Author: નોબત સમાચાર
દ્વારકા જિલ્લામાં સ્વચ્છતા ઝુંબેશ અંગે બેઠકઃ એનજીઓ તથા અધિકારીઓ સાથે ચર્ચા-વિચારણા
કલેક્ટર અશોક શર્માની અધ્યક્ષતામાં
ખંભાળિયા તા. ૧૭ઃ વડાપ્રધાન નરેન્દ્રભાઈ મોદી અને ભૂપેન્દ્રભાઈ પટેલના માર્ગદર્શન હેઠળ રાજ્યવ્યાપી 'સ્વચ્છતા હી સેવા' ઝુંબેશમાં દેવભૂમિ દ્વારા જિલ્લો પણ પોતાની ઉત્સાહભેર ભાગીદારી નોંધાવે તેવા ઉમદા આશય સાથે જિલ્લા કલેક્ટર અશોક શર્મા દ્વારા સ્વચ્છતાલક્ષી ઝુંબેશને સફળ બનાવવા માટે એન.જી.ઓ. તેમજ વિવિધ વિભાગના અધિકારીઓ સાથે ચર્ચા-વિચારણા કરવા માટે ખાસ બેઠકનું આયોજન કરવામાં આવ્યું હતું.
આ બેઠકમાં નિવાસી અધિક કલેક્ટર ભૂપેશ જોટાણિયા, ડી.વાય.એસ.પી. પરમાર, પ્રાંત અધિકારી, વિવિધ એનજીઓના પ્રતિનિધિ તેમજ વિવિધ વિભાગના અધિકારીઓ ઉપસ્થિત રહ્યા હતાં.
આ બેઠકમાં કલેક્ટરે સ્વચ્છતા ઝુંબેશ અંતર્ગત લોકોની ઉત્સાહભેર ભાગીદારી નોંધાય, જિલ્લાના નાગરિકોમાં સ્વચ્છતાની ભાવના કેળવવા તેમજ લોકો સ્વચ્છતાનું મહત્ત્વ સમજે તે માટે સ્વચ્છતાલક્ષી અનેકવિધ પ્રવૃત્તિઓ હાથ ધરવા અંગે ચર્ચા કરી હતી.
જિલ્લા વિકાસ અધિકારી એસ.ડી. ધાનાણી દ્વારા તા. ૧૬ ડિસેમ્બર સુધી ચાલનાર અભિયાન વિશે માહિતગાર કરવામાં આવ્યા હતાં. ધાર્મિક સ્થળો, જાહેર સ્થળોની સફાઈ, પ્રવાસન ધામ, શૈક્ષણિક સંસ્થાઓ, સરકારી કચેરીઓ, ગ્રામ પંચાયત, હોસ્પિટલો સહિતના સ્થળોએ સ્વચ્છતા ઝુંબેશ ચલાવવામાં આવશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
