Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
ભૂગર્ભ ગટરની મુખ્ય પાઈપલાઈન નાંખવાની હોવાથી
જામનગર તા. ૧૪: જામનગર -રાજકોટ માર્ગે આવેલા ધુંવાવ પાસેનો એક તરફનો માર્ગ ભૂગર્ભ ગટરની કામગીરીના અનુસંધાને બે માસ માટે બંધ રાખવામાં આવશે આ અંગે કમિશનર દ્વારા જાહેરનામુ પ્રસિદ્ધ કરવામાં આવ્યું છે.
જામનગર મહાનગર પાલિકાના કમિશનર ડી. એન. મોદીને બીપીએમસી એક્ટની કલમની જોગવાઈ હેઠળ મળેલ સતાની રૃએ જાહેર જનતાને આથી જાહેર નોટીસથી જાણ કરવામાં આવે છે કે, જામનગર મહાનગર પાલિકાની હદમાં ધુવાવ ગામ પાસે જામનગર રાજકોટ મુખ્ય રસ્તા પાસે પૂર્ણશ્વર મહાદેવ મંદિરથી હાપા રેલવે સ્ટેશન વાળા મુખ્ય રસ્તા થઈ, રવિ પેટ્રોલ પંપ થઈ, બીએસએનએલના ગોડાઉન પાસે મુરલીધર ટ્રેક્ટર્સ સુધી રાજકોટથી જામનગર આવતા રસ્તાની મધ્યરેખા પરના રોડ ડિવાઈડરની દક્ષિણ દિશા તરફના રસ્તામાં ભૂગર્ભ ગટરની મુખ્ય પાઈપ લાઈન નાખવાની કામગીરી અનુસંધાને સલામતીના ભાગરૃપે તેમજ અકસ્માત નિવારવાના હેતુથી તા.૧૪-૦૫-૨૦૨૫ થી તા.૧૩-૦૭-૨૦૨૫ એટલે કે, બે માસ સુધી તમામ વાહન વ્યવહાર બંધ રાખવા આથી જાહેર નોટીસ બહાર પાડવામાં આવે છે. જેનો અમલ કરવાનો હુકમ કરવામાં આવ્યો છે.
જે કોઈ વ્યક્તિ આ હુકમનો ભંગ કરશે તેની સામે ધી બી.પી.એમ.સી. એક્ટની કલમ અનુસાર દંડની કાર્યવાહી કરવામાં આવશે.
જામનગર રાજકોટ મુખ્ય રસ્તા પાસે પૂર્ણશ્વર મહાદેવ મંદિરથી હાપા રેલવે સ્ટેશનવાળા મુખ્ય રસ્તા થઇ, રવિ પેટ્રોલ પંપ થઈ, બી.એસ.એન.એલ.ના ગોડાઉન પાસે મુરલીધર ટ્રેક્ટર્સ સુધી રાજકોટ થી જામનગર આવતા રસ્તાની મધ્યરેખા પરના શેડ ડિવાઈડરની દક્ષિણ દિશા તરફનો રસ્તો બંધ રહેશે. જેની વૈકલ્પિક વ્યવસ્થા માટે ધુંવાવ ગામ પાસે જામનગર રાજકોટ મુખ્ય રસ્તા પાસે પૂર્ણશ્વર મહાદેવ મંદિરથી હાપા રેલ્વે સ્ટેશનવાળા મુખ્ય રસના થઈ, રવિ પેટ્રોલ પંપ થઈ, બી.એસ.એન.એલ.ના ગોડાઉન પાસે મુરલીધર ટ્રેક્ટર્સ મુખ્ય રસ્તા સુધી રાજકોટ થી જામનગર આવતા રસ્તાની મધ્યરેખા પરના રોડ ડિવાઈડરની ઉત્તર દિશા તરફનો રસ્તો પરિવહન માટે ખુલ્લો રહેશે. તેમ કમિશનર જામનગર મહાનગરપાલિકાની યાદીમાં જણાવાયું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial