Author: નોબત સમાચાર
જામનગરના સુભાષબ્રિજ પાસે યુવાન પર ચાલુ બાઈકે છરીથી કરાયો હલ્લો
સલાયામાં મહિલાને માર પડ્યોઃ ત્રણ સામે રાવઃ
જામનગર તા.૧૪ : જામનગરના સુભાષબ્રિજ પાસે ગઈકાલે સાંજે એક શખ્સે ચાલુ બાઈકે બીજા બાઈક પર જતાં યુવાન પર છરીથી હુમલો કર્યાે હતો. જ્યારે સલાયામાં એક મહિલાને એક શખ્સ તથા બે મહિલાએ માર માર્યાે હતો.
જામનગરના કાલાવડ નાકા બહાર આવેલી મહારાજા સોસાયટીમાં રહેતા મકસુદ રફીકભાઈ કેળાવાલા તેમના નાનાભાઈ અને પુત્ર ગઈકાલે સાંજે એક બાઈકમાં દરગાહે દર્શન કરવા માટે જતા હતા ત્યારે સુભાષબ્રિજ નજીક પાછળથી રબાની પાર્કમાં રહેતો સોહિલ ગરાણા ઉર્ફે છાતી નામનો શખ્સ બીજા બાઈકમાં આવ્યો હતો.
આ શખ્સે ચાલુ વાહને છરી બહાર કાઢી મકસુદના હાથમાં મારવાનો પ્રયાસ કર્યાે હતો. ડાબા હાથમાં કાંડાના ભાગે મકસુદને ઈજા થઈ હતી તે પછી બાઈક ઉભુ રાખી ગાળો ભાંડી સોહિલે મારી નાખવાની ધમકી આપી હતી.
દેવભૂમિ દ્વારકા જિલ્લાના ખંભાળિયા નજીક સલાયામાં રહેતા રીઝવાનાબેન દાઉદ જાડેજા નામના મહિલા પર ગયા ગુરૃવારે નીઝામ તાલબ જાડેજા, રીયાના નીઝામ, નઝમા નબીલ કેર નામના ત્રણ વ્યક્તિએ હુમલો કર્યાે હતો. નીઝામે તેણીને પકડી રાખ્યા હતા અને નઝમાએ ફળીયામાં પડેલી ઈંટ ઉપાડી માથામાં ઝીંકી હતી અને રીયાનાએ ફડાકા ઝીંકી દીધા હતા. સલાયા પોલીસ સ્ટેશનમાં તેની ફરિયાદ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
