Author: નોબત સમાચાર
વેટલેન્ડ ડે નિમિત્તે વસુધૈવ કુટુંબકમ્ની થીમ આધારિત ફિલ્મનું મુખ્યમંત્રી ભૂપેન્દ્ર પટેલના હસ્તે લોન્ચીંગ
રાજ્યમાં આવેલી ચાર રામસર સાઈટ, વિદેશી પક્ષીઓ તથા સમૃદ્ધ વેટલેન્ડ્સને સાંકળીને
ગાંધીનગર તા. ૩ઃ આંતરરાષ્ટ્રીય વેટલેન્ડ ડે નિમિત્તે મુખ્યમંત્રી ભૂપેન્દ્રભાઈ પટેલના હસ્તે જાણીતા સંગીતકાર રૃપકુમાર રાઠોડ નિર્મિત ગુજરાતના સમૃદ્ધ વેટલેન્ડ્સને ઉજાગર કરતી 'વસુધૈવ કુટુંબકમ્'ની થીમ આધારિત ફિલ્મનું લોન્ચીંગ કરાયું હતું. ગુજરાતની ચારેય રામસર સાઈટ્સ સહિત કચ્છ વિસ્તારમાં મહેમાન બનતા વિદેશી પક્ષીઓ અને ગુજરાતના સમૃદ્ધ વેટલેન્ડ્સનું ફિલ્મમાં અદ્ભુત નિરૃપણ કરાવ્યું હતું.
મુખ્યમંત્રી ભૂપેન્દ્રભાઈ પટેલના હસ્તે તેમજ વન મંત્રી મૂળુભાઈ બેરા, વન રાજ્ય મંત્રી મુકેશભાઈ પટેલની ઉપસ્થિતિમાં 'આંતરરાષ્ટ્રીય વેટલેન્ડ ડે'ની ઉજવણી નિમિત્તે જાણીતા સંગીતકાર રૃપકુમાર રાઠોડના સંગીત અને સ્વર દ્વારા નિર્મિત ગુજરાતના સમૃદ્ધ વેટલેન્ડ્સને ઉજાગર કરતી 'વસુધૈવ કુટુંમ્બકમ્'ની થીમ આધારિત ફિલ્મનું રૃપકુમાર રાઠોડની ઉપસ્થિતિમાં આજે લોન્ચીંગ કરાયું હતું.
મુખ્યમંત્રી પટેલે રૃપકુમાર રાઠોડને અભિનંદન આપતા કહ્યું હતું કે, ગુજરાતની ચારેય રામસર સાઈટ્સ અને કચ્છના છારીઢંઢ જેવા વિસ્તારમાં મહેમાન બનતા પક્ષીઓ અને ગુજરાતના સમૃદ્ધ વેટલેન્ડ્સને એક નાનકડી સંગીતમય ફિલ્મમાં દર્શાવ્યા છે. દર વર્ષે ગુજરાતના મહેમાન બનતા લાખો યાયાવર પરક્ષીઓના સંરક્ષણ અને સંવર્ધન માટે અમારી સરકાર કટિબદ્ધ છે.
આ પ્રસંગે મુખ્યમંત્રી દ્વારા પક્ષીઓની તસ્વીરો રજૂ કરતી એક 'કોફી ટેબલ' બુકનું વિમોચન પણ કરવામાં આવ્યું હતું. કઝાકિસ્તાન, સાઉદી અરેબિયા, યુરોપ, ઓસ્ટ્રેલિયા જેવા દેશોમાંથી આવતા પક્ષીઓ કે જે રાજ્યના છારીઢંઢ, થોળ, નળ સરોવર, કચ્છનું નાનું રણ, વઢવાણા જેવા વેટલેન્ડ્સ સ્થળોએ જોવા મળે છે. તે તમામ આ ફિલ્મમાં આવરી લેવામાં આવ્યા છે, જે પક્ષીવિદે અને નાગરિકો માટે ખૂબ જ ઉપયોગી નીવડશે.
અત્રે ઉલ્લેખનિય છે કે, પક્ષીઓ તેમના અસ્તિત્વના સમયથી આ ધરતીના દરેક ખૂણાઓને પ્રવાસી બનીને ધરતી, આકાશ અને જળ વિસ્તારમાં પોતાનું ઘર માને છે. ઉપનિષદોમાં લખાયેલ 'વસુધૈવ કુટુમ્બકમ્'ની ભાવનાને આ પક્ષીઓ જ સાર્થક કરે છે. ધરતીના દરેક ખૂણેથી પંખીઓ સેન્ટ્રલ એશિયન ફ્લાયવેનો ઉપયોગ કરીને ભારત આવે છે.
નોંધનીય છે કે, ભારત આ વર્ષે જી-ર૦ ના અધ્યક્ષપદે છે ત્યારે જી-ર૦ ના કુલ ર૦ દેશમાંથી દર વર્ષે ૧૮ જેટલા દેશોના ૩૦૦ જેટલી પ્રજાતિના પક્ષીઓ ગુજરાતના વેટલેન્ડના મહેમાન બને છે જે ભારત માટે ગૌરવ સમાન છે.
રૃપકુમાર રાઠોડ એક ઉમદા સંગીતકારની સાથે સાથે કુદરત પ્રેમી પણ છે અને ઉમદા વન્યજીવ તસ્વીરકાર પણ છે. ગુજરાતના રાષ્ટ્રીય ઉદ્યાનો પ્રત્યે તેઓ ગજબનું જોડાણ ધરાવે છે. તેઓએ ગુજરાતના વિવિધ રાષ્ટ્રીય ઉદ્યાનોમાં વન્યજીવો અને પક્ષીઓની તસ્વીરો પણ ખૂબ જ લીધી છે. પ્રકૃતિ પ્રત્યેના જોડાણને કારણે જ તેઓએ ગુજરાતના સરોવારો અને પક્ષીઓ વિષે આ નવીનત્તમ ધૂનની રચના કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
