Author: નોબત સમાચાર
ભાવનગરમાં બાળકોની હોસ્પિટલના કોમ્પલેક્ષમાં વિકરાળ આગઃ સ્થાનિકો દ્વારા બાળકોને બચાવાયા
બાળકો અને દર્દીઓના સગામાં દોડધામ મચીઃ
ભાવનગર તા. ૩: ભાવનગર શહેરના કાળાનાળા વિસ્તારમાં આવેલ બાળકોની હોસ્પિટલવાળા કોમ્પ્લેક્ષમાં આજે સવારે વિકરાળ આગ ભભૂકી ઊઠી હતી. કોમ્પલેક્ષમાં નીચે લાગેલી આગ ઉપરની હોસ્પિટલોમાં ફેલાતા હોસ્પિટલ અને લેબોરેટરીમાં રહેલ બાળકો અને દર્દીઓમાં ભારે દેકારો થઈ ગયો હતો. ફાયરબ્રિગેડ આવે તે પહેલા લોકોએ રેસ્ક્યુ કરી કેટલાક બાળકોને બચાવી લીધા હતાં. બનાવની જાણ થતાં જ જિલ્લા કલેક્ટર અને પોલીસ કાફલો ઘટના સ્થળે દોડી ગયો હતો.
પ્રાપ્ત માહિતી અનુસાર આજે સવારે ભાવનગર શહેરના વિસ્તારમાં સમીપ કોમ્પ્લેક્ષ કે જેમાં મોટાભાગે બાળકોની હોસ્પિટલ છે અને લેબોરેટરી આવેલી છે. ત્યાં આગ લાગતા અને આગ સમગ્ર બિલ્ડીંગના ઉપરના ભાગે પણ ફેલાતા આગે વિકરાળ સ્વરૂપ ધારણ કર્યું હતું. હોસ્પિટલમાં અને લેબોરેટરીમાં રહેલા બાળકો અને તેના વાલીઓ તથા સ્ટાફમાં ભારે અફડાતફડી મચી ગઈ હતી. હોસ્પિટલમાં દાખલ થયેલ બાળકોના વાલીઓમાં ચિંતાની લાગણી ફેલાઈ હતી, જો કે ફાયરબ્રિગેડ આવે તે પહેલા સ્થાનિક લોકોએ કેટલાક બાળકોનું રેસ્ક્યુ કરી હોસ્પિટલની બહાર ખસેડ્યા હતાં.
બનાવની જાણ થતાં જ ફાયરબ્રિગેડનો કાફલો ઘટના સ્થળે દોડી ગયો હતો અને બચાવ કામગીરી શરૂ કરી છે. જિલ્લા કલેક્ટર ડો. મનિષ બંસલ તથા અન્ય અધિકારીઓ-પદાધિકારીઓ બનાવના સ્થળે દોડી ગયા હતાં. આગના સમાચાર બહાર આવતા જ જે બાળકોને હોસ્પિટલમાં દાખલ કરાયેલ છે તેના સગા-સંબંધીઓ મોટી સંખ્યામાં બનાવના સ્થળે દોડી ગયા હતાં અને ચિંતા ભરી પૂછપરછ કરી રહ્યા હતાં. હાલ ફાયરબ્રિગેડ બચાવની કામગીરી અને આગ ઉપર કાબૂ મેળવવામાં જહેમત ઊઠાવી રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
