Author: નોબત સમાચાર
શેઢાખાઈમાં યુવાનની કરપીણ હત્યા નિપજાવનાર તમામ આરોપી જેલહવાલે
ગંભીર બનાવમાં દેવભૂમિ પોલીસની પ્રશંસનીય કામગીરીઃ
ખંભાળિયા તા. ૭: ભાણવડના શેઢાખાઈમાં પ્રેમલગ્નના પ્રશ્ને યુવાનની કરી નખાયેલી હત્યાના ઝડપાયેલા તમામ છ આરોપીને અદાલતે જેલહવાલે કર્યા છે. મોટાભાગના બનાવોમાં દેવભૂમિ દ્વારકા પોલીસે ગણતરીની કલાકોમાં આરોપીઓને દબોચી લેવામાં સફળતા પ્રાપ્ત કરી છે.
દેવભૂમિ દ્વારકા જિલ્લાના ભાણવડ તાલુકાના શેઢાખાઈ ગામના એક બાવાજી યુવાને દોઢેક વર્ષ પહેલાં મુસ્લિમ યુવતી સાથે પ્રેમલગ્ન કર્યા પછી આ યુગલ ગામ છોડીને નાસી ગયું હતું. તે પછી દોઢેક મહિના પહેલાં આ યુગલને સંતાનની પ્રાપ્તિ થતાં હવે મામલો થાળે પડી જશે તેમ માની આ યુગલ શેઢાખાઈ પરત ફર્યું હતું.
પ્રેમલગ્નથી નારાજ યુવતીના ભાઈ સહિતના છ શખ્સે શનિવારે આ યુવાનને શેઢાખાઈના બસ સ્ટેન્ડ પાસે ઘેરી લઈ હથિયારોથી હુમલો કર્યાે હતો અને આ યુવાનની કરપીણ હત્યા કરી નાખી હતી. તમામ આરોપીને તપાસનીશ પોલીસ ટૂકડીએ પકડી પાડ્યા છે. ગઈકાલે અદાલતે આરોપીઓને જેલહવાલે કરવા હુકમ કર્યાે છે.
છેલ્લા બેએક વર્ષમાં દેવભૂમિ દ્વારકા જિલ્લામાં થયેલી તમામ હત્યાઓના બનાવમાં આરોપીઓને પોલીસે ગણતરીની કલાકોમાં દબોચી લીધા છે. ગયા મહિને ભાણવડના ધારાગઢ પાસે જામનગરના પરિવારે કરેલી સામૂહિક આત્મહત્યાના કેસમાં પણ આરોપીઓને તાત્કાલિક દબોચી લેવાયા હતા. જ્યારે કલ્યાણપુરના ખાખરડા ગામમાં એક પ્રૌઢની થયેલી હત્યાના બનાવની એલસીબી, એસઓજી તથા સ્થાનિક પોલીસ ઘનિષ્ઠ તપાસ ચલાવી રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
