બ્રાસપાર્ટના વેપારી સાથે રૂ।.૧૦ લાખની છેતરપિંડીના ગુન્હામાં આગોતરા નામંજૂર

Author: નોબત સમાચાર

બ્રાસપાર્ટના વેપારી સાથે રૂ।.૧૦ લાખની છેતરપિંડીના ગુન્હામાં આગોતરા નામંજૂર

એક આરોપીએ કરી હતી કોર્ટમાં અરજીઃ

જામનગર તા. ૧૩: જામનગરના એક આસામી પાસેથી બ્રાસ સ્ક્રેપ મંગાવી તેના રૂ।.દસેક લાખ ન ચૂકવી છેતરપિંડી કરવા અંગે બે શખ્સ સામે પોલીસમાં ફરિયાદ કરાઈ હતી. એક આરોપીએ આગોતરા જામીન મેળવવા કરેલી અરજી અદાલતે નામંજૂર રાખી છે.

જામનગરના દરેડ જીઆઈડીસીમાં ગાત્રાળ ઈન્ડસ્ટ્રીઝ નામની પેઢી ચલાવતા મહેન્દ્રભાઈ સુરેશભાઈ પટેલ પાસેથી બે ટન બ્રાસ સ્ક્રેપ યાજ્ઞીક કાસુંદ્રા નામના શખ્સે મંગાવ્યો હતો. તેના પર વિશ્વાસ કરી રૂ।.૧૩,૨૫,૪૮૧નો સામાન મહેન્દ્રભાઈએ મોકલાવી આપ્યો હતો.

તે રકમની ઉઘરાણી કરાતા યાજ્ઞીક કાસુંદ્રા બહાના દેખાડતો હતો. તેનો સંપર્ક કરાતા યાજ્ઞીકે તમને મીત ગડારાએ જ નંબર આપ્યો છે તેમ કહ્યા પછી રૂ।.સવા ત્રણ લાખ આપ્યા હતા અને બાકીના પેમેન્ટનો ચેક આપ્યો હતો. તે ચેક પરત ફરતા યાજ્ઞીક કાસુંદ્રા તથા મીત ગડારા સામે પોલીસમાં છેતરપિંડી અંગે ફરિયાદ કરાઈ હતી.

આ ગુન્હામાં આગોતરા જામીન મેળવવા મીત રસીકભાઈ ગડારાએ અરજી કરી હતી. તેની સામે સરકારી વકીલ રાજેશ વશીયરે કરેલી દલીલો ગ્રાહ્ય રાખી અદાલતે આરોપીની આગોતરા જામીન અરજી નામંજૂર કરી છે.

જો આપને આ પોસ્ટ ગમી હોય તો શેર કરો...