Author: નોબત સમાચાર
મફ્તમાં મુસાફરી કરવા માટે શખ્સે ટ્રાવેલ્સના કર્મચારીને આપી ધમકી
કાલાવડમાં બાઈકચાલકને છ શખ્સે ધોકાવ્યોઃ
જામનગર તા.૨૨ ઃ જામનગરના હાપાના એક શખ્સે ટ્રાવેલ્સની ઓફિસે જઈ મફતમાં અમદાવાદ લઈ જાવ તેવી માંગણી કર્યા પછી એક કર્મચારીને ગાળો ભાંડી ધમકી આપી હતી. જ્યારે એક યુવાનને મોબાઈલ પર ધમકી મળતા તેણે પોલીસમાં ફરિયાદ કરી છે. ઉપરાંત કાલાવડમાં બાઈક ટકરાવવાની બાબતે એક યુવાનને છ શખ્સેપાઈપ, ઢીકાપાટુથી લમધારી નાખ્યો હતો.
જામનગરના સુભાષ બ્રિજના છેવાડે આવેલી પટેલ ટ્રાવેલ્સ નામની ઓફિસમાં નોકરી કરતા રાજુ રામશીભાઈ ગાગીયા નામના યુવાન સોમવારે રાત્રે નોકરી પર હતા ત્યારે હાપામાં રહેતો પરેશ ઉર્ફે પરીયો ધોકીયા નામનો શખ્સ આવી ચઢ્યો હતો. તેણે મફતમાં અમદાવાદ લઈ જવાની જીદ્દ કરી હતી પરંતુ રાજુભાઈએ તેમ નહીં થઈ શકે તેમ કહેતા પરીયાએ ગાળો ભાંડી જાનથી મારી નાખવાની ધમકી આપી હતી.
જામનગરના નવાગામ ઘેડ વિસ્તારમાં રહેતા કિરણભાઈ કારાભાઈ વાઘેલા નામના યુવાન પર સોમવારે સવારે ભીમવાસના ઢાળીયા નજીક જગદીશ ખીમજીભાઈ વાઘેલા તથા કેશુ ખીમજીભાઈ નામના શખ્સોએ છરી, તલવારથી હુમલો કરી માર માર્યાે હતો. તે પછી સોમવારે બપોરે કિરણભાઈના ભત્રીજા યશ નીતિનભાઈ વાઘેલાને ફોન કરી જગદીશ ખીમજીભાઈએ તારા કાકાને અગાઉની બોલાચાલીમાં માર મારી હોસ્પિટલ ભેગો કરી દીધો છે, હવે તારો, તારા પિતા તથા ભાઈનો વારો છે તેવી ધમકી આપતા અને ગાળો ભાંડતા યશ વાઘેલાએ પોલીસમાં ફરિયાદ કરી છે.
કાલાવડ શહેરના કુંભનાથ પરામાં રહેતા વલ્લભભાઈ મેરામભાઈ બારીયા ઉર્ફે અભા કોળી નામના યુવાન ગઈકાલે બપોરે પોતાના બાઈકમાં જતાં હતા ત્યારે ત્યાં જ રહેતા રોહિત ડાયાભાઈ વાજાએ પોતાનું બાઈક તેમની સાથે ટકરાવ્યું હતું. તેથી વલ્લભાઈએ જોઈને ચલાવવાનું કહેતા ઉશ્કેરાયેલા રોહિત, રાજ ડાયાભાઈ, મહેશ નરશીભાઈ, દીપક ખીમજીભાઈ, મનિષ ખીમજીભાઈ, સંદીપ ખીમજીભાઈ નામના છ શખ્સે પાઈપ, ઢીકાપાટુ વડે હુમલો કરી વલ્લભભાઈને ધોકાવી નાખ્યા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
