Author: નોબત સમાચાર
લાલપુરના ગોવાણામાં ગાય બાંધવાના વાડા બાબતે મનદુખ પછી થયો હુમલો
હાડાટોડામાં વૃદ્ધને અગાઉની બોલાચાલીના કારણે મારઃ
લાલપુરના ગોવાણા ગામમાં અગાઉ ગાય-ભેંસ બાંધવાના વાડા બાબતે બોલાચાલી થયા પછી એક યુવાન પર રવિવારે ત્રણ શખ્સે હુમલો કરી ધમકી આપી હતી. જયારે ધ્રોલના હાડાટોડા ગામના વૃદ્ધને અગાઉની બોલાચાલીનો ખાર રાખી એક શખ્સે માર માર્યાે હતો.
લાલપુર તાલુકાના ગોવાણા ગામમાં રબારીવાસમાં રહેતા ભાંગરા લખમણભાઈ વરસીંગભાઈ સાથે પાંચેક વર્ષ પહેલા રાણા નાથાભાઈ ભાંગરાને ગાય-ભેંસ બાંધવાના વાડા બાબતે મનદુખ થયું હતું. જેનો ખાર રાખી રવિવારે લખમણભાઈ પર ઢીકાપાટુથી રાણા નાથા, જીવા બુધા, ધના નથુભાઈ ભાંગરાએ હુમલો કરી ગાળો ભાંડી હતી અને મારી નાખવાની ધમકી આપી હતી.
ધ્રોલ તાલુકાના હાડાટોડા ગામના દશરથસિંહ જામભા જાડેજા નામના વૃદ્ધને અગાઉ પ્રહલાદસિંહ વનરાજસિંહ જાડેજા ઉર્ફે ટીના સાથે બોલાચાલી થઈ હતી. તેનો ખાર રાખી રવિવારે રાત્રે દશરથસિંહ પર ઢીકાપાટુથી હુમલો કરી પ્રહલાદસિંહે પતાવી દેવાની ધમકી આપી હતી. પોલીસે બંને ગુન્હા નોંધી આરોપીઓની ધરપકડ માટે તજવીજ શરૃ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
