Author: નોબત સમાચાર
સલાયાના મહિલાને વીજચોરીના કેસમાં ત્રણ વર્ષની સખત કેદઃ છ ગણો દંડ
દોઢ વર્ષ પહેલાં ઝડપાઈ હતી વીજચોરીઃ
ખંભાળિયા તા. ૩: ખંભાળિયા નજીકના સલાયામાં દોઢ વર્ષ પહેલાં વીજ કંપની દ્વારા કરાયેલા ચેકીંગમાં એક મહિલા થાંભલામાંથી વીજ જોડાણ મેળવી વીજ વપરાશ કરતા મળી આવ્યા હતા. તેઓની સામે કરાયેલી ફરિયાદ ચાલી જતાં અદાલતે ત્રણ વર્ષની કેદ, વીજચોરીની રકમનો છ ગણો દંડ ફટકાર્યાે છે.
ખંભાળિયા તાલુકાના સલાયા ગામમાં ગઈ તા.૧૧-૩-૨૦૨૪ના દિને વીજ કંપનીની ટીમ દ્વારા કરવામાં આવી રહેલા ચેકીંગમાં હલીમાબેન અબ્દુલ ભગાડના મકાનમાં ચકાસણી કરવામાં આવતા આ મહિલા પોતાના મકાન પાસે આવેલા વીજ થાંભલા પરથી વાયર જોડી ગેરકાયદે વીજ પુરવઠો મેળવી તેનો વપરાશ કરતા મળી આવ્યા હતા.
આ મહિલા સામે વીજચોરી અંગે કાર્યવાહી કરાયા પછી રૂ.૧૨,૩૬૯ની વીજચોરી કર્યાનો આક્ષેપ કરાયો હતો. ફોજદારી ફરિયાદ અન્વયે ચાર્જશીટ થયા પછી તે કેસ ખંભાળિયાની ખાસ અદાલતમાં ચાલી જતાં અદાલતે એપીપી બી.એસ. જાડેજાની દલીલો ધ્યાને રાખી આરોપી મહિલા હલીમાબેન અબ્દુલ ભગાડને તક્સીરવાન ઠરાવ્યા પછી ત્રણ વર્ષની સખત કેદ અને વીજચોરીની રકમનો છ ગણો દંડ એટલે કે રૂ.૭૪૨૧૯ ભરપાઈ કરવા આદેશ કર્યાે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
