Author: નોબત સમાચાર
લાલપુરમાં તાલુકા કક્ષાનો મિલેટ કૃષિ મેળો
ઈન્ટરનેશનલ મિલેટ્સ વર્ષ-ર૦ર૩ અંતર્ગત
જામનગર તા. ૨ઃ ઈન્ટરનેશનલ મિલેટ વર્ષ-ર૦ર૩ અંતર્ગત એ.પી.એમ.સી. લાલપુરમાં તાલુકા કક્ષાના મિલેટ્સ કૃષિ મેળાનું આયોજન જિલ્લા પંચાયત પ્રમુખ શ્રી મેયબેનની અધ્યક્ષતામાં કરવામાં આવ્યું હતું. જેમાં જિલ્લા પંચાયતની આઈસીડીએસ શાખા દ્વારા વિવિધ મિલેટ્સમાંથી બનતી અવનવી વાનગીઓના સ્ટોલ સમગ્ર કાર્યક્રમ દરમિયાન સૌના આકર્ષણનું કેન્દ્ર બન્યા હતાં. સાથે સાથે કાર્યક્રમમાં કૃષિ, બાગાયત, આત્મા, પશુપાલન, આરોગ્ય, મિશન મંગલમ, એસબીઆઈ બેન્ક, પ્રાકૃતિક કૃષિ કરતા ખેડૂતનો સ્ટોલ તથા એપ્રો. સંસ્થા, જીએટીએલ સહિત કૃષિ પ્રદર્શનના સ્ટોલનું પ્રદર્શન બહોળી સંખ્યામાં ખેડૂતોએ તેમજ મહાનુભાવોએ નિહાળ્યું હતું. કર્યક્રમ અંતર્ગત મહાનુભાવોના હસ્તે કૃષિ ખાતાના સોલાર યુનિટ ઘટકના પૂર્વ મંજુરી પત્રો તેમજ બાગાયત ખાતાના યાંત્રિકરણના સાધનો પાવર ટીલર, ટ્રેકટર જેવા સાધનના ચૂકવણા હુકમ તેમજ આત્મા યોજનાના ફુડ સિકયુરીટી મિશનની શાકભાજી કિટનું પણ વિતરણ કરવામાં આવ્યું હતું.
આ કાર્યક્રમમાં પ્રમુખ તાલુકા પંચાયત લાલપુર પ્રવિણસિંહ દોલુભા જાડેજા, ચેરમેન એપીએમસી-લાલપુર તુષારભાઈ માકડિયા, જયેશભાઈ તરૈયા સરપંચ ગ્રામ પંચાયત-લાલપુર, ગોવિંદભાઈ વસરા, વાઈસ ચેરમેન એપીએમસી-લાલપુર, ધનાભાઈ કાંબરિયા, સમીરભાઈ ભેંસદડિયા, ભરતભાઈ અકબરી, અરશીભાઈ કરંગીયા, ડો. કે.પી. બારીયા, કૃષિ વૈજ્ઞાનિક કે.વી.કે. જામનગર, તેમજ આર.એસ. ગોહિલ જિલ્લા ખેતીવાડી અધિકારી હાજર રહ્યા. વધુમાં તાલુકા તેમજ ગ્રામ્ય કક્ષાએથી બહોળી સંખ્યામાં ખેડૂતોએ હાજરી આપી કાર્યક્રમને સફળ બનાવ્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
