Author: નોબત સમાચાર
નૂરી ચોકડી પાસે મોટરમાંથી ઈંગ્લીશ દારૃની ૪૮ બોટલ સાથે ત્રણ ઝડપાયા
ધ્રોલમાંથી બે ચપલા સાથે એકની ધરપકડઃ
જામનગર તા. ૧૪: જામનગરના નૂરી ચોકડી વિસ્તારમાંથી મોટરમાં ઈંગ્લીશ દારૃની ૪૮ બોટલ લઈને જતાં નગરના ત્રણ શખ્સને એલસીબીએ પકડી પાડ્યા છે. રાજકોટના શખ્સનું નામ ખૂલ્યું છે. ધ્રોલમાંથી એક શખ્સ બે ચપલા સાથે મળી આવ્યો છે. અડધી બોટલ સાથે એક શખ્સની અટકાયત કરાઈ છે.
જામનગરના નૂરી ચોકડી વિસ્તારમાં એક મોટરમાં ઈંગ્લીશ દારૃની હેરાફેરી થઈ રહી હોવાની બાતમી એલસીબીના ક્રિપાલસિંહ, કિશોર પરમારને મળતા ગઈ કાલે સાંજે પીઆઈ વી.એમ. લગારીયાની સૂચનાથી એલસીબી સ્ટાફે વોચ રાખી હતી. તે દરમિયાન ત્યાંથી જીજે-૧-આરપી ૪૪૪૭ નંબરની કાળા રંગની વર્ના મોટર પસાર થઈ હતી.
આ મોટરને રોકાવી તેની તલાશી લેવાતા તેમાંથી ભારતીય બનાવટના અંગ્રેજી શરાબની ૪૮ બોટલ સાથે ગુલાબનગર નજીક સાધુ વાસવાણી સોસાયટીમાં રહેતો મહેશ કનૈયાલાલ પંચવાણી ઉર્ફે રાજુ, કરણ નારણભાઈ ચેલારામાણી, લીમડા લાઈનમાં દયાસાગર એપાર્ટમેન્ટમાં રહેતો કિશન રમેશભાઈ ભારદીયા મળી આવ્યા હતા. આ શખ્સોની અટકાયત કરી પૂછપરછ કરાતા તેઓએ રાજકોટના નારાયણ નામના શખ્સે દારૃ મોકલાવ્યાની કબૂલાત આપી છે. દારૃ, ત્રણ મોબાઈલ, રૂ.પ લાખની મોટર મળી કુલ રૂ.૫,૪૩,૯૨૮નો મુદ્દામાલ કબજે કરવામાં આવ્યો છે.
જામનગરના સમર્પણ સર્કલથી જકાતનાકા તરફના રોડ પર ગઈરાત્રે ગોકુલનગર પાસે મયુરનગરમાં રહેતો પારસ ભરતભાઈ વાઘેલા ઉર્ફે બિપીન કોળી નામનો શખ્સ દારૃની અડધી બોટલ સાથે ઝડપાઈ ગયો હતો.
ધ્રોલના પડધરી નાકા તરફના રોડ પરથી ગઈરાત્રે ધ્રોલના ગોકુલ પાર્ક-૧માં રહેતો અજયસિંહ લગધીરસિંહ જાડેજા નામનો શખ્સ ઈંગ્લીશ દારૃના બે ચપલા સાથે ઝડપાયો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
