Author: નોબત સમાચાર
બેડેશ્વર તથા જામજોધપુરમાંથી ગંજીપાના કૂટતા બાર શખ્સ ઝડપાયાઃ એક ફરાર
ધરારનગર-૧માંથી ચાર પત્તાપ્રેમીની ધરપકડઃ
જામનગર તા.૨૨ઃ જામજોધપુરના વેરાવળમાંથી શનિવારે છ શખ્સ ગંંજીપાના કૂટતા ઝડપાઈ ગયા હતા. જ્યારે ગઈરાત્રે બેડેશ્વરમાંથી છ પત્તાપ્રેમી પકડાયા હતા અને એક નાસી ગયો હતો. ઉપરાંત ધરારનગર-૧માંથી ચાર શખ્સ તીનપત્તી રમતા પકડાઈ ગયા હતા. પોલીસે રૃા.૨૫ હજાર ઉપરાંતનો મુદ્દામાલ કબજે કર્યાે છે.
જામજોધપુર તાલુકાના વેરાવળ ગામમાં શનિવારે સાંજે જુગાર રમાઈ રહ્યો હોવાની બાતમી જામજોધપુરના હે.કો. પી.પી. જાડેજા, દિલીપસિંહ વાઘુભાને મળતા પોલીસે વેરાવળ ગામની પ્રાથમિક શાળાની પાછળ દરોડો પાડ્યો હતો. ત્યાં આવેલા લીમડાના ઝાડ નજીક ગંજીપાનાથી જુગાર રમતા છ શખ્સ મળી આવ્યા હતા.
આ સ્થળેથી હસન સુમારભાઈ પટા, મોહમ્મદ મુસાભાઇ કટારીયા, હાસમ જુમા રાવકરડા, હાજીભાઈ કાસમભાઈ પટા, ઓસમાણ ઈશાકભાઈ રાવકરડા, હુસેન સુમારભાઈ પટા નામના છ શખ્સ તીનપત્તી રમતા હતા. પોલીસે પટમાંથી રૃા. ૧૧,૭૪૦ રોકડા કબજે કરી છએય સામે જુગારધારાની કલમ હેઠળ ગુન્હો નોંધ્યો છે.
જામનગરના ધરારનગર-૧ વિસ્તારમાં શનિવારે બપોરે જાહેરમાં ગંજીપાનાથી જુગાર રમતા સલીમ મામદ તાયાણી, ઇમરાન ઈબ્રાહીમ ધુધા, મામદ આમદ હાલેપોત્રા અને દાઉદ કાસમ હાલેપોત્રા નામના ચાર શખ્સને પોલીસે રૃા.૧૨,૨૩૦ રોકડા તથા ગંજીપાના સાથે ઝડપી લીધા હતા.
જામનગરના બેડી વિસ્તારમાં ગઈરાત્રે પોલીસે પૂંર્વ બાતમીના આધારે દરોડો પાડતા ત્યાં જાહેરમાં ગંજીપાનાથી રોનપોલીસ રમતા ઈસ્માઈલ અકબર શેખ, નવાઝ હુસેન સંઘાર, હાજી અબ્દુલ મકરાણી, સલીમ મામદ ભડેલા, ફારૃક કાસમ મિયાણા, કાસમ ઈબ્રાહીમ દલ નામના છ શખ્સ ઝડપાઈ ગયા હતા. પોલીસને જોઈને તૈયબ ઈસ્માઈલ દલ નાસી ગયો હતો. પટમાંથી રૃા.૩૯૬૦ ઝબ્બે કરાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
