Author: નોબત સમાચાર
કલ્યાણપુરના નાવદ્રા ગામમાં જુગારના બે દરોડામાં આઠ પત્તાપ્રેમી પકડાઈ ગયા
ચુડેેશ્વર તથા રાવલમાંથી જુગટુ ખેલતા સાત શખ્સ ઝડપાયાઃ
જામનગર તા. ૭: ખંભાળિયા નજીક ચુડેશ્વર ગામ તથા કલ્યાણપુરના નાવદ્રામાં અને રાવલ ગામમાં પોલીસે પાડેલા ચાર દરોડામાં ૧૪ પત્તાપ્રેમી ઝડપાઈ ગયા હતા. પોલીસે ચારેય પટમાંથી રૂપિયા અડધા લાખ ઉપરાંતની રોકડ કબજે કરી છે.
ખંભાળિયા તાલુકાના સલાયામાં રહેતા ચુડેશ્વર ગામમાં સોમવારની રાત્રે જુગાર રમાતો હોવાની બાતમી પરથી સલાયા મરીન પોલીસ સ્ટેશનના સ્ટાફે દરોડો પાડ્યો હતો. ત્યાંથી વીરાભાઈ નારણભાઈ ચાવડા, જીવાભાઈ પાલાભાઈ ચાવડા, રણજીતસિંહ કલુભા જાડેજા, રાજેન્દ્રસિંહ પ્રતાપસિંહ રાઠોડ નામના ચાર શખ્સ તીનપત્તી રમતા મળી આવ્યા હતા. પટમાંથી રૂ. ૧૪૦૩૦ કબજે કરાયા છે.
કલ્યાણપુરના નાવદ્રા ગામમાં સોમવારની રાત્રે ગંજીપાના કૂટતા પરબતભાઈ હરદાસભાઈ કંડોરીયા, મોહન અમરાભાઈ રાઠોડ, નારણભાઈ આલાભાઈ ગોજીયા, રામદે ભાયાભાઈ કરમુર નામના ચાર શખ્સ પોલીસના દરોડામાં પકડાઈ ગયા હતા. પટમાંથી રૂ. ૨૨૫૦૦ કબજે થયા છે.
નાવદ્રા ગામમાં જ ગઈકાલે બપોરે પોલીસે દરોડો પાડતા હમીર દેશુરભાઈ જોગલ, મૂળુભાઈ નારણભાઈ માડમ, ભરત પાલાભાઈ આંબલીયા નામના ત્રણ શખ્સ રૂ. ૭૨૦૦ રોકડા સાથે ઝડપાયા હતા. કલ્યાણપુર તાલુકાના રાવલ ગામમાં ગઈકાલે બપોરે ગંજીપાના કૂટતા કેશુભાઈ મેરામણભાઈ કાગળીયા, પાંચા કારાભાઈ પરમાર, નારણભાઈ રીંછાભાઈ જમોડ નામના ત્રણ શખ્સ રૂ. ૧૦૨૩૦ સાથે ઝડપાઈ ગયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
