Author: નોબત સમાચાર
ધ્રોલના યુવાને ત્રીસ ટકા વ્યાજ ચૂકવ્યા પછી પણ સ્કૂટર ઝૂંટવાયુંઃ પિતાને ધમકી
રૃા.૪ લાખ સામે રૃા.૭ લાખ ચૂકવી દીધાઃ
જામનગર તા.ર૪ ઃ ધ્રોલના એક યુવાને રૃા.૪ લાખની રકમ બે શખ્સ પાસેથી ત્રીસ ટકાના વ્યાજે લીધા પછી રૃા.૭ લાખ ચૂકવી આપ્યા હોવા છતાં આ યુવાનનું સ્કૂટર ઝૂંટવી લેવાયું હતું અને વધુ રકમની માંગણી કરી આ યુવાનના પિતાને ગાળો ભાંડી ધમકી અપાતા અને રિક્ષા ઝૂંટવી લેવાની શેખી મારવામાં આવતા મામલો આખરે પોલીસમાં પહોંચ્યો છે. પોલીસે બંને વ્યાજખોર સામે ગુન્હો નોંધ્યો છે.
ધ્રોલની રઝવી સોસાયટી માં રહેતા યુસુફભાઈ સતારભાઈ આકબાણીના પુત્ર શાહનવાઝે રૃા.૪ લાખ ધ્રોલની નંદનવન સોસાયટીમાં રહેતા તૌસિફ જુસબ દરજાદા તથા ફૈઝાન ઈદ્રીશ પાસેથી ત્રીસ ટકાના વ્યાજે લીધા હતા.
તે પછી વ્યાજપેટે રૃા.૭ લાખ ચૂકવી આપ્યા હોવા છતાં શાહનવાઝને વધુ રકમ કઢાવવાના ઈરાદાથી ધમકાવાતો હતો. તે દરમિયાન વીસેક દિવસ પહેલા શાહનવાઝનું એક્ટિવા સ્કૂટર આ શખ્સોએ ઝૂંટવી લઈ વ્યાજ ન મળે તો તેને વેચી નાખવાની ધમકી આપી હતી.
વધુ રકમ કઢાવવાના ઈરાદે સોમવારે રાત્રે શાહનવાઝના ઘર પાસે ગયેલા તૌસિફ તથા ફૈઝાને શાહનવાઝના પિતા યુસુફભાઈને ગાળો ભાંડી બોચો પકડી લઈ અમારી રકમ નહીં મળે તો તારા દીકરાના ટાંટીયા ભાંગી નાખીશું અને તમારી રિક્ષા પણ લઈ જઈશું તેવી ધમકી આપતા યુસુફભાઈએ ગઈકાલે ધ્રોલ પોલીસ સ્ટેશનમાં બંને વ્યાજખોર સામે ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
