Author: નોબત સમાચાર
ઠેબા બાયપાસ પાસે ટાયર ફાટતાં મોટર બેકાબુઃ રાહદારી પર ફરી વળતા મોત
રોડ ઉતરીને મોટર પણ ગોથું મારી ગઈઃ
જામનગર તા. ૨ઃ જામનગરના ઠેબા બાયપાસથી ખીજડિયા બાયપાસ વચ્ચે ગઈકાલે બપોરે એક મોટરનું ટાયર ફાટ્યા પછી બેકાબુ બનેલી મોટર ચાલીને જતાં રાહદારીને ઉડાડી ગોથંુ મારી ગઈ હતી. મોટરની ટક્કરથી ગંભીર ઈજા પામેલા રાહદારીનું મૃત્યુ નિપજ્યુું છે. મોટરચાલક સામે પોલીસે ગુન્હો નોંધ્યો છે.
જામનગર-કાલાવડ ધોરી માર્ગ પર આવેલી ઠેબા ચોકડીથી ખીજડિયા ચોકડી તરફ જવાના માર્ગ પરથી ગઈકાલે બપોરે સાડા બારેક વાગ્યે જીજે-૧૦-સીએન ૫૦૩૬ નંબરની ઈનોવા મોટર પુરપાટ ઝડપે દોડી જતી હતી.
આ મોટરનું અચાનક જ ટાયર ફાટતા તેના ચાલક ગૌરવે મોટર પરનો કાબુ ગૂમાવ્યો હતો. આ મોટર સર્પાકારે દોડીને આ રોડ પરથી ચાલીને જતાં એક અજાણ્યા પુરૃષને ઉડાડતી ગઈ હતી. મોટરની ટક્કર વાગતા માથા સહિતના શરીરના અન્ય ભાગોમાં ગંભીર ઈજા પામેલા આ યુવાનનું મૃત્યુ નિપજ્યું છે. તેને ઠોકર માર્યા પછી રોડ ઉતરી ગયેલી ઈનોવા મોટર ગોથું મારી ગઈ હતી.
અકસ્માત વેળાએ ત્યાંથી પસાર થતાં અન્ય વાહનો થંભ્યા હતા. કોઈએ પોલીસ તથા ૧૦૮ને જાણ કરી હતી. દોડી આવેલી એમ્બ્યુલન્સના સ્ટાફે ઘવાયેલા અજાણ્યા પુરૃષને ચકાસ્યા પછી મૃત્યુ પામેલા જાહેર કર્યા હતા. પોલીસે મૃતદેહને પી.એમ. માટે ખસેડ્યા પછી કૃષ્ણનગરમાં રહેતા વિવેકભાઈ રણછોડભાઈ કવાડની ફરિયાદ પરથી મોટરના ચાલક સામે ગુન્હો નોંધ્યો છે.
જામનગર નજીકના દરેડ ગામના મસીતિયા રોડ પર રહેતા સોમીબેન પ્રવીણભાઈ પરમાર અને અન્ય વ્યક્તિઓ ગઈ તા.૧ મેની રાત્રે દસેક વાગ્યે જીજે-૧૦-ટીડબલ્યુ ૩૬૯૬ નંબરની રિક્ષામાં ખંભાળિયા બાયપાસ તરફથી આવતા હતા ત્યારે માર્ગમાં રિક્ષાના ચાલકે સામેથી આવતી મોટર સાથે અકસ્માત સર્જતા રિક્ષા ગોથું મારી ગઈ હતી. આ અકસ્માતમાં સોમીબેનને મણકામાં ગંભીર ઈજા થઈ છે. તેઓએ પંચકોશી-બી ડિવિઝન પોલીસ સ્ટેશનમાં રિક્ષાચાલક સામે ફરિયાદ નોંેંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
