેશની આન-બાન-શાન, ગરિમા અને જુસ્સાદાર દેશભાવનાઓ સાથે તિરંગો લ્હેરાવીને સતત ૧૩ મી વખત સલામી આપી, તેની સાથે સાથે એક નવી ઐતિહાસિક પરંપરા પણ આજથી ઉમેરાઈ હતી, અને ધ્વજવંદન કાર્યક્રમ દરમિયાન રાષ્ટ્રગાન જન-ગણ-મનની સાથે સાથે 'વંદે માતરમ્' રાષ્ટ્રગીત પણ ગૂંજ્યું, અને આ રાષ્ટ્રગીતને ૧પ૦ વર્ષ થયા, તેની ગરિમાગાથા પણ વર્ણવાઈ, તે આજના ૮૦ માં સ્વાતંત્ર્ય પર્વની લાલકિલ્લા પર થયેલી ઉજવણીની ઐતિહાસિક વિશેષતા પણ હતી.

આજે લાલકિલ્લા પરથી ધ્વજવંદન પહેલા રાષ્ટ્રગીત 'વંદે માતરમ્' ગૂંજ્યું અને વડાપ્રધાને રાષ્ટ્રધ્વજ ફરકાવ્યા પછી રાષ્ટ્રગાન 'જનગણ મન'ની રાષ્ટ્રધૂન સો તિરંગાને સલામી અપાઈ, ત્યારે એક ગૌરવપ્રદ દૃશ્ય ખડું થયું હતું, અને એક અતૂટ, અખંડ અને આધુનિક ભારતના દર્શન થયા હતાં. તે પછી વડાપ્રધાન નરેન્દ્ર મોદીએ કરેલા પ્રવચનમાંથી પણ વિકસિત ભારતનો સંકલ્પ તથા ભારતની વિવિધતામાં એક્તાની તાકાત તથા આધુનિક ભારતની ગરવી વિકાસયાત્રા, ૧૪૦ કરોડ દેશવાસીઓનું સામર્થ્ય તથા ભારતીયોની ગૌરવગાથા પ્રગટી હતી.

વડાપ્રધાને ડિજિટલ ટ્રાન્ઝેક્શન, નળથી જળ, ગેસ કનેક્શન, શૌચાલયો, ગવર્નન્સમાં બદલાવ, જુના કાયદાઓને અલવીદા, આધુનિક ઈન્ફ્રાસ્ટ્રક્ચર, આત્મનિર્ભર ભારતનો સંકલ્પ, આપદાઓ અને વૈશ્વિક અશાંતિ વચ્ચે પણ ઈકોનોમીની આગેકૂચ, મેઈક ઈન ઈન્ડિયા, વોકલ ફોર લોકલ, સેમીકન્ડક્ટર, ક્રિટિકલ મિનરલ કોરિડોર, ચીપ, એ.આઈ., ડેટા સેન્ટર, એનર્જી સિક્યુરિટી, પરમાણુ ઊર્જા, શાંતિ અક્ટી, પાંચ નવા પરમાણુ મથકો, ઈંધણ, પરંપરાગત ઊર્જા, દરિયામાં તેલભંડારોની ખોજ માટે સમુદ્રમંથન, વૈકલ્પિક ઊર્જા, પવન ઊર્જા, સૂર્ય ઉર્જા, સુર્યઘર યોજના, રેલવેનું આધુનિકરણ, હાઈડ્રોજન ટ્રેન, વર્ષ ર૦૪૭ સુધીમાં વિકસિત ભારતનું લક્ષ્ય, કોરોના-યુદ્ધની વિભિષિકા, વૈશ્વિક અશાંતિ, ખેડૂતોને સંબંધિત યોજનાઓ, એફપીએ અને ટ્રેડ એગ્રીમેન્ટ્સ, એમએસએમઈઝ, ટેક્સટાઈલ્સ, દરિયાઈ ેખેતી (મત્સ્યોદ્યોગ), વર્ક કલ્ચરમાં બદલાવ, રિફોર્મ્સ, શક્તિની સપ્તધારા, મેન્યુફેક્ચરીંગ, કૃષિ ફૂડ પ્રોસેસીંગ, ગ્લોબલ માર્કેટ, કોમ્યુનિકેશન ટેકનોલોજી, ગતિશક્તિ, પોર્ટ લેડ ડેવલપમેન્ટ, રક્ષાશક્તિ, ગ્રીન એન્ડ બ્લ્યુ ઈકોનોમી, સોફ્ટ પાવર, યોગા, બેન્કીંગ, ફાર્માસેક્ટર, વિકસિત ભારતના લક્ષ્યમાં યુવાઓનું યોગદાન, રિસર્ચ, સસ્તો ડેટા, સ્પેસ સેક્ટર, ખેલો ઈન્ડિયા, શૈક્ષણિક વિકાસ, સાઈન્સ ટેકનોલોજી, એક કરોડ યુવાનોને એ.આઈ.ની ટ્રેનિંગ, બાયો-ઈકોનોમી, ડ્રોન દ્વારા યોજનાકીય અમલિકરણ, ફ્રી ઓનલાઈન કોચીંગ, ખેલજગત માટે નવી યોજનાઓ, કોમનવેલ્થ, ઓલિમ્પિક, ટેલેન્ટ હન્ટ, નશામુક્ત ભારત, દિમાગી નક્લવાદ નાબૂદી, આતંકવાદ સામે પડકાર, સીમાપારના પડકારોને પછાડવાનો નિર્ધાર, મિશન સુદર્શન ચક્ર, મહિલાશક્તિ, મહિલા આરક્ષણ બિલ, વસ્તીગણત્રીનો ઉલ્લેખ કરીને કહ્યું હતું કે, એક દીપ સે જલે દીપ હજારો...

