Author: નોબત સમાચાર
રોડ ક્રોસ કરતા વૃદ્ધા ખાનગી બસની ઠોકરે ચઢતા થઈ ગયા ત્રણ ફ્રેક્ચરઃ માથામાં ઈજા
સિક્કામાં બાઈક પાછળ બાઈક ઘૂસી ગયું:
જામનગર તા. ૩: જામનગરના અંબર ચોકડી વિસ્તારમાં સોમવારે સાંજે રોડ ક્રોસ કરતા એક વૃદ્ધાને ખાનગી બસે ઠોકર મારતા આ વૃદ્ધાને ત્રણ ફ્રેક્ચર થઈ ગયા છે. જ્યારે સિક્કામાં એક બાઈક પાછળ બીજુ બાઈક ટકરાઈ પડતા યુવાનને પગમાં ફ્રેક્ચર થયું છે.
જામનગરના દિગ્જામ વુલન મીલ રોડ પર બાલાજી પાર્ક-૧માં રહેતા ઈમ્તિયાઝ અબ્દુલભાઈ બાબવાણી નામના યુવાનના માતા જુબેદાબેન (ઉ.વ.૬૮) સોમવારે સાંજે અંબર સર્કલ પાસે નવા બનેલા પુલ નજીકથી રોડ ક્રોસ કરતા હતા ત્યારે ડીડી-ર-એમ ૯૮૭૩ નંબરની ખાનગી બસના ચાલકે તેઓને ઠોકર મારી પછાડ્યા હતા.
રોડ પર પડી ગયેલા જુબેદાબેનને હાથ તથા પગ અને પાંસળીમાં ફ્રેક્ચર થઈ ગયા છે અને માથામાં ગંભીર ઈજા થઈ છે. બસના ચાલક સામે સિટી બી ડિવિઝન પોલીસ સ્ટેશનમાં ઈમ્તિયાઝભાઈએ ફરિયાદ નોંધાવી છે.
જામનગર તાલુકાના સિક્કા ગામના કારા ભુંગા વિસ્તારમાં રહેતા મનસુખભાઈ મુળજીભાઈ વાજા નામના યુવાન ગયા શનિવારે સવારે સિક્કામાં પાણીના ટાંકાથી આગળ રૂપિયાના સિક્કા નજીકથી જીજે-૧૦-ડીપી ૧૧૩૦ નંબરનંુ બાઈક લઈને જતા હતા ત્યારે તેની પાછળથી જીજે-૧૦-ઈજી ૨૯૫૪ નંબરનંુ બાઈક ફૂલસ્પીડમાં આગળ આવ્યું હતું અને ઉભુ રહી ગયું હતું તેની પાછળ મનસુખભાઈ ટકરાઈ પડતા તેઓનો પગ ભાંગી ગયો છે. સિક્કા પોલીસ સ્ટેશનમાં ૨૯૫૪ નંબરના બાઈકચાલક સામે ફરિયાદ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
