દિલ્હીના રામલીલા મેદાનમાં વીસ ફેબ્રુઆરીના ભાજપની સરકાર લેશે શપથ

Author: નોબત સમાચાર

દિલ્હીના રામલીલા મેદાનમાં વીસ ફેબ્રુઆરીના ભાજપની સરકાર લેશે શપથ

ભાજ૫ને ૨૭ વર્ષ તક મળી પણ ચહેરો નકકી કરવામાં ફાંફા!

નવી દિલ્હી તા. ૧૭: દિલ્હીમાં જંત્રી જનાદેશ છતાં હજુ ભાજપ મુખ્યમંત્રીપદનો ચહેરો નકકી કરી શકયો નથી. જો કે, ૨૦મી ફેબ્રુઆરીના સાંજે ૪:૩૦ વાગ્યે નવી શપથ લેશે. તેવા અહેવાલો મળી રહ્યા છે.

દિલ્હી વિધાનસભાની ચૂંટણીમાં ૨૭ વર્ષ પછી બીજેપીએ જીત મેળવી છે. જો કે હજી બીજેપી નક્કી કરી શકી નથી કે દિલ્હીનું સુકાન કોને સોંપવુ. શપથ ગ્રહણ સમારોહ ૨૦ ફેબ્રુઆરીએ સાંજે ૪:૩૦ કલાકે થાય તેવી સંભાવના છે.

સૂત્રો દ્વારા મળતી માહિતી મુજબ એક દિવસ પહેલા એટલે કે ૧૯ ફેબ્રુઆરીએ બીજેપીની ધારાસભ્ય દળની બેઠક મળશે.શપથ ગ્રહણ સમારોહ માટે કોઈ સ્થળ નક્કી કરવામાં આવ્યું નથી, પરંતુ આ કાર્યક્રમ રામલીલા મેદાનમાં યોજાવાની શક્યતા હોવાની સૂત્રો દ્વારા માહિતી મળી રહી છે.

સૂત્રોએ અગાઉ જણાવ્યું હતું કે ભાજપે ૧૯ ફેબ્રુઆરીએ વિધાનસભા પક્ષની બેઠક બોલાવી છે. અગાઉ આ બેઠક ૧૭ ફેબ્રુઆરીએ બોલાવવામાં આવી હતી, પરંતુ બાદમાં તેને મુલતવી રાખવામાં આવી હતી. મુખ્યમંત્રીનું નામ નક્કી કરતા પહેલા પાર્ટી તેના ધારાસભ્યોની બેઠક કરશે.

મહત્ત્વનું છે કે મુખ્યમંત્રીની પસંદગીને લઈને છેલ્લા કેટલાક દિવસોથી દિલ્હીમાં ઉચ્ચસ્તરીય ચર્ચાઓ ચાલી રહી છે. પરવેશ વર્મા, આશિષ સૂદ અને રેખા ગુપ્તા સહિત અનેક નામોની અટકળો ચાલી રહી છે. જોકે આ અંગે હજુ સુધી પાર્ટી દ્વારા કોઇ જાહેરાત કરવામાં આવી હતી. અગાઉ એમ કહેવામાં આવ્યું હતું કે પીએમ મોદી અમેરિકાથી પરત ફરે ત્યારબાદ તેઓ દિલ્હીમાં સરકાર બનાવવાનો દાવો રજૂ કરશે.

દિલ્હીના મુખ્યમંત્રી પદની રેસમાં સામેલ નામોમાં, પ્રવેશ વર્મા સૌથી આગળ છે, જેમણે નવી દિલ્હી બેઠક પરથી આપ વડા અરવિંદ કેજરીવાલને હરાવ્યા હતા. દિલ્હી ભાજપના મહાસચિવ અને જનકપુરીના ધારાસભ્ય આશિષ સૂદનું નામ પણ ચર્ચાઈ રહૃાું છે, જેઓ કેન્દ્રીય નેતાઓ સાથે ગાઢ સંબંધો માટે જાણીતા છે મહિલા ચહેરા તરીકે, શાલીમાર બાગના ધારાસભ્ય રેખા ગુપ્તાને પણ મુખ્યમંત્રી પદની દાવેદાર માનવામાં આવી રહી છે.

તદ્પરાંત રોહિણીના ધારાસભ્ય વિજેન્દ્ર ગુપ્તાનું નામ પણ ચર્ચામાં છે, જેઓ દિલ્હી ભાજપના સૌથી વરિષ્ઠ નેતાઓમાંના એક છે અને દિલ્હી વિધાનસભામાં વિપક્ષના નેતા રહી ચૂક્યા છે. માલવિયા નગરના ધારાસભ્ય સતીશ ઉપાધ્યાય પણ રેસમાં છે, જે પાર્ટીના એક અગ્રણી બ્રાહ્મણ ચહેરા અને ભૂતપૂર્વ પ્રદેશ પ્રમુખ છે. વૈશ્ય સમુદાયમાંથી આવતા અને આરએસએસના મજબૂત પ્રતિનિધિ જીતેન્દ્ર મહાજન પણ મુખ્યમંત્રી પદના ટોચના દાવેદારોમાં સામેલ છે.

ઉલ્લેખનીય છે કે પાર્ટીના નેતાઓએ રાષ્ટ્રીય નેતૃત્વ દ્વારા મુખ્યમંત્રી તરીકે મહિલાને નિયુક્ત કરવાની અથવા સંપૂર્ણપણે નવા ચહેરાને પસંદ કરવાની શક્યતાનો સંકેત આપ્યો હતો.. ગ્રેટર કૈલાશમાં આપના સૌરભ ભારદ્વાજને હરાવીને જીત મેળવનાર શિખા રોય, અન્ય એક અગ્રણી મહિલા ચહેરા તરીકે વિચારણા હેઠળ હોવાનું જાણવા મળે છે.

જો આપને આ પોસ્ટ ગમી હોય તો શેર કરો...