બીજી તરફ પાકિસ્તાનના વડાપ્રધાન શહબાઝ શરીફે ભારતને આપેલી ધમકીના સંદર્ભે સિંધુ જલ સંધિનો ઉલ્લેખ કરીને જમ્મુ-કાશ્મીરના મુખ્યમંત્રી ઉમર અબ્દુલ્લાએ સણસણતો જવાબ આપતા રણકાર કર્યો છે કે જમ્મુ-કાશ્મીરના લોકોને સિંધુ જળ સંધિ હેઠળની નદીમાંના જળ પર પહેલો હક્ક છે. તેમણે સિંધુ જળ સંધિ જ રદ કરવાની માંગણી ઊઠાવતા 'સુપર વચન'નો ઉલ્લેખ કરીને કેન્દ્ર સરકાર પર પણ વ્યંગ કર્યો હતો.

આજે કોંગ્રેસ પ્રમુખ મલ્લિકાર્જુન ખડગેએ કોંગ્રેસ પાર્ટીની ગરિમા સાથે ધ્વજવંદન સાથે જ દેશવાસીઓને શુભેચ્છા આપી હતી. તેવી જ રીતે ગુજરાત તથા દરેક રાજ્યોના મુખ્યમંત્રીઓએ રાજ્યોની રાજધાનીઓમાં ધ્વજવંદન કરાવ્યું. અને કેન્દ્રિય મંત્રી મંડળના સભ્યો, વિવિધ રાજકીય પક્ષોના વડાઓ, સામાજિક-સેવાભાવી સંસ્થાઓ અને દૂતાલયો-દૂતાવાસો તથા ક્યાંક દરિયામાં, ક્યાંક પહાડીઓ ઉપર, હિમાલયથી વિવેકાનંદ રોડ અને કીર્તિમંદિરથી પૂર્વાચલ સુધી ઠેર-ઠેર ત્રિરંગો લ્હેરાયો હતો. ગુજરાતના મુખ્યમંત્રી ભૂપેન્દ્રભાઈ પટેલે અમરેલીમાં રાષ્ટ્રધ્વજ ફરકાવ્યો હતો.

આજે સ્વાતંત્ર્ય પર્વના ગૌરવપ્રદ દિવસે હાલાર, ગુજરાત સહિત સમગ્ર દેશવાસીઓ તથા વિશ્વભરમાં પથરાયેલા ભારતીયોને નોબત પરિવાર અને માધવાણી પરિવાર હાર્દિક શુભેચ્છાઓ પાઠવે છે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

આજે પેકેજ્ડ ફૂડ પેકેટોનું માર્કેટ તેજીથી ગતિ પકડી રહ્યું છે, અને શાળાએ જતા બાળકો હોય કે નોકરીએ જતા કર્મચારીઓ, શ્રમિકો હોય કે કોન્ટ્રાક્ટરો, ગૃહિણીઓ હોય કે વયસ્કો હોય, તમામ વયજુથ, વર્ગો અને વિસ્તારોમાં પેકેજ્ડ ફૂડ પેકેટોમાંથી નાસ્તો કરી રહેલા જોવા મળે છે, ધીમે ધીમે માત્ર કામચલાઉ ધોરણે કે પ્રવાસ દરમિયાન બીજો કોઈ વિકલ્પ ન હોય, ત્યારે ખવાતા આ પડીકાં હવે તો નાસ્તો અને ઘણી વખત તો ભોજનનો પણ પર્યાય હોય, તેવી રીતે ખવાય છે અને બાળકો-કિશોરો તથા યુવા-વયજુથોમાં તો આ પેકેજ્ડ ફૂડ પેકેટો હવે વ્યસન (આદત) બનવા લાગ્યા છે. બીજી તરફ આ રીતે આપણે રૂપિયાનું માર્કેટ ધરાવતા આ 'પડીકાંઓ'માં વેચાતા ખાદ્યપદાર્થોની ગુણવત્તા સામે સવાલો પણ ઊઠતા રહે છે, અને આ મુદ્દો હવે સુપ્રિમ કોર્ટ સુધી પહોંચ્યો છે.

આ મુદ્દે સુપ્રિમ કોર્ટમાં થયેલી એક જાહેર હિતની અરજીની સુનાવણી દરમિયાન સુપ્રિમ કોર્ટે સખ્ત (કડક) વલણ અપનાવ્યું હતું અને કેન્દ્ર સરકારના વકીલને વેધક સવાલો પૂછીને વ્યંગાત્મક ટકોર પણ કરી હતી. સુપ્રિમ કોર્ટનું કહેવું એવું હતું કે અદાલતનો ઉદ્દેશ્ય કોઈ ઉદ્યોગ કે કંપનીને નુક્સાન પહોંચાડવાનો નથી, પરંતુ નાગરિકોના જાહેર આરોગ્યની સુરક્ષા તથા વ્યાપક જનહિતનો હેતુ છે.

