Author: નોબત સમાચાર
બીજા નોરતે પ્રાચીન ગરબીઓમાં જામ્યો રંગઃ દાયકાઓથી થતી ગરબીઓનું આકર્ષણ
'છોટીકાશી' જામનગરમાં નવરાત્રિ પર્વ પર દાયકાઓથી થતી પ્રાચીન ગરબીઓનું આકર્ષણ આજે પણ અકબંધ છે.બાળાઓ તથા તરુણીઓ નવરાત્રિ પૂર્વે ગરબી મંડળોમાં વિવિધ રાસની તાલીમ લઇ અવનવા ગરબા શીખીને પછી નવરાત્રિ મહોત્સવમાં ઉમંગપૂર્વક તેની પ્રસ્તુતિ કરે એ પરંપરા આજે પણ ગૌરવપૂર્વક જળવાઈ રહી છે. શહેરમાં લીમડા લાઇન વિસ્તારમાં ૬ દાયકાથી પણ વધુ સમયથી યોજાતી શ્રી ભારત માતા આદર્શ ગરબી મંડળની ગરબીમાં વેશભૂષા રાસનું બાળકોમાં ભારે આકર્ષિણ હોય છે. દેવ-દાનવ તથા ઐતિહાસિક પાત્રોનું રૂપ લઇ ખેલૈયાઓને ગરબે રમતા જોવાનો લ્હાવો લેવા ભીડ ઉમટી પડે છે. એ પહેલા બાળાઓના રાસ યોજાય છે તેમાં પણ બે ગ્રુપમાં બાળાઓ ગરબે ઘુમી અને માતાજીની આરાધના કરે છે. સાત રસ્તા સર્કલ પાસે સુમેર ક્લબના ગેઈટ નજીક રાંદલ માતા ગરબી મંડળની નાની બાળાઓ દૃશ્યમાન થાય છે. શહેરમાં વિવિધ અર્વાચીન ગરબીઓનાં જાયન્ટ આયોજનો વચ્ચે પરંપરાગત રીતે નિષ્ઠાપૂર્વક અને કમાણીનાં હેતુ વગર માતાજીની ઉપાસના અને સાંસ્કૃતિક જતન માટે યોજાતી પ્રાચીન ગરબીઓએ પોતાની લોકપ્રિયતાને ઝાંખપ લાગવા દિધી નથી જે તેનાં આયોજકોનાં પરિશ્રમ ઉપરાંત ઉત્સવપ્રેમી અને સાંસ્કૃતિક વિચારધારાને વરેલી પ્રજાનાં પ્રેમાભિષેકને પણ ઉજાગર કરે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
