Author: નોબત સમાચાર
વિદેશમંત્રી એસ. જયશંકરની સુરક્ષા વધારાઈઃ બૂલેટપ્રૂફ કાર ફાળવાઈ
ભારત-પાક. તંગદિલી વચ્ચે ભાજપના રપ નેતાઓની સુરક્ષા વ્યવસ્થાની સમીક્ષા
નવી દિલ્હી તા. ૧૪: ભારત-પાકિસ્તાન વચ્ચે વિદેશ સચિવ વિક્રમ મિશ્રી, દિલ્હીના મુખ્યમંત્રી રેખા ગુપ્તા અને લગભગ રપ અગ્રણી ભાજપના નેતાઓની સુરક્ષાની સમીક્ષા કરવામાં આવશે. જેમાં કેન્દ્રિય મંત્રી જે.પી. નડ્ડા ભૂપેન્દ્ર યાદવ, સાંસદ નિશિકાંત દુબે, સુધાંશુ ત્રિવેદી અને વરિષ્ઠ નેતા મુરલી મનોહર જોષીનો સમાવેશ થાય છે, જ્યારે વિદેશમંત્રી એસ. જયશંકરની સુરક્ષા વધારી દેવામાં આવી છે.
પાકિસ્તાન સાથે ચાલી રહેલા તણાવ અને પહલગામ આતંકવાદી હુમલા પછી ભારત હાઈ એલર્ટ પર છે. આ દરમિયાન સમાચાર આવી રહ્યા છે કે વિદેશ મંત્રી ડો. એસ. જયશંકરની દિલ્હી પોલીસે સુરક્ષા કડક કરવાની પ્રક્રિયા શરૃ કરી દીધી છે. તેમને બૂલેટપ્રફૂફ કાર આપવામાં આવી છે. દિલ્હીમાં તેમના નિવાસસ્થાનની આસપાસ પણ સુરક્ષા કડક કરવામાં આવી છે. જયશંકરને પહેલાથી જ ઝેડ-કેટેગરી સુરક્ષા અપાઈ છે. જે સેન્ટ્રલ રિઝર્વ પોલીસ ફોર્સ કમાન્ડો દ્વારા પૂરી પાડવામાં આવે છે. તેમની સુરક્ષા માટે ૩૩ કમાન્ડોની ટીમ ચોવીસ કલાક તૈનાત રહે છે.
સૂત્રોના જણાવ્યા અનુસાર દિલ્હી પોલીસ કમિશનર સંજય અરોરાએ રવિવારે વરિષ્ઠ અધિકારીઓ સાથે ઉચ્ચ સ્તરીય બેઠકમાં વીઆઈપી નેતાઓની સુરક્ષાની સમીક્ષા કરી હતી. બેઠકમાં તાજેતરના સમયમાં પાકિસ્તાન વિરૃદ્ધ કડક નિવેદનો આપનારા નેતાઓને ખાસ સુરક્ષા પૂરી પાડવા અંગે ચર્ચા કરવામાં આવી હતી.
બેઠકમાં નિર્ણય લેવામાં આવ્યો કે વિદેશ સચિવ વિક્રમ મિશ્રી, દિલ્હીના મુખ્યમંત્રી રેખા ગુપ્તા અને લગભગ રપ અગ્રણી ભાજપના નેતાઓની સુરક્ષાની પણ સમીક્ષા કરવામાં આવશે. જેમાં કેન્દ્રિય મંત્રી જે.પી. નડ્ડા, ભૂપેન્દ્ર યાદવ, સાંસદ નિશિકાંત દુબે, સુધાંશુ ત્રિવેદી અને વરિષ્ઠ નેતા મુરલી મનોહર જોષીનો સમાવેશ થાય છે.
ઉલ્લેખનિય છે કે, પહલગામ હુમલા પછીથી વિદેશમંત્રી એસ. જયશંકર સતત પ્રધાનમંત્રીની અધ્યક્ષતામાં યોજાયેલી બેઠકોમાં હાજરી આપી રહ્યા છે. તેમણે આતંકવાદ અને પાકિસ્તાનની નીતિઓ વિરૃદ્ધ સતત નિવેદનો પણ આપ્યા છે.
સોમવારથી નવી દિલ્હી પોલીસ લાઈન્સમાં સુરક્ષા કર્મચારીઓને ફાયરીંગ અને મેડિકલ ઈમરજન્સીમાં ખાસ તાલીમ આપવામાં આવી રહી છે. આ ઉપરાંત તમામ સુરક્ષા વાહનોમાં પ્રાથમિક સારવાર કીટ લગાવવા માટે પણ સૂચના આપવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