આ સુનાવણી દરમિયાન બન્ને તરફના વકીલોએ અદાલતના ન્યાયવિંદે સમક્ષ પોતાની દલીલો આપી હતી, ત્યારે અદાલતની બે જજોની બેન્ચ પણ દલીલો સામે સરકાર પર ટકોર કરીને એફએસએસએઆઈ તથા કેન્દ્ર સરકારને તતડાવ્યા હતાં. અદાલતે કહ્યું હતું કે નાગરિકોને આ જેકફૂડમાં ખાંડ, મીઠું અને ફેટ કેટલા પ્રમાણમાં છે, તે જાણવાનો પૂરો પૂરો હક્ક છે, અને જો સરકાર કાંઈ નહીં કરે તો સ્વયં અદાલત આ અંગે નિર્દેશો આપી દેશે, કારણ કે આ કરોડો લોકોના સ્વાસ્થ્ય અને બાળકોના ભવિષ્ય સાથે જોડાયેલો મુદ્દો છે, જેને હળવાશથી લઈ શકાય તેમ નથી.

પીઆઈએલ કરનાર અરજદારે સુપ્રિમ કોર્ટના આ જ વિષય પર અપાયેલા નિર્દેશોનું પૂરેપૂરૃં પાલન થતું નથી, તેવી દલીલ કરીને એફએસએસએઆઈની બેઠકમાં લેવાયેલા લેટેસ્ટ નિર્ણયોને અપૂરતા ગણાવ્યા હતાં, જેથી સુપ્રિમ કોર્ટના જસ્ટિસ જે.બી. પારડીવાલા અને જસ્ટિસ કે. વિનોદચંદ્રનની ખંડપીઠે કેન્દ્ર સરકારના વકીલનો જવાબ માગ્યો હતો, અને કડક શબ્દોમાં ટકોર કરી હતી કે સરકાર પર મોટી કોર્પોરેટ કંપનીઓનું પ્રેસર હોય તેવું લાગે છે, જેથી સરકાર તેઓની સામે ઝુકી રહી છે. અદાલતે એફએસએસએઆઈ અને કેન્દ્ર સરકારને બે અઠવાડિયામાં આ મુદ્દે સંતોષકારક કદમ ઊઠાવવા આદેશ કર્યો હતો અને આને અંતિમ મુદ્ત ગણાવીને અદાલતે ચેતવણી પણ આપી હતી કે જો આ મુદ્તમાં સરકાર કોઈ 'સંતોષકારક' નિર્ણય નહીં લઈ શકે, તો અદાલત પોતે જ અંતિમ આદેશ ફરમાવી દેશે. સરકાર, એફએસએસએઆઈ, ઉત્પાદકો અને સંબંધકર્તા સૌને સુપ્રિમ કોર્ટનો એ આદેશ બંધનકર્તા રહેશે.

આ સુનવાણી દરમિયાન અદાલતે કરેલી ટકોર અને ટિપ્પણીઓ ઘણી જ મહત્ત્વપૂર્ણ છે. અરજદારની દલીલ હતી કે પડીકાઓમાં ભરેલી ખાદ્યચીજોમાં ખાંડ, મીઠું અને ફેટ નિયત મર્યાદા કરતા વધુ હોય તો પેકેટ પર સારી રીતે વાચી શકાય તેવી રીતે સ્પષ્ટ ચેતવણી લખવી પડશે, અને ગ્રાહકોએ તેઓ શું ખાઈ રહ્યા છે, તેની ખબર હોવી જોઈએ, તેની સામે કેન્દ્ર સરકારની દલીલ એવી હતી કે જો નવા નિયમો લાગુ થાય, તો નમકીન જેવી પરંપરાગત ભારતીય વાનગીઓ (ટ્રેડિશ્નલ ફૂડ) પણ તેની ચપેટમાં આવી જશે અને લગભગ દરેક ફૂડપેકેટ્સ પર રેડ લેબલ (ચેતવણીનું લાલ નિશાન તથા વિવરણ) લગાડવા પડશે. આ કારણે આ ક્ષેત્રે જોડાયેલા લાખો નાના વેપારીઓ, એમએસએમઈ તથા સામાન્ય છૂટક વેપારીઓની રોજીરોટી પર અસર કરશે. વિકસિત દેશોના નિયમો સીધેસીધા આપણા દેશમાં લાગુ કરી દેવા એ ઠીક નથી, કારણ કે ત્યાંના ખોરાકના ધોરણો અલગ છે. જો આ પ્રકારે વિકસિત દેશોના નિયમો લાગુ થશે, તો આપણા દેશના લાખો લોકોને તેની માઠી અસર પહોંચશે, વગેરે...

આ પ્રકારની દલીલોથી અકળાઈ ઊઠેલી સુપ્રિમ કોર્ટની બેન્ચે નારાજગી વ્યક્ત કરી, અને સરકાર કોર્પોરેટ ક્ષેત્રના દબાણમાં હોય અને ઝુકી રહી છે, તેવા શબ્દપ્રયોગો કરવાની સાથે સાથે એવો વેધક સવાલ પણ કર્યો શું ભારતે કાયમ 'અવિકસિત' દેશ જ રહેવું જોઈએ?

અદાલતે સ્પષ્ટ શબ્દોમાં સંકેતો આપી દીધા છે કે જાહેરહિત તથા જાહેર આરોગ્યના મુદ્દે હવે અદાલત કોઈ બાંધછોડ કરશે નહીં. અદાલતે કહ્યું કે, વિશ્વસમુદાયને દેખાવું જોઈએ કે ભારત પોતાના નાગરિકોના સ્વાસ્થ્ય માટે ગંભીર છે, જો કે ઉત્પાદકોને આ પ્રકારના કડક નિર્ણયથી વેચાણ (માર્કેટ) પર અસર થઈ શકે છે, પરંતુ પેકેટ પર યોગ્ય રીતે ચેતવણી છપાયા પછી તે જંકફૂડ ખાવું જોઈએ કે નહીં, તેનો અંતિમ નિર્ણય ગ્રાહકોનો હોવો જોઈએ. ટૂંકમાં કોર્પોરેટ કંપનીઓ કે ઉદ્યોગો તથા વ્યાપારીઓના હિત માટે જાહેર આરોગ્ય અને બાળકો, કિશોરો, યુવાનોના સ્વાસ્થ્ય સાથે ચેડાં થાય, તેવી સ્થિતિ સુપ્રિમ કોર્ટ ચલાવી લેવાની નથી, તે સ્પષ્ટ થઈ રહ્યું છે.

