Author: નોબત સમાચાર
સરકારી પ્રતિબંધના જાહેરનામા અમલવારીમાં શૂન્યઃ ભ્રષ્ટાચારની આશંકા જાય તેવા ખેલ!
જાહેરનામા માત્ર અખબારી પાનાઓ પર જ!
જામનગર તા. ૭: જામનગર શહેર ફરતેના માર્ગો પર બેડ ટોલ નાકું અને સોયલ ટોલનાકું આવેલું છે જ્યાં ભારે વાહનો, પેસેન્જર ટેક્સી વાહનો, બસો પાસેથી ટોલ વસૂલવામાં આવે છે. ફાસ્ટ ટેગની પ્રથા અમલમાં છે તેથી ટોલનાકા ઉપર હવે વાહનોની કતારો લાગતી નથી.
પણ... ટોલ ટેક્સના દર ખૂબ ઊંચા હોવાથી અને ટોલ નાકા પાસેથી વારંવાર પસાર થનારા વાહનોના ચાલકો અને તેના માલિકો દ્વારા ટોલ ટેક્સ ન ભરવો પડે તે માટે ગેરકાયદેસરના રસ્તા શોધતા હોય છે. આવી ગરજ કે મજબૂરીનો ગેરલાભ જામનગરના આ બન્ને ટોલનાકા, ખાસ કરીને બેડના ટોલનાકા પાસે એકાદ-બે શખ્સો દ્વારા વરસોથી લેવાઈ રહ્યો છે અને ટોલ ટેક્સની ચોરી તો થાય જ છે, સરકાર/ટોલટેક્સ ઉઘરાવતી એજન્સીને મોટું આર્થિક નુક્સાન થાય છે.
વરસોથી આ ટોનાકામાંથી પસાર ન થવું પડે તે માટે ટોલનાકા પહેલા અને પછી નીકળી શકાય તેવો ગેરકાયદેસર રસ્તો બનાવી દેવાયો છે. આ કાચા માર્ગમાંથી નીકળનારા વાહનો પાસેથી આ શખ્સો દ્વારા ખુલ્લેઆમ ચોવીસ કલાક પોતે નિર્ધારીત કરેલ રકમના ઉઘરાણા કરે છે અને વરસોથી ચાલતા આ ગેરકાયદેસરના ગોરખધંધાની આવક કરોડો રૂપિયા થઈ છે અને આજે પણ ચાલુ છે.
આવી ગેરકાયદેસરની પ્રવૃત્તિને ડામી દેવા કોઈ કાયમી કડકમાં કડક કાર્યવાહી થતી નથી, કોઈ કાયમી સજ્જડ ફૂલપ્રૂફ વ્યવસ્થા ગછઠવાની નથી. માત્ર ને માત્ર કલેક્ટર કચેરીમાં તૈયાર પડેલા ડ્રાફ્ટમાં તારીખમાં ફેરફાર કરી ટોલનાકા પાસેના ગેરકાયદે રસ્તા પરથી પસાર થવા પર પ્રતિબંધનું જાહેરનામું પ્રસિદ્ધ કરી સંતોષ માની લેવામાં આવે છે.
આવા પ્રતિબંધમાં પણ સમય બાંધણું શા માટે? શા માટે કાયમ માટે પ્રતિબંધ ફરમાવાતો નથી?
આ અંગે ચર્ચાઈ રહેલી અને જાણવા મળતી વિગતો પ્રમાણે ટોલનાકા પાસે ગોરખધંધા કરી ઉઘરાણાં કરનારા દ્વારા વહીવટી તંત્રમાં મસમોટી રકમના હપ્તા નિયમિત ચૂકવાય રહ્યા છે. અધિકારીઓ ભલે બદલાતા રહે, પણ સરાજાહેર ગેરકાયદે ઉઘરાણા કરનારાઓની 'સખાવત' ચાલુ જ રહે છે! અને... આવા શખ્સોનો સત્તાધારી પક્ષના કોઈ મોટા માથાનું પીઠબળ હોવાની પૂરી શક્યતા છે. નહીંતર... વરસોથી આવું ચાલી શકે નહીં!
નવાઈની વાત એ છે કે વહીવટતંત્રના ઉચ્ચ અધિકારીઓ, અન્ય સરકારી અધિકારીઓ, મંત્રીઓ, ધારાસભ્યો, સાંસદો આ માર્ગ ઉપરથી અનેક વખત પસાર થાય છે, તેમ છતાં કોઈએ આ ટોલનાકા પાસે ચાલતી ગેરકાયદે ઉઘરાણાની પ્રવૃત્તિ અંગે તપાસ કરવાની દરકાર કરી નથી! કદાચ, કોઈનું ધ્યાન ગયું પણ હશે... પણ કોઈપણ કારણોસર કોઈ હિંમત કરતું નથી
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
