Author: નોબત સમાચાર
શિવરાજપુર બીચ પર રાષ્ટ્રીય સ્તરનું સ્વચ્છતા અભિયાન યોજાયું
ભારત સરકાર દ્વારા જી-ર૦ ના આયોજન સંદર્ભે
દ્વારકા તા. ર૪ઃ જી-ર૦ ના આયોન સંદર્ભે દ્વારકા તાલુકાના શિવરાજપુર બીચ પર રાષ્ટ્રીય સ્તરનું બીચ સ્વચ્છતા અભિયાન યોજાયું હતું.
ભારત સરકારના પર્યાવરણ અને જળવાયુ પરિવર્તન મંત્રાલય દ્વારા જી-ર૦ ના આયોજન સંદર્ભે તાજેતરમાં મેગા બીચ ક્લિનિંગ ઈવેન્ટનું આયોજન કરેલ. જેના ભાગરૃપે તાજેતરમાં તા. ર૧ મી એ દ્વારકાના શિવરાજપુર બીચ પર રાષ્ટ્રીય સ્તરની એક દિવસીય બીચ સ્વચ્છતા ઝુંબેશનું આયોજન ગુજરાત ઈકોલોજી કમિશન ગાંધીનગર દ્વારા મહિલા વિકાસ સેવા મંડળ સંસ્થાના સહયોગથી યોજાયું છે.
આ કાર્યક્રમમાં કેન્દ્ર સરકારના મીનીસ્ટ્રી ઓફ એન્વાયરમેન્ટ, ફોરેસ્ટ એન્ડ ક્લાઈમેટ ચેન્જના અન્ડર સેક્રેટરી પ્રસુન્ન ત્રિપાઠી, ગુજરાત સરકારના વન અને પર્યાવરણ વિભાગના સંયુક્ત સચિવ મોદી, ગુજરાત ઈકોલોજી કમિશનના સિનિયર મેનેજર નિશ્ચલ જોષી, જી.પી.સી.બી.ના રીજનલ ઓફિસર કલ્પનાબેન પરમાર, કોસ્ટગાર્ડના આસીસ્ટન્ટ કમાન્ડન્ટ, સંસ્થાના પ્રમુખ ઉષાબેન કારિયા, ટાટા કંપનીના એ.જી.એમ. સંજીવ જૈન, બીચ મેનેજર તથા સ્ટાફ, ટાટા કેમિકલ્સ, આર.એસ.પી.એલ. જેવી કંપનીઓના વોલીટીયર્સ, કોસ્ટગાર્ડઝ, શાળાના બાળકો, સ્થાનીય ગ્રામજનો અને પર્યાવરણ પ્રેમીઓ મોટી સંખ્યામાં એકત્ર થયા હતાં.
ઉદ્ઘાટન પછી સંસ્થાના પ્રમુખ ઉષાબેન કારિયા દ્વારા પ્રાસંગિક પ્રવચન કરાયું હતું.
શાળાના વિદ્યાર્થીઓ માટે વિષય સુસંગત ચિત્ર સ્પર્ધા, સ્વસહાય જુથોના સભ્યો દ્વારા નાટક તથા પર્યાવરણ અનુકૂળ જીવનશૈલી અપનાવવાની શપથવિધિ યોજાઈ હતી. આ તકે બીચ પર રેતશિલ્પ, સેલ્ફી પોઈન્ટ તેમજ સિગ્નેચર વોલ પર લોકોએ સ્વચ્છતા અને જાગૃતિ લાવવા સેલ્ફી લીધી હતી. કાર્યક્રમમાં ઉપસ્થિત સર્વે મહાનુભાવો, ગ્રામજનો તથા પર્યાવરણ પ્રેમીઓ દ્વારા દરિયા કિનારાનું સફાઈ અભિયાન હાથ ધરવામાં આવ્યું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
