Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
એક યુવાન પર એસટી બસ ફરી વળતા થયું ફ્રેક્ચરઃ
જામનગર તા. ૭: જામનગર-ખંભાળિયા ધોરીમાર્ગ પર સરમત પાસે ચોકલેટના કારખાના નજીક ગઈકાલે એક બાઈકની પાછળ બીજુ બાઈક ટકરાઈ પડતા આગળ જતાં બાઈકના ચાલકનું પછડાવાથી ગંભીર ઈજા થવાના કારણે મૃત્યુ થયું છે. બીજા બાઈકના ચાલક સામે પોલીસમાં ફરિયાદ કરાઈ છે. એસટી ડેપો રોડ પર એક બાઈક સ્લીપ થયા પછી પાછળ બેસેલા યુવાન પર એસટી બસ ફરી વળી છે. ઘવાયેલા યુવાનને સારવારમાં ખસેડવામાં આવ્યા છે.
જામનગર-ખંભાળિયા માર્ગ પર આવેલા સરમત ગામથી આગળ ચોકલેટના કારખાના પાસેથી ગઈકાલે રાત્રે સુરેશ પુનાભાઈ મકવાણા (ઉ.વ.૩૩) નામના યુવાન પસાર થતાં હતા ત્યારે ખંભાળિયા તાલુકાના ભરાણા ગામના સાજીદ મામદ ભટ્ટી નામના શખ્સે પોતાનું બાઈક ટકરાવી દીધુ હતું.
જામનગર તાલુકાના બેડ ગામના અર્જુનભાઈ વિનોદભાઈ સોમાણીને મુકવા માટે જીજે-૧૦-ડીએસ ૨૪૫૧ નંબરના બાઈકમાં સુરેશભાઈ ગયા હતા. બેડમાં અર્જુનભાઈને ઉતાર્યા પછી આ યુવાન પરત ફરતા હતા ત્યારે ચોકલેટના કારખાના પાસે પાછળથી સાજીદ ભટ્ટીનું બાઈક ટકરાઈ પડ્યું હતંંુ.
આ અકસ્માતમાં રોડ પર પછડાયેલા સુરેશભાઈને માથા સહિતના શરીરના અન્ય ભાગમાં ઈજા પહોંચી હતી. સારવાર માટે હોસ્પિટલ ખસેડાયેલા સુરેશભાઈનું મૃત્યુ નિપજ્યું છે. અર્જુનભાઈ સોમાણીએ સિક્કા પોલીસ સ્ટેશનમાં સાજીદ મામદ ભટ્ટી સામે ફરિયાદ નોંધાવી છે.
જામનગરની ખોડિયાર કોલોની સામે હિમાલય સોસાયટીમાં રહેતા સંજયભાઈ પૂંજાભાઈ મહિડા ગઈ તા.રની સવારે દસેક વાગ્યે સાતરસ્તા થી જોલી બંગલા વચ્ચે આવેલા એસટી બસ ડેપો રોડ પરથી જીજે-૧૦-બીઈ ૩૫૨૯ નંબરના બાઈકમાં જતા હતા. તેમની પાછળ હનુભા સતાજી જાડેજા બેઠા હતા. તેઓના બાઈક પાસે અચાનક એસટીની જીજે-૧૮-ઝેડ ૬૪૧૧ નંબરની બસ આવી જતાં હેબતાયેલા સંજયભાઈએ બાઈક પરનો કાબૂ ગૂમાવતા બાઈક સ્લીપ થયું હતું. બંને વ્યક્તિ રોડ પર પછડાયા હતા. જેમાં હનુભાના પગ પરથી બસનું વ્હીલ ફરી વળ્યું હતું. તેઓને સારવારમાં ખસેડવામાં આવ્યા છે. સંજયભાઈએ બસના ચાલક રમેશ પીઠીયા સામે સિટી એ ડિવિઝન પોલીસ સ્ટેશનમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial