Author: નોબત સમાચાર
બંદૂકમાંથી ફાયરીંગ કરતો વીડિયો બનાવી વાયરલ કરનાર શખ્સ સામે નોંધાયો ગુન્હો
લાયસન્સવાળી બંદૂક પણ લેવાઈ ઝબ્બેઃ
જામનગર તા. ૨ઃ જામનગરના ધ્રાંગડા ગામના ખેતરમાં એક શખ્સ બંદૂકમાંથી ફાયરીંગ કરતો હોય તેવો વીડિયો ફેસબુક પર મુકવામાં આવતા સોશિયલ મીડિયાની ઝીણવટભરી ચકાસણી કરી રહેલી એસઓજી ટીમે આ શખ્સની અટકાયત કરી છે. સમાજમાં ભય ફેલાવવા ઉપરાંત સીનસપાટા કરતા આ શખ્સ સામે ગુન્હો નોંધાયો છે અને લાયસન્સવાળી બંદૂક કબજે કરી લેવાઈ છે.
સોશિયલ મીડિયાના પ્રવર્તમાન યુગમાં કેટલાક યુવક, યુવતીઓ જાણ્યા, વિચાર્યા વગર રીલ બનાવીને કે અન્ય રીતે પોતાને હાઈલાઈટ કરવામાંથી પાછા પડી રહ્યા નથી ત્યારે સોશિયલ મીડિયામાં ડીપીમાં કે વીડિયોમાં હથિયારો સાથે દેખાતા વ્યક્તિઓને કાયદાનો પાઠ ભણાવવા અને આવી રીતે હથિયારો સાથે ફોટા કે વીડિયો મૂકી સમાજમાં ભય ફેલાવવા ઉપરાંત પોતાનો સીન જમાવવા તજવીજ કરતા તત્ત્વોને પાઠ ભણાવવા એસપી પ્રેમસુખ ડેલુએ આપેલી સૂચનાના પગલે જામનગરની એસઓજી ટીમ દ્વારા સોશિયલ મીડિયા પર સઘન ચકાસણી કરવામાં આવી રહી છે.
તે દરમિયાન જામનગર તાલુકાના ધ્રાંગડા ગામનો એક શખ્સ પોતાના ફેસબુક એકાઉન્ટમાં સ્ટોરી અપલોડ કરી તેમાં બંદૂકમાંથી ફાયરીંગ કરતો હોય તેમ દેખાઈ રહ્યું છે. તેમ જણાઈ આવતા એસઓજીના સંદીપ ચુડાસમા, રમેશભાઈ, દિનેશ સાગઠીયા સહિતની ટીમે પીએસઆઈ જે.ડી. પરમારના વડપણ હેઠળ સોહિલ ઓસમાણ રાઉમા નામના શખ્સની અટકાયત કરી છે.
આ શખ્સની પૂછપરછ કરાતા તેણે પોતાના કૌટુંબિક ભાઈ આકીબ સફીયાના ધ્રાંગડા ગામમાં આવેલા ખેતરમાં જઈ પરવાનાવાળી બંદૂકમાંથી પોતે ફાયરીંગ કરતો હોય તેવો વીડિયો બનાવી સોશિયલ મીડિયાના માધ્યમથી વાયરલ કર્યાે હોવાનું ખૂલ્યું છે. એસઓજીએ લંઘાવાડના ઢાળીયા પાસે વાલબાઈની મસ્જિદ પાસે વસવાટ કરતા સોહીલ રાઉમાની અટકાયત કરી લાયસન્સવાળી બંદૂક ઝબ્બે લીધી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
