Author: નોબત સમાચાર
કોટવાળ ફળીમાં ગંજીપાનાથી જુગાર રમતા છ ઝબ્બેઃ બે વર્લીબાજ પકડાયા
ગંજીપાના, રોકડ રકમ તથા આંકડા લખેલી ચિઠ્ઠી કબજેઃ
જામનગર તા. ૨ઃ જામનગરના સુભાષ શાક માર્કેટ પાસેની કોટવાળ ફળીમાં ગઈકાલે સાંજે જુગાર રમતા છ પત્તાપ્રેમીને પોલીસે પકડી પાડ્યા હતા. જ્યારે નૂરી ચોકડી પાસેથી બે શખ્સ વર્લીનું બેટીંગ લેતાં મળી આવ્યા છે.
જામનગરના સુભાષ શાક માર્કેટ વિસ્તારમાં આવેલી કોટવાળ ફળીમાં ગઈકાલે સાંજે જાહેરમાં ગંજીપાના વડે જુગાર રમાતો હોવાની બાતમી મળતા સિટી-એ ડિવિઝનના સર્વેલન્સ સ્ટાફે દરોડો પાડ્યો હતો.
આ સ્થળે તીનપત્તી રમતા સિરાજ કરીમ કુરેશી, કિશોર હીરાલાલ ચૌહાણ, અરવિંદ બાબુલાલ મકવાણા, અતુલ ભીમજીભાઈ ગોહિલ, રમેશભાઈ રામજીભાઈ પરમાર, મુસ્તુફા કરીમભાઈ કુરેશી નામના છ શખ્સ મળી આવ્યા હતા. પટમાંથી રૃા.૬૦૭૦ રોકડા કબજે કરાયા છે.
જામનગરની નૂરી ચોકડી પાસે ગઈકાલે રાત્રે જાહેરમાં ઉભા રહી વર્લીના આંકડા લખતા નાગર ચકલાવાળા હસમુખભાઈ મણીલાલ સનીશ્ચરા અને રાજેશભાઈ વાલજીભાઈ સોનગરા નામના બે શખ્સને પોલીસે પકડી પાડી રૃા.૨૩૮૦ રોકડા અને વર્લીના આંકડા લખેલી ચિઠ્ઠી કબજે કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
