Author: નોબત સમાચાર
રાજકોટના પોલીસમેન તથા વચેટીયાને રૂ. ૨૫ હજારની લાંચ લેતાં ઝડપી લેવાયા
જામનગર એસીબીની ટીમ રાજકોટમાં ત્રાટકીઃ
જામનગર તા. ૭: રાજકોટમાં વસવાટ કરતા એક આસામીના અરજીના કામમાં હેરાન નહીં કરવાના મહેનતાણા માટે રાજકોટની પંચાયત પોલીસચોકીના કર્મચારીએ રૂ. રપ હજાર લાંચ પેટે માંગ્યા પછી એસીબીમાં ફરિયાદ કરાઈ હતી. જેના પગલે ગઈકાલે ગોઠવાયેલા છટકામાં પોલીસમેન વતી લાંચ લેતો એક ખાનગી વ્યક્તિ ઝડપાઈ ગયો છે. બંનેની એસીબીએ ધરપકડ કરી છે.
રાજકોટના એક આસામી સામે થોડા દિવસ પહેલાં એક વ્યક્તિએ પોલીસમાં અરજી કરી હતી. તે અરજીની તપાસ રાજકોટના યુનિવર્સિટી પોલીસ સ્ટેશન હેઠળની પંચાયત ચોકીને સોંપવામાં આવી હતી. આ ચોરીના પોલીસમેન વિપુલ સાર્દુલભાઈ ઓળકીયાએ આ વ્યક્તિને પૂછપરછ માટે પોલીસ ચોકીએ બોલાવ્યા હતા.
ત્યાં જેના વિરૂદ્ધ અરજી હતી તે વ્યક્તિને હેરાન નહીં કરવાના 'મહેનતાણા' માટે પોલીસમેન વિપુલે પૈસાની માગણી કરી હતી અને રકઝકના અંતે રૂ. ૨૫ હજાર આપવાનું નક્કી થયું હતું. તે પછી આ વ્યક્તિએ લાંચ-રૂશ્વત વિરોધી શાખાના ટોલ ફ્રી નંબર પરથી એસીબીનો સંપર્ક કરતા જામનગર એસીબી પીઆઈ આર.એન. વિરાણી તથા સ્ટાફે ગઈકાલે છટકુ ગોઠવ્યું હતું.
છટકાના ભાગરૂપે ગઈકાલે બપોરે એસીબીનો સ્ટાફ રાજકોટમાં પંચાયત પોલીસ ચોકી પાસે સાદા ડ્રેસમાં ગોઠવાઈ ગયો હતો. તે પછી પોલીસમેન વિપુલ વતી ભાવિન રૂધાણી નામનો શખ્સ પૈસા લેવા માટે આવ્યો હતો. પોતાની જાતને વકીલ તરીકે ઓળખાવતો ભાવિન સ્થળ પરથી રૂ. રપ હજાર સ્વીકારતો ઝડપાઈ ગયો હતો. તે પહેલાં ફરિયાદીએ પોલીસમેન સાથે પૈસા બાબતે વાત પણ કરી હતી. તેના પગલે વિપુલની પણ અટકાયત કરી લેવાઈ હતી. બંને શખ્સ સામે લાંચનો ગુન્હો નોંધવામાં આવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
