Author: નોબત સમાચાર
પ્રેયસી એકલી ગરબી જોવા જતાં માઠું લાગી આવવાથી યુવકે ખાઈ લીધો ફાંસો
પિતાના અવસાનના આઘાતમાં પરિણીતાની આત્મહત્યાઃ
જામનગર તા. ૧૭ઃ મેઘપર ગામમાં વસવાટ કરતા એક પરપ્રાંતિય યુવાનની સાથે પ્રેમસંબંધ ધરાવતી યુવતીએ ગરબી જોવા જવાની જીદ્દ પકડ્યા પછી તેણી એકલી જ ગરબી જોવા જવા પાછળથી આ યુવાને ગળાફાંસો ખાઈ જિંદગી ટૂંકાવી છે. જ્યારે બાલાચડીમાં રડાર સ્ટેશન સ્ટાફ કવાર્ટરમાં એક પરપ્રાંતિય પરિણીતાએ પોતાના પિતાના અવસાનથી દુખ લાગી આવતા ગળાટૂંપો ખાઈ લીધો છે.
લાલપુર તાલુકાના મેઘપર ગામમાં ભાવસંગ ટપુભા નામના આસામીના મકાનમાં ભાડેથી રહેતા ઉત્તરપ્રદેશના મુરાદાબાદ જિલ્લાના જહાંગીરપુર ગામના વતની સચિન સીવીરસિંગ કુંડલી (ઉ.વ.ર૩) નામના યુવક સાથે પ્રેમ થઈ જતાં મૂળ મહારાષ્ટ્રના રત્નાગીરી જિલ્લાની પ્રજ્ઞા સુનિલ તુકારામ (ઉ.વ.૨૦) નામની યુવતી રહેતી હતી.
રવિવારથી શરૃ થયેલા નવરાત્રિ પર્વ દરમિયાન પહેલા નોરતે જ પ્રજ્ઞાએ ગરબી જોવા જવાની ઈચ્છા વ્યક્ત કરી હતી. સચિને ના પાડતા બંને વચ્ચે રવિવારે રાત્રે બોલાચાલી થઈ હતી અને તે પછી પ્રજ્ઞા એકલી જ ગરબી જોવા ચાલી ગઈ હતી. આ બાબતથી માઠું લાગી આવતા સચિને પોતાના રહેણાંકમાં પંખામાં પટા વડે ગળાફાંસો ખાઈ લીધો હતો. ગરબીમાંથી પરત આવેલી પ્રજ્ઞાએ તેને લટકતો જોઈ પોલીસને જાણ કરી હતી. દોડી આવેલી મેઘપર પોલીસે સચિનને નીચે ઉતારી તપાસતા આ યુવાન મૃત્યુ પામેલો જણાઈ આવ્યો હતો. પોલીસે મૃતદેહનો કબજો સંભાળી પ્રજ્ઞાનું નિવેદન નોંધ્યું છે.
જોડિયા તાલુકાના બાલાચડીમાં આવેલા રડાર સ્ટેશનના સ્ટાફ કવાર્ટરમાં વસવાટ કરતા મૂળ તામિલનાડુ રાજ્યના કુનીડા નંદલ ગામના વતની આર. સેલ્વરાની ઓમપ્રકાશ મૂર્તુ (ઉ.વ.ર૯) નામના પરિણીતાએ ગઈકાલે બપોરે પોતાના કવાર્ટરમાં ચુંદડી વડે ગાળીયો બનાવી પંખામાં ગળાફાંસો ખાઈ લીધો હતો.
બપોરે નોકરી પરથી પરત આવેલા પતિ ઓમપ્રકાશ મૂૂર્તુએ તેણીને લટકતી જોઈ નીચે ઉતારી ચકાસતા તેણી મૃત્યુ પામેલા જણાઈ આવ્યા હતા. બનાવની પોલીસને જાણ કરાતા જોડિયાનો પોલીસ કાફલો દોડી આવ્યો હતો. પોલીસે મૃતદેહને પી.એમ. માટે ખસેડી પતિનું નિવેદન નોંધ્યું છે. જેમાં તેઓએ જણાવ્યા મુજબ આ મહિલાના પિતાનું છએક મહિના પહેલા તેમના વતનમાં અવસાન થયું હતું ત્યારથી ગુમસુમ રહેતા આર. સેલ્વ રાનીએ ગઈકાલે ગળાફાંસો ખાઈ જીવતર ટૂંકાવી લીધુ છે. પોલીસે તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
