Author: નોબત સમાચાર
સિક્કા નગરપાલિકાના વોટર વર્કસ શાખાનું વીજજોડાણ કપાયુંઃ પાણી વિતરણ ખોરંભે
વીજતંત્રને રૃા. રર લાખ ચૂકવવાના બાકી હોવાથી
સિક્કા તા. ૧૯ઃ જામનગરના સિક્કા નગરપાલિકાના વોટર વર્કસ વિભાગનું વીજ જોડાણ કાપી નખાયું હોવાથી પાણી વિતરણ ખોરંભે પડ્યું છે.
જામનગર તાલુકાની સિક્કા નગરપાલિકાની વોટર વર્કસ વિભાગનું વીજ જોડાણ ગઈકાલે વીજ તંત્ર દ્વારા કટ કરી નાખવામાં આવ્યું છે. કોરોના કાળથી અત્યાર સુધીમાં રર લાખ જેટલી રકમ વસૂલાત કરવાની બાકી હોવાથી વીજ તંત્ર દ્વારા આ કાર્યવાહી કરવામાં આવી છે. ઉપરાંત અન્ય પાંચ વીજ જોડાણોના પણ ૧ર લાખ બાકી હોવાથી તે વસૂલવા માટે નોટીસ પાઠવાઈ છે.
સિક્કા નગરપાલિકા દ્વારા પાણી વિતરણ વ્યવસ્થા માટે જુદા જુદા છ વીજ જોડાણ મેળવવામાં આવ્યા છે, જે પૈકી સાપર સબ ડિવિઝન હેઠળનું વીજ જોડાણ કે જેમાં ર૦ર૦ થી અત્યાર સુધીમાં અમુક રકમ ભરાઈ હતી. બાકી મોટાભાગની વીજ બીલની રકમ બાકી રહી ગઈ હતી અને હાલમાં સિક્કા નગરપાલિકા પાસે વીજ તંત્રનું ર૧,૩પ,૦૦૦ થી વધુની રકમનું લેણું નીકળે છે. જે નાણા ભરપાઈ કરવા માટેની અનેક વખત જાણકારી અપાઈ હોવા છતાં પૈસા ભરાયા ન હોવાથી ગઈકાલે આખરે વીજ તંત્રએ સિક્કા નગરપાલિકા હસ્તકના શાપર સબ ડિવિઝન હેઠળનું વીજ જોડાણ કટ કરી મીટર ઉતારી લીધું છે, જેથી ત્યાંની પાણી વિતરણની વ્યવસ્થા ખોરંભે પડી છે.
આ ઉપરાંત સિક્કા નગરપાલિકા હસ્તક વોટર વર્કસ વિભાગ માટેના અન્ય પાંચ વીજ જોડાણો પણ લેવાયા છે, જેની પણ અંદાજે ૧ર લાખ રૃપિયા જેટલી રકમ જમા કરવાની બાકી છે. જે નાણા ભરપાઈ કરી દેવા માટે પણ નોટીસ અપાઈ છે, જેથી સિક્કા નગરપાલિકાના તંત્રમાં દોડધામ થઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
