ભારતમાં વિવિધ કારણોસર કેન્સર જેવી ગંભીર બીમારીઓની સુનામી આવી શકે છેઃ ડો.અબ્રાહમ

Author: નોબત સમાચાર

ભારતમાં વિવિધ કારણોસર કેન્સર જેવી ગંભીર બીમારીઓની સુનામી આવી શકે છેઃ ડો.અબ્રાહમ

એક અમેરિકન ડોકટરનો ચિંતાજનક દાવોઃ ગંભીર વિચારણા જરૃરી

નવી દિલ્હી તા. ૧૯ઃ ભારતને લઈને અમેરિકી ડોકટરે કરેલો દાવો સૌ માટે ચિંતા ઉપજાવે તેવો છે. ગ્લોબલાઈઝેશન-વૃદ્ધ થઈ રહેલી જનસંખ્યા-બદલતી જીવનશૈલીને કારણે દેશમાં કેન્સર જેવી બીમારીઓની સુનામી આવી શકે છે, તેવા ડો. અબ્રાહમના દાવાને ગંભીરતાથી વિચારવું જરૃરી હોવાના પ્રત્યાઘાતો સામે આવી રહ્યા છે.

એક અમેરિકન ડોકટર દ્વારા ભારત વિશે એવો દાવો કરવામાં આવ્યો છે. જેનાથી સરકારની સાથે-સાથે સામાન્ય લોકોને પણ ચિંતા થાય. અમેરિકન ઓન્કોલોજિસ્ટ ડો. જેમ અબ્રાહમ દાવો કરે છે કે આવનારા સમયમાં ભારતમાં કેન્સર જેવી ગંભીર બીમારીની સુનામી આવશે. ઓન્કોલોજિસ્ટસે તેની પાછળ કેટલાક મોટા કારણો આપ્યા છે જેમાં કે વૈશ્વિકીકરણ, વધતી જતી અર્થવ્યવસ્થા, વૃદ્ધાવસ્થા અને જીવનશૈલીમાં ફેરફારનો સમાવેશ થાય છે.

ડો. અબ્રાહમ કહે છે કે જે રીતે ગંભીર બીમારીઓ ભારત તરફ આગળ વધી રહી છે, તેને રોકવા માટે મેડિકલ ટેકનોલોજીને પ્રોત્સાહન આપવું ખૂબ જ જરુરી છે, આ સદીમાં કેન્સરની સંભાળને ફરીથી આકાર આપવા માટેના છ મહત્વપૂર્ણ વલણોની યાદી આપે છે, આ પૈકી, પ્રથમ પ્રથ વલણોમાં કેન્સર નિવારણ માટેની રસી, કૃત્રિમ બુદ્ધિમત્તા, ડેટા ડિજિટલ ટેકનોલોજીનો પ્રચાર અને લિક્વિડ બાયોપ્સીનો સમાવેશ થાય છે. અન્ય ત્રણ વલણોમાં જીનોમિક પ્રોફાઈલિંગ, જનીન સંપાદન તકનીકનો વિકાસ અને ઈમ્યુનોથેરાપી અને સેલ થેરાપીની આગામી પેઢીનો સમાવેશ થાય છે. ડો. અબ્રાહમે કહ્યું કે ભારત માટે સૌથી મોટો પડકાર લોકોને ટેકનોલોજી સુલભ બનાવવાનો છે અને કેન્સર જેવી બીમારીઓથી બચવા માટે તેને પોષણક્ષમ બનાવવાનો છે. ગ્લોબલ કેન્સર ઓબઝર્વેટરી (ગ્લોબોકન) અનુસાર, વર્ષ ર૦૪૦ સુધીમાં વિશ્વમાં કેન્સરનો હોબાળો મચી જશે. વર્ષ ર૦ર૦ ની સરખામણીએ ર૦૪૦ સુધીમાં વિશ્વમાં કેન્સરના દર્દીઓની સંખ્યામાં ૪૭ ટકાનો વધારો થશે, જે દર વર્ષે બે કરોડ એંસી લાખ સુધી પહોંચશે. વર્ષ ર૦ર૦ માં, કેન્સરના લગભગ એક કરોડ ૮૦ લાખ કેસ નોંધાયા હતા અને વિશ્વમાં લગભગ એક કરોડ લોકો આ રોગને કારણે મૃત્યુ પામ્યા હતાં. સ્તન કેન્સર હવે ફેફસાના કેન્સરને પાછળ છોડીને મુખ્ય કારણ બની ગયું છે.

