Author: નોબત સમાચાર
જામનગરમાં જોખમી જણાતી ૧૪૭ ઈમારતોના વપરાશકર્તાઓને જામ્યુકોએ ફટકારી નોટીસ
મનપાના તંત્રે ૨૨૨ જેટલી ઈમારતોનો કર્યો હતો સર્વે
જામનગર તા. ૧૪: જામનગરમાં જર્જરિત ઈમારતોનું મહાનગર પાલીકા દ્વારા સર્વે કરાયો હતો. તે પછી તંત્ર દ્વારા જોખમી ગણાતી ૧૪૭ ઈમારતોના વપરાશકર્તાને નોટીસ પાઠવાઈ હતી.
જામનગર મહાનગર પાલિકા દ્વારા દર વર્ષે ચોમાસા પહેલ જર્જરિત ઈમારતો નો સર્વે કરવા આવે છે. અને જર્જરિત ઈમારતો.જોવા મળે તેને નોટીસો આપવા મા આવે છે. અને ઈમારતની સેઈફ સ્ટેજ સ્ટેઈજે લઈ જવા સૂચના આપવામાં આવે છે. તાજેતરમાં તંત્રએ ૨૨૨ જેટલી ઇમારતોનો સર્વે કર્યા બાદ કુલ ૧૪૭ સ્થળોએ ઈમારતોની જર્જરિત સ્થિતિ સુધારવા નોટીસો આપવામાં આવી છે.
જામનગર મહાનગર પાલિકાની ટીપીઓ. એસ્ટેટ અને ફાયર શાખાના કર્મચારીઓની બનેલી ૬ ટીમો દ્વારા મે માસમાં જર્જરિત ઈમારતોનો સર્વે શરુ કરવામાં આવ્યો હતો. આ સર્વે દરમિયાન ટીમો દ્વારા કુલ રરર ઈમારતોનો સર્વે કરવામાં આવતાં ગત વર્ષે જે ઈમારતો જર્જરિત તરીકે ગણાઈ હતી. તેમાંની ઈમાતરોમાં રીપેરીંગ સહિતના ફેરફારો થઈ જવા પામ્યા છે. ૧૯ વોર્ડના તમામ વિસ્તારો જેમાં ખાસ કરીને જુના જામનગરના વિસ્તારોમાં જુના મકાનો વિશેષ હોવાથી તંત્રની ટીમો દ્વારા આ વિસ્તારોમાં સર્વે કરતી વેળાએ ખાસ ધ્યાન અપાય છે. ચાલુ મહિનામાં આવા સર્વે દરમિયાન ૧૪૭ સ્થળોએ મકાનોના છજા, ગેલેરી, અગાશીની પારાપેટ સહિતના ભાગો જર્જરિત થઈ ને પડે તેવા જણાતા હોવાથી ટીમો દ્વારા આ તમામ સ્થળોના ભોગવટા કરતા લોકોને મકાનોના જર્જરિત હિસ્સાને દૂર કરીને સલામત સ્તરે લવવાની કાર્યવાહી કરીને રિપોર્ટ આપવા નોટીસો આપવામાં આવી છે.
જામનગર મહાનગર પાલિકા ની ૧૪૦૪ આવાસ યોજનાના ૧૪૦૪ ફલેટોને ૨૦૧૮ થી જોખમી ગણીને નોટીસો અપાયા બાદ આ કોલોનીના બે માળના ૧૧૭ બ્લોક્સ પૈકીના ૬૬ બ્લોક્સના ૭૯૨ ફલેટસ તોડી પાડવામાં આવ્યા છે. આ જ રીતે હાઉસીંગ બોર્ડ સાધના કોલોનીના ૨૯ બ્લોક્સના ૩૪૮ ફલેટસ તોડી પાડવામાં આવ્યા છે. તંત્ર દ્વારા ૧૪૦૪ આવાસોના બાકી રહેલા આવાસો પણ તોડી પાડવાની તૈયારી ચાલતી હોવાના સંકેતો સાંપડે છે. આમ શહેરમાં છેલ્લા એક વર્ષમાં તંત્રએ જોખમી ગણેલા એવા ૧૪૭ જેટલી જોખમી ઇમારતોને સેઇફ સ્ટેજે લઈ જવા નોટીસ પાઠવવામા આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
