Author: નોબત સમાચાર
દુકાન-મકાન અંગે અદાલતમાં દાવો
અદાલતે વાદીની તરફેણમાં આપ્યો મનાઈહુકમઃ
જામનગર તા.રર ઃ જામનગરના ભોઈવાડામાં આવેલી એક મિલકત અંગે એક આસામીએ તેના સગા ભાઈ-ભાભી સામે અદાલતમાં દાવો કરી મનાઈહુકમ માંગતા અદાલતે તેઓની તરફેણમાં મનાઈહુકમ ફરમાવ્યો છે.
જામનગરના ભોઈવાડામાં આવેલી મલના ડેલા સામેની ખુશાલી કોલ્ડ્રીંક્સ નામની દુકાન તથા અન્ય દુકાન તેમજ ગ્રાઉન્ડ ફલોર, ફર્સ્ટ ફ્લોરની અગાશી સહિતની મિલકત પ્રભાબેન હિરજીભાઈ દાઉદીયાની હતી. તેમના વીલથી આ મિલકત રામજીભાઈ ભનુભાઈ ચુડાસમાને મળ્યા પછી તેમના વીલથી પુત્ર જીતેન્દ્ર ચુડાસમાને તેની માલિકી મળી હતી.
આ મિલકતના ગ્રાઉન્ડ ફલોરમાં જીતેન્દ્રના સગા ભાઈ કમલેશ ચુડાસમાએ રહેણાંક તથા ખુશાલી કોલ્ડ્રીંકસ નામની દુકાનનો કબજો રાખ્યો હતો. તેણે પહેલા માળની પાણીની પાઈપલાઈન નીચેથી કાપવા સહિતના કેટલાક કૃત્યો કરતા જીતેન્દ્રભાઈએ પોતાના સગા ભાઈ તેમજ ભાભી બંસીબેન, ભત્રીજી ખુશાલી, ભત્રીજા ઋષિ ચુડાસમા સામે અદાલતમાં દાવો કરી તેઓનો કબજો ખાલી કરાવવા તજવીજ કરવા ઉપરાંત મનાઈહુકમની માંગણી કરતા અદાલતે દાવાના આખરી નિકાલ સુધી જીતેન્દ્રભાઈને ફર્સ્ટ ફલોર, અગાસી, મેઘા બ્યુટી પાર્લરવાળી જગ્યાનો ઉપયોગ કરતા અટકાવવા નહીં તેવો હુકમ કર્યાે છે. વાદી તરફથી વકીલ મહેશ તખ્તાણી, જીતેશ મહેતા રોકાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
