Author: નોબત સમાચાર
જામનગરના વોર્ડ નં. ૧ર ના મહિલા કોંગી કોર્પોરેટર જેનબબેન ખફીએ કોંગ્રેસ છોડી
મનપાની ચૂંટણીઓ નજીક છે, ત્યારે જ પાર્ટીને ઝટકોઃ
જામનગર તા. ૩: જામનગરના કોંગ્રેસના એક કોર્પોરેટરે આજે પક્ષના તમામ હોદ્દા ઉપરથી પોતાનું રાજીનામું આપ્યું છે. પક્ષમાં સતત વ્યક્તિગત લોકોના વિચારને મહત્ત્વ આપવામાં આવતું હોવાથી તેમણે પક્ષમાંથી રાજીનામું ધરી દીધું છે.
જામનગરમાં કોંગ્રેસ પક્ષને વધુ એક ઝટકો ૫ડ્યો છે. એક તરફ મહાનગરપાલિકાના કોર્પોરેટરો માટેની સામાન્ય ચૂંટણીઓ નજીકના સમયમાં યોજનાર છે, ત્યારે જ વોર્ડ નંબર ૧ર ના કોંગ્રેસના કોર્પોરેટર જેનબબેન ખફીએ આજે પક્ષમાંથી રાજીનામું ધરી દેતા ચર્ચા જાગી છે.
તેમણે કોંગ્રેસ પક્ષના શહેર પ્રમુખ દિગુભા જાડેજાને પાઠવેલા રાજીનામા પત્રમાં જણાવ્યું છે કે, તેઓ છેલ્લા ર૦ વર્ષથી કોંગ્રેસ પક્ષ સામે વફાદારીપૂર્વક જોડાયેલા છે, પરંતુ હાલના સમયમાં કોંગ્રેસમાં અંદરોઅંદરની લડાઈઓ, હુસ્સાતુસ્સી, તેમજ જી-હજુરીનું મહત્ત્વ વધતું જાય છે, અને પક્ષની વિચારધારાને અવગણીને વ્યક્તિગત લોકોના વિચારને વધુ મહત્ત્વ આપવામાં આવી રહ્યું છે.
જામનગર શહેર કોંગ્રેસમાં વ્યક્તિગત સ્વાર્થને વધુ મહત્ત્વ આપવામાં આવી રહ્યું છે. આ સ્થિતિમાં પક્ષમાં રહી કાર્ય કરવું શક્ય નથી. આથી પક્ષના તમામ હોદ્દા ઉપરથી રાજીનામું આપવાની ફરજ પડી છે.
ગત્ ચૂંટણીમાં વોર્ડ નંબર ૧ર માંથી તમામ ચાર કોર્પોરેટરો કોંગ્રેસમાંથી ચૂંટાયા હતાં. તેમાંથી થોડા સમય પહેલા પક્ષ વિરોધી પ્રવૃત્તિ કરવા બદલ અસ્લમ ખીલજી અને ફેમીદાબેન હાજી રીઝવાનને પક્ષમાંથી સસ્પેન્ડ કરાયા હતાં, જો કે આ પછી બન્નેએ પક્ષમાંથી રાજીનામું ધરી દીધું હતું, જ્યારે હવે કોંગ્રેસના વધુ એક કોર્પોરેટરે કોંગ્રેસ પક્ષનો હાથ છોડ્યો છે. આમ ચારમાંથી હવે એક જ કોર્પોરેટર પક્ષમાં છે. જો આવી જ સ્થિતિ યથાવત્ રહે તો આગામી ચૂંટણીમાં કોંગ્રેસને નુક્સાન થઈ શકે છે.
એવી પણ માહિતી મળી રહી છે કે, આ 'ટીમ' આપમાં જોડાઈ શકે છે, જ્યારે આગામી સામાન્ય ચૂંટણીમાં આ વોર્ડમાં ભારે રસાકસી રહે તેવી શક્યતા હાલના સંજોગોમાં જોવા મળી રહ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
