Author: નોબત સમાચાર
ખીજડિયા બાયપાસ પાસે પેટ્રોલ પંપ પર રૃા. ૩૧૦૦નું ડીઝલ ભરાવી કાર ભગાડી મૂકાઈ
કારચાલક સહિત ત્રણ સામે નોંધાવાઈ ફરિયાદઃ
જામનગર તા.૩ ઃ જામનગરના ખીજડિયા બાયપાસ પાસે એક પેટ્રોલપંપે બુધવારની રાત્રે સાડા બારેક વાગ્યે ડીઝલ ભરાવવા આવેલી એક મોટરમાં પંપના ફીલરે રૃા.૩૧૦૦નું ઈંધણ ભરી આપ્યા પછી પૈસા આપ્યા વગર જ મોટર ભગાડી મૂકાતા મોટરના ચાલક સહિત ત્રણ સામે પોલીસમાં ફીલરે ફરિયાદ નોંધાવી છે.
જામનગર-રાજકોટ ધોરી માર્ગ પર આવેલા ખીજડિયા બાયપાસ નજીક જયશ્રી રામ પેટ્રોલપંપ પર બુધવારની રાત્રે ફીલર તરીકે કામ કરતા મોટી બાણુંગારના મનિષ નરેન્દ્રભાઈ પારીયા ફરજ પર હતા.
તે પેટ્રોલપંપ પર રાત્રે સાડા બાર વાગ્યે સફેદ રંગની અને ફોર્ડ કંપનીની નંબર પ્લેટ વગરની ફીગો મોટર ડીઝલ ભરાવવા માટે આવી હતી. તે મોટરના ચાલકે રૃા.૩૧૦૦નું ડીઝલ ભરી આપવા મનિષને કહેતા તેના કહેવા મુજબ મનિષે મોટરની ટાંકીમાં ૩૩ લીટર ડીઝલ ભરી આપ્યું હતું. તે પછી તેના ચાલકે પાછળની સીટમાં બેસેલા શખ્સ પાસેથી કાર્ડ લઈ તેમાંથી પૈસા કાપી લેવા માટે મનિષને કહેતા મનિષે પાછળની સીટમાં બેસેલા બે શખ્સ પૈકીના એક પાસેથી કાર્ડ લીધુ હતું અને તેને સ્વાઈપ કરવાની તજવીજ કરી હતી.
આ વેળાએ જ મોટરના ચાલકે મોટરને ભગાડી મૂકી હતી. અચાનક બનેલા આ પ્રકારના બનાવથી હેબતાયેલો ફીલર કંઈ કરે તે પહેલા મોટર નાસી ગઈ હતી. તે પછી મનિષે પંપ પર હાજર અન્ય વ્યક્તિને તેની જાણ કર્યા પછી ગઈકાલે સાંજે પંચકોશી-એ ડિવિઝન પોલીસ સ્ટેશનમાં ફરિયાદ નોંધાવી છે.
પોલીસે મોટરના ચાલક સહિતના ત્રણેય સામે આઈપીસી ૪૨૦, ૧૧૪ હેઠળ ગુન્હો નોંધ્યો છે. ઉપરોક્ત બનાવ પેટ્રોલપંપમાં લગાડવામાં આવેલા સીસીટીવીના કેમેરામાં કેદ થયો છે. પોલીસે સીસીટીવીમાં દેખાઈ છે તે મોટરને શોધી કાઢવા તપાસ શરૃ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