અદાલતે એવો વ્યંગ પણ કર્યો હતો કે પેકજ્ડ સ્નેક્સ અને જંકફૂડ ઉત્પાદકો આ પ્રકારના નિયમો લાગુ કરવાને લઈને આટલા બધા ડિસ્પેરેટ (આકૂળ-વ્યાકૂળ) કેમ થઈ રહ્યા છે? આપણા દેશમાં બહુ ઓછા લોકો ડ્રાયફૂટ્સ ખાય છે, જ્યારે (અમીરવર્ગ સહિત) મોટાભાગના બાળકો જંકફૂડ ખાય છે, અને હવે તેનો વ્યાપ વધી રહ્યો છે. તે જોતા તેઓના હેલ્થ પ્રોટેક્શનની સર્વોચ્ચ અગ્રતા અદાલતની છે, તેમ જણાવી સુપ્રિમ કોર્ટે ઉત્પાદકો તરફથી વકીલોએ કરેલી તમામ દલીલો ફગાવી દેતા હવે કેન્દ્ર સરકાર 'ફિક્સ'માં મૂકાઈ ગઈ હોય તેમ જણાય છે.

એફએસએસએઆઈ એ માવા-મસાલાઓની પડીકીઓ માટે પ્લાસ્ટિક-પીવીસીના ઉપયોગ પર પ્રતિબંધ મૂક્યા પછી હવે પેકેજ્ડ ફૂડ સામે લાલબત્તી ધરવામાં આવી છે, જો કે બન્ને ચીજોના ઉત્પાદન કે વેંચાણ પર હાલ તુરત પ્રતિબંધ મૂકાયો નથી. આપણે જોઈએ છીએ કે સિગારેટના પેકેટ પર પણ આ પ્રકારની ચેતવણી લખાય છે, તેથી આ પ્રકારના કાનૂની કદમોની સાથે સાથે વ્યાપક જનજાગૃતિ ફેલાવવાની પણ જરૂર છે, અને તેવી જનજાગૃતિ માટે વિશ્વના સૌથી મોટા રાજકીય પક્ષ તથા તેની સરકારે નેતૃત્વ સંભાળવું જોઈએ અને તમામ એનજીઓઝ તથા સામાજિક-આર્થિક-સાંસ્કૃતિક અગ્રણીઓએ આગળ આવવું જોઈએ.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

આજથી શ્રાવણ મહિનાનો પ્રારંભ થયો છે. આ વર્ષે ઓગસ્ટ મહિનામાં કૃષ્ણ જન્મોત્સવ નથી, અને નાગપાંચમ, રાંધણછઠ્ઠ, શિતળા સાતમ અને જન્માષ્ટમી-પારણાનોમના તહેવારો સપ્ટેમ્બરના પ્રારંભમાં હશે, પરંતુ શ્રાવણ મહિનામાં જ હશે.

આજથી શિવાલયો હર હર મહાદેવના નાદ્થી ગૂંજી ઊઠશે, તો શિવભક્તોનો શિવપ્રેમ પરાકાષ્ટાએ હશે. શ્રાવણ મહિનામાં જ ૧પ મી ઓગસ્ટના દિવસે સ્વાતંત્ર્ય પર્વ ઉજવાશે અને દેશભરમાં રાષ્ટ્રપ્રેમ વધુ ઉભરાશે, તથા વૈવિધ્યસભર કાર્યક્રમો ધમધમશે. શ્રાવણ/ઓગસ્ટ મહિનામાં જ બંધુ-ભગિનિના પ્રેમની સરવાણી વહેવડાવતો પવિત્ર તહેવાર આવશે અને રક્ષાબંધનના દિવસે બહેનો ભાઈઓને રાખડી બાંધશે, ભાઈઓ માટે મંગલકામના વ્યક્ત કરશે, અને ભાઈઓ પણ બહેનોને ભેટ-બક્ષીસો સાથે આજીવન સાથ-સુરક્ષાનું અભયવચન આપશે.

શ્રાવણ અને ઓગસ્ટ મહિનો ઘણી રીતે વૈવિધ્યપૂર્ણ છે. ઓગસ્ટ મહિનાના ઘણાં બધા ઘટનાક્રમો રાષ્ટ્ર માટે મહત્ત્વપૂર્ણ હતાં અને ઈતિહાસમાં આ મહિનો સૂવર્ણઅક્ષરે અને ગૌરવપ્રદ રીતે નોંધાયેલો છે, અને તેની સાથે શ્રાવણ મહિનાનો અદ્ભુત યોગાનુયોગ પણ રહ્યો છે.