જો કે, અત્યાર સુધીમાં મોટાભાગના મૃત્યુના ફેફસાના કેન્સરને કારણે થઈ રહ્યા છે. ડો. અબ્રાહમ માને છે કે કેન્સરની સફળ રસી આ રોગના વિવિધ સ્વરૃપોને હરાવવામાં ઘણી મદદરૃપ સાબિત થશે. જો કે, છેલ્લા કેટલાક વર્ષોમાં, વિવિધ કેન્સર માટે રસી બનાવવામાં આવી રહી છે, પરંતુ તે તમામ હજુ પણ ટ્રાયલ પર છે, પરંતુ પ્રારંભિક પરિણામો તદ્દન હકારાત્મક છે. તેમણે કહ્યું કે હાલમાં કલીવલેન્ડ કલિનિકની ટીમ બ્રેસ્ટ કેન્સરની રસીનું પણ ટ્રાયલ કરી રહી છે.

ડો. અબ્રાહમે વધુમાં જણાવ્યું હતું કે ટેકનોલોજીનો ઉપયોગ માનવી કરતા વધુ સારો છે. તેમણે કહ્યું કે આર્ટિફિશિયલ ઈન્ટેલિજન્સ દ્વારા બાયોપ્સી દરમિયાન સામાન્ય અને અસામાન્ય ભિન્નતાને વધુ સારી રીતે શોધી શકાય છે. જ્યારે મનુષ્ય આ કામ પોતાની આંખોથી કરી શકતો નથી. આવનારા સમયમાં રોગની તપાસ માટે જીનોમિક ટેસ્ટિંગનો ટ્રેન્ડ રહેશે. આનુવંશિક રૃપરેખા અથવા પરિક્ષણ દ્વારા સ્તન કેન્સર અને લોકોન કેન્સર પ્રારંભિક તબક્કે શોધી શકાય છે. ડો. અબ્રાહમ કહે છે કે આવનારા સમયમાં જીનોમિક ટેસ્ટિંગનો ઉપયોગ વધશે.

ડો. અબ્રાહમે જણાવ્યું કે આ ટેકનિકલનો ઉપયોગ બ્લડ પ્રેશર અથવા કોલેસ્ટ્રોલને મોનિટર કરવા અને સારવાર શોધવા માટે ખાસ કરીને કેન્સરના કોષોને શોધવા અને મારવા માટે કરવામાં આવશે. આ ટેકનિક દ્વારા ડોકટરો કેન્સરની સંપૂર્ણ રચના થાય તે પહેલા જ તેની સારવાર કરી શકશે.

ડો. અબ્રાહમે કહ્યું કે કેન્સર માટે જોરશોરથી સારવાર જરૃરી છે. તેમણે કહ્યું કે ઉભરતી લિકવિડ બાયોપ્સી ટેકનિક દ્વારા લોહીના એક ટીપા દ્વારા જ કેન્સરને શોધી શકાય છે. જો સમયસર તેની ઓળખ થઈ જાય તો સારવાર પણ સારી થઈ જાય છે. હાલમાં, મોટાભાગના કિસ્સાઓમાં, જ્યારે તે શોધી કાઢવામાં આવે છે, ત્યારે ઘણું મોડું થઈ ગયું હોય છે.

બીજી તરફ ડો. અબ્રાહમે જણાવ્યું હતું કે, જ્યારે આપણે કેન્સરની રોકથામ અને સારવાર માટેની ટેકનીક વિકસાવીશું ત્યારે અમારું સમગ્ર ધ્યાન કેન્સરના નિવારણ અને નિવારણ પર રહેશે. જો તમારે કેન્સરથી બચવું હોય તો તમારે તમાકુ અને ખાલ્કોહોલનો સંપૂર્ણ ત્યાગ કરવો પડશે. ખોરાક અને ચેપનું ધ્યાન રાખવું પડશે. હાલમાં કેન્સરના સૌથી સામાન્ય કારણો છે.

જો આપને આ પોસ્ટ ગમી હોય તો શેર કરો...