Advertisement
Author: નોબત સમાચાર

પુલના મંજુરી વગરના ચાલી રહેલા કામ અંગે મનપાનો ઊડાઉ જવાબ!

જામનગર તા. ૩૧ઃ જામનગર મહાનગરપાલિકાની જનરલ બોર્ડની બેઠકમાં કોંગ્રેસના કોર્પોરેટર અસલમભાઈ ખીલજીએ લાલપુર ચોકડી પાસે મંજુરી વગર થઈ રહેલા પુલના કામ અંગે સવાલ ઊઠાવ્યો હતો. જેનો મનપાના જવાબદારો દ્વારા ઊડાઉ જવાબ આપી દેવામાં આવ્યો હતો. 'પાછોતરી મંજુરી' જેવો જવાબ આપી દેવાયો હતો.

રંગમતિ નદી ઉપર પુલનું કામકાજ મંજુરી વગર પૂરજોશમાં ચાલી રહ્યું હોવાનું જાણવા મળે છે. આ પુલનું બાંધકામ કરવા કોણે મંજુરી માંગી છે? ક્યારે માંગી છે? જેવા જવાબો હજી પણ અધ્ધરતાલ છે.

નદીના બે કાંઠાને જોડતા એક મહત્ત્વના અને મસમોટા પ્રોજેક્ટ અંગે મંજુરીની વિગતો જાહેર કરવામાં આવતી નથી. એટલું જ નહીં, મંજુરી આપવામાં આવી નથી તેમ છતાં કામ ચાલુ જ છે. આ સ્થિતિમાં મહાનગરપાલિકાનું તંત્ર શા માટે થઈ રહેલા ગેરકાયદે બાંધકામને રોકવાની કડક કાર્યવાહી કરતું નથી?

સાવ સામાન્ય વ્યક્તિને પણ એટલી ખબર તો પડે જ કે પુલ જેવા કરોડો રૃપિયાનું કામ કોઈ ખાનગી વ્યક્તિ કે પાર્ટી સેવાભાવે કરવા માંગતા હોય તો પણ તેની મંજુરી માંગતો વિનંતી પત્ર રજૂ કરવો પડે. સૈદ્ધાંતિક મંજુરી સ્થાયી સમિતિમાં મળે, નેગોશીએશન કરવામાં આવે, પ્લાન-નક્શા-નિષ્ણાતોના અભિપ્રાય, ખર્ચનો અંદાજ, વગેરે રજૂ થયા પછી સ્થાયી સમિતિ અને જનરલ બોર્ડમાં ઠરાવ કરી જે તે પાર્ટી/વ્યક્તિને તે 'સેવાકાર્ય'ના પ્રોજેક્ટ માટે મંજુરી મળી શકે...

પણ, અહીં તો 'ભેંસ ભાગોળે અને છાસ છાગોળે' જેવો ઘાટ થયો છે. મંજુરી કે નિયમો કે કાયદાની એક બે કે ત્રણ કરીને રંગમતિ નદી ઉપર પુલનું કામ બિન્દાસ્તપણે ચાલી રહ્યું છે.

મંજુરીની પ્રક્રિયા પૂર્ણ ન થાય ત્યાં સુધી રૃકજાવની કાર્યવાહી કરવી જોઈએ અને જો મંજુરી માંગવામાં જ ન આવી હોય તો અત્યાર સુધીના થયેલા દબાણો-બાંધકામ દૂર કરવાની કામગીરી કરવી જોઈએ તેવું જાણકારોનું માનવું છે.

મનપાનું તંત્ર કોની લાજ કાઢીને અને શા માટે આ કામ પ્રત્યે આંખ આડા કાન કરે છે તે સૌ કોઈ જાણે છે! 'યે પબ્લિક હૈ સબ જાનતી હૈ'.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

અમારા ફેસબુક પેજને લાઇક કરો અને મેળવો તમામ અપડેટસ.

https://www.facebook.com/nobatdaily/

 

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag



Advertisement

અન્ય સમાચારો

Advertisement
close
Ank Bandh