ઓગસ્ટની પાંચમી તારીખ તો વિવિધ તબક્કે અને વિવિધ સંદર્ભમાં ભારતના ઈતિહાસમાં ઘણું જ મહત્ત્વપૂર્ણ સ્થાન ધરાવે છે. સ્વાતંત્ર્ય સેનાનીઓએ ૧૯૪ર માં ક્વીટ ઈન્ડિયાની રણનીતિ પાંચમી ઓગસ્ટે ઘડી હતી, જેની ઘોષણા પછીથી થઈ હતી. બ્રિટિશ સલ્તનતે બંગાળના નવાબના એક ઓફિસર મહારાજા નંદકુમારને પાંચમી ઓગસ્ટ-૧૭૭પ ના ફાંસીએ ચડાવ્યા હતાં. વર્ષ ૧૯૯૧ માં જજ લીલાશેઠ પાંચમી ઓગસ્ટે દિલ્હી હાઈકોર્ટના પ્રથમ મહિલા ન્યાયાધિશ બન્યા હતાં, તો ભારત સરકારે પાંચમી ઓગસ્ટ ર૦૧૯ ના જમ્મુ-કાશ્મીરમાંથી કલમ-૩૭૦ અને ૩પ(એ) નાબૂદ કરી હતી, તો વર્ષ ર૦ર૦ માં અયોધ્યામાં રામમંદિર માટે ભૂમિપૂજન પણ પાંચમી ઓગસ્ટે જ થયું હતું.

મહાત્મા ગાંધીના નેતૃત્વમાં ૮ મી ઓગસ્ટ ૧૯૪ર ના ઓગસ્ટ ક્રાંતિનો પ્રારંભ થયો અને કરો યા મરોના સૂત્ર હેઠળ અંગ્રેજોને 'ક્વીટ ઈન્ડિયા'ની વોર્નિંગ સાથે અહિંસક ચળવળ શરૂ થઈ, જે દેશવ્યાપી બની ગઈ હતી અને બ્રિટિશ સલ્તનતની બુનિયાદને હચમચાવી દીધી હતી.

શ્રાવણ મહિનામાં દરેક સોમવારે શિવભક્તો વિશેષ શિવપૂજન કરે છે અને વિવિધ કાર્યક્રમો યોજીને ઉજવણી કરે છે. શ્રાવણ મહિનામાં ચતુર્દશીના દિવસે રૂદ્રાભિષેક કરવામાં આવે છે, જેને 'સાવન શિવરાત્રિ' પણ કહે છે. શ્રાવણ સુદ ત્રીજ ને હરિયાળી ત્રીજ તરીકે ઉજવવામાં આવે છે, તો પાંચમના દિવસે નાગપાંચમ મનાવાય છે. સૌરાષ્ટ્ર અને ગુજરાતમાં શ્રાવણવદ પાંચમના દિવસે પણ નાગપંચમીનું પૂજન, બીજા દિવસે રાંધણછઠ્ઠ, ત્રીજા દિવસે શિતળા સાતમ અને પછી જન્માષ્ટમી તથા બીજા દિવસે પારણાનોમ ઉજવાય છે. આ પાંચ દિવસીય તહેવારો તથા વ્રતોને સાંકળીને ઠેર-ઠેર શ્રાવણિયા ભક્તિમેળાઓ યોજાય છે, તેની સાથે સાથે લોકમેળાઓ તથા મનોરંજન મેળાઓ પણ યોજાય છે. આ જ મહિનાની પૂર્ણિમાના દિવસે રક્ષાબંધન ઉપરાંત યજ્ઞોપવિતધારકો જનોઈ બદલાવે છે. આમ, શ્રાવણ મહિના સાથે ઓગસ્ટનું અદ્ભુત સંયોજન થાય છે.

શ્રાવણ મહિનાના બીજા પખવાડિયામાં અને સપ્ટેમ્બર મહિનાના પ્રારંભે દેશભરમાં શ્રીકૃષ્ણ જન્મોત્સવ ઉજવાશે અને 'નંદ ઘેર આનંદભયો, જય કનૈયાલાલ કી'નો નાદ્ ગૂંજી ઊઠશે. શ્રીકૃષ્ણ જન્મોત્સવમાં યાત્રાધામ દ્વારકામાં દેશ-વિદેશથી લાખો શ્રદ્ધાળુઓ ઉમટતા હોવાથી તંત્રો અત્યારથી જ તેની તૈયારીઓ કરવા લાગ્યા છે. સરકારે ભારત ટેક્સીની જેમ સહકારી ધોરણે દ્વારકા શહેરમાં સહકારી ઓટોરિક્ષા સેવા શરૂ કરવી પણ અત્યંત જરૂરી છે, કારણ કે યાત્રાધામ દ્વારકામાં સ્થાનિક પરિવહન ઘણું જ મોંઘુ છે. તેવી જ રીતે યાત્રાધામ દ્વારકા, નાગેશ્વર, ગોપીતળાવ, બેટદ્વારકા, સુવર્ણતીર્થ, શિવરાજપુર વગેરે સ્થળોને સાંકળતી મીનીબસ સેવા પણ સહકારી ધોરણે શરૂ કરવી જોઈએ. તેવી જ રીતે બેટદ્વારકામાં પણ બસડેપો તથા પાર્કિંગથી દ્વારકાધીશના મુખ્ય મંદિરે થઈને શંખતળાવ, હનુમાનદાંડી, ચોર્યાસી ધૂણા, ગુરુદ્વારા, ડન્ની પોઈંટ સહિતના બેટદ્વારકાના સ્થાનિક દર્શનીય તથા પર્યટન સ્થળોને સાંકળી લેતી ટેક્સી સેવા તથા મીનીબસ સેવા 'સહકાર ક્ષેત્ર' દ્વારા શરૂ કરવાની જરૂર છે.

