Author: નોબત સમાચાર
જામનગર તેમજ કચ્છમાંથી સાત બાઈકની ચોરી કરનાર બેલડી એલસીબીની ગિરફતમાં
છ બાઈક કબજે કરી આરોપીઓની પૂછપરછઃ
જામનગર તા. ૧૭ઃ જોડિયા પંથકમાંથી એલસીબીએ ગઈકાલે બે શખ્સને ચોરાઉ બાઈક સાથે પકડી પાડ્યા પછી ઘનિષ્ઠ પૂછપરછ કરતા આ શખ્સોએ છેલ્લા ચાર મહિનામાં જામનગરમાંથી એક અને કચ્છમાંથી અન્ય છ બાઈક ચોર્યાની કબૂલાત આપી છે. રૃપિયા સવા લાખના છ બાઈક એલસીબીએ કબજે કરી લીધા છે.
જામનગર એલસીબીના સ્ટાફ દ્વારા ગઈકાલે કરવામાં આવી રહેલા પેટ્રોલિંગ દરમિયાન સ્ટાફના સંજયસિંહ વાળા, દિલીપ તલાવડીયા, હિતેન્દ્રસિંહ, કાસમ બ્લોચને બાતમી મળી હતી કે, નંબર પ્લેટ વગરના બાઈક પર જઈ રહેલા બે શખ્સ પાસે ચોરાઉ વાહન છે.
તે બાતમીના આધારે પીઆઈ જે.વી. ચૌધરીની સુચના અને પીએસઆઈ આર.કે. કરમટા, એસ.પી. ગોહિલ, પી.એન. મોરીના વડપણ હેઠળની એલસીબી ટીમે જોડિયા પાસેથી કાદર હનીફ ચાવડા તથા મનસુર રઝાક કકલ નામના બે શખ્સને બાઈક પર જતાં પકડી પાડ્યા હતા. મૂળ ગાંધીધામના કાદર તથા મનસુર પાસે તે બાઈકના કાગળો માગવામાં આવતા આ શખ્સો થોથવાયા હતા.
આ શખ્સો પાસે રહેલા બાઈક અંગે ઈ-ગુજકોપમાં સર્ચ કરવામાં આવતા તે વાહન જામનગર શહેરમાંથી ચોરાયાનું ખૂલ્યુ હતું તેથી જીજે-૧૦-બીએમ ૮૩૫૪ નંબરનું આ વાહન કબજે કરી બંને શખ્સની પૂછપરછ કરાતા તેઓએ હડિયાણા ગામની સીમમાં તળાવ પાસે સંતાડીને રાખેલા પાંચ અન્ય મોટરસાયકલ કાઢી આપ્યા હતા. આ શખ્સોની પૂછપરછમાં તેઓએ જામનગરમાંથી બાઈક ઉપાડવા ઉપરાંત ભચાઉ, ગાંધીધામ, આદિપુર, અંજાર અને ગાંધીધામની શનિવારી બજાર તેમજ ખાંડ બજાર પાસેથી છેલ્લા ચાર મહિનામાં સાત બાઈક ચોર્યાની કબૂલાત આપી છે. આ શખ્સો ઝડપાઈ ગયાની કચ્છ પોલીસને પણ જાણ કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
