Author: નોબત સમાચાર
ઓખામંડળના મેવાસા પાસે ચાલકના કાબુ બહાર જઈ બાઈક સ્લીપ થતાં યુવાનનું મૃત્યુ
સમૂહલગ્નમાં જતાં હતા ત્યારે માર્ગમાં કાળનો ભેટોઃ
જામનગર તા.૧૫ ઃ ઓખા મંડળના આરંભડા ગામના એક પ્રૌઢ ગઈકાલે દ્વારકામાં યોજાયેલા સમૂહલગ્નના કાર્યક્રમમાં ભાગ લેવા માટે મોટરસાયકલ પર નીકળ્યા પછી મેવાસા ગામ નજીક તેઓનું વાહન બેકાબૂ બની સ્લીપ થતાં સર્જાયેલા અકસ્માતમાં આ પ્રૌઢનું મૃત્યુ થયું છે.
દેવભૂમિ દ્વારકા જિલ્લાના ઓખામંડળમાં આવેલા આરંભડા ગામમાં રહેતા કનૈયાભા હીરાભા માણેક નામના અડતાલીસ વર્ષના પ્રૌઢ ગઈકાલે સવારે જીજે-૩૭-ઈ ૬૧૨૬ નંબરનું બાઈક લઈને આરંભડાથી દ્વારકા જવા નીકળ્યા હતા. દ્વારકામાં યોજાયેલા ક્ષત્રિય વાઘેર જ્ઞાતિના સમૂહલગ્નમાં જવા ઈચ્છતા કનૈયાભા જ્યારે લાલસીંગ ગામથી મેવાસા ગામ વચ્ચે પહોંચ્યા ત્યારે તેઓએ ગોળાઈમાં કાબુ ગૂમાવ્યો હતો.
બેકાબૂ બનેલું તેઓનું મોટરસાયકલ સર્પાકારે દોડ્યા પછી સ્લીપ થતાં તેના પરથી ફંગોળાયેલા કનૈયાભાને મ્હોં સહિતના શરીરના અન્ય ભાગોમાં ગંભીર ઈજા થઈ હતી. આ પ્રૌઢનું ટૂંકી સારવાર પછી મૃત્યુ નિપજ્યું છે. તેમના મોટાભાઈ રામસિંગભા માણેકે પોલીસને જાણ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
