Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
આમરાના શખ્સને પણ ચેક પરત કેસમાં સજાઃ
જામનગર તા. ૨૧ઃ જામનગરના આમરા ગામના એક આસામી સામે ખાનગી બેંકે ચેક પરતની ફરિયાદ નોંધાવી હતી. તે કેસમાં અદાલતે આરોપીને એક વર્ષની કેદની સજા ફટકારી છે. જ્યારે નગરની જાણીતી પેઢીના સંચાલકને રૃા.૫ લાખના ચેક પરતના કેસમાં એક વર્ષની કેદ અને ચેકની રકમનો દંડ ફટકારવામાં આવ્યો છે.
જામનગર તાલુકાના આમરા ગામના અમરશીભાઈ ધનાભાઈ મહિડાએ આઈડીબી આઈ બેંક પાસેથી લોન મેળવી હતી. તેના હપ્તા ભરવામાં અમરશીભાઈ નિષ્ફળ ગયા હતા. બેંકે બાકી રકમ માટે ચેક મેળવ્યો હતો. તે પરત ફરતા અદાલતમાં બેંક દ્વારા ફરિયાદ કરાઈ હતી.
તે કેસ ચાલવા પર આવતા આરોપી પક્ષે દલીલ કરી હતી કે, બેંક મેનેજરે પ્રમોશન માટે રિકવરી બતાવવા કેસ કર્યાે છે, કોરા ચેકનો ઉપયોગ કર્યાે છે, બે જુદી જુદી બોલપેનનો ઉપયોગ કર્યાે છે. તે દલીલો સામે ફરિયાદી બેંક તરફથી રોકાયેલા વકીલ ગૌરવ પંડયાએ કરેલી દલીલો ગ્રાહ્ય રાખી અદાલતે આરોપી અમરશીભાઈ મહિડાને તક્સીરવાન ઠરાવી એક વર્ષની કેદની સજા અને રૃા.૪,૬૨,૪૪૩ની રકમ વળતર પેટે બેંકને ચૂકવી આપવા હુકમ કર્યાે છે.
જામનગરના ઈરફાન બિસ્મિલ્લાહ શેખ પાસેથી બુરહાની ટ્રેડીંગ કંપનીવાળા મહંમદ પેટીવાલાએ રૃા.૫ લાખ હાથઉછીના મેળવી પરત ચૂકવણી માટે ચેક આપ્યો હતો. તે ચેક બેંકમાંથી સ્ટોપ પેમેન્ટના શેરા સાથે પરત આવતા ઈરફાન શેખે અદાલતમાં ફરિયાદ નોંધાવી હતી. તે કેસ ચાલી જતાં અદાલતે આરોપી મહંમદ પેટીવાલાને તક્સીરવાન ઠરાવી એક વર્ષની કેદસજા અને રૃા.૫ લાખનો દંડ ફટકાર્યાે છે. ફરિયાદી તરફથી વકીલ મોહસીન ગોરી, પી.આઈ. ચુડાસમા રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial