Author: નોબત સમાચાર
ખંભાળીયાના ડમ્પીંગ યાર્ડમાં પખવાડિયામાં ત્રીજી વખત આગ ભભૂકીઃ કાયમી ઉકેલ જરૂરી
જાગૃત નાગરિકે જાણ કરતા આગ કાબુમાં લેવાઈ
ખંભાળીયા તા. ૩: દેવભૂમિ દ્વારકા જિલ્લાના વડા મથક ખંભાળીયા પાલિકાનો ડમ્પીંગ યાર્ડનો કચરો નજીકના તરઘડી ગામ પાસે આવેલ ડમ્પીંગ યાર્ડમાં રોજ નખાતો હોય, અહીં વર્ષોથી પડેલા ઢગલાબંધ, ટનબંધ કચરાના ઢગલામાં પ્લાસ્ટિક સાથે સુકો કચરો, છાણ વિગેરે જ્વલનશીલ પદાર્થો હોય, વારંવાર આગ લાગતી હોય, પંદર દિવસમાં ગઈકાલે ફરી ત્રીજી વખત આગ લાગી હતી.
જો કે, સદ્નસીબે આ વિસ્તારના જાગૃત ખેડૂતો દ્વારા થોડો ધૂમાડો થાય કે આગના ભડકા દેખાય કે તુરંત જ ખંભાળીયાના સતવારા અગ્રણી તથા જિલ્લા ભાજપ મહામંત્રી રસીકભાઈ નકુમને જણાવતા હોય છે. ગઈકાલે તેમણે આ બાબતે રસીકભાઈને જાણ કરતા તેમણે તુરંત જ પાલિકા તંત્રને દોડાવતા ચીફ ફાયર ઓફિસર મીતરાજસિંહ પરમાર દ્વારા ટીમો દોડાવીને તુરંત જ ફાયરબ્રિગેડના ટેન્કરોથી આગને કાબુમાં લેતા અડધા કલાકમાં જ આગ કાબુમાં આવી હતી. નહીં તો બે-ત્રણ દિવસ સુધી અહીં આગ ઠરતી નથી તથા ધૂમાડો આસપાસના વિસ્તારોમાં ફેલાતા પાણી, ખેતરોવાળી જમીન પણ લોકો માટે 'ગેસ ચેમ્બર' જેવી સ્થિતિ બનાવતી હોય, લોકોએ રાહતનો શ્વાસ લીધો હતો.
પાલિકા દ્વારા આ વર્ષોથી પડતર કચરાના ઢગલાનો કાયમી નિકાલ લાવવા જરૂરી પ્રયત્નો કરવા પણ માંગ કરાઈ છે, જેથી મોટી દુર્ઘટના ના બને.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
