Author: નોબત સમાચાર
હડિયાણા પાસે ટેન્કરની ઠોકરે ચઢી ગયેલા બાઈકચાલકનું ઘટના સ્થળે જ નિપજ્યું મૃત્યુ
અકસ્માત સર્જી નાસી જવાનો ટેન્કરચાલકનો નિષ્ફળ પ્રયત્નઃ
જામનગર તા. ૨ઃ જામનગર-જોડિયા ધોરીમાર્ગ પર હડિયાણા પાસે આજે બપોરે એક બાઈકને સામેથી કાળ બનીને ધસી આવેલા ટેન્કરે ટક્કર મારતા ગંભીર ઈજા પામેલા બાઈકચાલકનું ઘટના સ્થળે જ મૃત્યુ નિપજ્યું છે. અકસ્માત સર્જી નાસી જવાનો પ્રયત્ન કરતા ટ્રકચાલકને પકડી પાડવામાં આવ્યો છે.
જામનગર-જોડિયા ધોરી માર્ગ પર આવેલા હડિયાણા ગામ પાસેથી આજે બપોરે જીજે-૧૦-એએસ ૬૮૪૩ નંબરનું હીરો મોટરસાયકલ લઈને તરશીભાઈ હરીભાઈ નકુમ નામના યુવાન પસાર થઈ રહ્યા હતા.
આ વેળાએ સામેથી પુરપાટ ઝડપે ધસી આવેલા જીજે-૧૨-બીએક્સ ૩૨૦૧ નંબરના ટેન્કરે તેઓને ઠોકર મારી હતી. રોડ ઉતરીને પછડાયેલા તરશીભાઈને ગંભીર ઈજા પહોંચી હતી. આ યુવાનનું ઘટનાસ્થળે જ મૃત્યુ નિપજ્યું છે. અકસ્માત વેળાએ ત્યાંથી પસાર થતાં અન્ય વાહનો ઉભા રહી ગયા હતા.
અકસ્માત સર્જયા પછી ટેન્કરના ચાલકે ઉતરીને નાસી જવાનો પ્રયત્ન કર્યાે હતો. તેને પકડી પાડવામાં આવ્યો હતો. તે દરમિયાન ધસી ગયેલી પોલીસ ટીમે ટ્રકચાલકને અટકાયતમાં લઈ લીધો હતો. અકસ્માતનો ભોગ બનનાર યુવાનના પરિવારને જાણ કરવામાં આવતા તેઓ આવી પહોંચ્યા હતા. પોલીસે ટ્રકચાલક સામે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
