Author: નોબત સમાચાર
દુકાનદારનું રોકડ ભરેલું પર્સ ઉઠાવી જનાર શખ્સને પોલીસે પકડી પાડ્યો
રૃા.૧.૦૭ લાખની રોકડ રકમ લેવાઈ ઝબ્બેઃ
જામનગર તા.૩ ઃ જામનગરના રણજીતસાગર રોડ પર એક સોસાયટીમાં દુકાન વધાવતી વખતે વેપારી રૃા.૧ લાખ ઉપરાંતની રકમવાળું પર્સ ભૂલી ગયા હતા. તે પર્સની ઉઠાંતરી કરનાર શખ્સને પોલીસે પૂરેપૂરી રકમ સાથે પકડી પાડ્યો છે.
જામનગરના રણજીત સાગર રોડ પર નિલકંઠ પાર્કમાં વસવાટ કરતા અને સુભાષ પાર્ક મેઈન રોડ પર જલારામ વસ્તુ ભંડાર નામની અનાજ કરિયાણાની દુકાન ચલાવતા જીજ્ઞેશભાઈ ભૂપેન્દ્રભાઈ કોટેચા નામના વેપારી રવિવારે રાત્રે પોણા દસેક વાગ્યે દુકાન વધાવવાની તૈયારી કરતા હતા ત્યારે તેઓએ દિવસ દરમિયાન દુકાનમાં થયેલા વેપારની રૃા.૧ લાખ ૭ હજારની રકમ બ્લુ રંગના પર્સમાં રાખી તે પર્સ દુકાનની બહારના ભાગમાં આવેલા હુંકમાં ટીંગાડ્યું હતું.
ત્યારપછી દુકાન વધાવી ઘેર ચાલ્યા ગયેલા જીજ્ઞેશભાઈને ઘરે પહોંચ્યા પછી પર્સ ભુલાઈ ગયું તેમ યાદ આવતા તેઓ પરત આવ્યા એટલીવારમાં પર્સની ઉઠાંતરી થઈ ગયાની તેઓએ પોલીસમાં ફરિયાદ કરી હતી.
આ કેસની શરૃ થયેલી તપાસ દરમિયાન સિટી-એ ડિવિઝનના સર્વેલન્સ સ્ટાફના વિરેન્દ્રસિંહ, વિક્રમસિંહ જાડેજાને બાતમી મળી હતી કે, પર્સની ઉઠાંતરી કરનાર શખ્સ ત્યાં આવેલી પાનની એક દુકાન નજીક ઉભો છે. તે બાતમીથી પીઆઈ એમ.બી. ગજ્જરને વાકેફ કરાયા પછી પીએસઆઈ બી.એસ. વાળાના વડપણ હેઠળ ધસી ગયેલા સ્ટાફે કૃણાલ પાર્કમાં રહેતા જયેશ જયંતિભાઈ કટેશીયા નામના સતવારા શખ્સની અટકાયત કરી તલાશી લેતાં તેની પાસેથી બ્લુ રંગનું પર્સ અને રૃા.૧ લાખ ૭ હજાર મળી આવ્યા હતા. આ શખ્સે ઉપરોક્ત ઉઠાંતરીની કબૂલાત આપી છે. પોલીસે તેની ધરપકડ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