આ વર્ષે ૧પ મી ઓગસ્ટના દિવસે કેટલાક વિશેષ કાર્યક્રમો યોજાવાના છે, અને ૧૪ મી ઓગસ્ટે વિભાજન વિભિષિકા સ્મૃતિ દિન ઉજવાનાર છે. હર ઘર તિરંગા અભિયાન શરૂ થઈ ગયું છે, જે ૧૭ મી ઓગસ્ટ સુધી ચાલશે. આ પ્રકારના ગૌરવપૂર્ણ અને પાવન મહિનામાં જ દેશની રાજધાનીમાં જે કાંઈ બની રહ્યું છે, તે દુર્ભાગ્યપૂર્ણ ગણાય. ઘમંડ, જીદ, પાવર અને રાજનૈતિક ફાયદા માટે અજમાવાતી યુક્તિઓના કારણે સંસદનું ચોમાસું સત્ર લગભગ બરબાદ થઈ ગયું. જંતર-મંતર પછી તેવા જ દૃશ્યો ઝારખંડની રાજધાની રાંચીમાં જોવા મળ્યા. ક્યાંક પ્રતિષ્ઠાનો મુદ્દો બનાવ્યા પછી મહત્ત્વના બિલો અથવા પ્રસ્તાવ જેપીસીને મોકલવા પડી રહ્યા છે, તો ક્યાંક કેન્દ્રિય કાયદાઓ અથવા સૂચિત પ્રસ્તાવોની વિરૂદ્ધમાં વિધાનસભાઓમાં પ્રસ્તાવો પસાર થઈ રહ્યા છે, જે સંઘભાવના તથા ફેડરલ સ્ટ્રક્ચર માટે સારા સંકેત નથી.

આ વર્ષે ચોમાસું ખેંચાઈ રહ્યું છે, વિખેરાઈ રહ્યું છે અને અટવાઈ રહ્યું છે, જ્યાં વરસાદ પડે છે ત્યાં જળબંબાકાર થઈ જાય છે, અને જ્યાં નથી પડતો ત્યાં કેટલાક વિસ્તારો કોરા ધાકોડ છે. શ્રાવણ મહિનો આવ્યો છતાં સંતોષકારક વરસાદ નહીં થતા વિકટ સ્થિતિ ઊભી થઈ રહી છે. તેથી જન્માષ્ટમીના તહેવારો સમયે પણ પાછોતરો વરસાદ થાય, તો તેની સંભાવનાઓને અનુરૂપ વ્યાવસ્થાઓ પણ વહીવટી તંત્રે રાખવી પડશે અને તેને અનુરૂપ લોકલ તથા પબ્લિક પરિવહનની વ્યવસ્થાઓ કરવી પડશે. મંદિરોની વ્યવસ્થાપક સમિતિઓ, સંચાલકો, ટ્રસ્ટો તથા પૂજારીવર્ગે પણ આ પ્રકારની સ્થિતિને અનુરૂપ દર્શનની વ્યવસ્થા ગોઠવવી પડશે, જો કે બદલાઈ રહેલી સિસ્ટમલ જોતા આ અઠવાડિયામાં જ શ્રીકાર વરસાદ થઈ જાય અને જ્યાં નહીંવત વરસાદ થયો છે, તે હાલાર સહિતના તરસ્યા વિસ્તારોને તૃપ્તિ થઈ જાય, તેવો વરસાદ થાય, તેવો આશાવાદ પણ જાગ્યો છે. આ ધર્મ, ભક્તિ અને રાષ્ટ્રપ્રેમના ત્રિવેણીસંગમ સમા શ્રાવણ મહિનામાં સર્વત્ર આનંદ પ્રસરે અને મેઘરાજાની મહેરબાની થઈ જાય, તેવું ઈચ્છીએ.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial

ફૂડ સેફટી એન્ડ સ્ટાન્ડર્ડસ ઓર્થોરિટી ઓફ ઈન્ડિયા (ભારતીય ખાદ્ય સુરક્ષા અને માનક સત્તામંડળ) દ્વારા પાન-મસાલાના પેકીંગ કે પાઉચ માટે પ્લાસ્ટિક, પીવીસી તથા એલ્યુમિનિયમ ફોઈલના ઉપયોગ પર કડક પ્રતિબંધ મૂક્યો છે. દેશમાં ખાદ્યચીજો તથા પેયપદાર્થો (ખાવા-પીવાની ચીજવસ્તુઓ) ની શુદ્ધતા, સુરક્ષા અને માનક અથવા પ્રમાણો નક્કી કરતા આ સરકારી સત્તામંડળ દ્વારા ખાવા-પીવાની ચીજવસ્તુઓ માટે લાઈસન્સ અપાય છે, અને દેશમાં ઉત્પાદિત થતી અને વેચાતી ખાવા-પીવાની ચીજવસ્તુઓની શુદ્ધતા અને સુરક્ષા પર સતત નજર સ્થાનિક તંત્રો તથા સ્થાનિક સ્વરાજ્યની સંસ્થાઓ દ્વારા પણ રાખવામાં આવતી હોય છે.

