Author: નોબત સમાચાર
દ્વારકાના રેલવે સ્ટેશને આજે અને આવતીકાલે 'સ્ટેશન મહોત્સવ'ની ઉજવણી
વિવિધાસભર કાર્યક્રમો શરૃઃ
રાજકોટ તા. ૧૭ઃ રાજકોટ ડિવિઝનના દ્વારકા રેલવે સ્ટેશન પર આજથી 'સ્ટેશન મહોત્સવ' ઉજવવામાં આવી રહ્યો છે.
પશ્ચિમ રેલવેના રાજકોટ ડિવિઝનમાં સ્થિત 'દ્વારકા' સ્ટેશન પર આજે તા. ૧૭ અને આવતીકાલે તા. ૧૮ ઓક્ટોબરે 'સ્ટેશન મહોત્સવ' ઉજવવામાં આવી રહ્યો છે. આ મહોત્સવ દ્વારા રેલવે મુસાફરોને રેલવેના ઈતિહાસ તેમજ સ્થાનિક સંસ્કૃતિ અને પર્યટન સ્થળો વિશે મહત્ત્વની માહિતી અપાઈ રહી છે.
આ મહોત્સવમાં રેલવે તંત્ર દ્વારા સ્ટેશનના ઈતિહાસ અને પર્યટન સંબંધિત ફોટાનું પ્રદર્શન કરવામાં આવશે. સાંસ્કૃતિક નૃત્ય અને નુક્કડ નાટક, શાળાના વિદ્યાર્થીઓ અને રેલવે કર્મચારીઓના બાળકો દ્વારા રંગોળી સ્થાનિક સ્વૈચ્છિક સંસ્થાઓ, રેલવે સલાહકાર સમિતિના સભ્યો અને અન્ય પ્રતિષ્ઠિત નાગરિકોની હાજરીમાં સ્ટેશન પરિસરમાં વૃક્ષારોપણના કાર્યક્રમો ઉપરાંત દ્વારકા રેલવે સ્ટેશન અને સ્ટેશન પરિસરમાં રાખવામાં આવેલ હેરીટેજ સ્ટીમ એન્જિનને રંગબેરંગી રોશનીથી શણગરવામાં આવ્યું છે.
રાજકોટ ડિવિઝનલ રેલવે મેનેજર અશ્વિની કુમારના જણાવ્યા મુજબ ડિવિઝનના અન્ય સ્ટેશનો પર પણ આવા 'સ્ટેશન મહોત્સવ' કાર્યક્રમનું આયોજન કરવામાં આવ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
