Author: નોબત સમાચાર
બાંધકામ વખતે અકસ્માતનો ભોગ બનેલા મહિલાના વારસોને સત્તર લાખનું વળતર
બાર વર્ષ પહેલા પી.એન. માર્ગ પર બન્યો હતો બનાવઃ
જામનગર તા.૨ ઃ જામનગરના પી.એન. માર્ગ પર આવેલી એક ઈમારતના નિર્માણ સમયે એક મજૂર મહિલા પગ લપસી જતાં પટકાઈ પડ્યા પછી મોતને શરણ થયા હતા. તેણીના વારસોને કુલ રૃા.૧૭ લાખ ઉપરાંતનું વળતર ચૂકવવા આદેશ થયો છે.
જામનગરના ગરીબનગર બેડેશ્વર વિસ્તારમા રહેતા રેશ્માબેન હાસમભાઈ છેર ડી.કે.વી. કોલેજ સામે આવેલા ગોલ્ડન નેસ્ટ નામના બિલ્ડીંગ ના બાંધકામ પર મુલણ તરીકે મજૂરીકામ કરતા હતા ત્યારે તા.૯-૭-૨૦૧૧ના દિને બપોરે બિલ્ડીંગના ચોથા માળેથી અકસ્માતે પટકાઈ પડ્યા હતા. ગંભીર ઇજા પામેલા આ મહિલાનું સારવારમાં જી.જી. હોસ્પિટલમાં મુત્યુ થયું હતું.
તેમના વારસદાર કુલસમબેન હાસમભાઈ છેરે કામદાર વળતર અધિનિયમ ૧૯૨૩ મુજબ ગોલ્ડન નેસ્ટ બિલ્ડીંગના માલિક નરેન્દ્રસિંહ વિક્રમસીહ ઝાલા, કોન્ટ્રાક્ટર વિપુલભાઈ વિક્રમભાઈ ભલારા અને ઓરિયેન્ટ ઇન્સ. કંપનીને નોટિસ આપી વળતરની માંગણી કરી હતી પરંતુ કાયદા મુજબ જવાબદારોએ ગુજરનાર રેશ્માબેનના વારસદારોને કોઈ વળતરની રકમ ચૂકવી ન હતી.
આથી કુલસમબેન હાસમભાઈ તથા હાસમભાઈ હારૃન છેર દ્વારા કર્મચારી વળતર ધારા અન્વયે મજૂર અદાલતમાં અરજી કરી હતી. તે અરજી ચાલી જતાં મજૂર અદાલતના કમિશનરે વિપુલભાઈ ભલારા, નરેન્દ્રસિંહ વિક્રમસિંહ ઝાલા તેમજ ગોલ્ડન નેસ્ટ સાઈટનો વિમો ઉતારનાર ઓરિયેન્ટલ ઈન્સ. કંપનીને રૃા. ૪,૯૮,૮૮૮ની રકમ વળતર પેટે તથા વ્યાજ, પેનલટી ખર્ચ વિગેરે ચૂકવવા માંગણી કરી હતી. તે અરજી ચાલી જતાં કમિશનરે અકસ્માતની તારીખથી વળતરની રકમ ચૂકવવા સુધી બાર ટકા વ્યાજ, વળતરની રકમના પ૦ ટકા પેનલટી મળી કુલ રૃા.૧૭ લાખ જેટલી રકમ વળતર પેટે ચૂકવવાનો આદેશ કર્યાે છે.
આ કામમા ગુજરનાર રેશ્માબેનના વારસદારો તરફથી વકીલ હારૃન કે. પલેજા, જયેશ પરમાર, નુરમામદ પલેજા, શકીલ નોયડા, વસીમ કુરેશી વગેરે રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