આથી હવે પાન-મસાલાના પેકેજીંગમાં પ્લાસ્ટિક કે પીવીસીના ફોઈલ કે પેકેજીંગની અંદર ચમકતી એલ્યુમિનિયમ વરખ કે મેટલાઈઝ્ડ લેયરનો ઉપયોગ હવે કરી શકાશે નહીં. આના વિકલ્પે કંપનીઓ અને ઉત્પાદકો અને પ્લાસ્ટિક સિવાયના કાગળ, પેપર બોર્ડ, સેલ્યુલોઝ અથવા અન્ય પ્રાકૃતિક ઢબે બનેલી સામગ્રીનો ઉપયોગ પેકેજીંગ માટે કરી શકશે. તે ઉપરાંત મોટા પેકેજીંગ માટે કાચની બોટલો/કંટેનર/બરણી વગેરેનો ઉપયોગ થઈ શકશે, અને તેમાં પ્લાસ્ટિકનો ઉપયોગ જરા પણ નહીં કરી શકાય.

આ નવા નિયમો મુજબ પાઉચ પેકેજીંગમાં પોલિએથિલીન, પોલી પ્રોપિલીન, પોલીએસ્ટર, પીવીસી કે તેના અન્ય સિન્થેટિક પોલિમર, કો-પોલિમર અથવા લેમિનેટ નહીં કરવાનો આદેશ પણ અપાયો છે. આ કારણે હવે પાન-મસાલાના પાઉચ મોંઘા થઈ શકે છે, જેની માઠી અસર છૂટક વેપારીઓ અને ગ્રાહકો સુધી પહોંચી શકે છે. આ નવા નિયમો ૧૦ મી ઓગસ્ટથી લાગુ કરી દેવામાં આવ્યા હોવાનું પણ જાહેર થયું છે.

આ નવા નિયમો લાગુ કરતા નવા ગેઝેટ નોટિફિકેશનના અર્થઘટનો મુજબ પાન-મસાલાની પડીકીઓથી લઈને તેના પેકેજીંગ સુધીની ચીજવસ્તુઓ પર આ નિયમો લાગુ થશે. આ નિયમો મુજબ ઈકો-ફ્રેન્ડલી, પર્યાવરણને અનુકૂળ ચીજોનો ઉપયોગ કરીને જ પાન-મસાલાની પડીકીઓ, નાના-મોટા પેકેજીંગ બનાવી શકાશે.

એફએસએસએઆઈ દ્વારા ફૂડ પેકેજીંગ એમેડમેન્ટ રેગ્યુલેશન-ર૦ર૬ નું નોટિફિકેશન જાહેર કરી દેતા આ નિયમો તત્કાલ ૧૦ મી ઓગસ્ટ-ર૦ર૬ થી લાગુ થઈ ગયા છે. આ કડક નિયમો લાગુ કરવાનો ઉદ્દેશ્ય પર્યાવરણ સુરક્ષાની સાથે સાથે જનઆરોગ્યની સુરક્ષાનો પણ જણાય છે. આ નિર્ણય પર્યાવરણ સંરક્ષણ અધિનિયમ-૧૯૮૬ હેઠળ ઘડાયેલા અધિનિયમ તથા પ્લાસ્ટિક વેસ્ટ મેનજમેન્ટ રૂલ્સ-ર૦૧૬ હેઠળ લેવાયો છે.

પ્લાસ્ટિક પર ધીમે ધીમે વધુ ને વધુ કડક કાયદા અમલમાં આવતા કેટલીક કંપનીઓ પાન-મસાલાના પાઉચ કે પેકેટની ઉપરનું કવર કાગળનું રાખીને અંદરનું સ્તર પ્લાસ્ટિક કે એલ્યુમિનિયમની વરખ કે પતરીનું રાખતી હતી, જેને આ નવા નિયમો વિરૂદ્ધ માનવામાં આવશે અને બન્ને તરફ પૂરેપૂરૃં પ્લાસ્ટિક ફ્રી પેકેજીંગ જ માન્ય રહેશે, તેવી ચોખવટ થઈ ગઈ છે.

વર્ષ ર૦૧૮ માં પણ ખાદ્ય સુરક્ષા અને તેના પેકેજીંગના માપદંડો નક્કી કરીને નિયમો સુધારાયા હતાં. હવે પાન-મસાલાને શેડ્યુલ-૪ માં નવી એન્ટ્રીના સ્વરૂપમાં સામેલ કરાયા છે. આ શેડ્યુલમાં સરકાર એવી ચીજવસ્તુઓનો સમાવેશ કરે છે, જેના પેકેજીંગ મટિરિયલ્સ માટે માસ નિયમો બનાવાયા હોય.

જો કે, પોલિથીન, પોલી પ્રોપિલીન કે પીવીસીના બદલે કાગળ કે પેપરબોર્ડ, પોલીમર કે સિન્થેટિક લેમિનેટ્સના બદલે સેલ્યુલોઝ, એલ્યુમિનિયમ ફોઈલ કે મેટેલાઈઝ્ડ કે ટ્રેડિશ્નલ પ્લાસ્ટિક પાઉચ કે પેકેટ્સના બદલે ડબલીઓ કે કાચની બોટલોનો ઉપયોગ થઈ શકશે, તેવું અર્થઘટન કરવામાં આવી રહ્યું હોવાથી એકંદરે મટિરિયલ્સ બદલશે, પરંતુ પાન-મસાલા એજ રહેશે. ગુજરાત સહિત ઘણાં રાજ્યોમાં તમાકુયુક્ત પાન-મસાલા (ગુટખા) પર પ્રતિબંધ જ છે, કે નાના-મોટા પેકેટ તથા પ્લાસ્ટિકના મોટા પેકેજીંગ થાય છે, તે બધાને આ નવા નિયમો લાગુ પડશે, તેના કારણે પાન-મસાલા હવે મોંઘા થઈ જશે, તે પણ નક્કી છે. આ નોટિફિકેશન જોતા તત્કાલ અસરથી નવા નિયમો મુજબનું જ પ્રોડક્શન કંપનીઓ કરી શકશે. આ નવા નિયમોની તત્કાળ અસર તો ડઝનેક પાન-મસાલા ઉત્પાદક કંપનીઓેને જ થશે, જે તે પછી છૂટક વ્યાપારીઓ તથા ગ્રાહકો સુધી પહોંચશે. આ નોટિફિકેશન ૭ મી ઓગસ્ટે જાહેર થયું, અને ૧૦ મી ઓગસ્ટથી જ લાગુ કરી દેવાયું, તેથી જુના ઉત્પાદિત સ્ટોક અને તેના ગ્રેસીંગ પીરિયડ અંગે કોઈ ચોખવટ થઈ રહી નહીં હોવાથી ભિન્ન-ભિન્ન અભિપ્રાયો વ્યક્ત થઈ રહ્યા છે. આજે આ મુદ્દે અખબારો અને ન્યુઝ ચેનલોથી લઈને સોશિયલ મીડિયા સુધી વ્યાપક ચર્ચા થઈ રહી છે, તેથી આ મુદ્દો ટોક ઓફ ધ નેશન બન્યો છે.

