Author: નોબત સમાચાર
કેરળના મુન્નારમાં ભાજપ તરફથી સોનિયા ગાંધી ઉતર્યા જંગમાં: આશ્ચર્યમ્ !
કોંગી કાર્યકરો ગુંચવણમાં: મતદારો મુંઝવણમાં
તિરૂવનંતપુર્મ તા. ૩: કેરળના મુન્નારમાં સ્થાનિક સ્વરાજ્યની ચૂંટણી યોજાવા જઈ રહી છે. દરેક પક્ષો પોતાના ઉમેદવારોને ટિકિટ આપવાની જાહેરાતો કરી રહૃાા છે. આ વચ્ચે ભારતીય જનતા પાર્ટીએ એવા ઉમેદવારને ટિકિટ આપી છે, જેમનું નામ સાંભળીને નાગરિકોની સાથે ખાસ કરીને કોંગ્રેસ પક્ષના નેતાઓ વિચારમાં પડી ગયા છે. કારણ કે, ભાજપે પૂર્વ કોંગ્રેસ અધ્યક્ષ સોનિયા ગાંધીના જેવુ જ નામ ધરાવતા એક મહિલા ઉમેદવારને કેરળથી ચૂંટણી મેદાનમાં ઉતાર્યા છે.
આ નામે રાજ્ય અને દેશભરમાં ધ્યાન ખેંચ્યું છે. ભાજપે કેરળના મુન્નારથી પંચાયત ચૂંટણીમાં 'સોનિયા ગાંધી' નામની મહિલા ઉમેદવારને મેદાનમાં ઉતારી છે. ૩૪ વર્ષીય સોનિયા ગાંધી મુન્નાર પંચાયતના ૧૬મા વોર્ડ નલ્લાથન્નીથી ભાજપના ઉમેદવાર છે.
રસપ્રદ વાત એ છે કે, તેમના પિતા કટ્ટર કોંગ્રેસી હતા અને તેમણે પૂર્વ કોંગ્રેસ અધ્યક્ષથી પ્રભાવિત થઈને તેમની દીકરીનું નામ સોનિયા ગાંધી રાખ્યું હતું.
સોનિયાએ કહૃાું કે, 'મારા પિતા કોંગ્રેસ અને યુડીએફના મોટા સમર્થક હતા, તેથી જ તેમણે મારું નામ સોનિયા ગાંધી રાખ્યું હતું. મારો આખો પરિવાર આજે પણ કોંગ્રેસ સમર્થક છે. જોકે, મારા પતિ ભાજપમાં છે અને હું હંમેશાં તેમને સમર્થન કરતી રહી છું, તેથી જ હું હવે ભાજપની ટિકિટ પર ચૂંટણી મેદાનમાં ઉતરી છું.'
સોનિયા ગાંધીના પતિ સુભાષ, લગભગ દોઢ વર્ષ પહેલા જૂના મુન્નાર મૂલકડઈ વિસ્તારમાં યોજાયેલી પંચાયત પેટાચૂંટણીમાં ભાજપના ઉમેદવાર રહી ચૂક્યા છે. આ બેઠક પરથી સોનિયા ગાંધીની ટક્કર કોંગ્રેસના મંજુલા રમેશ અને સીપીએમના વલારમતી સાથે થશે. કોંગ્રેસ નેતા સોનિયા ગાંધીના નામવાળી સોનિયા ગાંધીનો જન્મ સ્વર્ગસ્થ દૂરે રાજના ઘરે થયો હતો, જે એક સ્થાનિક મજૂર અને કોંગ્રેસ નેતા હતા.
કેરળમાં પંચાયત અને સ્થાનિક સ્વરાજ્યની ચૂંટણીઓ ૯ અને ૧૧ ડિસેમ્બરના રોજ બે તબક્કામાં યોજાશે. રાજ્યની ૯૪૧ ગ્રામ પંચાયતો, ૧૫૨ બ્લોક પંચાયતો, ૧૪ જિલ્લા પંચાયતો, ૮૭ નગરપાલિકાઓ અને ૬ મ્યુનિસિપલ કોર્પોરેશનોમાં મતદાન થશે.
એ પણ રસપ્રદ છે કે, કોંગ્રેસ અને તેનો પહેલો પરિવાર આ પ્રદેશ માટે સંપૂર્ણ રીતે અજનબી નથી. મુન્નારથી લગભગ ૨૦૦ કિલોમીટર દૂર વાયનાડ લોકસભા બેઠક પરથી કોંગ્રેસ નેતા સોનિયા ગાંધીની દીકરી પ્રિયંકા ગાંધી વાડ્રા સાંસદ છે. અગાઉ આ જ બેઠકનું પ્રતિનિધિત્વ તેમના ભાઈ રાહુલ ગાંધી કરી ચૂક્યા છે.
રાજ્ય ચૂંટણી પંચ આ ચૂંટણીઓનું સંચાલન કરી રહૃાું છે, જેના પરિણામો ૧૩ ડિસેમ્બરે અપેક્ષિત છે. સોનિયા ગાંધીનું નામ ભાજપને ફાયદો કરાવશે કે મતદારોમાં મૂંઝવણ પેદા કરશે તે જોવાનું બાકી છે. જોકે, આ પંચાયત ચૂંટણીએ ચોક્કસપણે મુન્નારને એક યાદગાર વાર્તા આપી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
