Author: નોબત સમાચાર
અંગ્રેજી શરાબના ત્રીસ પાઉચ સાથે એક ઝડપાયોઃ વોડકાની બે બોટલ પકડાઈ
બાઈકમાં ચાર બોટલ લઈ જતાં બે ઝબ્બેઃ
જામનગર તા.૨૨: જામનગરની મિગ કોલોનીમાંથી પોલીસે એક શખ્સને અંગ્રેજી શરાબના ત્રીસ પાઉચ સાથે એક શખ્સની ધરપકડ કરી છે. જ્યારે વોડકાની બે બોટલ સાથે એક ઝડપાયો છે અને બાઈક પર ચાર બોટલ લઈ જઈ રહેલા બે સામે ગુન્હો નોંધાયો છે.
જામનગરની લાખોટા મિગ કોલોની પાસેથી શનિવારે બપોરે પસાર થઈ રહેલા અંધાશ્રમ આવાસવાળા મયુર પ્રકાશભાઈ મહીડા નામના શખ્સને પોલીસે શકના આધારે રોકાવી તેની તલાશી લેતા આ શખ્સના કબજામાંથી ભારતીય બનાવટના અંગ્રેજી શરાબના કાગળના ત્રીસ પાઉચ મળી આવ્યા હતા. પોલીસે અંદાજે રૃા.૧૫૦૦ની કિંમતનો શરાબનો જથ્થો કબજે કરી મયુર મહિડાની ધરપકડ કરી છે.
જામનગરના ગોકુલનગર પાસે આવેલી સોમનાથ સોસાયટીમાંથી શનિવારે બપોરે જઈ રહેલા કમલેશ પ્રાગજીભાઈ સોલંકી નામના દરજી શખ્સના કબજામાંથી પોલીસે વોડકાની બે બોટલ કબજે લીધી છે.
જામનગરના સમર્પણ સર્કલ પાસેથી ગઈરાત્રે જઈ રહેલા જીજે-૩-ઈએસ ૯૪૩૫ નંબરના બાઈકને રોકાવી પોલીસે ચેક કરતા તેમાંથી અંગ્રેજી શરાબની ચાર બોટલ મળી આવી હતી. બાઈક પર જઈ રહેલા નરેન્દ્ર ગંગારામ ચાંદ્રા તથા નરેશ મોહનભાઈ ચાંદ્રાની ધરપકડ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
