Author: નોબત સમાચાર
મોટી બાણુંગારમાં રહેતા સાસરિયા સામે રાજકોટની યુવતીએ નોંધાવી ફરિયાદ
પતિએ દેવું કરી દાગીના ગિરવે મૂક્યાઃ
જામનગર તા. ૧૭ઃ જામનગર તાલુકાના મોટી બાણુંગાર ગામમાં પરણીને આવેલા રાજકોટના યુવતીએ પતિ, સાસુ, સસરા, દિયર સામે રાજકોટ મહિલા પોલીસ સ્ટેશનમાં ફરિયાદ નોંધાવી છે. પતિએ દેવું કરી તેણીના લાગીના ગિરવે મુુક્યાની અને દસેક મહિના પહેલાં માવતરે મૂકી ગયાની કેફિયત તેણીએ આપી છે.
જામનગર-રાજકોટ ધોરીમાર્ગ પર આવેલા મોટી બાણુંગાર ગામમાં રહેતા મિલન ભેંસદડીયા સાથે વર્ષ ૨૦૧૪માં રાજકોટના નાના મવા રોડ પર રહેતા બંસરીબેન નામના યુવતીના લગ્ન થયા પછી મિલન વડોદરામાં નોકરી પર ચઢ્યો હતો. ત્રણેક મહિના પછી પતિ સાથે રહેવા ગયેલા બંસરીબેન પણ નોકરીએ લાગી ગયા હતા.
તે દરમિયાન પતિએ ઘરખર્ચના પૈસા આપવામાં ઠાગાઠૈયા કરવા ઉપરાંત ક્રેડીટ કાર્ડનું બીલ ચઢાવી દેતાં ઉઘરાણી માટે કેટલાક લોકો ઘેર આવતા હતા. તે દરમિયાન બંસરીબેનના દાગીના તેમની જાણ બહાર પતિએ ગિરવે મૂકી દીધા હતા.
તે દરમિયાન કોરોનાકાળ આવતા આ દંપતી મોટી બાણુંગાર રહેવા આવી ગયા હતા. જ્યાં બંસરીબેનને તેમના સાસુ રશીલાબેન ખેતીનો સામાન જે ઓરડીમાં પડ્યો હતો તેમાં સુવા માટે મજબૂર કરતા હતા અને સસરા હીરાભાઈ ખોડાભાઈ ભેંસદડીયા તેમજ દિયર અંકિતે પણ ત્રાસ આપ્યો હતો. તે પછી ગયા નવેમ્બર મહિનામાં નોકરી કરવા જવાનું કહી પતિ મિલન તેણીને માવતરે મૂકી ગયા પછી પરત લેવા નહીં આવતા આખરે બંસરીબેને પતિ તેમજ સાસુ, સસરા અન દિયર સામે રાજકોટના મહિલા પોલીસ સ્ટેશનમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