આ નિયમો જે નોટિફિકેશન દ્વારા તત્કાળ લાગુ કરી દેવાયા છે, તે જોતા જુના સ્ટોકનું વેંચાણ પણ નહીં થઈ શકે અને કંપનીઓ તથા દુકાનોમાંથી જુનો સ્ટોક પાછો ખેંચવો પડશે, અન્યથા તેને જપ્ત કરવો પડે તેવી સ્થિતિમાં એક પ્રકારની અસમંજસની સ્થિતિ પણ ઊભી થઈ છે, તેથી જ એવો વ્યંગ પણ થઈ રહ્યો છે કે નવા નોટિફિકેશનનો કડક અમલ થશે કે માત્ર વાતોના વડા જ થશે? એવા પ્રત્યાઘાતો પણ પડી રહ્યા છે કે આ નવા નિયમો લાગુ કરતા પહેલા કંપનીઓને, જથ્થાબંધ અને છૂટક વેપારીઓને જુનો સ્ટોક રહી ન જાય તેટલી મુદ્ત આપવી જોઈતી હતી. બીજી તરફ એવું કહેવાય છે કે જુનો સ્ટોક રિકોલ કરીને તેનું નુક્સાન ઉત્પાદન કંપનીઓ જ ભોગવશે અને છૂટક વેપારીઓને તેનું નુક્સાન નહીં વેઠવું પડે, જો કે આ મુદ્દે કોઈ સત્તાવાર સ્પષ્ટતા થઈ નથી.

આ નિયમભંગ બદલ કંપનીઓ કે વેપારીઓનું લાયસન્સ રદ્, મુદ્દામાલની જપ્તિ, ભારે દંડની જોગવાઈ છે અને ફૂડ સેફ્ટીના તંત્રોને દરોડા પાડીને તથા કડક ચેકીંગ કરીને આ નિયમોનું કડક પાલન કરવાની તાકીદ કરાઈ હોવાના અહેવાલો જોતા આ મુદ્દો પણ હવે સડકથી સંસદ સુધી પડઘાશે તે નક્કી જણાય છે.

આ નવા નિયમોની અમલવારી માટે જરૂરી ચેકીંગ એફએસઓ એટલે કે ફૂડ સિક્યોરિટી ઓફિસર્સ અને તેના તંત્રો કરી શકે છે. આ અધિકારીઓ રાજ્ય સરકારો હેઠળ દરેક જિલ્લા-તાલુકા સ્તર સુધી વિસ્તરેલા હોય છે. એફએસઓઝ પાસેથી કામ લેવા, જરૂરી મંજુરીઓ આપવા તથા સ્ટેટ-સેન્ટ્રલ કક્ષા સુધી કડીરૂપ કામ કરવા માટે નિમાયેલા હોય છે. આ અધિકારીઓ જરૂર પડ્યે સ્થાનિક તંત્રો કે પોલીસની મદદ પણ લઈ શકે છે. તેથી લોકલ એડમિનિસ્ટ્રેશન (સ્થાનિક તંત્રો) ને સ્વયંભૂ આ પ્રકારની તપાસણી કે દરોડા પાડવાના સ્વતંત્ર અધિકારો નહીં હોવાથી 'હપ્તાખોરો'થી સાવધાન રહેવાની કોમેન્ટો પણ થવા લાગી છે.

આ પ્રકારનો નિયમભંગ થતો હોય, કોઈ આ પ્રતિબંધિત ચીજવસ્તુઓ વેચતું હોય કે હપ્તાખોરીનો પ્રયાસ થતો હોય તો તેની જાણ કરવા માટે એફએસએસએઆઈ દ્વારા કેન્દ્રિય કંટ્રોલ રૂમ તથા ટોલ ફ્રી હેલ્પલાઈનના ફોન, મોબાઈલ તથા વ્હોટ્સ એપ નંબર તથા અધિકૃત ઈ-મેઈલ આઈડી ઉપરાંત ફૂડ સેફ્ટી પોર્ટલ, સ્ટેટ ફૂડ સેફ્ટી કમિશનર તથા સ્થાનિક ફૂડ સેફટી અધિકારીઓનો સંપર્ક કરીને જાણ કરી શકાય કે ફરિયાદ નોંધાવી શકાય છે, તેવું જાહેર થયું છે, પરંતુ જનજાગૃતિનો અભાવ છે...

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial