Author: નોબત સમાચાર
ઉધારમાં પાન-ઠંડુ આપવાનો ઈન્કાર કરનાર વેપારીને નશાખોરે માર માર્યાે
મોડીરાત્રે જી.જી. હોસ્પિટલ સામે બોલી બઘડાટીઃ
જામનગર તા. ૭: જામનગરની જી.જી. હોસ્પિટલ સામે પાન તથા ઠંડાપીણાની દુકાન ચલાવતા એક વેપારી ગઈરાત્રે પોતાની દુકાને હતા ત્યારે ત્યાં નશાની હાલતમાં આવેલા એક શખ્સે ઠંડુ પીધા પછી માવો ખાધો હતો અને ખાતામાં લખી લેવાનું કહેતા વેપારીએ ઉધાર આપવાની ના પાડી હતી તેથી આ શખ્સે લાતો ફટકારી વેપારીને ગાળો ભાંડી મારી નાખવાની ધમકી આપી હતી. પોલીસે આરોપીની શોધ હાથ ધરી છે.
જામનગરના પવનચક્કી વિસ્તારથી આગળ જેલ રોડ પર આવેલી પ્રેમચંદ કોલોનીમાં રહેતા અને જી.જી. હોસ્પિટલની સામે ન્યુ વિજય પાન નામની દુકાન ચલાવતા હીરેન દિલીપભાઈ લાલવાણી ગઈ રાત્રે બારેક વાગ્યે પોતાની દુકાને હાજર હતા.
આ વેળાએ શકીલ મેમણ નામનો શખ્સ ધસી આવ્યો હતો. નશાની હાલતમાં રહેલા આ શખ્સે ઠંડુપીણુ માંગ્યા પછી માવો પણ ખાધો હતો. તેના પૈસા હીરેનભાઈએ માંગતા મારૂ ખાતુ ચાલતું હોવાનંુ કહી પૈસા આપવાની શકીલે ના પાડી ગાળો ભાંડી હતી અને ઉધાર નહીં આપે તો મારી નાખીશ તેમ કહી લાતો ફટકારી હતી. મોડી રાત્રે હીરેનભાઈએ સિટી બી ડિવિઝન પોલીસ સ્ટેશનમાં ફરિયાદ નોંધાવી છે. હનુમાન ગેઈટ પોલીસચોકીના પીએસઆઈ ડી.જી. રાજે આરોપીની શોધ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
