Author: નોબત સમાચાર
ખંભાળીયામાં બેન્કીંગ સેવાઓ કથળીઃ કસ્ટમરો હેરાન-પરેશાન
કેટલીક બેંકમાં બેંક મદદનીશની વ્યવસ્થા જ નથી!
ખંભાળીયા તા. ૨૧ઃ દેવભૂમિ દ્વારકા જિલ્લાના વડુ મથકમાં બેંકના કથળેલા વહીવટની વ્યાપક ફરિયાદ ઉઠવા પામી છે.
દેવભૂમિ દ્વારકા જિલ્લાના ખંભાળીયામાં બેંકોની સેવાઓના કથળેલા વહીવટથી ફરિયાદો ઉઠવા પામી છે તથા ગ્રાહકોને હેરાનગતિ થાય છે.
અન્ય રાજ્યોના સ્થાનિક ભાષા ના સમજતા કર્મચારીઓ, કોન્ટ્રાક્ટ પદ્ધતિથી ભરેલા કર્મચારીઓની અણઆવડત તથા લાંબા સમય સુધી ઊભા રાખવાની નીતિ ભારે ટીકાપાત્ર બની છે. બેંકોમાં નવા ખાતા ખોલાવવા, કેવાયસી કરાવવું, એન્ટ્રી પડાવવી, ડુપ્લીકેટ પાસબુક કાઢવામાં ગ્રાહકોને ફીણ આવે તેવી સ્થિતિ થાય છે. એસબીઆઈમાં કેવાયસીની પાવતીમાં લાંબો સમય ઊભા રખાય છે તો એ.ડી.બી. બ્રાંચમાં અભણ ગ્રાહકો માટે કોઈ જાણકાર મદદનીશ જ નથી.
બેંક ઓફ બરોડામાં એન્ટ્રીનું મશીન વારંવાર બંધ થઈ જાય છે. સ્ટેટ બેંક ઓફ ઈન્ડિયામાં બે એટીએમ છે જે એક જ ચાલે છે!! એન્ટ્રી મશીન ના ચાલતા ગ્રાહકોએ સ્ટેટમેન્ટના પૈસા આપવા પડે છે. મેનેજરોએ મોર્ગેજ માટે મામલતદાર કચેરીએ જવાનું હોય ત્યાં જતા નથી આવી અનેક ગંભીર ફરિયાદો થાય છે તો કોઈક જાગૃત ગ્રાહક ઉપર ફરિયાદ કરે તો તેમને રેલો આવે તો માફી માંગે છે તો અનેકની સજારૃપે બદલીઓ પણ થઈ છે છતાં અગવડો યથાવત હોય પગલાંની માંગ પણ કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
